الجزء 2

وانا ف الرکشة شایفة خالتی اسیا منتظرانی جنب السوبرمارکت اشرتا لیها جات علی رکبنا ومشینا لخالتی سوسن اول م دخلنا لاقیت مصطفی ولدا قاعد سلم لی ومشی الصالون

دخلت سلمت لخالتی وبناتا وبدیت الجبنة والقطیعة والونسة الفاضیة

عاد م خلینا زول م قطعنا فیو استغفر ربی بس

وفجأة ف نص کلامی اسمع لیکم صوت اخوی رامی زاتو ال م بغبانی

طبعآ ماسکة فنجان جبنتی فی یدی وبقرقر

جا داخل وبقی یسلم وانا منططة عیونی طبعآ

ملاذ من تشوف رامی اخوی بتقعد تتکبکب وتتراشق

الجزمة عینا علیو وهو زاتو م مقصر لکن المزعلنی انهم م مبینین الحاجة دی لزول

المهم بعد سلم لخالتی سوسن بقی یعاین لخالتی اسیا ویعاین لی

وخالتی اسیا تضحک مالک ی رامی اجی

قال لی خالتی سوسن الدکتور قال لیک شنو

اتهجمت وقالت لیو

دکتور؟

قال لی ای

ملاذ اتصلت لی ریناد وقالت ل امی عیانة

وانا صلیت وقلت اغشاک واشوفک

ملاذ زاتا اتخلعت

خالتی قالت لیو بری دا الا کان کلام کذب سای منهن

انا نصیحة یااانی قدامک

وبقو یضحکو

الموضوع اکل معاو لکن م اتکلم

مشی الصالون ل مصطفی ونحنا بجای خالتی م خلت کلمة م سمعتنا لیها وقالت لی لمن عایزة تکذبی کذبی بأی شئ تانی الا بصحتی

وانا ولا فاضیة لیها الغریبة

ملاذ قالت لی ورح جوا دایراک دخلنا

واول شئ عملتو ادتنی کف لمن مثلتا اتصدمتا قالت لی قومی ی جزمة

دا شنو الهببتی دا

اسی لو رامی سألنی اودی وشی منو وین

قلت لیها ااااااااااااااها رامی قلت لی

والله دا کلام دا

عاد ی قلت الادب وعدم الحیاء سویتو لینا سمعة

بقت تضحک قالت لی مالک

ود خالتی وعاجبنی وانا عاجباو انتی مالک

قلت لیها م عندی ملال یمة

اریتو یبقی خیر

المهم اتکلمنا لحدی وقت الغدا جا

طلعنا رصینا الغدا وخالتی قالت ل مزن نادی مصطفی ورامی یجو یتغدو معانا

من قالت کدا ملاذ جری غسلتی الوش عشرة مرات ولبستی التوب وجیتی اتحکرتی

ی اخوانا وین الخجل

ولا حیاة لمن تنادی

المهم قعدنا ف السفرة وانا قدر م ارفع عینی القی ملاذ ورامی اخوی یتکشمو

وانا اعلی صوتی ف الونسة قاصدة عشان اشغلا لیهم ورامی یحمر لی

قلت لیهم انا شبعتا امشی اعمل الشای واجی

دخلت المطبخ جهزتا صینیة الشای

وبقیت بعمل فیو

مصطفی ود خالتی جا داخل

قال لی کیف مع الشارع العام

نظام انی اتخرجتا وکدا

قلت لیو عادی یاخ ملل بس

قال لی طیب م تفکی الخدمة

قلت لیو مفکرة بس م اسی

ومع الونسة الشای جهز

صفیتو ف السیرمس وجیت اشیلو

مصطفی قال لی کبی لی واحد شای سکر خفیف ورامی سکر تقیل عشان ماشین الصالون

قلت لیو امرک ی سیدی م انا جرسونة لیک

قال لی انتی تاج لی

بصوت واطی کدا

قلت لیو شنوو

قال لی بغش فیک سای م تصدقی

طلع من الموضوع بطریقة سریعة کدا

وانا عملت نفسی م مرکزة

عشان عادی وکدا

المهم شربنا الشای واخدنا ونستنا

وبقینا طالعین خالتی قالت ل رامی م تنقطع منی

وهو بعاین ل ملاذ بطرف عینو وبقول لخالتی

والله م بنقطع تانی

وانا اضحک ع خالتی المسکینة قایلة الکلام لیها

مصطفی وصل معانا لحدی البیت

وتانی طلعو هو ومصطفی

لقیت عبدو اخوی قالب غرفتی ملعب

بقیت ارتب

وجاتنی رسایل واتس من وحدة صحبتی اسما مناسک وکانو جیران لینا لمن کنتا ف الثانوی ورحلو

فاجأتنی وبقیت مستغربة اتذکرتنی لشنو خیر

والغریب رقما دا کان مقفول لیو زمن