الجزء 7

قال لي ممكن ي شهد تفسري العملتي معه هناء ده،،،، قلت لي عملت شنو ي استاذ قال لي كيف تديها كف وتضربيها ب الوحشيه دي كانت في علامات في وشها،،،،، شهد ده مكان شغل م شارع عشان تعملي فيهو شغل العصابات ده،،، بقلبي قلت ليها ايوه وصلت بيك الخباثه لي هنا ي هناء،،، قلت لي بس انا م ضربته ولا اتعديت عليها وفيك تساله،،،،قالت لي لا عملتي وهبه صحبتي شاهده على كدا،،،، قلت ليها انا لو فعلا ضربتك ذي م بتقولي السبب شنو الخلاني اضربك،،،،قالت لي عامله نفسك ناسيه ازكرك كمان،،،،وليد قال لي اعتزري ليها ،،،،قلت لي انا قلت ليك م انا الضربته ومستحيل اعتزر ليها عشان م انا البعتزر علي شي م عملتو قال لي معناها اعتبري نفسك مفصوله لانو م عندنا واحده ب السلوك ده ف ياريت تشيلي ورقك وتطلعي برا الشركه دي فورا،،،،قربته منو وعيوني في عيونو قلت لي اسفه م ح اطلع من هنا لانو م انت الوظفتني ولا انت المسؤول عني وعد هي الوحيده البتقرر اقعد ولا امشي بس انت م عندك حق،،،،قال لي طيب انتي مش حابه تسمعي من وعد ماشي شال تلفونو داير يتصل عليها،،،،فجاء شبت لي هناء قالت لي لا خلاص انا سامحتها م ضروري تدخل وعد في الموضوع وبعدين حرام نطرده من الشركه ونقطع عيشه،،،،،قال لي شايفه علي الرغم من العملتي فيها طلعت اصيله وسامحتك،،،،انا لحظته قربته اضحك علي الرغم من انو وعد حكت لي عنها وانها خبيثه بس م اتوقعته خباثته تصل لي الدرجه دي بس وين ده هي م عارفه شهد كويس ،،،،،قلت لي لا انا م قبلانا الاحسن تنادي وعد مش ضروري تعرف العملتو في الاخت عشان تفصلني يلا اتصل عليها وخليها تجي،،،،وليد عاين لي ب استفراب بس لاحظته لي هناء ارتبكت وقالت لي يازوله انا سامحتك تاني شنو وليد قال ليها ح اخلي وعد تجي عشان تعرف سكرتيراته العظيمه عامله شنو شال تلفونو واتصل علي وعد قال ليها تعالي مكتبي،،،،انا لحظته بقيت مركزه في هناء شديد لاحظت ليها بتفرك في يديها والتوتر ظاهر عليها قلت لي في سري وقعتي وم سميتي ي هناء فاكره نفسك ذكيه وبتلعبيها صاح انا ح اوريك اللعب علي اصولو،،،،وعد جات لقتني واقفه وهناء قاعده ووليد قاعد متكل علي طربيزه المكتب ومكتف يدي،،،قالت لي في شنو قال ليها شوفي سكرتيرتك الكريمه عامله في مساعدتي شنو عاينت لي هناء قالت لي وبتين حصل الكلام ده قال ليها ساعه الفطور لمن كانت في المطعم،،،،عاينت لي هناء وضحكت قالت ليها معقوله شهد تعمل فيك كدا لي ي شهد م عارفه انها بريئه معقوله ي شهد تطلعي ب الوحشيه دي اصلو م بصدق،،،،،عاينت لي وليد وقالت لي وانت صدقته كلامه بكل بساطه ومن غير اي دليل قال ليها في دليل هبه بتاعه الاستقبال شاهده على كدا وهي الاكدت لي انو شهد هي الاعتدت عليها وضربته،،،،وعد قالت لي معناها نادو هبه نعرف منها الحاصل مع انها صاحبه هناء فعلا نادوها وجات كانت في نظرات بينا وبين هناء، ولمن شافت وعد بلعت ريقه،،،،وليد قال ليها هبه لي المره