الجزء 9
رجعنا اصحاب واكتر😍 بقى يتصل علي كل يوم ويطمن علي و نتونس اليوم كلو المهم مرت الايام ويوم قاعدة في البيت كدا فجاة تلفوني ضرب لقيتها دي عمتي فدوى استغربت طبعا☹💕
كان باقي علي امتحانات الفاينل 3 ايام بس المهم رديت عليها واتونست معاها مسافة فجاة
-عمتي فدوة: الاسبوع الجاي تجو الحنة (طبعا انصدمت😐💔💔 في قلبي قلت حنة منو ي رب)
-شمس: ي عمتو حنة منو لكن ؟؟؟!☹
-عمتو فدوة: حنة عبدالله م عارفة انتي انو العرس بعد اسبوعين
(انصدمت صدمة م يعلم بيها الا الله💔💔 وم كنت قادرة استوعب وم عرفت اقول ليها شنو بقيت قاعدة وم قاردة كانو صاقعة وقعت😔💔 فيني)
-شمس: ربنا يسعدو😢🚶♀💔 وقفلت (اخ ي قلبي بس وي وجعتي القراية مسخت علي وبقيت ابكي كل مافيني حسيت العالم انتهى بالنسبة لي شعور بالجد م بتمنى زول يجربو😭💔)المهم بقيت بمشي الجامعة وبمتحن وبرجع البيت ببكي وبنوم وم قريت نهائي المهم اخر يوم امتحانات كان يوم الخميس جاتني فاتن بت عمي في الجامعة ورجعت معاي البيت المهم قعدت ترتب في حاجات العرس
-فاتن : قومي اجهزي عشان بكرة نمشي طوالي وم يكون عندك شي
-شمس: فاتن انتي جادة دايرني امشي
-فاتن: اي قلت ليها مستحيل المهم ابوي جاء وكلهم جو عندها عشان العرس (وانا زاتي قررت اني امشي واتحدا اليوم ده واكون اقوى منو عشان اتجاوز الموضوع مع انو صعب شديييد ويمكن م اقدر استحمل الحاشوفو بس قررت ولازم احاول😢💔)
المهم مشيت السوق بعد صلاة العشاء اشتريت فستان من فوق بجي ومن تحت بنفسجي كدا قلت ليكم عندي مشكلة مع الالوان😂 المهم مشيت رجعت البيت وجهزنا الحاجات واللبس انا واخواتي والصباح ركبنا العربية وعلي بيت ناس عمتي فدؤة طوالي وصلنا وكانت الناس كلها جات المهم سلمنا كدا والعريس جا سلم علي اخواتي وبنات عمي وباركو ليهو لما وصل عندي جاء حضني قدام الناس😳 لما انا زاتي احترت😐💔 وقلت ف نفسي ده حاس ب شنو بس زحيتو وطوالي عملت فيها ببارك ليهو💔 المهم قعدنا كدا لحدي العصر الناس كانت بتغني وترقص ومبسوطين بعد المغرب كدا الناس بدت تلبس شلت فستاني ومشيت لبست في بيت العريس زاتو ال كان مفروض يكون بيتي انا اتخيلو بس😢 لبست وعملت ميكب ظريف كدا وروج حلو كدا اتزبط وطلعت مزة م اكذب عليكم🙈😻❤❤
طلعنا علي الصالة وكنت برقص اي قلبي ميت😔💔 بس اكيد م ح اخلي كل الناس تعاين لي وتركز فيني وانا زعلانة المهم رقصت مع فاتن ومكي واثناء ما انا بضحك كدا حسيت قلبي مقبوض وفجاة الناس كلها بتعاين علي باب الصالة💔💔