الجزء 2

كجر قدام وكجر ورا والناس محتاره م عارفه تقبل وين ؟؟! كلهم جارين وكل واحد

جرا ف اتجاه والكجر جارين وراهم بالعربات المبتختشو وشايلين سلاح ومدرعين

💔💔

سيد الركشه قال لي انتي كويسه بت؟؟! الراجل المعانا قال لي عندك ازمه قولته ليهو

لا حساسيه قال لي والجايبك هنا شنو ي بتي م عارفه الموكب قولته ليهو م كنت

عارفه سيد الركشه قال لي اشوف ليكم طريقه امرقكم بيها الراجل قال ليهو لا ح ضيع

حلينا ننزل احسن قال ليهو م تنزل ي ابوي لو نزلته ح تتعوق استنى بس لقى شارع

لفه بيهو وطلعنا

وصل الراجل قريب من بيتو قال ليهو الشارع مترس م بقدر اخش الراجل قال ليهو

والله العيال ياخي الواحد م يطلع قاليهو ي ابوي الترس ده بحمي ارواحم بس م اكتر

😊 داير يديهو القروش سيد الركشه لفى قال ليهو خليها علينا نحنا المطاليق المره

دي 💙😊 ودور مشى قال لي هااا بقيتي كيف قولته ليهو احسن قال لي بيتكم

وين ؟! قولته ليهو وصلني مستشفى رويال بس وم قصرته تاني قال لي تعبانه

شديد؟؟! قولته ليهو لالا شغاله هناك قال ليهو ايووه دكتوره قولته ليهو لا ممرضه

ضحك قال لي م ياهو دكتوره ي بتنا مد لي منديل مبلل بخل قال لي لقدام ف جوطه

شااايفه ح يفكو بنمبان ختي ف نخرتك قولته ليهو شكلك حافظم معاهم ولا شنو ؟!

ضحك وم رد لي وقف نزلني قال لي الموكب ده ح يخلص بالكتير 4 حاولي م تتطلعي

قبليها ولو طلعتي العربي وصينيه القندول وبري وشوارعه م تقربي منهم بذااات بري

قولته ليهو شكرا م بتقصر قال لي العفو واجبنا 😊

جميله الطريقه الرد بيها ع الراجل خصوصي انو م شال منو قروش بالرغم من انو

شرح ليهو انو ظرفو صعب ؛؛ كلامو صح نحنا جيل م بنستااهل نعيش حياة زي دي ولا

نتعب التعب ده كلو 💔

خشيت لقيت المستشفى ملااانه وشايفه حسام واقف معاهو دونقا وكذه ولد من

جامعتنا مشيت عليهم قولته ليهم خير ي الله مالكم؟؟! قال لي جبنا صاحبنا مضروب

ف راسو وحالتو حرجه جداا وهسي دخلو عمليه قولته ليهو وشنو كميه الناس دي

كلها؟؟! قال لي م هو م جنبا واحد نحنا جبنا 3 اتنين برصاص والتالته بت بمبنان ف

عينه 💔💔💔 قولته ليهو حسبي الله ونعمه الوكيل المستشفى دي انا قفرتها

عديل بسبب البحصل دونقا قال لي انتهكات واستخفاف بروح البني ادم ياخي بدعسونا

بتاتشراتم كأنننا حشرات م بشر طالعين عشانم ويقتلو فينا ديل بهااايم م بشر قولته

ليهو م كان تطلعو 💔 حسام قال لي لو م طلعنا ح يستعبدونا طول عمرنا قولته

ليهو 30 سنه الناس دي حاكمه م ح يمشو بالسهوله دي وزول واقف معاكم مافي دونقا

قال لي معاكم؟؟! انتي م تبعنا ولا شنو؟؟! قولته ليهو لا 😊 قال لي ي زوله معقوله

ي نسيمه يااااخخ والله انتي اكتر واحده اتوقعته تكون قدام م بترضر بزول والاهانه

ولا بتسكتي ع حقكك قولته ليهو انت حقوق وحياة عايزه تدافع عنها صح ؟! قال لي

اي قولته ليهو انا م عندي حقوق ف البلد دي وحياتي مسلوبه فيها انا عايزه اتخارج

منها بس م عايزه منها شي تاني 😊 حسام قال لي م بصدق البسمعو ده قولته ليهو

لا صدق دونقا قال لي دافعي عن حقكك ده بلدك قولته ليهو مش كان قولته لي انو انا

خااادم بت عبيد وانو البلد م حقتي؟؟ متذكر لمن نبزته امي و حاولته اوقف قدامكم

عملتو فيني شنو؟؟

نزل راسو قال لي انا اسف حقكك علي انا اسف وندمان والله العظيم كنت طايش

ومتهور اعفي لي قولته ليهو م دام الاسف 😊 حسام عاين لي قال لي نسيمه ممكن

يجي يوم وتعفي لينا العملنت فيك زمان تعفي لينا بالجد م كلام خشم ساي؟!

