الجزء 1

وانا الضمني شنو انو كلامك ده صح ؟! انا م شافعه عشان تضحكك علي بكلمتين وزي

العويره اصدق كلامك ده لا بصدقو عقل لا بفسرو منطق والكلام العندي قولتو ليك ولو

سمحته كفاااايه لهنا كذب واختى طريقي من فضلك قال لي انا عازرك ي بتي م هين

تصدقي ولا الحكايه ف حد زاته بتصدق لكن دي الحقيقه ؛؛ وقفته علي حيلي قولته

ليهو ياتو حقيقه دي؟؟ ! انت هسي مستني مني اصدقكك يعني؟؟! اغمض عيني

وافتحه القى زول قدامي بقول لي انا خالك ؟؟! انا خوالي تلاااااته والتلاته ربنا

متغمتون برحمتو من قمته لا عيني وقعت عليك لا شااافتك لافي صوره ولا في

الحقيقه ولا ف زول حكا لي عنك ولا جابو طاريك ف ونسه وجاي تقول لي

خالك ؟؟؟؟! قال لي انا ح اسيبك يومين تفكري فيهم مع نفسك وتكوني هديتي

الصدمه كبييره عليك وبتمنى تسوعبي البقولو ده قولته ليهو مافي شي افكر فيهو وانا

ابدااا م معصبه عشان تستنى مني اهدا انا هاااديه لكن كلامك انت المستفز وم بخلي

العقل ف محلو قال لي يعني ح اقطع المسافه دي كلهاااا عشان اكذب عليك؟؟! طيب

لو فرضنا انو فعلا انا بكذب عليك مستفيد شنو من كذبتي ؟؟! هسي ده منطق ده ؟!

قولته ليهو المسافه البتتكلم عنها دي عباره عن خمسه دقايق بعربيتك يعني م متكلف

ف حاجه وتسفيد ولا م تسفيد دي حاجه بتعرفه انت واحد لاقاني ف مطعم وقال لي

انا خالك انت بينك وبين نفسك انت ممكن تقصد كلام زي ده ؟! ولا بخش عقلك ؟؟!

قال لي انا حكيت ليك من البدايه قبل نقعد انو محتاجك تركزي ف كلامي وتسوعبيهو

عشان عاااارف انو الكلام ده م بتصدق قولته ليهو طالمااا هو م بصدق مافي داعي

للكلام من اساسو وقف ع حيلو قال اسمعي ي نسيمه انا م ح اجبرك تصدقيني ولا

اضربك من يدك ع حاجه لكن شئتي ام ابيتي انتي واخواتك بنات اختي ماريا ومهما

حصل انا مستحيل اخليكم بعد عرفته مكانكم خصوصي انكم براكم وبرا راجل قولته

ليهو نحنا لينا شهرين برا راجل وم حصل لينا حاجه ولا اتودرت لينا عوجه قادرين

نحافظ ع روحنا والخلق م ناسي قال لي فعلا الخلق م ناسي والدم م ببقى مويه ولو

فاكره اني ح اسيب بنات اختي برااهن تبقي غلطانه انا اهلي كلهم ماتو م فضل منهم

غيركن انتن التلاته قاطعتو قولته ليهو وانا اهلي واهل امي كووولهم ماتو وم فضل

منهم زول ودي الحاجه الانا متاكده منها وعارفاها

سكت مسااافه وقال ليي معليش اصلا انا جاي ومتاكد انك م ح تصدقيني لكن افهمي

اني م مستفيد شي منك ولا من اخواتك م ح افرض روحي عليكم وف نفس الوقت م

ح افرط ف بنات اختي الربتني وحاولي استوعبي كلمه الربتني دي طالما م قادره

تستوعبي غيره قام داير يمشي قولته ليهو استنى شيل حاجاتك دي معاك سميه قالت

لي بنهره نسيمه عاينته ليها بعيني ونزلتها ؛ قال لي دمك حامي زي ابوكي وفتح الباب

وطلع ...

