الجزء 11

بعد بكيت و انتهيت من البكا قشقشت دموعي واتنفضتا طلعت بره لقيت رجاء شايله

ل سلمى نعناع .. قالت لي انتهيت من العزاء ! قلت ليها انتي ماعارفه الرقم ده مهم

كيف بالنسبه لي .. قالت لي غايتو يا سندس شكلك كنتي بتحبي عثمان ده ! بعدين

انتي مدام هو مهم كده بتجدعيهه سااي كده مالك يكون مع جوطه الكوفير الكنا

عاملنو هنا ده الورقه ضاعت منك .. قلت ليها بزعله احتمال 😔 ودخلت لسلمى وانا

قعدت بره في الكنبه اقلب في التلفزيون و بس طق مع كلام رجاء اتذكرت انا لميت

الورقه في علبة هدايا فوق راس الدولاب 😍 بتاع رجاء لاني خفت تضيع لما فتحنا

غرفنا للحنه .. وبس جدعتا الريموت وقمت جاريه للغرفه جريت التربيزة و مديت

يديني لفوق هبشتا هبشتا و لقيت العلبه فتحتا لقيت الرقم وبس بقيت بصرخ و

بزغرت لقيتعا لقيتها وبزغرت .. وجريت ليهم في الغرفهة قالوا لي في شنو مالك

هجمتينا قلت ليهم لقيييتها ياناس لقيتها قالوا لي الورقه 😍 قلت ليهم هماام 😍

رجاء قبلت علي همام منو يا بت ؟ سلمى اهااا القصه طلع فيها همام ومارقم بس!

عاينت ليهم بخجل و قلت ليهم ياخ بعدين بحكي ليكم هسي خلوني اضرب لعثمان ..

كتبت الرقم وانا برجف من الفرحه والحنين لهمام في المره الاولى عثمان ماردا والتانيه

والتالته برضو ماردا خفت يكون الرقم ااتتغير .. خايت التلفون في التسريحه و بعد

شةيتين التلفون دقا و منو عثمان 😍😍 بقيت شايلاهو برجف وهم بقولوا لي

يابت ياهبله ردي .. قلت لي رجاء جسمي تلج ما قادره ردي انتي .. بقيت ماقادره ارد

من الفرحه حسيت بي نفسي غريبه وجاني شعور غريب شل جسمي كلو ماقادره

امسك التلفون ولا قادره ارد على عثمان و خايفه انو يقفل .. رجاء قلعت التلفون مني

وقالت لي ياهبله بطلي عواره لما الراجل يقفل 😏 و فتحت الخط اسبيكر قال ليعا

السلام عليكم .. قالت ليهو وعليكم السلام قال ليها معليش يا اختنا رقمك ما مسجل

في التلفون معاي منو ؟ قالت ليهو رجاء .. قال ليها معليش يا استاذه رجاء بس عثمان

ده بعيد شويه بملا في بنزين لما يرجع بخليهو يرجع ليك .. قالت ليهو طيب ممكن

اعرف انت اخوهو ؟ قال ليها ايوه اخوهو محتاجه ل حاجه ؟ قالت ليهو والله الا

اتكلم مع عثمان طيب انت منو؟ .. في اللحظه دي حمرتا ليها 😏 يعني ماشغلتك

بيهو منو اقفلي منو ساي الا تتشمشري .. قال ليها انا همام .. " لما سمعت الاسم

احساس الام البقولو ليها ولدك ضاع و لقيناهو .. اتخلعتا و فرحتا واتوترتا و ارتبكتا و

