الجزء 13

بعد وصلو المستشفي شادي وقف مسافه قصاد الغرفه الفيها ابوه قال لي وليد انا خايف اشوف ابوي ب الحاله دي وم اقدر امسك نفسي قدامو خايف انو بعد يشوفني يرجع ينتكس وليد قال لي انا مقدر موقفك بس انت م لازم تضعف خليك قوي قدامو شادي هذا لي ب راسو و دخلو شادي بقاء يعاين لي ابوهو وهو راقد في السرير بنظره حنيه لا اراديا نزلت دمعه من عيونو قشاها سريع لانو م عاوز صحه ابوهو تتراجع لانو عارف ابوهو لو شافو ببكي حيبكي معه قرب منو عبدالله بعد شافو قال لي انت جيت ي ولدي،،،،، شادي قعد جنبو ومسك ايدو قال لي اي جيت ي ابوي سعدل قعدتو وقلد شادي علي و بكى شادي كمان بعد شاف ابوهو ببكي م قدر يتحمل و بكى معه وليد الدكتور حزرو من انو م لازم ينفعل او يزعل لانو ح يتعب قال لي عمي م تبكي البكاء م في صالحك ونحن عاوزنك تقوم لينا ب السلامه وهدا شادي جنبك وكلنا جنبك شادي قش دموعو وقال لي كلام وليد صاح وانا جنبك هنا ذي م شايف،،،،قال لي شادي ولدي م تمشي تاني وتخليني شادي قال لي اطمن ي ابوي م ح اخليك وارجع وح اقعد هنا معاك انت كل شي بنسبه لي بعد امي الله يرحمه ،،، ياسمين ووعد جو داخلين الغرفه بعد شافن شادي م كانن مصدقات ،،،ومن الفرحه ياسمين جرت علي وحضنتو قالت لي وهي فرحانه شدو حبيبي واخيرا شفتك م تتخيل قدر شنو اشتقته ليك قال ليها اميرتي الحلوه وانا كمان اشتقته ليك،،،،،وعد لمن شافت شادي في الحظه دي كانت احاسيسه ملخبطه كل الاحاسيس امتلكته من فرح لي شوق لي خجل واخيرا حب حياته واقف قدامه هو بعد شافه قرب منها كان عاوز يحضنه بس شاف وليد مده ليها يدو وهي كمان فضل ماسك يدها مسافه قال ليها لسه ذي م انتي ي بطه قالت لي م تقول لي ي بطه ضحك وقال ليها انتي اصلا قصيره ف اكيد بطه صرت لي وشها ضحك وهمس ليها انتي عارفه لمن تزعلي بتكوني احلا وذي م انتي م اتغيرتي بس لي دايما بتزيدي حلا ي بطتي انا،،،،،،، لحظته وعد خجلت من كلامو ياسمين كانت بتضحك لانها فاهمه الوضع ،،،،،،،وليد قال لي شادي انا ح اوصل وعد وياسمين واجي وفعلا وصلن وجاء راجع،،،،وليد قال لي شادي في المستشفي هنا ممنوع زول يقعد مع المريض غير مرافق واحد انت امشي الشقه اخد راحتك لانو بتكون تعبان من السفر اداهو مفتاح الشقه والعربيه قال لي انا ح ابيت هنا مع عمي وانت تعال الصباح،،،،،شادي قال لي طيب شال المفاتيح وطلع،،،وليد فضل طول الليل مساهر مع عمو الصباح جات ياسمين ومعاها وعد،،،،شويه كدا جاء شادي واده مفتاح العربيه لي وليد و قال لي انت امشي البيت وارتاح نحن ح نكون هنا معه ابوي،،،،وليد قال لي تمام ح امشي البيت واغير ملابسي واجي بعد طلع وليد جات بدريه ومعاها بناته الاتنين وعد بعد شافتن قالت لي ياسمين اكيد جايات يعملن درامه و مسرحيه جديد ياسمين قالت ليها انتي في ده ولا نسيتي شادي لو شافه ممكن يعمل شنو قالت ليها واي زكرتيني م لازم شادي يشوفه او يتلاقو ياسمين قالت ليها اقول ليك شي انتي سوقي واشغلي لحدي م يمشن قالت ليها كويس وعد قربت من شادي قالت لي انا حاسه بصداع ممكن نمشي الكافتريه نشرب لينا كبايه جبنه قال ليها طيب ،،،،بس قبل م يمشي شادي لمح مرت ابوهو وهي ماشاء علي الغرفه الفيها ابوهو مشا ووقف ليها في نص الباب قال ليها ماشا وين حضرتك طبعا بدريه م بتعرف شادي لانو كان صغير لمن سافر كندا ولمن كان بجي السودان م قاعده تصادفو بس شادي متزكر شكلها لانو صورتها معلمه في زاكرتو،،،،قالت لي انت تطلع شنو والاداك الازن منو انك تمنعني من اني اشوف راجلي انا اسع بنادي المسؤول بتاع المستشفي يوريك شغلك كويس،،،،،ضحك وقال ليها اطلع منو شكلك م عرفتيني بس اتفضلي نادي كل المستشفي بس انا مستحيل اسمح ليك تدخلي علي ابوي كفايه الحصل لي من تحت راسك واكيد بتكوني انتي السبب في الحصل لي ده كلو هي بعد سمعت كلمه ابوي اتهجمت شادي قال ليها مستغربه صاح شوفي الدنيا دي صغيره كيف لفه الزمن ودور والشخص الطردتى من البيت في يوم من الايام هو نفس الشخص الواقف قدامك حاليا بس الاختلاف انو زمان كنته صغير وم فاهم شي بس حاليا ذي م شايفه بقيت طول وعرض قالت لي يعني انت شادي قال ليها ايوه شادي عبدالله ي بدريه قالت لي والله ما شاء الله كبرته ي ولدي قال ليها انا م ولدك ومستحيل اكون ولد واحده زيك انا ولد مره واحده بس ومستحيل تكوني زيها في يوم من الايام قالت لي حرام عليك انت لسه حاقد علي انا زمان عملته كدا عشان مصلحتك واسع ب سببي بقيت مهندس ناجح لو كنته مع شله الصعاليق المباريهم ديلك لي اسع كان تكون واحد فاشل بس نجاحك ده كلو ب فضلي بدل م تشكرني جاي تهيني،،،،شادي قال ليها المشكله انك ذي م انتي مستحيل تتغيري لسه في مكرك وغدرك علي اساس كنتي مره الاب الحنونه والمثاليه البتحب اولاد راجله وبتخاف عليهم بس مع الاسف انا فاهمك كويس مافي داعي تمثلي قدامي دور المره الطيبه لانو الدور ده م لايق عليك انتي عارفه وانا عارف كويس انو انتي حاليا مشرفه

