الجزء 2

‏[ ثلاثة أمور تزيد المرأة إجلالاً : الأدب، والعلم، والخلق الحسن . ‏]

🔴 اختبار الاحترام : هو عباره عن تصرفات مباشره و غير مباشره و مقصوده من قبل الراجل سواء هو محترم ولا لا 😏 بيختبر بيها البت عشان يحدد هي محترمه ولا لا 😏 الغير مباشره دي مافيها تعامل فيس تو فيس بتكون عن طريق المكالمات التلفونية هل انتي متمادية في الكلام وبتتجاوبي مع الايحاءات الجنسية ؟؟؟ 😤 في الشات هل انتي بتقبلي استخدامه للالفاظ المبتزله وبتستخدميها ؟؟؟ 😤 هل انتي بتقبلي انو يرسل ليك النكات الجنسية ؟؟؟ 😤

التصرفات المباشره الهي فيس تو فيس .. هل انتي بتقبلي انو يمسك يديك؟ 😤 هل انتي بتقبلي يقعد قريب منك او ملاصق ليك ؟ 😤 هل انتي بتقبلي يتحسس اي عضو في جسدك؟ 😤 هل بترضي تمشي معه اي مكان خاص او مغلق عشان تاخدوا راحتكم ؟ 😤 هل بتتازلي عن شرفك و بتمارسي معه الحب علي اساس انكم بتحبوا بعض وانتي حقته وملكه؟ 😤 .. اذا كانت اجابتك بنعم فلتبشري يا اختاه 😍 فانتي فشلتي في الاختبار ولن يتزوجك 😅 واقول ليك شي والله تستاهلي ما يتزوجك 😡 اي واحده تقلل من احترام نفسها ما تستاهل انو اي راجل يحترمها

كنت زعلانه من اختبار الاحترام لما امين حكي لي عنه لكن لما شوفت طريقة التقييم لقيت انو البت المحترمه فعلا ما بتعمل الحاجات دي 😤 وفي بنات محترمات لكن ما واعيات يعني بتكون مفتكره لو هي عملت كده حترضي حبيبيها 😏 طيب يا الماواعية 😡 ما انتي مفروض توعي من تجارب الناس القدامك العملوا الحاجات دي وقاموا طفشوا وخلوهم 🏻🏃 قولي مافي زول حكي ليك عن تجاربه .. طيب شوفي حبيببك دا برضي اخواته يعملوا زيك ؟ موضوع برضي ولا ما برضي في اخواته دا بتعرفي من ونستك معه ما الا تكوني بتعرفي اهله وهو اساسا مافي راجل برضي اخواته يعملوا كده وقع ليك يا شاطره 👌

مافي اي راجل مهما كان هو فري برضي زوجته تعمل التصرفات دي 😤 في نوع من الرجال ممكن يتقبلوا طريقه اللبس .. هو البنات المانافعات عدييييل لما الواحده تكون دايره تزوج بتمثل الاحترام وما بتعمل الحاجات دي عشان تقنع الراجل القدامها انها محترمه وبتعرس

‏( شوفتوا 👉 بجيبوا لينا السمعة وبعرسوا مفتحات 😂 ‏) وحتي لو اتماديتي مع حبيبك وخطيبك في حاجات بسيطه واتزوجك صدقيني نهائي ما حيثق فيك ويتسلط عليك ويحميك اي شي والشك ممكن يهدم بيتكم وهي حياة مبنية علي شك وعدم ثقه بين الطرفين اخير عدمها 😏

🔴 سواء الراجل بتمادي معاك عشان يختبرك او هو فعلا هو قل ادب وعايز يقل ادبه معاك انتي البتحسمي الفوضي دي باحترامك لنفسك ✋