سكته مسافه قولته ليهم انتوا بجد ندمانين حسام قال ي سافين التراب قولته ليهو

كل العايزه اسمعو كلمه " ندمان " وهسي سمعتها م شايله عليكم شيا الدنيا قصيره م

معروف جنازه منو قبل التاني دونقا مد ليو قال لي اعتبريني بتعرف عليك من جديد

مممكن؟؟! قولته ليهو مممكن وصافحتو ابتسم لي خفيف قال لي ماشي اشوف صحبي

حصل معاهو شنو واجي ...

اول مره ف حيااتي اشوف كميه الندم والحسرة دي ف عيون الغربان ؛: حسيت انهم

بجد ندمانين ع العملو فيني زمن كنت برلومه 💔 لمن زول يغلط ف حقنا شديييد م

بنكون متمنين شي غير اننا نشوف الندم والحسرة ف عيونو وكونوا الغربان بذاااتم

غيرتم ثوره يدوب ده شهره التاني يبقى كلام سيد الركشه صح وفعلا ده جيل واعي

وعايز يغير من نفسو وينبز العنصريه والقبليه والفقر الحاصل ...

بس ده م كان مبرر يخليني اطلع معاهم خااالص وكل م اقول دي بلدي ونفسي تحن

بتذكر الشفتو فيها وبتراجع م بين القلب والعقل خيط ومابين الحريه والاستعباد شعره

متى م قطعتها ببقى اسمك ثائر ..

فعلا الموكب خلص الساعه اربعه اتحركته طوووالي ورجعته البيت طبعا انا ساكنه ف

بورري زاااته الحزرني منها الولد قبيل وفعلا الشوارع كلهااا مترسه لقوني كجر قال لي

ماشه وين انتي؟! قولته ليهو بيتنا اقدر اساعدكم بحاجه؟! قال لي جايه من وين؟!