التانيه ح اسالك انتي شفتي شهد لمن ضربت هناء ،،،،،،قالت لي ب ارتباك اي قال ليها يعني شفتيها قالت لي م م عارفه جايز قال ليها بنهرا نحن جبناك هنا عشان تهظري وتقولي شفتها ومره تقولي جايز اثبتي ليك علي قرار واحد وقول لي الحقيقه شفتيها ولا قالت لي الصراحه لا م شفتها قال ليها طيب الكذب ليك شنو سكتت قال ليها اتكلمي م تتبكمي لي كدا قالت لي بصراحه هناء هي قالت لي اقول كدا قال ليها طيب يلا اطلعي واعتبري نفسك مفصوله طلعت وهي بتبكي،،،،عاين لي هناء و قال ليها ح تعترفي انتي كمان وتحكي الحصل ولا حتكزبي ذيها ،،،،، سكتت م ردت تاني قالت لي م شهد الضربتني علي قال ليها يعني دي كلها كانت مسرحيه منك شايفاني طفل قدامك هنآ،،،،وعد قالت لي ال زيها غير الكزب والاتهامات م عندهم شي ف شي طبيعي تعمل كدا لانو م غريب عليها وعشان ابين ليك كزبها انا وشهد كنه سواء في المطعم يعني شهد م اعتدت ليها وضربته ذي م بتقول،،،،،هناء قربت من وليد وهي بتبكي قالت لي انا اسفه بعتزر قال ليها اعتزارك يكون لي شهد م لي انا ولو م كنتي قريبتي كان فصلتك يلا اعتزري منها قالت لي بصره وش انا اسفه،،،، م شتغلت بيها وزحيت منها ووقفته قدامو،،،،قلت لي اي نعم انا بشتغل هنا بس ده م بديك حق انك تتهمني بحاجات انا م عندي دخل فيها انا جيت هنا عشان اشتغل واثبت نفسي م جيت عشان اعمل مشاكل وفتن بس الظاهر انو الشركه دي كل موظفينها ذي بعض يعني م حيكون شي غريب انو اي واحد يلفق تهمه لي التانيه وكل الموظفين يثبتو انهم شافو المتهم ،،،واذا كان المدير بسمع اي شي بيتقال وبحكم علي اساس الشي الاتقال ومن غير م يسمع راي المتهم وم يصدقو،،،،،،يبقا وين الفايده قال لي انا اسف بعتزر قلت لي ح استفيد شنو من اعتزارك انت م اديتني فرصه حتي عشان اوضح ليك انو انا بريئه او تشوف كلامي صاح وتصدقني ولو بسيط بس انت كنته معمي عن الحقيقه وصدقتها هي بكل بساطه في حين انو كان مفروض تعرف السبب والدافع بس انت شفته الكان

ممكن تشوفو والباقي م مهم لانك انت المدير ولازم تتنفز اوامرك وانا مجرد موظفه ممكن في اي لحظه تهينها واذا حبيت ترفضه عادي و طالمه انت شايف كدا معناها اعتزارك م بعني لي شي لانو دي شركتك وانت حر فيها تعتزر من موظفه عاديه لي،،،،، طلعته وخليتهم رجعته مكتبي وانا دموعي في عيوني،،،،قلت في نفسي معقوله نفس الشخص النصحني في يوم من الايام انو اكون قويه وقدم لي الدعم المعنوي يكون هو نفس الشخص القدم لي اهانه في الوقت الحالي،،، لي الحياه قاسيه كدا معاي عملت شنو في حياتي عشان يحصل معاي كل ده ،،،،،جات وعد قالت لي شهد انا عارفه انو وليد اتسرع في حكمو عليك بس انتي عارفه هو عمل كدا لي وعارفه كويس خباثه هناء ف رجاءا م ناخدي في خاطرك منو،،،،،قلت ليها انا م شلت في خاطري وم زعلانه منو ضحكت و قالت لي م شفتي هناء كانت ميته خوف كيف وشها م بتفسر خليها تتادب عشان تاني لازم تفكر كويس قبل م تعمل