بمجرد م طلع سميه وسميره طوووالي استلموني سميره قالت لي انتي كيف تقول ليهو

كده وتتكلمي معاهو بالطريقه دي ؟؟؟ قولته ليها انتي م سامعه البقولو عايزاني اصدق

انو عندي خال ؟؟! قالت لي هو كلمك وشرح ليك وكلامو منطقي قولته ليها انتي

مصدقاهو يعني؟؟،! قالت لي بتردد ااي مصدقه ووالله ليه م اصدق قولته ليها بنهره

سميره من الله خلقك وختاك ف الدنيا دي غير خالي حامد وشمس الدين واحمد عينك

دي لمحت غيرهم؟؟؟! هااا؟؟ ولا حبوبه ولا امي ولا ابوي زااااتو حصل جابو

طاااريهو؟؟! سميه قالت لي هو قال انو كان ف مشكله بيناتم وساب البيت وده وارد

انتي ليه م بتصدقي قولته ليها انتي بذاااات ي سميه م تفتحي خشمك لانك اصلا

خوالي ديلك م متذكراهم عشاان تصدقي لي ده واحد جاااي م بعرف من وين طالع

بقول لي انا خالك لا وكمان الكبير قااال سميره قالت لي انتي ليه م عايزه يكون لينا

اهل زي بقيت الناس؟؟ قولته ليها عشان اصلاا نحنا اهلنا ماتو وادفنو ف التراب م

محتاجه اذكرك ماتو كيف؛؛ قالت لي عارفه انهم ماتو لكن هسي ظهر لينا خال ونحنا

برانا حتى ابوي مات وهو م مستفيد شي مننا بالعكس نحنا المستفيدين قولته ليها ان

كان على الطلاسيييم والفلم الهندي البايخ القالو ده يبلو ويشرب مويتو ولو كان ع اننا

برانا م نحنا من اتخلقنا برانا وين المشكله هاا؟؟! لفينا شماال ولا موتنا عايشين؟؟! هدا

كويسن وعايشين حياتنا حصل شنو يعني؟ سميه قالت لي انتي بتسمي دي عيشه؟؟! لا

اهل لا عم لا والد 💔 زول طارينا مافي وبتفقدنا غير حاج عكاشه زي المعزولين من

الناس لا زول بذكرنا بخير لا شر وانا بصراحه كده مصدقه اي كلمه قاله وهو خالي لو

م عايزه تصدقي مشكلتك ومشت خشت الغرفه

سميره قالت لي انا برضو مصدقاهو قولته ليها سميره ختي عقلك ده ف راسك هسي

ده كلام بتصدق؟؟! قالت لي من ناحيه بتصدق ف ااي بتصدق انتي مش قولتي الخلق

م ناسي؟؟ ! انا م عندي استعداد اعيش بدون اهل م صدقته اشوف زول من ريحه امي

💔 قولته ليها م تبقي عاطفيه قاطعتني قالت لي مستفيد شنو هوو مننا هاا؟؟!

زايدين مالو ولا مقامو؟؟ ! لانا الغنيانين وعندنا ورثه عشان يضحك علينا عشانه ولا

النسب البفخرو بيهو ي نسيمه مستفيد شنو الراجل ده ؟؟ قولته ليها عاادي ف رجال

بتاجرو البنات ونحنا م عندنا لا تالي لا والي اطقس عننا وعرفنا برانا .... ضحكت قالت

لي انتي الهنديه وبتقولي خزعبلاتمن راسك م هو انا ماشه انوم احسن من اسمع

ترهااااتك البتأليفيها دي ...

مشت وخلتني خاته يدي ف راسي كيف بصدقنو بالسهوله دي م تمى نص ساعه معانا

وخلاااص حكمن انو صادق؟؟ ! هسسي ديل اتصرف معاهن كيف؟!

تلفوني ضرب لقيتو حسام قال لي كيفك ان شالله كويسه قولته ليهو تمام قال لي مالك

بتردي بطرف لسانك قولته ليهو معليش م قصدي مضغوطه بس قال لي معنى كده م

ح اقدر اشوفك؟! قولته ليهو خير ف حاجه ؟! قال لي انسي خليهو وقت تاني طالما

مغضوطه للدرجه دي قولته ليهو لالا م مشكله اها انتلاقى وين؟! قال لي خليهاا قولنا

قولته ليهو لالا م بخليها اها نتلاقى وين قالي لي ح ابعت ليك اللوكيشن واتس قولته

اليهو تمام لبسته اقرب عبايه وطلعته اصلاا زهجانه وقرفااانه وكونوا اكلع من البيت ده

شي بحاجه ليهو ركبته ف اقرب ركشه ومشيت كان معطم قريب من العربي ؛؛؛ لقيتو

اااعد مستنيني سلمته عليهو قال لي ي ساااتر جايه تحاربي ولاشنو 💔😂😂

قولته ليهو كيف يعني قال لي عليكي تكشيره توقف قلب الكجر 😂😂 ضحكته

قولته ليهو يخسي عليك قال لي منو المزعلك كده بلاااااااي 😂 ؟؟! قولته ليهو

الدنيا ح تشاكله لي ؟؟ 💔😢! قال لي لالا دي لالا يااا دي مزعله العالمين كلهم

قولته ليهو اها عايزني ف شنو قال لي عايزك تروقي اول حاجه عشان كلامي بزعل

💔😊 قولته ليهو طالما بزعل يبقى مافي داعي للروقان قال لي لا انا خايف ع

روحي منك قولته ليهو ليه عملته شي بزعل لدرجه دي ؟! قال لي م انا للصراحه لكن م

حبينا تعرفي من زول غريب قولته ليهو حبينا؟؟! انت ومنو؟! مسح راسو بيدو وعاين

بشبااك قال لي عزام قولته ليهو بهجمه حصل ليهو حاجه ؟؟! قال لي عشان كده انا

قولته ليك خايف 💔😊 قولته ليهو حسااااام ده م وقت الغاز احكي ف شنو ؟ !

