الجزء 21

وليد قال لي شهد انتي فاهمه غلط قلت لي م بحتاج انك تبرر لي ومشت خليتهم وليد جاء لاحقني بس انا م اشتغلته بيهو ودخلته الصاله عمتو قالت لي مشيتي وين العبره كانت واقفه لي في حلقي قلت ليها ولامكان فجاء شفته امنيه معاها امجد اشرت ليها طوالي جاتني سلمت عليهن قلت ليها كنتي وين وانا بفتش عليك قالت لي العربيه اتعطلت لينا في الشارع وياداب اتصلحت،،،،قلت ليها بصوت هامس نحن اتاخرنا لازم نمشي قالت لي بس انا ياداب جيت خليني اتفرج حبه قلت ليها لا م بقدر اقعد دقيقه قالت لي ظاهر انك م علي بعض بس تمام يلا قلت لي عمت وليد وامو نحن نستاذن عمتو قالت لي م لسه بدري مالك ماشاء من اسع قلت ليها امي براها في البيت وعندها ادويه لازم تاخده في مواعيده،،،،قالت لي بس يبنتي لو انتظرتي حبه قلت ليها مره تانيه واكيد ح نتلاقه قالت لي ان شاء الله لو م قلتي لي انو امك براها م كان ح اخليك ودعناهن وطلعنا وليد بعد شافنا جاء طالع ب ورانا قال لي شهد م رديت علي امنيه قالت لي وليد ده بنادي عليك قلت ليها م تشتغلي بيهو جاء ووقف قدامي قال لي شهد انا بتكلم معاك قلت لي مافي بينا كلام وامش لي الكنته واقف معاها قبيل كمل معاها كلامك الكنته بتحكي معاها قال لي شهد افهميني واديني فرصه اوضح ليك قلت لي دي حاجه م محتاجه تفسير انا شفتك حاضنه عاوز تبرر لي شنو قال لي انو انا بري صرخته فيهو وقلت لي انا شفتكم بعيوني م تكزب علي قال لي بس الشفتي ده م الحقيقه قلت لي الكلام ده تقولو لي واحده غيري وممكن تضحك عليها بكلمتين م علي انا و يلا ي امنيه قال لي طيب خليني انا الي اوصلكن قلت لي شكرا برانا بنتصرف قال لي شهد بطلي العناد والزمن ده م حتلقي مواصلات قلت لي شكرا م بحتاج جراني من يدي قلت لي ابعد ايدك مني بس هو م كان برد علي فتح باب العربيه وركبني قال لي امنيه اركبي بعد ركب امن العربيه قلت لي ده شنو العملتو ده وكيف تسمح لي نفسك تسوقني ب القصب،،،بس كاني م بتكلم معه وساق عربيتو ب اقصه سرعه انا لمن خفته بعدها وقف ونزل فتح لي الباب قال لي انزلي نزلته ولا عاينته لي ومشيت بس هو وقف قدامي قال لي شهد انتي مصدقه الشفتي قلت لي انا شفتكم وانتو مع بعض كيف م ح اصدق اكزب عيوني مثلا قال لي شهد صدقيني انا م عملته شي غلط قلت لي والله طيب فسر لي الحصل ده قال لي شهد انتي مفروض تكوني واثقه فيني عارفه لي لانو العلاقه بدون ثقه ممكن تتهدم في اي لحظه الثقه شي اساسي وضروري و علاقتنا انا وانتي مبنيه علي الصدق والصراحه اذا انتي م واثقه فيني معناها علاقتنا ضعيفه وانا م عاوز كدا انا عاوز علاقتنا تكون اقوه من كدا فاهمه اسع انتي معصبه ف ح اخليك تهدي ونتفاهم بعدين رجع ركب عربيتو وساق ب اقصه سرعه لي،،،،،امنيه قالت لي شهد انا مع كلام وليد انتي لازم تثقي فيهو م كل شي بنشوفو بعيونه بكون هو الصاح امكن يكون بري ف انا ح اخت كلامك ده ب احتمال الغيره وياريت تحلي الموضوع ده ب اسرع وقت لانو وليد م بستاهل منك كدا وصلتها بيتهم وانا دخلته بيتنا وقتها كان راسي ح يتشل عديل من التفكير،،،،اصبحته ب صداع م عارفه بس بجد حاسه اني ظلمتو كان مفروض اثق فيهو وم اصدق الشفتو لانو انا عارفه هناء شنو وقدر شنو هي واحده خبيثه واكيد هي عاوزه تصل لي النقطه دي انو تشوفني بعيده من وليد بس انا اوعه من كدا ومستحيل اسمح ليها تفرقني عنو،،،، اتصلته علي وليد م برد علي قلت في نفسي شي طبيعي م يرد عليك قمته واتجهزته وطلعته علي الشركه،،،اول حاجه عملتها مشيت علي مكتب وليد لقيت هناء قالت لي اهلا وسهلا ومعاها ضحكه قربت منها و قلت ليها انتي مفكره ب العملتي امس انو انا وليد حنفترق تبقي غلطانه لانو م انا البخلي ليك حاجه ملكي وبتخصني ب الساهل كدا وبالمناسبه انا كنته فاهماك كويس كان قصدك انو انا وليد نفترق بس ده بعدك ووليد مستحيل تطولي لاني عارفه خططك والاعيبك هناء قالت لي انتي لسه م شفتي مني حاجه انتظري وشوفي لو م خليت وليد المجنون بيك بذات نفسو يكرهك م ييكون اسمي هناء،،،،،ضحكته وقلت ليها تهديدك حلو بس التهديد م زي التنفيز و احب اقول ليك انو مستحيل تقدري تفرقينا لانو انا ووليد مخلوقين لي بعض ومافي زول في الدنيا ممكن يفرقنا حتي لو كانت واحده خبيثه زيك خليته واقفه في مكانه من الغيظ ودخلته مكتب وليد،،،،،كان شايل لي ملف ومركز فيهو بعد شافني م اهتم ب وجودي وكمل قرايه الملف،،،،،قلت لي وليد انا اسفه م رفع عينو من الملف قال لي علي شنو غاظني طبعا بس من حقو يزعل مني قلت لي علي الحصل امس انا فعلا غلطانه كان مفروض اسمع منك اول قفل الملف وقام من كرسي قلت معناها خلاص ي شهد خسرتيهو لي الابد ومستحيل يسامحك بس اتفاجئته بي جاء وقعد في الكرسي المقاصد لي وعاين في عيوني و قال لي شهد انا ابدا م زعلان منك ولا ح ازعل في يوم من الأيام من تصرفاتك عارفه لي لاني بحبك بحب عفويتك بحب غيرتك كل حاجه فيك بس انا عاوزك تتاكدي من شي واحد انو انا مستحيل اعمل

