الجزء 9

😍

بقلم امنية محمد

-11-

قال محتاجه لي جلستين عشان اكون كويسه ولازم سوره البقره تكون شغاله في البيت طوالي انا بقيت شويه احسن ومع كل جلسه بقيت بتحسن وطبعا الشيخ قال ليهم ما تجيبو سيره للاسمها شهد عشان ما تعمل عمل تاني وتضرني اكتر من اول محمد بقي راجي متين انا ابقي كويسه عشان يتكلم مع شهد عدت الايام وانا بقيت كويسه الحمدلله وبقيت احسن من اول بس بقيت ما بحب محمد زي اول احتمال عشان الحصل لي ولا عشان حاجه انا ما كنت عارفاها ومحمد كان داسيها مني بقيت في كل صلاه بدعي يا رب لو محمد فيهو خير لي قربو مني ولو فيهو شر تبعدو مني ومحمد بقي كل يوم بحاول يقرب مني اكتر وانا كنت بخاف اتكلم معاهو لانو بقول يمكن يحصل لي الحصل تاني سبحان الله في يوم من الايام قمتا الساعه 3 صباحا مخنوقه والعبره خانقاني قمتا اتوضيت وصليت ووقفت قريب ساعه وانا ببكي في السجده وبدعي يا رب لو فيهو خير تقربو وثلي ولو فيهو خير تبعدو وبقيت ادعي بعد الصلاه حسيت اني مرتاحه شديد قريت البقره وانتظرتا الصبح ياذن عشان اصلي وارقد انوم بعد خلصتا البقره دخلتا الواتس اب لقيت محمد كان متصل قبل ساعه بقيت افكر مساهر مالو ومع منو قلتا ارسل لي عشان يقوم يصلي الصبح وفعلا رسلتا لي لمن ما دخل قمتا اتصلتا علي شكلو كان يادوب نام وما شاف الرقم ولا ركز ف الاسم اول ما رد قال لي في شنو تاني ي شهد مش اتكلمنا قبل شويه.

طبعا راسي بقي كلو شوك شوك وعيوني بقت قدر دا 😳😳 طوالي قفلتا الخط وبقيت افكر محمد بتكلم مع شهد لشنو ولحدي الساعه 3 وخلاص الدنيا دي سودت في وشي وحسيت انو ربنا ما رايد لي اكون معاهو لي خيـــر قلتا ما اتسرع وانتظر محمد لمن يجي افهم منو الحاصل صحيت الصباح الساعه 8 ونص قمتا مشيت علي امي سلمتا عليها وشربتا معاها الشاي ونحنا بنتونس ابوي جا داخل سلم علي وباسني في راسي وقال لي ي تهجد انا ممكن افقد اي حاجه في الدنيا دي لكن افقدكم انتي واختك ما متخيلا انا يا بتي ما عاوزك تتأذي في الدنيا دي ووالله انتي لمن كنتي عيانه انا كنت بتمني اكون مكانك ولا اشوفك بتتالمي ومسكني عليهو وبقينا نتونس ونحنا قاعدين محمد ضرب لي ابوي ابوي قال لي دا محمد قلتا لي رد شوفو مالو وبقيت افكر محمد لي ما ضرب لي في تلفوني وليه ما صبح علي وانا بفكر ابوي قال لي ي بت انا ما بتكلم معاك قلتا لي نعم ما سمعتك والله يا ابوي خيــر قال لي محمد جاي فاطر معانا قلتا لي تماام ما مشكله دخلتا الغرفه وبقيت افكر اعمل شنو عشان اعرف محمد عاوز من شهد شنو الساعه 10 ونص محمد جا البيت وسلم علي ابوي وبقو يتونسو شويه وابوي ناداني وقال لي محمد عاوز يسلم عليك مشيت عليهو في الصالون وبقيت قاعده ما اتكلمتا قال لي انا ما مصدق انك رجعتي لي تاني وانا كنت حاموت لو انتي حصلت ليك حاجه وكلام كتيـــر كده صراحه ما صدقتو ولا حسيت انو كان جادي لانو كل شويه كانت بتجيهو رساله في الواتس وبفتحا يقراها ويرد وتاني يرجع يتونس معاي بقيت امشي فيهو واحاول اتونس معاهو عشان ما يحس بي حاجه شويه كده وابوي كورك لي محد يجي يغسل يدو عشان الفطور جهز خت تلفونو ف الطربيزه ومشي في اللحظه دي شلتا التلفون ومشيت علي غرفتي وقفلتها علي عشان ما يجي داخل لحدي ما انا اتاكد وكنت حافظه النمط حقو وهو ما ركز مع تلفونو ساعه الفطور لانو ابوي كان بتكلم معاهو وكان بحدد مع ابوي. انو العرس يكون في بدايه الشهر الجاي يعني بعد اسبوعين وانو ما شال الورق المره الفاتت عشان يطلع الجواز واتلخم بي قصه مرضي وبقي ما مركز في اي حاجه لحدي ما بقيت كويسه وهو لازم يشيل الورق ويجهزو لانو اجازتو بتخلص بع 3 اسابيع وبحاول يقنع في ابوي انو يعقد الاسبوع الجاي عشان يرسل الورق بي الايميل عشان يجهزو لي هناك وابوي بقول لي تهجد لسه ما بقت كويسه يعني خلي لحدي ما نحنا نطمن عليها ونشوف رايا شنو اذا قالت موافقه انا ما عندي مانع واذا رفضت بعد داك تقنعا انت اذا اقتنعت ليك طبعا اثناء ما هم بتناقشو انا كنت جو الغرفه وبقرا ف المحادثه من ايام انا عيانه وبقرو لي قران هو كان متواصل معاها

ما كل زول قال ليك بحبك معناها بموت فيك وعاوزك في كتير بحبو بصدق وبتحبو بالجد وفي ناس بحسسوك بي انهم بحبوك وحيموتو عليك ويطلعو في النهايه كذابين عندهماهداف ورغبات عاوزين يصلو ليها عشان كده خليكم واعيات وما يحصل ليكم الحصل لي

.

يتبع 😊

ابقو كتااااار 👋🏻