الجزء 7

كنت عايزة ابيت معاهم قال ليا شمس امشي وبكرا بجيكم😪 في البيت زعلت شديد😢 ومشيت طوالي حسيت خلاص عبدالله بقى م حقي م عارفة ليه تاني يوم م جا اتصل علي ود عمتي قام جاب لي التلفون

-شمس : الو عبدالله كيفك لي م جيت

-عبد الله : شمس اسمعيني نحن لازم نخلي بعض عشان انتي لسه صغيرة

-بقيت ابكي كيف صغيرة😭 وريني طيب لي من الاول قلت انك بتحبني لي عذبتني ليه💔💔 وبقيت ابكي😭😢 قلت ليهو عبدالله يسرى قالت ليك شنو خلاك تتغير كدا (يسرى دي مرت اخوي طبعا)

-عبد الله : م قالت شي

وقفل وهنا بدت خطت يسرى عشان تقرب عبدالله من غدي اختها غدي قدري طبعا وهي عارفة انو انا وعبدالله بنحب بعض بس م عارفه مالها طبعا يسرى وغدي اخوات رونق بس رونق طيبة☹❤ شديد وتحسوها م اختهم زاتو

سنة تانية ثانوي كانت زي جحيم بي النسبة لي المهم بمشي المدرسة بقعد مع نونة وبقعد ابكي😢 بس واحكي ليها عن الحصل .. عيد الاضحى قرب وكان عرس رونق العرس كان رابع يوم في العيد وعبدالله جاء تالت يوم بس حضرو زي عدمو حسيت انو خلاص كل شئ خرب بقا م بعرفني نهائي والمشكلة انو م عارفة الحاصل شنو او سمع شنو بس مفروض يجي ويتأكد مني بس الحمد لله💔 قضينا العرس ورونق طلعت قمرة 14 ما شاء الله😍🌸 وبقينا نغني ونزغرت وكدا لحدي م جاء العريس ساقها ومشى وانا رجعت البيت كنت تعبانة😓 وم جيت بيتنا من يوم العيد العصر جيت نمت طوالي صحيت وعلي المدرسة

مشيت المدرسة لقيت نونة قاعدة زعلانة ومهمومة وسرحانة طبعا الزول لما ابوهو يموت بتكسر من جوة ودا الشفتو في نونة😔💔الله يكون معاها رغم الحزن ال هي فيهو سألتني من عبدالله قعت احكي ليها عن العملتو يسرى وكنت زعلانة شديد لي درجة اني بكيت المهم عدت الايام وانا خلصت تانية ثانوي في يوم العصر كدا جاء عمي مكي من الخرطوم وقال راجع الصباح انا قلت ليهو راجعة معاك قال ليا طوالي رجعت معاهو الخرطوم كان حصة يادوب جات الدويم ليها 3ايام المهم مشيت مع عمي وصلت هناك ولاقيت فاتن بت عمي طبعا بتقرا ف الرباط المهم كل مرة امشي معاها الجامعة وكل يوم نحووووم ونصيع😂🌚❤ شوية ونرجع واليوم داك مشينا منتزه الرياض طبعا هم ساكنين في شارع المشتل😍 مشينا لعبنا وانبسطنا ورجعنا وكل يوم انا وفاتن بعد م نغسل عدة الغدا ونلم المطبخ بنعمل لينا عصير وشاي وبسبوسة ونطلع السطوح ونقعد في السطوح تنونس ونضحك ونتكلم عن عبدالله لي الساعة 3 ونصحى الصباح اخر ناس😂😂المهم قعدت معاهم شهور الاجازة كلها كانت حلوة شديد وطلعتني شوية من الهم الكنت فيو😪✨♥ واخيرا ح ارجع البيت سافرت وجيت البيت وكنت ح انزل تالتة ثانوي جات بت عمي غدي عشان تعيد معاي كانت بتقرا في الخرطوم غدي اخت يسرى ورونق والله تحلف تقول رونق م اختهم المهم بنمشي المدرسة سوا ونرجع سوا بس انا م بحبها خالص يوم سمعتني بتكلم مع نونة عن عبدالله وسمعت الكلام وسالتني انتو لسه بتحبو بعض يعني😕 قلت ليها اي بس اسي م بنتكلم مع بعض عشان انا ممتحنة وكذا☹قالت لي اها تمام اخر اليوم رجعت البيت سلمت علي ابوي ودخلت علي امي سلمت عليها واتونست معاها شوية

قلت ليها ماشة استحما واكل ليا شي عشان عندي درس ماشة عليه

-امي: نسيت م كلمتك اتصل عبدالله ود عمتك وبسلم عليك

-شمس الله يسلمو بس اتصل لي شنو يعني☹

-امي: يسلم ي بت مالك

-شمس: مافي شئ بس استغربت شويتين😢( يلا مشيت استحميت جيت راجعة شلت تلفون امي عشان اتصل عليه لقيت امي م عندها رصيد مشيت ناس عمي احمد ابو غدي سلمت عليهم وسالتهم من غدي قالو جوا دخلت عليها واتونست معها)

سالتها اذا عندها رصيد قالت عندها اتصلت لي عبدالله وسلمت عليهو واتونست معاهو شوية كدا سالني دا رقم منو قلت ليهو تلفون غدي قال ليا تمام وقفل كانت ونستنا ونسة عادية جدا كانو م كنا بنحب بعض مشينا المدرسة وكالعادة حكيت لي نونة شاكلتني قالت ليا م كان تتصلي من تلفونها قلت ليها حصل خير المرة الجاية م بتصل منو ان شاء الله☹❤