هنا عشان شنو عشان م يقولو انو انتي م مهتمه ب راجلك وعشان تظهري لي الناس قدر شنو هو بهمك ولانو انتي بهمك الجاه والقروش ف في سبيل انك تحصلي عليهن مستعد تعملي اي شي انتي حاليا خادعه ابوي فيك بس م بتقدري تخدعيني ويكون لي علمك م ح تقدري تخدعي اكتر من كدا انا حاليا مخليك تتمتعي ذي م عاوزه لانو قريب ح اطلعك من البيت ذي م زمان عملتي واعتبري ده وعد مني ليك وحاليا يلا اتفضلي من هنا لانو م عندك وجود معانا و م معروف ممكن اغضب وانتي م عارفه غضبي كيف ممكن ارتكب فيك جريمه عادي واكون الشاب القتل زوجه ابيه بلا شفقه تحت ظروف غامضه وانتي حاليا م حابه تخسري حياتك ف عشان كدا يلا اطلعي من هنا خافت من كلامو وساقت بناته وطلعت وهي برا قالت تطردني انا انتو بعدا جبتو اخركم معاي ي اولاد عبدالله فاكرين نفسكم شنو لو م خليتكم كلكم تجو وتبوسو رجلي م يكون اسمي بدريه هند قالت ليها النصيحه ي امي شادي لكن م شادي طلع كسار قالت ليها اوعك تفكري فيهو ده واحد م بستاهل انتي بس ركزي لي علي وائل وانتي ي هناء،،،،هناء قالت ليها م تخافي علي انا مظبطه اموري وقريب ح اخلي وليد ملكي.