نرجع لي د . شنكوتي وامين ياتو نوع من الشناكيت امين كان شنكوني كبير ولف وصاع وبقي فاهم البنات كويس عشان كده فقد الثقه في البنات وما لقي بت بتناسبه .. لكن ربنا هداه وخلي الصياعه والزول البخلي الحاجه بقناعته براه تاني ما برجع ليها .. وامين اثبات لانه مهما الراجل صاع لما يجي يتزوج ما بتزوج من الصاع معاهم وبتزوج بت محترمه او مصتنعه الاحترام المهم مايكون صاع معها

نرجع الي امين من خلال تعاملي معه امين زي ما شوفنا كرهته البنات الشينات وما بعرف الا البنات السمحات اي نعم حركه بايخه منو 😂 لكن دا ماعيب يعني 😅 وخصوصا انو بتعامل مع المزز باحترام واي نعم اي مزه في المستشفي هو بعرفها لكن حدوا الونسه والضحك 😅 يعني امين بقي زول ونسه ساي وقال انو ما بتمادي في الونسه الا لو البت اصلا فاكه وبتاعت ونسه فارغه لكن يخرب ليه بت او يغشها ما حصل عملها 😅

انا تقيمي الشخصي لي امين انو محترم لاني بحكم عليه من ما بديت اتعامل معه و ماضيه ملكه هو وما لي دعوه بيه .. وما حصل اتصرف او قال لي كلام غير مهذب بل بالعكس بحترمني جدا وكمان زول كريم وراقي و ذوق في التعامل واحلي حاجه فيه انو شهم جدا جدا جدا ودمه خفيف وبتاع فرفشه 😂 وصحي ما محبه الا بعد عداوه 😅 ومع انو اكبر مني بسنه لكن محسسني اني امو 😂 وبقول لي لو امي كانت عندها شخصية زيك كده انا كان طلعت مهذب من صغير 😂 وبعد جنو دا شاطر وما بلعب في شغله وانا والله بقيت بريده لله في الله ونويت اظبط ليه اموره وكاتي حبيبته دي تشمو قدحه 😏 قال ما بعرس سودانية قال بتخيل ليه 😏 مالنا عشان حبة بنات صايعات يقوموا يقولوا بنات السودان كلهم صايعات 😬

لكن نجي لمشكلتي انا 🙋 حسام بغير من امين 😅 اي والله جااااده معاكم من يوم ما امين جاء الكرامه حسام بقي مركز معه جدا وبتصرف تصرفات ما كان بتصرفها 😅

حسام : مريومتي رايك شنو تجي تشتغلي معاي في المستشفي والله اظبطك واكب ليك العلم كلو وتبقي احسن مني انا زاتي 😉

انا : نحن مش متفقين اننا ما حنشتغل مع بعض خصوصا فترة السنتين دي الجد شنو يعني ؟ 😉

🔴 حركه انك انتي وراجلك تشتغلوا في نفس المكان دي حركه ما ظريفه خالص تكونوا مركزين مع بعض وتحاسبوا بعض في اتفه الامور وتعملوا مشاكل من مافي وكمان تتلاقوا في الشغل والبيت كدا اوووفر وحيكون في ملل حاصل .. الناس البعرسوا زملائهم في الشغل اوكي دي الظروف من الاول جمعتهم لكن تمشي تشتغلي معه مخصوص بعد العرس دي عباطه بس .. تغيبي من عينه عشان يفقدك ويشتاق ليك لكن طول اليوم تكونوا مع بعض البخلي يشتاق ليك شنو .. دي وجه نظري الشخصية 👉

حسام : ما جد حاجه لكن عشان المستشفين عكس بعض والصباح بطلع ابدر عشان اوصلك واقدر احصل مواعيدي 😔

انا : هههه ياداب اكتشفت الحاجه دي 😉 ما كان علي قلبك زي العسل وانت البتصر توصلني وعلي العموم دي ما مشكله انا بمشي بطريقتي الباص بوصلني من البيت للمستشفي ولو زهجت من البص بشتري عربيه فشنو الموضوع ما مستاهل اني احول الا لو عندك راي في المستشفي 😉