حاجه انو ممكن تتقلب ضدها قلت ليها الحياه دي عادله اصلا يعني كما تدين تدان،،،مرت الايام و انا مداومه في الشركه كنته مجتهده شديد في شغلي وبثبت نفسي يوم عن يوم وبقيت اتحاشه وليد او اني اجتمع معه في مكان واحد حتي لمن يكون عندي ملف لازم اودي لي بدل م اخش بدي لي هناء توصلو لي حتي هي ذاته استغربت طول الفتره دي لاشفتو ولاشافني حتي لو اتصادفنا كنته بتجاوزو،،،، في يوم وانا طالعه من الشركه اتصلت علي امنيه قالت لي بس عاوزه اطلب منك طلب قلت ليها انتي تامري قالت لي عاوزه لي باسطه ممكن تجيبها لي معاك ضحكته و قلت ليها حاضر كان في محل قريب دخلته وشلت لي منو كيلو باسطه وانا طالعه اتقاشته مع زول دايره اقول لي بعتزر لقيتو وليد سكته وطلعته لحقني وشغال يقول لي شهد اقيفي حلفته كان اقيف لي او اتلفت علي وقفته في مكان المواصلات ساعه كامله بس كل حافله تجي بتكون ملانه،،،،فجاء احس ليك ب عربيه جنب كرعي شويه وحتدقشني قلت لي انت اعمى م بتشوف زحه التظليل بتاع العربيه وقال لي انا كنت قاصد وشايف انو م جاتك حاجه ذي م انتي ويلا اركبي،،،،قلت لي اركب لي وعلي اي اساس م كفاياك اتهامك لي المن غير مبرر لا وجاي اسع عامل نفسك جاي تساعدني،،،،،قال لي انتي لي مصره علي الموضوع ده في حين انو انا اعتزرت ليك ،،،،،،قلت لي ي سلام انت شايف الموضوع عندك بساهل كدا انت عارف انو عندك مشكله واحده عارف هي شنو مشكلتك انك واحد مغرور ومتكبر وشايف انو اي قرار بتتخزو هو الصاح يعني ممكن عادي يجك زول ويقول ليك شهد دي كتلت ليها زول وانت بتعمل شنو فورا بتصدقو لا وكمان بتقول لي اعتبري نفسك مفصوله قايلني شغاله جاريه عندك لاوكمان الحربايه الاسمها هناء دي جاتك ونزلت ليك دمعتين وانت عملته شنو صدقتها وجيت فشيت غضبك فيني حتي لمن قلت ليك انو م انا واني بريئه م صدقتني ودغري صدقتها وكانو كلامي م بهمك وبعد عرفته انو انا فعلا بريئه جاي وبكل وقاحه تعتزر مني فاكر اني ح اسامحك ب البساطه دي،،،،بس هو ولا علي بالو وكان بضحك قلت لي وكمان ليك عين تضحك،،،،قال لي اول مره اعرف انك رداحه كدا ي بنت ليك ساعه بترقي م بتفتري من الكلام،،،،قلت لي انا كدا وانت م دخلك اتكلم ولا اسكت فاهم،،،،قال لي خلاص اسف ممكن تركبي عشان اوصلك لانو صعب ولابسهوله تلقي ليك مواصلات لي الزمن ده،،، قلت لي منو انا اركب معاك انت جنيت ولاجنيت انا مستعده انشحط هنا ميه سنه ولا اركب معاك،،،،،،قال لي كدا طيب راحتك دور عربيتو وفات انا وقفته قريب لي ساعتين حتين جات حافله و بعد مدافره وطلاع روح حتين ركبته وصلته البيت العشاء وصلته هلكانه،،،،لقيت امنيه حارساني في البيت مع امي،،،،امي قالت لي مالك اتاخرتي قلت ليها المواصلات لي تلاته ساعات وانا منشحطه في الشارع قالت لي ربنا يعينك وينور طريق امنيه قالت ليها امين قلت لي امنيه خبارك مشرفه عندنا قالت لي جيت ابيت معاكم عندك مانع قلت ليها ابدا علي الاقل