الجزء 7

😍

بقلم امنية محمد

-9-

ونحنا بنجهز ف الشيله شهد جاتنا زياره ف البيت 😡😒 طبعا البيت كلو بقي مستغرب الجابا شنو جات وقعدت وبقت تتونس وتحكي وانا طبعا برد ليها بي اخر نفس قالت لي طبعا انا ومحمد من ما قمنا كنا سوا في بيت واااحد ومحمد دا زي اخوي وبالجد فرحتا ليهو قلتا ليها بس ملامح وشك ما بتقول كده قالت لي كنت بغير منك عشان حتشيلي محمد مني وما كنت متخيله وحده تشيلو مني لكن هو اختارك انتي وانا بعد دا ما بقدر اقول لي شي لي لحظه كده اطمنتا وبديت ارخي معاها ف الكلام وانا بتكلم معاها امي نادتني اجيب العصير لي شهد مشيت خليتا ف الغرفه الكنت قاعده فيها وكان فيها الشيله والحاجات ودولابي واي حاجه تخصني مشيت امي قالت لي البت دي ما ارتحت ليها ي تهجد اعملي حسابك قلتا ليها جات تعتزر يا امي قالت لي قلبي ما مرتاح نهائي ي بتي قلتا ليها خلاص يمه بشوف نهايتا وبحاول اختصرا قالت لي تمام في اللحظه دي تهجد ختت ليها حاجه في دولابي من غير ما اشوفا وشالت ليها ستيانه مني ودستا في شنطتا وقعدت وانا جيت دخلتا بي حسن نيه وبقيت اتونس لكن هي طوالي بقت تقول لي انا ماشه وما كان في داعي للتعب دا بس حبيت اعتزر ليك حتي العصير ما شربتو طلعت طوالي ما اشتغلتا بالموضوع كتير وما فقدتا ستيانتي لانو ما كنت بطلع ايام الحبس عدى اول يوم بعد هي مشت عادي مافيهو حاجه تاني يوم بديت احس بي كتمه في صدري بس من شنو ما كنت عارفه حاولتا ادس من ناس امي عشان م يقلقو قلتا احتمال دا من الدخان عشان كده ما اشتغلتا بالقصه جيت اخت لي حاجات في الشنطه بتاعت الشيله شامه لي ريحه عفنه في دولابي برضو ما ركزت فتحت الشنطه بتاعت الشيله جاتني ريحه عفنه زي الفي حاجه ميته ومعفنه في الشنطه بقيت اقول لي امي الشنطه دي فيها حاجه عفنه يا امي امي بتقول لي ي بت قولي بسم الله الحاجات دي جديده العفانه جاتا من وين بقيت اي حاجه بجي عليها بحسها عفنه لمن بستفرغ من العفنه والكتمه بقت تجيني كتير وبقيت عيانه ما بقدر اتحرك ووقفت الدخان والعرس كان باقي لي 3 اسابيع وانا بقيت في حاله تانيه وكرهت محمد زي العمي كان ضرب ساي بسرخ وكنت بشوف حاجات. وامي بقت تبكي وابوي غلبو البسوي وتوسل اختي جاتا حالا نفسيه عديل لانو كنا متعلقين بي بعض شديد خصوصا انو ما عندنا اخوان تاني وانا بقيت اقول لي امي انا عاوزه اموت يا امي اعفو لي ونادي لي ابوي اشوفو احتمال ما افتح تاني وتوسل بقت تكورك يا امي وثارح نوديها لي دكتور تاني وانا بقيت كل يوم بتعب اكتر من اول وحالتي بقت تحنن الكافر ومحمد بقي قاعد معانا ف البيت هو ورهام وخالتو نجاه وبقيت من اشوف محمد بصرخ بي اعلي صوت وبقول ليهم الزول دا حيقتلني هو ودوني لي كم دكتور ما لقو عندي حاجه في النهايه الدكتور قال لى ابوي بتك دي مرضا مرض شيوخ واحسن تلحقوها لانو ما عندها لا ازمه ولا اي حاجه الصور نضيفه والاشعه والرنين كلهم نضاف الحق بتك ياحاج 😢😭

يتلع