حسام : ماعندي راي في المستشفي وخلاص انا البوصلك 😏

متعوده علي حركه عمل التمام لللبس قبل ما نطلع مع انو ماعندو اي موضوع هو معظم لبسي يا اشترينا مع بعض يا جابو لي هو لما يسافر .. الصباح ونحن طالعين

حسام : مريومتي انتي ماشه كده ؟

انا : ااااي في شنو مالو لبسي ؟ شااااذ؟؟؟

حسام : ما شاذ بس يعني دي ما لبسه شغل زي القاشره كده 😉 يعني البلوزه دي البسي معها حاجه مخططه بتكون احلي 😂

انا : قاشره 😍 شكرا يا قلبي دا الطبيعي بتاعي☺ وكلو من فضله خيرك 😘 وداير تلبسني بلوزه مورده مع مخطط 😲 دا اخر ما توصلت ليه 😅 حسااام مالك انت اليومين ديل بقيت بتاع حركات 😂 قول الكلمتين الواقفين ليك في حلقك وارتاح

حسام : ما بقدر اصرح ياخ 😂 انتي من غير ما اصرح رافعه لي سعر بعدما اصرح تاني ممكن تطلعي لي في راسي عديل 😅

انا : ههههه رافعه بحقي اجي كمان لكن قول قول وارتاح و ما بطلع ليك في راسك 😂

حسام : التصريح حاااار لكن الموضوع حارقني يعني يا مريومتي انتي تمشي قاشره كده وتلاقي امين السمح داك ياخ لو ما قشر هو سمح 🙈 سمحين وقاشرين و شغالين مع بعض كده اوووفر يا مريومتي 😔

انا : حسام الحسيني بغير ايه الحلاوه دي يا جدعان 😂 رزق جاني من الله مالك عايز تحرمني منو 😜

حسام : مريم بطلي المكاواه ياخ 😡

انا : حسام انت بطل الحركات وما تحسسني اني رهيبه جدا واي راجل بعجب بي الخلقني خلق الاحسن مني بمليون مره وماعشان قاشره معناه ح اعجب امين وماعشان امين سمح معناه حيعجبني 😡 ما انت عندك زميلات انا قعد اسالك 😡

حسام : مريم بعيدا من موضوع الشكل واللبس انتي زوله بتلفتي الانتباه باسلوبك و بحركاته الطبيعية ومافي سبب يخلي راجل زي امين ما يعجب بيك

انا : فلنفترض كلامك صح وامين معجب بي حسب فهم الرجال الانت بتقولوا مش هو محتفظ بالاعجاب دا لنفسه وبحترمني وبتعامل معاي علي اساس اني مراه متزوجه تاني في شنو ؟ ولا انت مفتكر عشان امين اسمح منك انا ح احبه او اميل ليه .. الراجل ما بسماحته وانا قلبي ما حظيره عشان احبك ولما القي اسمح منك احبه .. مالك عايز تجنني يا حسام مش واثق من نفسك و بتثق فيني ؟ الكلام كده مفروض يكون انتهي

حسام : في فرق بين غيره الحب والغيره الناتجه من عدم الثقه وانا بتكلم عن غيره الحب المافي يدي .. اااي يا مريم بغير من تعاملك مع امين وما قادر استحمل 😡 احساس وحسيته وقلته ليك و ما تندميني اني قلته ليك وتحولي الموضوع لمنحني اخر

انا : اها والمطلوب مني شنو ؟ احول من الشغل عشان امين؟ ما ح احول ياحسام عشان ممكن امشي مستشفي تاني والقي الاسمح من امين برضو حتقول لي حولي ؟؟؟ 😡 ومن الاخر ياحسام انا لا ح اتبشتن ولا ح اغير طريقه لبسي ولا تعاملي ولا اسلوبي عشان ما الفت انتباه زول زي ما انت عايز وحاتعامل مع امين ولا غيره بطبيعتي وما ح احول من الشغل الاخرتني منه بسبب نقاشك الماعندو معني دا 😡 وانت لو بتثق في حبي ليك حتستحمل اني حالاقي امثال امين كتير ومافي واحد فيهم حياثر فيني لاني ماشايفه غيرك ولو ماواثق من حبي ليك يا حول انت وتعالي احرسني يا شوف ليك واحده شينه وماعندها اسلوب ملفت للانظار واتزوجها وريحني وريح نفسك .. نقاشي مع حسام زهجني جدا وطلعت خليته وابيت اركب معه لانو عكر لي مزاجي ولو مشينا مع بعض حنتناقش والموضوع حيكبر

