الجزء 14

مؤمن : طيب يا شباب ابتداءا من الخميس ال بعد بكرة ده حا نمشي مستشفى الحوداث امدرمان

وحا نساعد كل حد محتاج مساعده 😊 وان شاء الله ربنا يقدرنا ☺️

كلنا: موافقين وان شاء الله موفقين يا رب

مياده: يلا ادوني ارقامكم يا وجن ونمارق ☺️

شالت الارقام وقلنا ليهم عن اذنكم 😌

مياده : نحن كلنا طالعين خلونا نطلع سوا ☺️

انا ونونه: طيب خير 😊😊

البنات ال 4

سحر

وامل

وفاطمة

ووجدان

والاولاد :

محمد

وعامر

وزي ما قلت ليكم

مياده سايقه عربيه

ومؤمن عندو عربيه بس ما بسوق هو وحا نعرف ليه 😉

مياده: وجن ونمارق ووجدان وفاطمة حا تركبوا معاي

سحر وامل حا تركبو مع مؤمن

مؤمن : طيب تمام ، محمد وعامر انتو زاتكم تركبو معانا

عامر: لالا انتو امشو انا منتظر لي انسان هنا 😊

مؤمن : خير يا مان

يلا سلام

ركبنا كلنا بنفس التقسيم واتحركنا

انا ركبت مع مياده قدام وديل ورا

في الطريق بقينا نتكلم عن الكلام العاوزين نعملو ده واي واحد يفكر فيهو لحدي ما نتلاقي بكرة حا نقعد مرة تانيه للترتيبات النهائية

ونشوف لو في واحد جاب افكار جديده❤️

مياده وصلتنا العربي وودعنا بعض واتوزعنا❤

انا : يا نونة 😌 مياده طلعت انسانة طيبه ياخ😍 ظلمناها ساي في الاول

نونة: والعجب مؤمن 😍 الله لي انا من مؤمن ❤️

انا:😂😂😂 انبرررررشت😌

نونة: بس عليك الله ما لي حق انبرش؟ 🙊

انا: مؤمن ول خالد اخوي😏

نونة: وي خالد 🙈🙈احححم احححم 😍🙈 وجون ياخ مالك 😅🙈

انا: كلبه 😌 مؤمن ده خلي لي انا🙈🙈

نونة: 😂😂😂 "وضربتني في ضهري" كويس كويس تدردقيني انا بالكلام وتجي تقولي لي منبرشه في مؤمن 😂😂😂

انا: قبيل لمن قال لي سرحانه وين قربت اقول ليهو فيك 🙈🙈

نونة : انا بعد كده احسسن اتخارج 😌😌

اتودعنا واي واحده على جهة مواصلاتا 😊

واقفه في الموقف لي ربع ساعه ماف مواصلات 💔

بعد شوية جات عربيه

ياها العربيه البركب فيها طوالي

بس الكمساري وينو ☹️☹️ الكمساري الغياظ ☹️☹️

بتاع العربيه بقي يكورك

يلا بحححححري يا جماعه 😌

الناس دي جرت جري على الحافله 😅 قام فتح لي الباب قدام قال لي ختي شنطتك سريع قبل ما يحجزو المكان 😊 ختيت الشنطة وبعدها ركبت وركب جمبي عمك كبيييير كده

المهم بعد العربيه اتملت اتحركنا 😌 عمك الراكب جمبي ده سأل سيد العربيه

انت وووين وائل الليله؟

سيد العربيه: حا نلاقيهو قدام،، العربيه دايره ليها زيت مشى يشتريهو 😅

عمك : والله ولد ممتاز ياخ😊

انا مع نفسي :😒😒😒😒 ممتازه انا 😏

ركبت سماعتي كالعاده وبقيت بسمع وفتحت البيانات ومنتظرة الرسايل تنزل😌

جاني اشعار في الفيس حق طلب صداقه 😌

عاينت فوق اشوف ليك الاسم بالانجليزي

ما ركزت كتير طبعا مع الاسم وفتحت رسايل الواتس☺️

بعد شويه العربيه وقفت،، وتاني اتحركت، وانا بدردش مع ناسي في الواتس 😌

رديت على الرسايل ودايره اطلع كده 😅 انتبهت للاسم

MoOomen Ali

😳😳

حسيت بي انسان بطقطق لي في اضاني ولمسني في كتفي☹️

طلعت فرده سماعه وعاينت وراي

الكمساري الغياظ☹️☹️☹️

قال لي : لازم طبعا تكوني دي انتي 😏😏 انتي يا بت ما بتتوبي 😒 طلعت الفرده التانيه وعاينت لعمك قال لي: اسي يا بتي نحن من قبيل بنقطع فيك 😂😂 ما سامعانا😅

انا : لالا ما سمعتكم يا عمو والله😅

عمو سيد العربيه 😒😒

انتي مش قبل كده حصل لينا معاك موقف؟؟

الكمسااري: ياها زاتا 😂😂😂

انا:😐😐👊 انت السألك منو زاتك 😬👊

قال لي ارح ادفعي لينا حقنا، يااااا بتنا😌

طبعا انا نسيت 😂😂😂😂

وبسرعه طلعت قروشي ومديتا ليهو 😌

طبعا عارفين الواحد لمن يكون راكب قدام جمب السواق ويتلفت ورا للقروش وخصوصا لو عندك باقي😂😂😂 قاسيه خلاص

لا بتعرف تتلفت كل دقيقه تتابع الكمساري لا تعرف تكون مقبل بس😂😂😂😂

المهم اديتو عشرة جنيه ومنتظرة الباقي وشغاله زي مروحه التربيزه😂😂😂✋

يلا انا لمن سميتو الكمساري الغياظ ما غلطانه 😕

ما رجع لي الباقي☹️

وانا كل دقايق اتلفت

في النهايه فتحت التلفون وفتحت اشعار الفيس مؤمن علي 😳

ووواي الصورة حقت مؤمن 😍 ولدنا 😍 دفعتنا❤️

عرفتو طبعا😂😂

طوالي بحث للصور طبعا كأول خطوة في قبول الطلب

بفتش صور الواحد بعداك بعاين للمنشورات ومن ثم بعد يوم او يومين بوافق😎✋

في اثناء اندماجي مع الصور وشغاله براي بعلق

تبااااااارك الله 😍 الله يحفظك ❤️ ومندممممجه😍 شايفه رسالة واتس من نونه

طوالي اسكرين شوت😂😂😂 وجري لنونة 😌🏃‍♀

مرسله لي:

وجووونتي😘

رديت ليها : قلب وفشافيش وجوووونتك وكلاويها😍

نونة:😳😳😳 لا دقيقه قولي طوالي في شنو 😂😂👊

انا : شمار طااااااااااااازة 😌👌

نونة: ارح ارح قووووولي 😍😍😍

انا: "رسلت الاسكرين بتاع طلب الصداقه ❤️"

نونة: اششششششششششي😍😍😍😍 مؤمن عدددددديل كده❤️ لالا انتي متأكده؟!

انا: احححححم احححم 😎😎👌 انا لو قمت خططططرة 😉

نونة: والله خطررة شديد 😌

يتبع ........