الجزء 5

قعدنا لحد العصر كذا الناس بدت تجي وانا لسه تلفون ابوي معاي اي زول بتصل بقعد اشرح ليو انو هم كويسين الحمد لله ومافي شئ خطير يعني تقريبا اتصلو اكتر من 100 نفر عشان يتطمنو واثناء م قاعدين كذا جات عمتي فدوة (ام عبد الله) قلت ف نفسي (اكيد عبد الله حيكون جا معاها😍♥) قلت ل سلوى كدا قالت انتي والله الناس ف شنو وانتي ف شنو🌚 وقعدنا نضحك😂😂💔جات خطيبة عمي برضو طبعا هي عروس جديدة وكذا😂🌚عشان عمي عمل حادث و هاك ي الشغل توزع في العصير وتغسل ف الكبابي وتخدم ف الضيوف لما انا وسلوى فرحنا منها زولة عسسسل كذا😂😍 المهم عبد الله جا♥

وبقينا نتونس شوية كذا وبنساعد ف الضيافة هو مسك ضيافة الؤجال عشان اخوي مشا يشوف ناس ابوي اي طبعا 3 ايام ورا بعض كنا بنضبح عشان الضيوف وعبد الله برضو كان قاعد وانا الشغل هلكني والله

ف اليومم الخامس

عبد الله جا داخل وانا كنت ف الصالة

-عبد الله : شمس انا ماشي

-شمس: ليه ياخي اقعد شوية تاني

-عبد الله : لا بمش خلاص بس بجيكم تاني ان شاء الله

-شمس (زعلت شديييد طبعا)😢

-عبد الله: م تزعلي ي شمس بجي تاني ان شاء الله😊

-شمس: سكتت

-عبد الله : شمس عايزك تديني حاجة اتذكرك بيها

-شمس: اديتو علاقة حقت مفاتيح فيها قلب

-عبد الله: حاحتفظ بيها لحد م اموت انتي عارفة ؟؟🙈♥

(فرحتت شدييد انها عجبتو🙈😭❤❤❤)

وكان ماشي وانا ف نفس الوقت كنت ماشة المدرسة قال لي تعالي اوصلك ونونة شافتنا قالت لي عايشة شايفاك😂😂 ضحكنا ومشينا وحكيت ليها عن الاربعة ايام الكان فيها عبد الله معانا ف البيت انو ونسة وضحك وكذا🤤❤ طبعا نونة دي ف نفس الوقت بت جدي المهم يوم الاربعاء كدا قاعدين انا وهي قلت ليها نونة ورح معاي البيت كانت عندنا استراحة زي ساعة واصلا باب بيتنا بعاين ليهو من المدرسة يعني لصقة عديل ف المدرسة قالت لي لا عشان بتخجل من حمادة اخوي😂😂 قلت ليها بكون نايم وبعدين حصة اختي جاية تسلم على المعلمين عشان هي خلت المدرسة وبتقرأ ف الخرطوم المهم مشت معاي ونحن هناك سمعنا عمتي كوثر بتنادي ي جوري ي جوري الحقييي سرييييع واااي (دي امي طبعا اسمها جوري)

-امي : اي اي ي كوثر مالك خلعتيني ياخ

-عمتي : في صوت بكاء في بيت ناس جدي (ابو نونة) المات ليهم منو ياربي

-امي :م عارفة والله ارح نمشي نشوفهم

-عمتي : اي دقيقة بس النتتهي من البعمل فيو ده

-امي : كويس

(عمتي خلصت سريع ولبسو تيابهم وطلعو)

طبعا نونة انهارت من ما سمعت انو البكا ف بيتهم مشينا نشوف المات منو وياريت م جينا😢💔💔لقينا انو ابو نونة مات😭😭💔💔 نونة دي بكت بكا وانهارت شديييد وانا قعدت ابكي على حالتها😭 لحد م داخت ووديناها المستشفى ركبو ليها دربات وانا قاعدة معاها وجات معانا امي💔 صحت برضو م قادرة تستوعب قعدت تبكي وتصرخ تاني ادوها مهدئ😭 مرت الايام ونونة كانت تعبانة شديد شوية وتقول م حاسة بشئ الحمد لله بس بعد فترة خلصنا امتحانات وخلصنا اولى ثانوي الي هي اسوأ سنة مرت علي💔💔