قال لي م بحكي مالم تهدي قولته ليهو انا م ح اهدا مالم اعرف عزام مالو؟؟! قال لي

شيلي نفس قولته ليهو اها قال لي نسيمه شيلي نفس شلته نفس قولته ليهو اهااا

ياخي م توترني براي متوتره قال لي انتي عارفه انو كل شي قسمه ونصيب وانو ف

حاجات م بأيدينا ولا بنتحكم فيها من قال كده عرفته مضمون المووضوع قولته ليها

عرس؟! سكت مساااافه وقال لي الكلمك منو؟!

قولته ليهو م محتاجه زول يكلمني المقدمه القولته دي كفت ووصلت الداير توصلو قال

لي نسيمه القصه انو... قاطعتو قولته ليهو لا ان لا كاان م محتاج تفسر وتبرر ليهو قال

لي احلف ليك بشنو اهلو هم الجبروهو قولته ليهو حسام هو لو كان قدر الكلمه القاله

لي م كان خلاك تجي انت وتوريني قال لي انتي عايزاهو يجي يقولك شنو ي

نسيمه ؟؟! يقوليك عرسته تعالي احضري عرسي ؟؟! قولته ليهو آيا كان الحصل يجي

برااهو يواجهني ويفهمني الحصل مش يدار بيك انت وختك قدام ويقول ليك امشي

وريها قال لي هو م قال انا الاخترحته عليهو اني اكلمك بدلو قولته ليهو طالما هو من

البدايه م قدر مشاعرو م كان يعبر عنها ويديني امل ف الفاضي ؛؛ انا لمم خطب يئسته

واعتبرته الموضوع انتهى وخلاص وحاولته اتأقلم مع كده جا هو تااااني رجعني لنقطه

الصفر لمن كان مضروب ف المستشفى قال لي ح اسيبه عشانك وانا م بقدر اتأقلم

معاها وانا وانا ... قولته معليش اديهو فرصه لمن عرفته انو ابو هو السبب وهو

الجبرو ؛؛ لمن امو شافتني معاهو قالت ليهو لو م عرسته فاديه م راضيه عليك لا دنيا

لا اخره قولته كفايه لهنا م بخسر دنيتو واخرتو عشاني وتااااني قررته ابعد بس ابدااا

م كان بساعدني ولا ع طول متمسك بي ولاف حواليني محل امش قال لي ح اقنع

امي م تشيل هم وانا عارفاها بتكرهني كره البصير للعمى ؛؛؛ فرحته شديد ومشاعري ف

ثانيه اتكونت من جديد كأني م حاولته انساهو ؛؛ من البدايه هو عارف انو اهلو

وبذاااات امو من سابع السمتحيلات ترضى بي او تتقبلني او تتعايش مع فكرة انو

عزام يرتبط بي

كلامو كلو بخ سااااي بدون فعل طاير وشايلو الهوى وهسي مرسلك لي نظام ااعرفي

ولا كرت دعوه؟؟! حسام قال لي متفهمك وعارف انها حاره وصعبه شديد لكن والله

عزام بحبك قولته ليهو واااضح الشي ده م محتاج توريني قال لي حاولي استوعبي

انو اتجبر قولته ليهو فاااهمه ومستوعبه لكن بعملتو دي انو يخليك انت تجي تكلمني م

اتوقعتها منو قال لي نسيمه عزام م قادر يواجهك ولا يخت عينو ف عينك انا شفته

كسرتو بعيني دي اقسم بالله م طايق البت دي قولته ليهو طايقه ولا م طايقه بقت

مرتو وانتهى قال لي لا م انتهى ضحكته قولته ليهو شنوو المنتهى؟؟! م

ش عرس

وخلص قال لي م عرس عقد بس قولته ليهويعني بقت ف زمتو شرعاا وقانونا مرتو

صح ولا م صح؟! سطت م رد لي قولته ليهو شكرا م قصرته عن اذنك مسكني من يدي

قال لي م ح اخليكي تمشي بالحاله دي قولته ليهو حسام من فضلك قال لي انا آسف

بس انا سبب المشكله وانا الاخترحته عليهو كده قولته ليهو ح تجاوبني بصراحه؟؟!

قال لي بجاوب قولته ليهو هو كان ناوي يكلمني ولا انت الجبته لي سيرت الموضوع؟؟!

سكت وم رد لي قولته ليهو لغايه هنا حبايب قال لي لالاالا دقيقه انتي فهمتي شنو؟!