وانا قاعده في البيت اتصلت علي وعد قالت لي انا الليله م ح اقدر اجي الشغل انتي اهتمي ب المكتب بدالي قلت ليها تمام ،،،،عمي عبدالله كيف قالت لي تمام الدكتور قال بخرجو المساء قلت ليها طيب بعدين ح اتصل عليك،،،،بعدها قفلته منها لبسته هدومي وطلعته علي الشركه م كان عندي فيها شغل كتير بعد نهايه الدوام رجعته البيت،،،،المساء اتصلته علي وعد وحكيت معاها عن الشغل وسالتها عن عمي عبدالله قالت لي خرجوهو وحاليا في البيت قلت ليها حمدلله علي السلام قالت لي الله يسلمك سمعته صوت وليد بنادي عليها قلت ليها طيب تصبحي علي خير قالت لي وانتي من اهلو وشكرا ليك قلت ليها ولو م بينا كدا،،،، قفلت منها وبقيت افكر في وليد م عارفه حاسه اني مشتاقه لي،،،، طول الليل كنته صاحيه م جاني نوم من كتره التفكير فيهو قلت احسن شي اتصل عليهو،،،بس تاني قلت لا الوقت متاخر واسع يقول شنو احسن حل اني انوم بس المشكله م جايني نوم شلته تلفوني وقررته انو اتصل علي والبحصل احصل اتصلت علي رده من اول جرس قلت لي بسم الله خلي الرنه تتم ضحك وقال لي ي زوله انتي اتصلتي عشان تسمعي الرنه ولا عشان تحكي مع سيدا سكته م رديت علي قال لي مع انو غبته يوم واحد منك لي الدرجه دي لحقتي تشتاقي لي لو غبته شهر كيف قلت لي الا اكون اشتقته ليك عشان اتصل قال لي م عارف لمن شفتك بتتصلي اتفاجئته وحاسي اني بحلم لانو م من عوايدك وده م عندو تفسير غير شي واحد انك مشتاقه لي اعترفي قلت لي طيب انا غلطانه اني اتصلته عليك ضحك و قال لي انتي عارفه مشكلتك شنو انك بتزعلي سريع ،،، شهد خلي كبريائك ده بعيد واتكلمي معاي ولو لي مره واحده ب احساسك البتحسي اتجاهي ممكن وي ستي انتي فيكي تتصلي علي في اي وقت م بزعل ولا بمل منك بالعكس انا لاقي ف رجاءً م تتحسي كونك اتصلتي علي وشيلي الرسميه البتعامليني بيها دي،،،، قلت لي وليد قال لي عيونو قلت لي ممكن اسالك سؤال وتجاوبني علي ب صراحه قال لي اكيد ومن غير استئذان ذاتو قلت لي: لي اخترتني انا بالذات مع انو في بنات كميه واحلا مني بكتير كمان لي انا بس قال لي انتي في الغرفه ولا برا استقربته من سؤالو قلت لي في الغرفه قال لي طيب ممكن تطلعي برا في الحوش شويه طلعته قال لي عايني لي السماء شايفه شنو قلت لي شايفه نجوم قال لي شايفه النجوم دي كتيره صاح قلت اي قال لي لاحظي لي النجمه البعيده دي شايفاها بتلمع كيف قلت اي شايفاها قال لي مع انو هي نجمه زيها ذي البقيه بس هي النجمه الوحيده المميزه فيهن وبريقه بلمع اكتر منهن وانتي ي شهد بنسبه لي ذي النجمه دي اي نعم في كميه من البنات غيرك بس انتي الوحيده المميزه فيهن،،،،،انا لحظته غلبني الرد ولا اراديا ابتسمته بجد م عارفه انا عملته شنو عشان ربنا يعوضني واداني واحد بحبني كل الحب ده قال لي شهد قلت لي ايوه قال سرحتي وين قلت لي في كلامك بجد ي وليد م عارفه اقول ليك شنو قال لي م عاوزك تقولي شي كل العاوزو انك تديني فرصه اثبت ليك حبي ،،،،قلت لي وانا موافقه قال لي قلتي شنو قلت لي موافقه فجأة الخط قفل استغربته وزعلته في نفس الوقت كيف يقفل الخط في وشي وغلطانه انا القلت لي ح اديك فرصه بعد نص ساعه اتصل علي حلفته كان ارد علي رسل لي رساله تعالي برا جنب الباب بقلبي قلت الولد ده داير يجنني كل مره ناطي لي نص الليل قلت الليله لازم امرق واحدده معه،،،،لبسته توب امي وطلعته لقيتو واقف قال لي ممكن اعرف لي م رديتي علي مكالماتي قلت لي لانك واحد ثقيل كيف تقفل الخط في وشي قال لي يعني انتي حاليا زعلانه عشان قفلته الخط في وشك قلت لي م زعلانه وازعل لي ده غلطي انا القلت ليك انو ح اديك فرصه قال لي بس انا قفلته فيك الخط عشان كنته م مصدق ولا مستوعب كلامك القلتي لي ف قلت احسن شي اجي هنا واسمع منك شخصيا وي ستي انا اسف قلت لي م مشكله قال لي

يعني م زعلانه مني قلت لي لا قال لي شهد بجد انتي موافقه انو تديني فرصه ادخل حياتك،،،،قلت لي ولي م اديك فرصه وانت الشخص الوحيد الكنته سبب في سعادتي انت الشخص الوحيد العلمني كيف اكون انسانه مستقله و عندي شخصيه وراي في الحياه وليد انا بسببك قدرته اقيف قدام كل الناس واتحداهم من غير م اخاف حتي من قبل م اعرفك كنته بنسبه النور وسط الضلام الكنته عايشه في انت كنته بنسبه لي السند الكنته بتمنه القاهو طول حياتي قال لي بجد ي شهد،،،قربته منو ومسكته يدو وعيوني في عيونو قلت لي مش انت قبل كدا طلبته مني اعاين في عيونك واقول انو م عندي مشاعر اتجاهك اي نعم وقتها كنته خايفه وكانت احاسيس ملخبطه و لحظته م قدرته اميز مشاعري اتجاهك عشان كدا كنته بتفاده انو اعاين في عيونك بس انا حاليا واقفه قدامك وعيوني في عيونك وبقول ليك انو انا بحبك ي وليد.

⚘وعن ماذا تريد ان احدثك....! عن قلب لا يحيا بدونك....ام عن عين لا ترى غيرك...ام عن قلب لا ينبض الا لك...ف ما أجمل القدر .. عندما يبعدك عن شيء لا يستحقك .....ويقرب منك من يستحقك ويحافظ علي اتزان قلبك⚘