الجزء 2

اها بعد سكتنا عمي قال والله يا ولدي وقفت معانا وقفت

رجال وانا زي ما عارف عندي مثل القريب أفضل من

الغريب وعشان شهامتك وطيبتك دي علي بالطلاق بديك

واحدة من بناتي بس هنا قلبي وقف 😲😲😲😲

😲 وخشمي وقع ويا أمي زيدي الطين بلة وزغرتي 😭

😭😭 انا خلاص بناتك يا عمي معولقات ديل ما بنفعو

قلت ليه عمي انا شفت بناتك بس الصغيرة عاوز اقول ما

شفتها الراجل نطة فوق وشغال ابششششرر ابشششر الاهي

يبشروك يا عمي ليه بس 😒😒😒😒 بقيت شغال

يا أبوي يا أمي

أمي لفتت علي وقالت موووااافقة والماؤذن انا متأكد تماما

انو كان مدسي ورا الباب طيب يا جماعة اسالو البت قال

انا ما عندي بت بسالوها الرأي رأي الكبار وعقدو والراجل

جعلي وفي الجعل الهناي زاتو الأسبوع الجاي تجي تسوق

مرتك ورجعنا وانا الف سؤال في بالي وكيف في أقل من

نص ساعة انا بقيت زول مسؤل طلعت لاقيت صحبي

محمد حكيت ليه الحاصل قال لي اصبر لي خير ومر يومين

ناس أمي ودو قولة الخير وحاجات الشيلة وانا اتصلت

لاختها الكبيرة قلت ليها اديني جنات قالت لي نايمة طيب

رقم تلفونا قالت ما عندا تلفون اليوم الرابع عمي جاني في

الشركة قال لي يا ولدي عاوز معاك كلمتين طلعنا قعدنا في

الاستراحة قال لي عارف الموضوع حصل سريع بس والله

لي خير وبتي دي أصغر بناتي ودلوعتي طلبي بس اكمل

دراستا وتاني ما عندي طلب عندك قلت ليه في عيوني

وانت تآمر يا عمي قال لي ربنا يبارك فيك ويزيدك وطلع

مشي واليوم الخامس جات اختي لينا وصحباتا نضفو لي

الشقة حقتي وجهزوها اليوم السادس مشينا السوق اشتريت

لي شوية حاجات وفساتين لي لينا ورجعنا اليوم الاخير

عملنا مناسبة صغيرة نحنا وناس عمي بس وكنت قايل

المناسبة عشا وكده لكن لا طلع ح استلما وعرس تقليدي

للنهاية بالدلوكة واسوقا وجيت عشان اشوف المصيبة

الادبست فيها طلعت مغطينها بالقرمصيص جرتقونا وركبت

معاي ومشينا طول السكة ما اتكلمت ولا فتحت وشا بس

كانت بتبكي وانا ما حبيت اسألا لأني اصلا ما عندي ليها

شي وصلنا الشقة دخلت الشنط وجيت لقيتا لسة مغطية

وشها قلت ليها ما تفتحي وشك عملت اححم احم فهمت

قمت طلعت برا عشان تاخد راحتا واتصلت لي صحبي

محمد وبقينا نتونس أنهيت المكالمة ولمن رجعت جوا

يتبع ...