الجزء 2
كنت حاسسه بي عظمة كده مبالغه 😂😜✋🏻
بعد دقايق تلفوني رن 📞📞📞
انا: اي يا خلودي😘
خالد: اها ركبتي؟؟
انا: اي ركبت 😎
خالد:ووين اسي ؟؟
انا: قررربت على البيت 😊
خالد:هاك هاك امي دي عاوزاك ☺️
انا: حبيبتي انا😘
امي: وجوونتي ❤️قربتي؟
انا: قربت اصلك قلبي😍
امي: تصلي بالسلامة حبيبة قلبك 😘
خالد: انتو حا تقضوا لي غزل وانا وراي شغل😒
انا: وانت مالك قال 😂😂غيرة وروح شريره 😌
خالد : يلا انا طالع على الشغل اتأخرت 😌 تعالي سريع البيت عشان انتي عارفه امك وريدتا ليك
انا: طيب حاضررر توصل بالسلامة ❤️
خالد:وانتي كمان 😊
وقفلت...
عاينت لقيت الكمساري بعاين لي بالمراية 😅 حركات االكماسرة 😂 اشرت ليهو في المراية الباقي بالله 😒 قبل علي واداني ليهو
طبعا كنت عاوزه احسب باقي القروش... لكن شفتها شينة ياخ 😂😂😂🙊 خصوصا وانا داخله في طور ما طوري يعني😂😂،
قلت لنفسي : "هوووي يا وجن شيلي قروشك دي ودخليها الشنطة سااااي 😌 "
فعلا دخلت قروشي وبقيت بعاين بالشباك 😊
نفسي :
وجن محمد 😍 عمري 22سنة
بقرأ طب في جامعه الخرطوم.. المستوى الثالث
طويله ولوني قمحي ووزني وسط لا سمينة لا ضعيفه
واهم حاجه عندي وجنة مجننا خلق الله😉 الحمدلله اسم على مسمى🙈 عاجباني نفسي صراحه وواثقة من نفسي 😊 بس مرات بتجيني خوفة كده😂 بلبس نظارات بس هوائية ما دايما الا يكون الجو مغبر 😅
ابوي "محمد احمد " مغترب في السعوديه ليهو 15سنة
وعندي خالد اخوي اكبر مني نحن اتنين بس
خالد شغال في شركة في الخرطوم😘
وامي حبيبتي "سناء علي "ربة منزل ❤
ساكنين في شقة في بحري ...
صحبتي وقلبي شديد نونة المجنونة😂 ياخ دي حبيبتي شديد 😘 اسمها نمارق 😌 بنقرأ طب سوا
من سنة اولى ونحن احححلى اتنين ❤️
التفاصيل حا نعرفا قدام😉
وصلت البيت،، مفتاحي معاي في شنطتي،، فتحت الباب ودخلت 😌 امممممي..... يااااا مامي😘
لاقتني تقست الحبشية الشغاله معانا سلمت عليها
تقست يا قلب 😘
مشت مني : ماما ماما وجن جا 😍
امي :
وجووونتي😍😍 وجات سلمت علي بتي السمحه وسلمت علي في راسي ❤️ يلا ادخلي اطلعي غرفتك اخدي ليك راحه شويه واستحمي وغيري وصلي لو ما صليتي في الجامعه وتعالي لي في المطبخ..
انا : حاااااضر والله كمان جوعانه جوعه يا امي😋