قولته ليهم من الشغل الدخول بقى باسئله ولاشنو؟؟! قال لي اسمعي م تتلااامطي

معاي فاهمه قولته ليهو العفو ي اخوي اتلامط كيف وانت اكبر مني؟؟! لكن كل م

امشي خطوتين القى واحد بسالني نفس الاسئله دي ما

شه وين وجايه من وين قال لي

خلاص امشي داك قاليهو تمشي كيف يعني انت صدقتها قال ليها يااخ خليها تمشي دي

بت ناس م سامعه بتتكلم بادب كيف دي م مع المطلوقات ديلك قال ليهو هووي م

تغشك دي كانت ف الموكب وشال مني شنطتي فتحه لسوء حظي كان المنديل الاداني

ليهو الولد داك قاااعد مد ليهو قال ليهو م قولته ليك معاهم قولته ليهو بسبب منديل

انت حكمت اني كنت ف الموكب؟! قال لي انتي قايلاني طيره هدا بخلو قولته ليهو

المنديل ده اصلا م حقي قعد يضكك قال لي م حقكك ي ش .......... ه قولته ليهو اتكبم

باحترام محطني صوت ف ضهري قال لي ح تعلميني الاحترام انتي قولته ليهو انتي

كيف بتمد يدك علي ؟؟! قال بمدها وبمد الدايرو كمان اركبي ولزاني بكل قوتو قولته

ليهو م راكبه انا م كنت ف الموكب والبنمبان فكو ف المستشفى وادتنوني المنديل ده

قالو لي سيد بيهو نخرينك عشان عندي حساسيه قال لي انتي قايلاني ح اصدقكك

وتاني محطني تلاته سيطان ف ضهر جو مجموعه من الشباب قالو ليهو عيب ي عمك

دي بت قال ليهم ارفعو لي ديل زاتم الولد قعد يضحك قال ليهو م تجي ترفعنا انت

شال السوط ومشى عليهو قال ليهو شوفو نحنا م دايرين غير البت المعاكم دي وح

نسوقه يعني نسوقه كانت تجيب سوطك كان تجيب كلاشك طوالي شال السوط

ومحطو الولد م اتحرك ولا رمشت ليهو عين قال ليهو اضرب ساااي م نحنا ف النهايه

اخوانك وانت اكبر مني وانا م بمدد يدي ع اخوي الكبير 😊 الشرطي ولا اشتغل

بيهو وضربو تاني واحد وقف بينم قال ليهو ي عمك بنقول ليك اخونا وتدقنا؟؟! قال

ليهو م عندي فيكم دم فكني ي كلب ومحطو برضو قال ليهو كلب؟! معليش طاعه

الكبير واجبه لكن دي بت م ظريفه تاخدوها معاكم ممكن تاخد واحد فينا بدله انت

فاهم يعني شنو بت صح؟! قال ليهو انا اخدكم انتو الخمسه بمافيهم قليله الادب

الجاين عشانه دي الولد قال ليهو انا م غالبني ارد عليك او ادقكك شوف نحنا 5 وانتوا

2 بس م ح تغلبونا صح؟ ! لكن نحنا طلعنا سلميه ومن قبيل بدقو فينا وتنبز باقبح

الالفاظ وماف واحد فينا رد ليكم بكلمه ااي نحنا م اخوانك من امك لكن الدم سوداني

ولا شنو يااا مان 😊 نحنا محترمنك وم خايفين وانت عارف يعني شنو اولاد براري

ف شينه تقابل الاحترام بتصرفات ذي دي انت كبير واوعى مننا ادينا البت من فضلك

وخليها تمشي بيتهم

الشرطي المعاهو قال ليهو خليها تمشي ياااخ قال ليهو ي زول تمشي ديل صعاليق

سااااي الولد قال ليهو صعاليق م اختلفنا لكن برضو سيب البت قال ليهو البت دي

اختك امشي من قدامي قبل ابتلي فيك انت وطلع مسدس قال ليهو عيب ي عمك ياا

انا اعزل وطلع لي مسدس ف وشي دي م رجاله والله 🔥🐸 قال ليهو انت ح

تعلمني الرجاله وضرب المسدس ف الهوا قاليهو والله م تمش افرغو ف راسك الكبير ده

ختى يدينو ف جيبو قال ليهو وحااااتك م متحركين من هنا مالم البت دي تمشي

بيتم ؛؛ كلامو استفزاهو طوالي ختى ليهو المسدس ف راسو ضحكك قال ليهو يلا

دوس واحد من الاولاد قال ليهو انت كده بتستفزو دي م رجاله منك انت برضو قال

ليهو انا داير اموت ارح اكتلني 😊 الشرطي ادخل ف اخر لحظه ووجه المسدس

للهور والطلقه التانيه برضو اضربت ف الهوى انا خلاااص هدومي بقت تكب مويه بقيت

برجف من فوق لتحت قولته ليهو خلاص بمشي معاك بس م تقتلو االولد قال لي قومي

امشي لاهلك يلا ارح روحي ب روح البت دي قولته شنو؟! الشركي مسكو من خشمو

قال ليهو ينعل ابوك ي صعلوق قايلني بتهاون معاك والله اليله الا اشيل روحك دي ي

كلب الشرطي تاني كان عاقل سحب منو السلاح طوالي بمجرد م سحبو قالو لينا يلا

امشو قومي ي بت من هنا وشال سوطو ضربي بيهو م كنت قادره اسند حيلي جو

ولدين رفعوني وجرينااا والشرطي لما فينا بالسوط لغايه ادرينا ورا بيت ؛ داك قاليهو

خليتو يهربو مالك قال ليهو ياخ خليهم معاهم ود اختي دايرو يقول لاختي شنو؟!

صاحب خالي قتل صحبي قدامي ورفع بت ؟! داير بيتي يتخرب ولاشنو خليهم

اليجرو ...