كل الاحاسيس دي جاتني في وقت واحد لحظة سمعت انا همام ماقدرت اعمل شي و

سمعت رجاء بتودع فيهو وقفلت الخط .. قمت على حيلي زي المجنونه المهووسه

شلت التلفون بلهفه و جريت بره قعدت في الكنبه و اتصلت على الرقم سريييع رد علي

تاني .. يا استاذه رجاء لما عثمان يجي برجع ليك .. قاطعتو طوالي همام انا ما رجاء

معاك سندس اتذكرتني ! و فجأة هو صنا مسافه و رد لي كيف ما اتذكرك 💔 سندس

كيفك؟ انتي كويسه ؟ قلت ليهو الحمد لله تمام انا الكنت دايره عثمان و البت المعاي

اتكلمت معاهو .. لما عرفت انك همام رجعت ليك طوالي .. قال لي انتي كويسه؟ قلت

ليهو ايوه .. استغربت انو كرر السؤال مرتين و كأنو بتطمن اول علي قلت ليهو انت

كيف؟ قال لي خليك مني انتي قاعده وين ؟ ساكنه وين ؟ و حصل ليك شنو المده دي

كلها ؟ قلت ليهو اييييك ياخ الما حصل معاي شنو بس حاجات كتيره والله بس الحمد

لله عايشه وماشه و بتنفس قال لي عايز اشوفك هسي ممكن! قلت ليهو انا في

طرابلس وبعيده منك .. قال لي ما مشكله يعني ساعه و نص واصلك قلت ليهو همام

هسي ؟ قال لي ايوه هسي في مشكله ؟ قلت ليهو لا طبعا قال لي طيب مسافه السكه

مش ده رقمك قلت ليهو اي .. قفل مني ومشيت الغرفه لي رجاء و سلمى قالوا لي

الحصل شنو ؟ قلت ليهم همام جايي .. سلمى قامت من سريرها يا بت تعالي جنبي هنا

اقعدي مشيت قعدت جنبها قالت لي همام ده قصتو شنو ؟ قلت ليهم ده الضابط القلت

ليكم ساعدني زمان تتذكروهو ! قالت لي والله شكلو ما الزول الساعدك بس .. في شنو

يا بت قولي . خجلت ونزلت راسي لتحت .. رجاء قالت ليها اوووبااا ياسلمى طلعت

بتنا بتحب وتعشق وتتمعشق وتتخجل كمان .. تاني خجلت زياده منهم .. جات رجاء

رفعت راسي وقالت لي يابت انتي صغيره ومن حقك تحبي الدايراهو في الدنيا دي

قلت ليها بس انا وهو فرق السماء من الارض .. الاتنين قاموا علي وانتي الناااقصك

شنو ؟ جمال و ادب واخلاق ولا عشان ماعندك اهل ؟ دي ما حاجه تتعابي بيها وانتي

ماعندك ذنب فيها.. انتي من حقك تعيشي زيك زي اي وحده و من حقك تعرسي

الدايراهو انتي اما المجتمع البحكم بالمظاهر ده انسيهو لينا عليك الله .. رجاء قالت لي

يعني نسيبنا ح يصل بعد ساعه عشان يشوفك ؟ قلت ليها ساعه ونص ! سلمى قالت

لي و تفتكري انتي لو مازوله مميزة عندو بجي يشوفك بالليل و ماقدر يصبر للصباح ..

واساسا ماصدق لمى فيك .. لو ما بتهميهو عادي يتكلم معاك ويسال من اخبارك ويقفل

.. رجاء : اي سلمى معاها حق و بالجد الزول ده شكلوا كان بفتش عشان يلقاك بعد

ضيعتي منو وتلقيهو كان ب

دعي لما ربنا رجعك ليهو .. هسي يا بت كدي قومي نظبطك

.. بقيت بضحك فيهم كدي اصبرو وماتتسرعوا سلمى قالت لي بلا سرعه معاك ياهبله

دايره الزول يضيع من يدك ؟ قلت ليهم همام خاطب .. رجاء قالت لي بلا خاطب بلا

عاقد معاك مافي راجل بجي يشوف بت الوقت ده و بقطع المسافه دي وفي يدو دبله

قلت ليها قصدك شنو قالت لي بكون فرتقها مش خطوبه و انتي دخلتي راسو

وعجبتيهو البخليهو يستمر شنو وهو بحبك انتي .. قلت ليهم انتو مستعجلين شديد

والله سلمى قامت من سريرها ونست مرضها مشت جابت الاستشوار و قالت لي ادخلي

الحمام سريع مافي زمن .. و في ليلنا داك رجاء كانت شغاله في وشي من حواجب

وكلو و سلمى في شعري بعد ظبطوني و سرحوني و عملوا لي مكياج خفيييف جدا لكن

كنت جمييله بيهو .. سلمى طلعت لي فستان ابيض شفون سااده فيهو حزام ورود

بارزة و اكمامو طويله .. نزلت لي شعري لانو كان عاجبها وقالت لازم يظهر طولو

الحقيقي بعد الاستشوار .. و لبست شبط راقي مني 😍 و بقينا منتظرين العريس

😋😂 رجاء اتحمست و قامت عملت الشاي باللبن والبسكويت والكيك رصتو في

الصحانى و بخرت الصاله ونضفتها وبعد قاعدين في الصاله .. تلفوني ضرب و كان

همام تاني الرجفه جاتني بس اتمالكت نفسي وقلت ادس الفرحه و ارد .. قال لي انا بره

البيت افتحي الباب .. طبعا سلمى و رجاء بقوا بتطاقشوا وجروا دخلوا غرفهم 😂 و

خلوا ابوابهم مفتووحه حبه لزووم الصنيت وكده 😂😂 حركاتهم وما بخلوها ..

لما فتحت الباب و شفت همام في وشي .. كان واقف بعاين للساعه وعطرو كان مالي

المكان الغربيه واقفه بعيد شويه رفع راسو اول مافتحت و عيونو السمحه لاقت عيوني

المشتاقه 😍 نفس الملامح والشبه ونفس الجمال و الابتسامه و نفس الغمازة الحلوه

والدقن الزايد حلا .. قال لي سندس كيفك ياخ ؟ بصوتو السمح .. قلت ليهو الحمد لله

قال لي الحمد لله قلت ليهو اتفضل جوه .. دخل وعاين للبيت و قعد في الجلوس ..

توتري زاد و كأنوا جاي يتقدم لي .. جيت قعدت مقابلاهو و انا بطقطق في اصابعي

من التوتر عاينت لابواب الغرف السمحات ديلك بتاوقو بالجنبه و عيونهم زي الكدايس

😂😂😂 كنت عايزة اضحك بس كتمتها عشان مايلاحظ لي همام .. عاينت

ليهو قلت ليهو كيفك ؟ قال لي انا شدييييد و الحمد لله و ابتسم و وجناتو زادتو فتنه

و حلا