الجزء 9
وانا ماشة بفكر في سوسن ، وكترة العمايل العملتها في دنيتا ، المشكلة الناس تعمل في الحاجات وناسية انو ممكن في لحظه ممكن يموتو ماف ضمير ،،، حقيرة ،،، طوالي دخلتا جووووة وانا مبسووووووطه ، مشيت جريت علي خالتو سماهر " ياخالتو احمد طلعوهو ، الحمدلله ، ماتتخيلي انا مبسوطه كيف " وبقيت ببكي من الاول " ياخالتو ماتتخيلي انا مبسووووطه كيف ؟ ! " ... ياخي خالتو سماهر دي اتبسطت بسطه بكت معاي كانو بتعرفوا " الله ده ما كريم يا بتي ، الحمدلله ، عقبال يطلعوكي يابتي " بقيت ببكي " اللهم اميييين يارب العالمين ... جمعا ياااارب " .... بعداك بقينا بنتونس ونضحك ، بالجد كنتا مبسوطه شدييييييد ياخي ،،، المهم اليوم مشا بكل تفاصيلو ،،، بالعصر كده قبل المغرب ،، اسمع ليكم سوسن " سكينه افرج عنك لحين البحث في القضية وان شاء الله براءة " طبعا انا بسمع في كلاما ، لا عارفه انو انا مصدقة الكلام البتقولو ، ولا انا مصدقة اسلوبا البتتكلم بيهو ،،، .. بقيت مذهوله واقفة ماقادرة اتحرك ،،، وفتحو الزنزانات ، وجات خالتوسماهر تبكي وقالداني " ان الفرج لآت، الحمدلله يابتي " وجات خالتو حسني ، تبببكي وجنابو حنان ، وللا العجب اجاك تزغررررد بجدها وشالت الجردل وتدق وتغني وتزغرررررد ،،، وانا لسة مذهولة ،،، وعيت عليهم بسوسن بتكووورك فيهم " هيييييي اسكتن الشغلة سايبة وللا شنو ؟ ! يا تهدوا وللا هسي بندخلكن " قامو هداو ، وانا للحظه حاسة اني ما واعية ومامصدقة ،،،، فجاة احس بهيفاء سللمت علي وحضنتني ، لمن وعيت بيها انها هي دفرتا مني لمن وقعت ،، وانا اتخلعتا والهدوء بقا سائد بين السجينات ،،، قومت نفسها بالغصب ، ماعارفه اللحظه ديكي الحصل شنو ؟ ! ،،، بس جريت عليها وحضنتها وبقيت ببكي بحرقة حاضناها كاني دايرة اقتلا ، حاضناها وانا حاسة دمي بغلي ،،، حاضناها ونفسي انفضا مني ،،، احححححي حضنتها وانا متالمه بقيت ببكي وجارية علي المكتب ،،، جات خالتو سماهر ودعتني ومشت دخلوها ،،، شويتني كده بعد كملو اجراءاتي وانا لسه مخلووووعه شديد ، طلعتا برة الشارع ،، لقيت امي واقفة بعييييييييييييييد وتبكي ،،، خليت الوراي والقدامي وجريت عليها وبقيت بسلم عليها وبحضنها وببكي ، وهي تشيل وتسلم علي وتبكي لمن بركنا في الارض ونبكي وحاضنين بعض شديد ،،، شوية كده جو عامر وعمر حضنونا وقومونا ،،، طوالي ركبوني العربية وموديني البيت ، والتلفونات اشتغلت اشتغلت ،،، وانا بقيت بعاين للسجن كل مرة ماشي بعيد وماشي يصغر ،،، لمن اختفي ،، حسيت في وجعه في قلبي طعنتني شديييييييد ،،، اشتقتا للسجن معقولة ،،، مافي زول بشتاق لي سجن ،،، اشتقتا لي امي المسجونه خالتو سماهر ،،، وخالتو حسني ،،، اشتقتا لي كل ركن كانو معاي فيهو ،،، اشتقتا لي ريحه خالتو سماهر وهي راقدة جمبي وللا مرقداني جمبها ،،، اشتقتا للصلاه معاها ،،، اشتقتا لخالتو حسني الطيبة ،،، معقوووولة بقيت محتاااااارة ، اني طلعتا من السجن وانا روحي معلقة جوووة ،،، استغربتا من نفسي ، كيف انا بحن لشي عند الناس كعب ،،،، بقيت سررررحاااااانه شديد ،،، ودمعه حااااارة طلعت من جواي بآاااااهة من جوة قلبي ،،، امي اتخلعت حضنتني عليها شديد " يابتي اححححيييييي ابكي ابكي يا بتي ،،، الله يفرج كربتك يابتي ويفك ضيقتك " وبقت تبكي معاي ،،، وقفوا لي جمب كافتيريا جابو موية شربوني ليها ،،، قايلنهم ريحوني ،،، لالا كتمو الوجعه والعبرة جواي ،،، بقت في جمرة فوق قلبي .. بقيت صااابرة لحدي ما وصلنا البيت ،،، بس دخلتي للبيت فرحتا فرحه من جووووة ،،،، قالو لي ارقدي ارتاحي ، عاد رقدتي دي الاهل جو والجيران جو ،،، وخولة جات مخلوووووعه شديد وتتمتم شكلها مامصدقة طلعتي ، امي بعد خولة مرقت قالت لي " ياسكينه المرة دي وترتني ، مالا مخلوعه كده ؟ ! كانها ماراضيه طلعتك دي ؟ ! " طبعا انا مابينتا لي امي اني ركزتا معاها " يا امي ماتشتغلي بيها نهائي طيب ، امشي شوفي معازيمك تمام ؟ "! ... فعلا امي مشت وبالتوتر الحاصل واللمة نمتاااااااا وماحسيت نفسي الا وانا صاحية بالصباح ،،، امي من شده التعب شكلها صلت ونامت ، وانا اتذكرتا الصلاه " يعني ياسكينه دايرة ترجعي لي قديمك ،آاااااخ نسيت انا ما ماعلي صلاة " قمتا مشيت جهزتا الشاي من بدررررري ، ولمن شفتا امي واخواني نايمين ، رقدتا نمتااااااااا وماصحينا الا بآذان الضهر ... قمنا مسافه امي صلت واكلنا وشربنا ،،، اخواني جوني " سكينه نحنا نازلين بكرة امتحان ، وخايفين "..." لالالا حبايبي مافي خوف ، قوموا صلو وادعو ربنا يساعدكم وينجحكم طيب ،،،، " "... حاضر ياسكسكانية اصلية " ... مشو وجاتني امي فجأة بدون سابق انذار ومسكتني حضنتني شدييييييييييد وبقت تبكي وتحكي لي " احححححححي يابتي من العشتو وانتي مافي ، الحمدلله والشكر لله علي كل حال ،،، يابتي استغفر الله ما قادرة اطلع الجواي " وبقيت اسمع امي بتبكي بطريقه لمن تقطع القلب ، اول مرة اشوفا مقهورة كده ،،، بقيت برجف لمن حست بس وقفت بكا ، وجرت جابت لي عصير وفيهو سكر شربتني ليهو