قولته ليهو انو ود خالتك م راجل ؛؛ دايره امش قال لي استني اوصلك قولته ليهو

شكرا م بحتاج انا عارفه طريقي كويس ...

م وجعني انو عرس قدر م وجعتني انو م كان عايز يكلمني حتى ؛ بعاملني بمنتهى

السذاجه يخطب ويقولي ح اعرسك انتي يعقد ومستني اديهو فرصه؟؟! لا عارفاهو

مختل لا عارفه روحي انا المختله لاني صدقته انو فعلاا ممكن يعرسني انا

لكن العتب م عليهو العتب علي انا السمحته ليهو يتلاعب بمشاعري بالطريقه دي

وارخيت ليهو الحبل واديتو فرصه فيني ؛؛ فعلا هو عيشني احاسيس عمري م حسيته

لكن استتفذ طاااقتي كلها وم فضل فيني احل اكمل بيهو طريقي

حاسي روحي دااايخه وم قادره اشوف القدام كويس وقفته لي بتاع ركشه ؛؛ كان ف

موكب شغال ف العربي تاتشرات الكجر ماااليه الشارع من بدايتو لنهايتو والناس كتيره

شديد الموكب اتحرك من لعربي وجا المكان النحنا فيها ؛؛ الناس كانت كميه مهووووله

من الناس سيد الركشه قال لي لا اله الا الله ياخي دي حاله دي وحلنا عديييييل واحد

راكب جنبي قال ليهو شباب طايش ساااي كلهم صعاليق ومعرصين اهل م عندهم سيد

الركشه قال ليهو ي عمك معانا بت راكبه الراجل عاين لي قال ليهو هسي ح تقوليك من

حقهم ونحنا جيل واعي والطلاميس الحفظنها دي سيد الركشه قال ليهو يعني انت

هسي مقتنع تمااااما انو ظيل كلهم مخربين ومندسين ؟؟! قال ليهو بكل ثقه طبعا سيد

الركشه ضحكك قال ليهو م عندهم اهل صح ؟! قال ليهو فعلا كلهم من الشوارع

والبنات ديل مطلوقات ساااي م لاقيات البلمهن قال ليهو ي عم عندك العيال والبنات

صح ؟! قال ليهو ااي والله عندي تلاته اولاد وبتين قال ليهو لو عارف انو عيالك دي

معرصين وبناتك مطلوقات ساااي ف الخلا؟! الراجل هاااج قال ليهو انت مجنون ولا

شنو كيف بتقول كده قال ليهو شايف؟! ماف زول برضى ف جناهو ي ريت م تسيء

لجنى غيرك وتنبزو عشان م يجي واحد زيي وينبز جناك 😊 نحنا اولاد ناس ي حاج

وعندي ابوي قدرك لكن م لاقي الاكلو ليهو ومتخرج لي سبعه سنه جادع شهادتي وم

عارف مكان زاتو ويت ولي تلاته سنه ملازم الركشه دي والبصرفو عليها اكتر من

الدخل البدخلو منها،؛ انت وغيرك مقطتنعين بانو الحكومه دي فاسده وفاشله واخدت

مننا اكتر من ادتنا وسفت البلد دي سف لكن م عايزين تغيرو او بالاصح خايفين وده

حقككم طبعا عندكم عيله وبت وعيال مستتيكم وساندنهم م طالبين منكم غير بعض

الاحترام خلونا نحنا الم عندنل شي نخسرو ولا شفع نصرف عليهم نطلع ونطالب

بحريتنا نحنا مستعبدين من سنيييين والشفناهو نحنا م دايرين اخوانا الصغار

يشوفوهو انا شخصيا عندي اخوان صغار م عايزين اشوفو او يضوقو الضقتو وعليك

الله انت قدر ابوي م تنبزنا والله العظيم كلامك حاار نحنا عيالكم ي ابوي 😊 وانتوا

اهلنا مافي زول بنبز ضناهو ي ابوي 💔😊

الراجل سكت وم رد ليهو وم تكلم نهااائي تاني ؛ وشوفت عيوني الراجل نزل راسو ف

الارض فكو بنبان كان بعيد مننا بس ريحتو شرار ؛ الناس بقت جاريه بتجهنا قدامنا

بنبنان وورانا كجر والناس م عارفه تمشي يمين ولا شمال وريحه البنمبان واقفه فوق

ونفسي خلاااص ضاااق .....

اها م اشقتو لي 💙🙈🙈 طبعا لغو امتحانات ف اسفه لاني طولته لكن

عارفين جرجرت الجامعه وكذ 💔🐸 حااااسكم ح تنبزوني لييييه انا عندي

الاحساس ده لكن حقكم والله 💔😊😂😂

يلا مسيووووووهاااات وربي قوبلاتي الحاااره 💙😍😙😙

# استكاااااانهه 👊😴