🔴 شوفتوا موضوع غيره الراجل من زملاءك في الشغل دا لو ما حسمتي من اول نقاش تاني يا ويلك ما يشبكك بحبك وبغير عليك وما تتعاملي مع فلان ومع علان مش بتتعاملي في حدود الادب والاحترام وهو من البداية عارفك شغاله و موافق يبقي الموضوع منتهي و تحسمي طوالي .. انا لو كان قال لي امين اخلاقه ما عجبتني وتاني ماتعزمي في البيت وخلي حدودك معه التعامل اثناء شغل كان ممكن اقبل الكلام لكن غير كده لا

وصلت الشغل زهجانه من حسام وقدر ما امين سالني مالي ما حكيت ليه

🔴 ولا انتي زاتك تحكي مشكله او نقاش بينك وبين راجلك لزميلك في الشغل عشان لما تحكي عن حياتك الخاصه لزميلك بتدي مساحه يقرب منك ودا ما صح وممكن ياداب تحصل ليك مشاكل .. ممكن الناس تتناقش عن المشاكل الزوجيه عموما مع زملاءها لكن تحكي بالتفصيل عن مشكله بينك وبين زوجك لا وثم لا عشان انتي ماعارفه الطرف التاني حيفكر فيك كيف ممكن يفكر انك بترتاحي ليه عشان كده بتحكي ليه وفي الاسواء الهو بفتكر انك بتحبيه .. زهجانه وعايزه تتفشي اضربي لصحبتك عبيها لي مالها؟

انا ضربت تلفون للايليف ودخلت راني ونبحت جنس نبيح وهم بس بضحكوا وانا كده اتفشيت ومع ونستهم نسيت الزهجه

في نص اليوم متعوده انو حسام بضرب لي تلفون دقيقتين او خمس دقايق بالكتير ونسه علي الطائر كده ولا ضرب لي ولا اشتغل بي 😅 قلت خلاص الليله بترجعي تلقي ورقتك مع اني كنت بتكلم معه براحه لكن نقيت كتير وسكوته دا ما طمني 😅 يا حسا انو زودها واعتذر مني يا كمان عامل زعلان وحيركب لي وش مع نفسه ولا بشتغل بيه مش انا ماغلطانه اجي كمان 😂

قضيت يوم في الشغل عادي وما اتونست مع امين شامه وشامه سماحته الجابت لي المشاكل 😂 اخر اليوم طلعت قلت يلا يابت يا مريم شوفي ليك بص ولا تاكسي و لا اتحمسي واشتري ليك عربية راجلك وفكاك عكس الهواء واتهملتي 😂 لسه بنق مع روحي لقيت حسام واقف لي جنب باب المستشفي 😍 ياما انت كريم يارب 😍 قلت مادام جاء يبقي هو عارف انو غلطان فشنو صري وشك يابت يامريم وطوالي ركبت وش ومشيت عليه 👹 سلم علي ورديت ليه وسكتنا علي قول امين السلام سنه لا ريده لا محنه 😂