شي يخليكي تزعلي مني او يقلل من قيمتك وخليكي واثقه انو انا بيكي مكتفي يعني لو ختو لي كل بنات العالم مستحيل واحده تحل مكانك انا بس م كنته عاوز اتناقش معاك وقتها عشان عارف انو النقاش وقت الزعل ح يزيد علينا الخلاف وبدل م نحل المشكله ح تتعقد زياده وكنته واثق انو بعد تروقي ح تفهمي موقفي ذي م انتي واقفه قدامي حاليا شهد انا عاوزك تعرفي شي واحد انو انا مستحيل اكون لي واحده غيرك لانو انتي الوحيده الملكت قلبي وهواي قلت لي وانا عارفه كدا بس مع زالك عاوزه اعرف الحصل ممكن تحكي لي قال لي مع انو م مهم بس ماشي يستي طالمه ده ح يريحك ح احكي ليك كل الحصل

فلاش بيك

وهو قاعد مع اصحابو وبعاين ليها من بعيد واحد من اصحابو لكزو قال لي شنو ي اصلي شايفك مركز شديد بس بصراحه احلا واحده في الحفله،،،،قال لي نعم انت بتقول في شنو قال لي البنت القاعده مع امك وعمتك ومركز فيها قال لي حازم احترم نفسك قال لي روق انا م قصدته شي ب كلامي غير انو شفتك مركز معاها قال لي حتي لو مركز معاها دي م حاجه بتخصك فاهم قاطع كلامهم صوت تلفونو جاهو صوت واحدي قالت لي وليد الحقني قال ليها هناء في شنو وانتي وين قالت لي وهي بتبكي انا برا الصاله طلع من الصاله وهو بتلفت عاين علي شمال الصاله شاف هنا قاعده في الارض وفستانه مشرط قرب منها وقال ليها هناء في شنو قالت لي نسيت شنتطي في العربيه جيت عشان اشيله لقيت واحد قفل لي خشمي وجراني وراء الصاله و كان عاوز يعتدي علي بس أنا ضربتو وجريت قال ليها هو وين اسع قالت لي ركب عربيتو وفات ملص الجاكيت حقو وقطاهو بيها قال ليها نمشي كانت حتمشي بس لمحت شهد جايه عليهم طوالي حضنتو عليها وقالت لي م تخليني ي وليد انا خايفه قال ليها انا معاك م تخافي.

