الفصل العاشر

بعد م ردحته ليهو وحظرتو قعدته اتوونس مع احمد في القروب احمد قال لي بالمناسبه ي شهد م عندك سناب شات قلته ليهوو لالا والله م محملاهو قال لي شكلك بس شغاله فيس واتساب قلته ليهو ياخ فيس قلته ليهو م بحبو لأنو وهم والناس الفيهو وهمين احمد قال لي وهمييين للدين صح قلته ليهو بالظبط كدة قاعدين نتونس مع ناس امي امي قالت ليها وفاق انتي بعد كدة نبدأ ليك الحبس لأنو ناصر قال عايز يتمم ليك العرس بعد 21 يووم بس وفاجأنا زاتو بالشيله هيام قالت ليها وووب ي امي 21 يوم دي بتعمل لينا شنوو امي قالت ليها وانتي مالك انشاءالله

قالت ليها كيف ماالي دايره اتحبس معاها انا زاتي المساء اتصل على ماذن قعدته اتونس معاهو كداا قلته ليهو مسافر مدني متين؟قال لي نسيييت اكلمك عرس صحبي إتأجل لأنو حبوبتو اتوفت قلته ليهووااااي ي حليلو ربنا يرحمها الموهم الايام عدت وبقينا في تجهيزات عرس خالتو وفاق وخالاتي كلهم نزلو السودان وبيتنا بقى ملان هبه اختي قالت لي شووش والله وكبرتي واتخطبتي قلته ليها شووفتي كيف قالت لي قبل كم فترة كنتي بتلعبي وبتضربي في الشفع في الشااارع وبتلعبي مع خلوووود كبييرة قدر حالتك دي قلته ليها الكبر حسنات

رنيم قالت ليها شهد دي م عزبت زوول في الدنيا غيري انا ياخ ضربتني ضرب كل م تلقاني بلعب في الشارع بتضربني قلته ليها كنته م بطيقك علشان بتغااظ من لونك رنيم قالت لي واااااي ي دووب عرفته السبب ي حقوودة هيام قالت ليها الا انا البااايرة ي هبوووش لي الله عاد رنيم قالت ليها م تنسي انا برضو بايرة خالتو ملاك قالت ليهم العرسان م بشوفو بس انتو بنات زي القمرر دة شكل بنات بتبوور اسي عندي بنات خالاتي سماح وسارة قالو ليهم هيي م تنسونا نحنا كمان بايركس خالتو رحاب قالت ليهم طيب في عرس وفاق دة ماف واحدة تطلع منو من غير عريس فهمتو

الموهم يوم العرس في الحفله بالليل طبعا جو اها ماذن كلهم حتى محمد جا معاهم انا لابسه فستان كحلي شفاف ماذن اول م جى داخل وقف جنبي قال لي الكحلي يخلوهو ليك قلته ليهو بالله وقعد يرقص معاي طبعا محمد قاعد مع امو وابوهو ويعاين لينا وكل م ارفع عيني اللقاهو بعاين لي لما يشوفني بعاين ليهو بعمل روحو ماسك جوالو وكدة بعدها جا احمد قعد يرقص معانا قال لي ي شهد عندكم جكس نضيف ياخ قلته ليهو دة كلامك عينك وقعت على منوو فيهم قال لي اللابسه فستان زي حقك دي قلته ليهو في اتنين لابسين فساتين زي هيام اختي ورنيم

قال لي هيام اختك انا بعرفها بسس ياها رنيم دي الحلبيه دي صح؟قلته ليهو ايوة قال لي ياااخ كساااارة بت تغول هاربه من الجنهه ماذن قال ليهو والله ياهو البقولو عليهو بشششتنه ورقاد واطه ي ولد اتقل قلته ليهو هي صحبتي زاتهام هينه احمد قال لي شهد مش انا صحبك واخوك خلاص ابقي لي واسطه ياخ البت دي انا مراقبها من يوم الحنهه قلته ليهو احمد يعني بعتني خلاص قال لي لالا م بعتك لكن ضحيت بيك لي اخوووي ماذن ماذن قعد يضحك ضربته ليك احمد في كتفو قلته ليهو جزمهه انت هيام جات قالت لي شهد قلته ليها احكي

قالت لي م تغولي لي القاعد مع ناس ام ماذن دة ياهو يزن فجأة جات رنيم وقفت قلته ليها اي ياهو زاتو رنيم قالت لي واااااي انا من يزن وقوام يزن وسمار يزن قلته ليها قصدك محمد هيام قالت ليها والعجب ضحكتو وووب من اسنانو فيها رصصه قلته ليهم شكلكم نسيتو تفاهتو رنيم قالت لي والله ي شهد بي سماحتو دي معاهو حق يكون تافه زي دة م بفتش للبنات البنات براهم بجوهو ومعاهو حق يلعب بيهم قلته ليهم انتو تافهات طبعا هم بتكلمو وبعاينو ليهو المتخلفات وهو تقريبا انتبه انو نحنا بنقطع فيهو بقيت كل م ارفع راسي اللقاهو يعااين لي