، " ارقدي حبيبتي ارتاحي " وبعدها في نص النومه بقيت بهضرب " خالتو سماهر ، ياخالتو حسني ، وينكم " وامي مراقباني بقت تبكي شديد ،،، بعدها " امي امي انا دايرة امي ،،، خالتو سماهر انتي امي بس نادي لي امي امي البحبها " وبهضرب بهضرب شكلو الحمي طلعت في راسي ، وامي جات بدت تصحي فيني ، ماقدرتا اقوم ليها ، جات رقدت جمبي وحضنتني شديد ،،، نمتا نومه عميقة وانا مرتاااااااااحه شديد ،،، واتمنيت ما اقوم ،،، بس قمتا بعد كم ساعه كده وصوت امي " اتفضل يا احمد في الصالون ، حمدالله علي السلامه ،،،، الله ينصركم يا ولدي "... ... بعداك قمتا نشيطه مشيت الحمام وعملتا اللازم ، ولبستا توب وجيت سلمتا علي احمد ، امي قامت خلتنا في الصالون ومعانا عمر وعامر بيقرو ،،، احمد كان بعاين لي بطريقة اول مرة يعاين لي بيها " ياسكينه رايك شنو توقفي الشغل معاي ، وافتش ليكي شغل تاني ؟ ! " في البداية استغربتا ، بس " ومالو مافي مشكلة ، بس لييه ؟ " ... في البداية احمد اتردد .. لكن بدا يتكلم " سكينه انتي اختي والله وبخاف عليكي كانك عرضي ،، ومن واجبي احافظ عليكي ،،، انتي زولة طيبانه ، وفي اضعف لحظات حياتي انتي القويتيني ،،، ربنا سخرك لي ،،، وحاوعدك ادهم حادخلو السجن ، وهيفاء حتنال جزاءا وخوله اخدت نصيبكم حاشيلو منها وارجعوا ليكم ، ان شاء الله ،،، بس انا داير اطلعك من الدوامات بتاعت الكلامات الكتيرة وخصوصا الفترة دي والجو مشحون شديد ، طيب ... " عاينتا ليهو وانا مبسوووووطه " اكييييد يا احمد وانا حاقيف معاك للنهاية ان شاء الله " ...
يتبع #للجزء_الثالث ...
Sudanese ηø√℮ł list
•°- ســـــــودانى وخليڪ ســـــــودانى👳🏽♂♥️
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ أغرمــــت بــــه ⚆ - شهد عبــــدالله
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ بروفيســــري ⚆ - شهد عبــــدالله
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ خلقت مــن ضلعه ⚆ - شهد عبــــدالله
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ المسؤوليـــــه ⚆ - طـــارق اللبيب
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ مريــــم النصــــري
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ مريم الاخــــري _ 1 مريم النصــــري
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ مريم الاخــــري _ 2 مريم النصــــري
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ دڪــــتور _ شنــــڪوتي مريم النصــــري
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ الحب الخجــــول طارق اللبيب
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ قــوه الضمــــائر طارق اللبيب
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ عـشقتها من صوتــــــها عزه شرفــــي
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ ومــا زال قلبــي ينبض بالامــــل ولاء الحاج
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ الجــــامعه Sohib skeb
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ أحــــببت ملتحــــي منــــي الشيخ
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ المشــــرده فــــله علــــي
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ ومن ڪأبي❗️رانيه محمد أحمد
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ تائـــــــهه فـــــــي الخرطوم lole MoH
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ فضيحــــه مستــــوره
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ أحـــــــببته بـــــــعقل إيناس آدم
▔▔▔▔▔▔▔▔▔▔▔▔▔▔▔▔▔▔▔▔▔▔▔▔
ツ هـــــــوس البنـــــــوت نورس مـــــــالڪ