و بعدها انتي جيتي وده كل الحصل،،،،،قلته لي انت عارف انو انا بموت فيك ضحك وقال لي امممممم بس م ذي خليكي عارفه كويس انو انا بتنفسك مش بعشقك وبس،،،،،قلت في نفسي الحمدلله اني سمعته كلام امنيه كيف م قدرته اعرف انو دي لعبه من الاعيب هناء عشان توقع بيها طارق خطته كانت زكيه بس م علي انا ،،،،، مرت الايام وعلاقتنا انا وليد يوم عن يوم بتقوه الحب والاحترام القدمو لي لو لفيت العالم كلو مستحيل القاء زيو في يوم وانا قاعده في غرفتي اخر استكانه وانطراب ومعاي امنيه وليد اتصل علي وطيت صوت التلفزيون قبل م اتكلم قال لي انا برا منتظرك قلت لي شنو انت مجنون كيف يعني برا قال لي خمسه دقايق القاك عندي يا امه ح اطر ادخل بيتكم وانتي عارفه اني مجنون وبعمله قلت لي اف ياخ خلاص ح اجي امنيه قالت لي ك العاده منتظرك برا قلت ليها م عارفه اتصرف معه كيف لانو خايفه زول من الحله يشوفو وانتي عارفه ناس الحله وتفكيرهم قالت لي فعلا لمن يمسكو سيره حاجه بمسكوها زي اللبان لحدي م تمسخ،،،،قلت ليها قومي البسي توبك لانو ح تطلعي معاي لبسته توبي وطلعنا بس برا م كان في رجعت لي قلت لي انت بتكزب علي اسع انا برا قال لي تعالي علي الشارع الجنب الظلط انا منتظرك هناك قفلته منو وقلت لي امنيه قال منتظرني في الشارع الجنب الظلط قالت لي ماجاده المهم مشينا لقينا واقف قلت لي ممكن اعرف لي جبتني هنا بزات ضحك وقال لي في واحده بتستقبل حبيبه كدا قلت لي اي انا ضحك وقال لي بصراحه ي ستي جبتك هنا عشان م حبيت ادخل الحله لان عارف تفكير الناس شنو وانا كل يوم جاي عندك م عاوز الناس تحكي عليك ولا نص كلمه لحدي م تبقي ملكي واسمك علي اسمي وقتها بس الح يكون عندي الحق انو امسك ايدك قدام كل الناس،،،،فتح العربيه وطلع لي كيس هدايه قلت لي ده شنو قال لي ولاشي فتحت الكيس كان فيهو شوكولاته بكل الانواع قال لي قبيل شفتك في المكتب مدبرسه وم علي بعضك ف م اتحملته اشوفك كدا وانتي زعلانه ف سالته نفسي احسن حاجه ممكن تعدل المزاج شنو لقيت انو الشوكولاته هي الوحيده الممكن تعدل المزاج ف لقيت نفسي هنا عندك بس ده كل الحاصل ضحكته وقلت لي انت عارف انك مجنون قال لي م عارف كل البعرفو انو انا مدمن بيك امنيه قالت لينا احم احم نحن هنا راعو لي شعورنا شويه يعني م ممكن معاكم م عارفين انو انا عندي جفاف عاطفي،،،وليد ضحك و قال ليها بكره انتي كمان ح يجي نصيبك قالت لي امين منتظره بس م بعرف هو قاطس وين لحدي اسع م عاوز يظهر صبري نفد،،،انا وليد ضحكنه عليها بجد م نصيحه قلت لي وليد نحن ح نمشي بعدا قال لي تمام ح ارجع ليك ب مكالمه قلت لي طيب ونحن راجعين صادفنا محمد قال لينا كنتن وين بليل كدا قلت لي افتكر دي حاجه م بتخصك قال لي بتخصني امنيه قالت لي ده كان زمان لمن كنته مسيطر علي حياته بس حاليا هي حره تمشي محل تمش انت م عندك دخل فيها ورجالتك وسيطرتك دي امش اظهره علي مرتك م علي بنات الناس يلا ي شهد محمد مسك ايدي قوي قلت لي فك يدي قال لي م ح افكها فجاء احس ليك ب زول بقول لي شهد اتلفته لقيتو وليد عاين لي محمد وهو ماسك ايدي وعاين لي قال لي في حاجه ي شهد فكيت ايدي من محمد و قلت لي ب ارتباك لا مافي شي عاين لي محمد شديد امنيه حبت

تحل الموضوع سريع سريع قالت لي نمشي قلت ليها اي يلا انا وامنيه ماشين وليد قال لي ب نهراء كدا استني ي شهد انا بعد قال لي كدا اتصمغته في مكاني ومسكته في ايد امنيه شديد اتلفتنا علي انا وامنيه لقينا قرب من محمد وقال لي في حاجه ي اخينه محمد قال لي نعم ،،،،وليد قال لي ممكن اعرف انت كيف بتتجرا وتمسك ايده كدا محمد قال لي وانت تطلع منو عشان تدخل بيني وبين شهد وليد قرب منو وكان ح يضربو بس انا طوالي ادخلته ومسكته وليد من ايدو قلت لي وليد عشان خاطري امش م عاوزه مشاكل،،،،محمد قال لي اووو ده الا الصدار الجديد الخليتيني عشانو ومعاها ضحكه.

⚘ثم ماذا

ثم اني اغار عليك من عين تعجب بيك وهي لا تعلم انك لي،،،،أحببتك إلى حد الاستغناء عن الجميع وكأنك اتيتني نورا على درب مظلم أو طريق مستقيم في اعوجاج الحظ،،،احببتك كغيمه فرح لفظت بها السماء بعد ظمأ طويل،،،، احببتك وانتي نون تلحقها باء آخرها ياء تسبقها ضاد.⚘