رنيم قالت لي ي ريت لو م حظرتو من الفيس قلته ليها وانتي ضايفاهو كمان قالت لي اي ضفتو بعد فترة حظرتو قلته ليها مظهريا كدة الزول بشوفو محترررم وكدة صح ه رنيم قالت لي اي شديد هيام قالت لي شهد بعاين ليك ساااي م رفع عينو منك قلته ليها لاحظته التافه قلته ليهم يااخ والله العرس دة فاااقد رتوجتي بس رنيم قالت لي والله الليله لو رتاج كانت قاعدة كان ندمتو حياتو قلته ليهم ي حليلها قالت لي القاهرة فاقداك بس هيام قالت لي بختها والله ياخ الموهم العرس عدة على كدة وخالاتي رجعو وبيتنا بقى فااضي

طبعا انا امتحنته وخلصته امتحانان واجزتهه وخالد اخوووي اوول م اجز سااافر لي ابووي فضلته انا وهيام وامي بس في البيت هيام بتطلع الجامعه وامي بتمشي الشغل وبفضل انا بحرس ليهم البيت في يووم فجأة اتصل على ماذن الصباااح قال لي مساااااافر مدني اليووم لأنو عرس صحبي اتحدد يوم الجمعه واليوم الخميس قلته ليهو فجاة كدة قال لي والله فاجأنا كلنا ياخ عقبالنا كدة قلته ليهو طيب تررجع بالسلااامهه خلي بالك من نفسك قال لي انشاءالله قلته ليهو ماشي براك؟قال لي لالا ماشي مع الشله قلته ليهو تمام

على كدة قفلته منو حوالي الساعه 3 مساء كدة اتصلته عليهو قلته ليهو وصلتو؟قال لي وصلنا قبيييل حتى حاليا الجماعه ديل نايمين قلته ليهو انت زاتك شكلك كنته نايم قال لي تقريبا بس حسيت انك حتتصلي وصحيت قلته ليهو ه بكاش اها مدني وجوها كيف قال لي ياااخ فظيبيعه بلد جنه بس وحنينهه قلته ليهو تمام قفلته منو على كدة يوم السبت بعد العرس اتصل علي الصباح قلته ليهو لسسه م اتحركتو؟قال لي لسسه والله ههه حنتحرك المساء قلته ليهو المساء قال لي اي حنتحرك حوالي الساعه 4_5 كدة عشان الشارع بكون فاضي حندخل بدري وبعدين معتصم صحبي دة سوااق بدخلنا سورعهه

قلته ليهو مشيتو بي عربيه خاصه يعني قال لي اي هههه قلته ليهو طيب هيام قالت خايفه عليهوكدة مالك خايفه يشلبوهو منك ولا شنوو قلته ليها هو زاتو م بتشلب قالت لي مشششم على الثقه الزايدة امي قالت لي قولي ليهو شارع مدني دة كعب لو الزمن اتأخر خلي يتحركو بكره الصباح بس قلته ليها طيب المساء حوالي الساعه 5 اتصل علي قال لي اتحركنا خلاص قلته ليهو امي بتسلم عليك وقالت ليكم شارع مدني كعب اعملو حسابكم في الشارع قال لي تسلم انشاءالله ولن يصيبنا الا م كتب الله لنا قولي ليها دعواتها بس قلته ليهو بالنسبه لأصوات الحميير البتنهق جنبك دي

قال لي ي حقااارة ديل الشباب بغنوو اكلمهم ليك اسي قلته ليهو هيي م قصدي شي قال لي بنسمع لي نااادر خضر ه قلته ليهو فايقين ورايقين قلته ليهو طيب طيب اول م تصلو اتصل علي تمام قال لي تمام طلعته جهزته الغداء وقعدته ادردش مع احمدفي القرووب كان بقطع في ماذن ماذن رسل قال ليهو اصبر لمن اصل ي احمد حوالي الساعه 8 كدة اتصلته عليهو م بررد قلته يمكن نايم وكدة الساعه لما جات 9 تاني اتصلته عليهو بررضو م بررد شويه كدة اتصل على احمد صوتو متغير

قلته ليهو عندك اللتهاب ولا شنوو؟قال لي ي شهد مازن دة قالو عربيتهم عملت حادث دخلت فيهم شاحنه او حاجه بالشكل دة طبعا انا مسكني هبووط قلته ليهو حادث شنوو ومازن وين قال لي حاليا نحنا ماشين عليهم في شارع مدني انا وابووي ومحمد اذا بتقدري امشي اقعدي مع امي لمن نرجع نحنا زاتنا اتصلو علينا من رقم ماذن قلته ليهو اول م تصل طمني حلفتك بالله قال لي انشاءالله يكونو بخير بس بس جدعته التلفون وقعدته اصرخ امي جاتني جاريه مخلوعه مع هيام قالو لي مالك قلته ليها ماذن عمل حادث في شارع مدني ي امي هيام قالت لي واااااااي ي شهد حادث شنوو