وصلنا البيت استغفرت ومشيت عملت طقوسي الهي الحمام والقشره بهدوم البيت و واسيت نفسي واقنعتها انو القشره دي ليها 😂 لكن موضوع عمل الغداء دا حارقني يعني اعمل غداء لزول مزعلني وكمان مطنشني دي حاره والله 😏 لكن برضو اقنعت نفسي انو ربنا بحاسبني بسببه 😂 عملت الغداء لما مشيت ناديته حسيت بيه فرح كده 😀 شوف ود الذين عارف انو مزعلني وما كان متخيل اني ح اعمل ليه اكل 😅 اخ يا مريم استعجلتي 😂 هو شغال ياكل ويتبسم وانا عامله مركزه في صحني وباكل وبعاين ليه بالجنبه كده عشان ما يقول مركزه معه 😅 خلصنا الغداء هو طلع الغرفه يرتاح وانا زاتي كنت في العاده بمشي ارقد لكن قلت الليله مع بمشي الغرفه لازم اخد موقف 😅

مشيت شغلت التلفزيون الفي الصاله ورقدت في الكنبه منتظره يصالحوني ولا يعملوا لي اي حركه 😂 ولما الانتظار طال قلت امشي اعمل نفسي عايزه اشيل حاجه من الغرفه عشان اكشف الحاصل شنو 😅 شوفوا بعلي المفتح لقيتو معلق لي ورقه في باب الغرفه وكاتب لي 😂 حافظك يا مريومتي بتكوني منتظراني 😉 علي العموم لما تقري الورقه دي انا بكون في سابع نومه 😂 خشي الغرفه براحه من غير ازعاج واياك تنطي لي في السرير وانا نايم 😅 ارفعي تحت مخدتك بتلقي هدية الاعتذار شيليها من سكات في ذمتك شوفتي ليك راجل مرته بتشتغل ليها مع زول اسمح منو وبجيب ليها هديه 😉 بحبك يا حيوانه 😍

انا 😍 هديه 😍 حيوانه حيوانه هو الاعتذار دا الا بالكلام يعني 🙈 دخلت اتسحبت براحه شلت الهديه راقي يابعلي 😍 ونطيت ليه في السرير وهو المستهبل صاحي 😅 خلونا من الحصل 😉 ح اقول ليكم الجمله المفيده الاتقالت لي ‏( اصيله يا مريومتي ‏) كون انك زعلانه مني وتقوم بواجباتك من القشره لعمل الغداء دا خلاك تكبري في نظري اكتر .. اها يا اخوانا نعمل شنو بنخاف من حساب ربنا كمان 😉

🔴 المهم يا جكس مهما حصل من خلافات قوموا بكل واجباتكم الزوجيه لكن اتعلمي تدافعي عن نفسك وحقك وتخلي راجلك هو اليتنازل وانت اتنازلي في الحاجات التانية وانتي البتعرفي توازني بين البتتنازلي عنه والبتتمسكي بيه 😘

حسام بقي ماعندو كلام يقولوا لي تاني لكن بقي مكرهني تلفونات في الشغل بدل مره بضرب لي 3 مرات وشي ورود وشي يرسل لي الاكل دليفري غايتو جنس اهتمام كتر خيرو امين ما قصر معاي 😍 وماعارف انو امين بتنظر الدليفري بفارغ الصبر وقاسم معاي الاكل النص بالنص 😅 وامين مفتح قال لي لو ما خايف من وقيف الدليفري دا كان قولت ليك قولي لحسام المعلومه وصلت خلاص عرفناك بتحب مرتك ومهتم بيها ومافي فرغه لي اي زول يعمل اي حركه 😅 وقال مريومتي قال في ذمتك في واحد اسمها مريم بدلعوها 😜

الليله الحلقه للسناقل عن اختبار الاحترام وللمتزوجات عن غيره الزوج .. لكن ما بحرمكم من امين 😉 امين متجرس من جية جدو لانو جدو رافض امين يتزوج اجنبية بسبب الشافوا في اولاد ولده الاتزوج اجنبية .. وهدد امين 😲

في الحلقة ال

جايا حنشوف جية جد امين وحبوبته السمحين ديل 😅 وجد امين حيهددوا بشنو وكمان هنودي حيكون جاء وحالقي زول يشجعني علي العايزه اعمله مع امين .. لانو حسام لو جبت لي سيرة امين بتجنن علي 😅

يتبع ....