الجزء 8

😍

بقلم امنية محمد

-10-

الدكتور قال لي ابوي الحق بتك يا حاج ابوي كلم امي بي كلام الدكتور وقال ليها انا حا اسال من شيخ يكون بتاع رقيه شرعيه واجيبو ليها ف البيت انتو امشو قدامي وكان معانا محمد وكل ما افتح واشوفو بصرخ محمد بفت حالتو كعبه شديد ما بياكل ولا بشرب وبقي ما عارف الحاصل علي شنو محمد لمن شافني بصرخ قال لي ابوي امشي انت معاهم البيت انا بجيب الشيخ وبجي ابوي ساقنا البيت انا وامي وتوسل وانا بقيت في حاله تانيه ما بقدر اتنفس وبضايق شديد من صوت القران لحدي ما محمد جا وجاب الشيخ. الشيخ بدا يقرا في ايات العين والحسد ما اتضايقتا وكنت بقرا معاهو اول ما بدا يقرا ايات السحر والعمل بقيت في حاله تانيه الشيخ وقف وقال ليهم بتكم دي معمول ليها عمل واتمكن فيها العمل دا وعاوزه مواظبه علي التلاوه عشان يتفكا العمل ابوي قال لي الشيخ انا ما عندي مشكله بس بتي تبقي كويسه لو عاوز بجيبا ليك لحدي عندك ولو بتجي هنا انا ما عندي مشكله الشيخ قال لي ابوي بجي هنا ف البيت وبجيب معاي شيوخ تاني لانو السحر دا اتمكن فيها ولازم نلحقا الشيخ بدا يقرا وانا بقيت اكورك واقول ليهم ما عاوزه محمد محمد لو عرستو بقتلوني انا محمد ما عاوزاهو والشيخ يقرا ويسال انت منو والعملك منو وعاوز تاذيها لي رديت عليهم انا عملتني شهد وعاوز اكتلا عشان احرق قلب محمد طبعا في اللحظه دي البيت كلو بقي عامل كده 😳.

طبعا في منكم ما حيصدقو حكايه الشيخ دي لانو ما بأمنو بالشيوخ وانا زيكم كنت ما بآمن بالشيوخ والدجل والشعوزه وكنت بقول انو العين والحسد ديل مافي لحدي ما شفت في نفسي ومن اقرب زوله لي صحبتي انا بت عاديه جدا خجوله حبتين جسمي ماشاء الله من فوق ضعيفه ومن تحت سمينه شايله زي ما بقولو لي 😂 المهم صحبتي دي كانت بتجيني ف البيت وكنت بكون ماخده راحتي ولابسه قصير وبلبس مع الجسم وهي كانت بتعاين لي وما كنت بخت فيها حاجه ومرات كانت بتعلق علي جسمي وبتقول لي تفتكري في يوم من الايام حا كون زيك كده طيب بجي يوم وبكون عندي نص زي نصك دا ما. كنت بخت في بالي وكم زول بعلق علي جسمي واخر مره علقت علي مره منها ووقعت ما شفت حاجه المره شافتني وانا كنت قاعده شافت نصي الفوق بس مشت. مكان وجات لقتني عاوزه اطلع لي في مسطبه وانا طالعه المره شهقت وقالت لي لا حولاااا ضعيفه كده وشايله دا كلو طوالي. وقعتا وبي سبب المره عرفت الحاسدني من الحاقد علي من الساحرني معليش اعفو لي طولتا عليكم

نرجع لي قصتنا

في اللحظه ديك امي اتذكرت جيه شهد لينا ف البيت وكلمت الشيخ ومحمد بقي ما شايف قدامو كيف يعني شهد بت خالتو تعمل كده وليه وبقي يفكر وراسو بقي جايط والشيخ بواصل في الاسئله طيب انت عملوك بي شنو قال لي انا عملوني من ملابسها الداخليه وعشان اكتم نفسا وتموت دفنوني في المقابر والبت دي ما بتبقي كويسه الا تطلعوني من هناك الشيخ بقي يسال طيب انت في ياتو مقابر وصفت ليهم وبقي الشيخ يقرا ويسال انت تاني وين خاتنك قال لي انا فى الدولاب بتاعا فتشو الدولاب ولقو ورقه مكتوب فيها بالاسود ومرسو فيها زول جوه دايره ومخنوق ومعاها شعر وريحه عفنه الشيخ قال دا اكعب انواع العمل بعمول بالنجاسه وبقي وقال محتاجه لي جلستين تاني عشان اكون كويسه