الولد قال لي خوفتي ولاشنو انتي قولته ليهو قلبي اتقطع عديييل مش خفته بس

ضحكك قال لي هواا ساااي كلام بس 😂😂😂 قولته ليهو كان ح يضربك لو

م داك سحب السلاح لفوق قال لي الاعمله قولته ليهو للدرجه دي مستنغنى عن

روحك؟ قال لي مش فايه بتقول " انما الروح من امر ربك " ؟! قولته ليهو اي قال لي

يبقى مافي داعي اخاف روحي م ف يدهم عشان ياخدوهل مني 😊 عجبني ردو

شديييد وم قدرته ارد قولته ليهو الله يكملكم بعقلكم شكرت ليكم واحد فيهم قال لي

م نفسك تبدا قصتنا من هنا 😂 قولته ليهو الدنيا تتغير ولا الولد السوداني ضحكك

قال لي يلا ع بيتكم ي بت 🔥👊👊👊😂😂

وصلته البيت لقيت ف اكياس كتييره مختوته ف التربيزه قولته ليها لسميره ديل

الجابم منو؟! قالت لي عم عكاشه جا قبيل معاهو عزام ختوهم ومشو قولته ليها عزام

معاهو؟! قالت لي اااي اصلا الاكياس دي جابه هو قولته ليها عزام قالت لي اااي انتي

علقتي ولاشنو؟؟! ختيت شنطتي ف السرير وشلته الاكياس دقيت باب جيرانا مره

عجوزه كده اديته ليهم قولته ليها ديل من فاعل خير قالت لي بارررك الله فيك وفيهو

ي بتي 💙😊 سميه قالت لي ده شنو ده؟؟! قولته ليها مالك؟ ! قالت لي الاكياس

طلعتي بيهم م جبتيهم قولته ليها اديتهم لي جارتنا ام الخير م عندها البصرف عليها

غير ولده ومرتو كعبه ☺ قالت لي هطله ولاشنو؟؟! قولته ليهو بالضبط كده وخشيت

وقفلته علي باب الغرفه بكيت بعد الله غفر لي نمته ف سريري صحيت لقيت الساعه

عامله 1 صباحا

صليت العشا والمغرب سوا الله يجاوزي البسسبهم اخرت صلاتي ونومته زعلانه 💔

بطني وجعتني واصوات مصاريني ماليه الصاله ؛؛ فتحته التلااجه كان فيها باميه

مطبوخه ورز طلعتهم الاتنين سخنتهم الباميه دي مستعده اكله خمسه صباحا ؛؛ بديت

اكل اصلي لمن اكون زعلانه بفشي غبيتي ف الاكل اكلته حلت الرز كلهااا بعد بطني

وجعتني مصمصتها خشمي م كان جايني نوم فتحته التلفزيون وماسكه تلفوني ف يدي

شايفه اسيل اونلاين وناشره منشور كاتبه فيهو " الله يبدع عننا ناس النفسيات البقطعو

علاقتهم معاك بدون مبرر "

عرفته قاصدني عملته ليها لايك ومشيت ؛؛ سمعته كركبه اتجاه الشباك فتحته فلاش

التلفون وشلته المفراكه لمن قربته طفيت الفلاش ونور الصاله اصلا منور؛؛ شفته زول

متكل ع الشباك قولته خلاااص ده حرااامي اليله جاني بقيت ماسكه المفراكه بيدي

اليمين وواخده وضعيت الهجوم ؛؛ مشيت عليهو وقعت فيهو ضرب قال لي لا ياخي

استني انا م حرامي انا م حرامي ي جن م اشتغلته بيهو وبقيت بضرب فيهو وبنبز

قولته ليهو قايل روحك ذكي عشان م معانا راجل ح تسرق والله اليله كان تطير قال لي

ي مجنونه م حرامي ياخي وقفي انا مضروب ي بشرررر الصوت بقى لي مألوف فتحته

الفلاش قولته ليهو منو عمااار؟؟! قال لي ياخي ف حرامي بتكلم معاك قولته ليهو انت

الجابك بالشباك شنو 🔥😑 قال لي انا هربان وشيلي الحاجه دي مني وزح

المفراكه كان بقيف بيالله قال لي كسرتتي عضامي الله م يوقع زول ف يدك بمفراكه ي

بشررر قولته ليهو مالك ماسك بطنك وهربان من شنو ؟؟! زح يدو كان مضروب ف

بطنو وبينزف دم قال لي عليك الله هم برا بفتشو فيني خبيبني اليله دي بس والدمم

نازل من بطنو ....

# استكاااانهه