تونسيني حبه قالت لي ان شاء الله تكوني جبتيها لي معاك قلت ليها معقوله انساك قالت لي اختك وين انا،،،،،،ضحته وقلت ليها مصلحجيه الله يعين البعرسك قالت لي هو كدي الاجي بعدها الله كريم ي دقيتو ي دقاني قلت ليها يبنت انتي مجنونه م نصيحه متين تعقلي،،،دخلته غرفتي غيرته هدومي ولبست لي بجامه وانجدعته في السرير جاتني امنيه قالت لي كيف كان يوم قلت ليها كان كويس بس بعد م شفتو بقا ذي الزفت،،،،قالت لي شفتي منو ،،،حكيت ليها كل الموضوع قالت لي هو اعتزر ليك يعني مفروض تقبلي عزرو بس النصيحه انا لو كنته في مكانك كان مسكته ووريت الاسمها هناء دي الدق علي اصلو واحده حقيره،،،،،ضحكته وقلت ليها م قدر ده قالت لي استفزتني ياريتني لو كنته معاك كان مسكتها ومرمرته بيها الارض قلت ليها بتعمليها انتي عارفاك،،،،قالت لي بس زعلته منك لي م خليتي الود المزه ده يوصلك بس قبل م ارد عليها تلفوني اتصل عاينت لقيتو رقم غريب قلت ليها ده رقم غريب،،،امنيه قالت لي ردي وافتحي الاسبيكر فتحت الاسبيكر وقلت لي الو،،،،،قال لي وصلتي

كيف طوالي عرفتو وليد قلت لي وانت دخلك شنو وصلته ولا موصلته ان شاء م اصل ذاتو م عندك شغله فيني م مشيت وخليتني داير شنو ضحك وقال لي انتي براك افتريتي علي ورفضتي انو اوصلك وانا عملته ذي م انتي طلبتي وحاليا اتصلت عليك عشان اطمن عليك واشوفك لاني قبيل شايفك ليك ساعتين وانتي واقفه بس بجد طلعتي قويه م كنته متخيلك جرايه وبدافري كمان لحدي م ركبتي،،،،،فجاء امنيه فكته ضحكه وانا عارفه ضحكته وقبل م يكمل كلامو قفلته في الخط،،،،،قلت لي امنيه فضحتيني مع الولد اسع يقول شنو غيري ضحكتك البتشبه ضحكه الرقاصات دي،،،،،قالت لي كدي خليك مني انا وخليك مع الاخو الاتصل ده يختي شكلو مهتم بيك لي درجه انو كان مراقبك لحدي م ركبتي قلت ليها ولا مهتم ولاحاجه بس هو عاوز يبرر موقفو العملو بس انا مستحيل اسامحو قالت لي عيني في عينك كدا لي انا شايفه غير كدا في عيونك اثناء كلامنا تاني اتصل ابيت ارد بقاء يتصل كتير تاني رسل رساله قال لي انا برا قدام بابكم تجي ولا ادخل،،،،قلت لي امنيه اتخيلي اخر م اتوصل لي انو يجي لحدي البيت واي لو زول شافو امنيه قالت لي انتي جاده عاد لكن لقيتك خطير ي وليد اريتك راجلي قلت ليها انا في شنو وانتي في شنو كدي ركزي معاي اعمل شنو قالت لي لازم تطلعي لي دي دايره كلام قلت ليها انتي م شايفه الوقت متاخر كيف قالت لي خلاص ورح انا بطلع معاك لبسته توبي بس لحظته حسيت احساس غريب حسيت ب دقات قلبي زايده م عارفه لي خوف ولا رهبه ولا ح حاجه تانيه م قدرته افسر الشعور ده شنو.

⚘"ثم ماذا"...

ثم اني كدت اعاتبك...لولا ان سالت نفسي هل سيعيدنا العتاب كما كنا..‏ف كان ينقُصني شخص يُشبه اندفاعي بالشعُور وشغفي تجاه الأشياء التي أُحبّها، شخص يستحق مُبالغتي به دائمًا.. ف أنا تحت تأثير حبّك دائماً...واخشي أن يسجل هذا الادمان بدوائر العشق الجنائي⚘