امي قالت لي حادث كيف قلته ليها م عارفه قالو دخلت فيهم شاااحنه قالت لي ربنا يكتب ليهم السلامه ي بتي قلته ليها انا ماشه بيتهم هناك لأنو خالتو مريم قالو براها امي قالت لي طيب سوووقي اختك وامشي لبسنا عباياتنا ومشينا طبعا لما وصلته لقيت البيت ملاااان ناس موبالغه وخالتو مريم دي منهاااارة تمام طبعا انا الكنته ببكي لما شوفتها وقفته بكى مشيت قعدته جنبها حضنتني وقعدت تبكي وتكورك بقيت اهدي فيها قلته ليها البكى م بفيد في شي صلي وادعي ليهو بس خالتو قالت ليها اي ي اختي قومي اتوضي وصلي وادعي ليهو

مشت اتوضت وفرشت المصلايه تصلي وتبكي جبته ليها المصحف قلته ليها اقري ليهو قراءن انا زاتي مشيت اتوضيت وقعدته اصلي قريت قراءن شوويهه كدة قلبي م كان مرتاح نهائي الناس كلها بتسأل دي منو دي منوو واحدة من بنات عم ماذن قالت ليهم دي خطيبتو اتصلته على احمد م بررد علي فضلته اتصل عليهو كتيير م بررد قعدنا مساهرين للساعه 3 صباحا ماف خبر وماف خلاص اعصابنا باظت انا بقيت م قادرة اقعد قلته لي هيام م قادرة انا خلاص هيام قالت لي اصبري ي شهد وادعي ليهو

الساعه 7 صباحا جا عمو جمال داخل جلااابيتو كولها ملااانهه دم انا من شفتوو م عارفه نفسي الحصل لي شنووووو بس قعدته اصررخ واكورك هيام جات جاريه والناس كلهم جو جارين عمو جمال مسكني قال لي اصبري ي بتي وادعو ليهو بس لأنو ماذن دة خلاص بقى في رحمه الله طبعا انا كنته بصررخ وم مستوعبهه هو بقول في شنوو وطيرته ووقعته شالوني فتحته بعد ساااعه كدة تقريبا لقيت البيت دة ملااااان بصوورة موبالغ فيها وهيام مرقداني في رجليها رفعته راسي قلته ليها هيام اديني تلفوني قالت لي عايزة تعملي بيهو شنوو؟قلته ليها عايزة اتصل على ماذن ياااخ اديني تلفوني

قالت لي شهد افهمي ماذن بقى في رحمه الله افهمي وقعدته اصررخ امي جات ضربتني كف طاخ وحضنتني وقعدت تبكي قالت لي ي بتي انا مش كلمتك وقولته ليك م تخلي يجي بالليل دة قالت لي خالتك مريم حالتها صعبهه شديد انتي خليك قويه قمته طلعته من الغرفه اتوضيت صليت وقعدته اقرا قراءن شويه كدة طلعته مشيت غرفه خالتو مريم لقيتها بتغوول انا م ولدي م يشرحوهو م يشرحوهو ولدي انا احييي ي قلبي لقيت احمد قاعد في الارض معاها وببكي اول م شافني جا مسكني وقعد يبكي طبعا الجنازة م جابوها البيت من المستشفى وعلى طوول ودوهو المقابر

بعد م جو راجعين عمو جمال دة ضغطو ارتفع محمد دة عيونو زي الجمر بس نهاااائي م بكى بس بصبرر في امو جا طالع من غرفه امو بمسح في دموعو لما شافني نزل يدينو ومشى والله كم سااعه من خبر الوفاة البيت دة اتملى ناس بصوورة موبالغه مكان يقعدو فيهو ماف عدت اسبوعين من الوفاة والناس دي ماشه وجايه بصورة مبالغه لمن تم الاربعين يوووم في نفس الحاله انا طبعا عديت معاهم الايام الاوائل بس بعدها رجعته بيتنا لكن كل يووم بمشي ليهم مع انو حالتي انل كانت اصعععب بس كنته بعمل روحي قووويهه علشاان خالتو مريم

والحاجه الكانت بتخليني اكتئب اكتر انو خالتو مريم كل م تشووووفني بتبكي بقيت م بمشي وحتى لو مشيت م بدخل ليها بعد الاربعين قلته ليها امي انا تاني م عايزة امشب بيت ناس ماذن لأنو خالتو مريم كل م تشوفني بتبكي قالت لي ي بتي بتتزكر ولدها بيك قلته ليها م بقدر امشي تاني هيام قالت لي طيب م تمشي انتي زاتك شوفي حالتك بقت كيف وعيونك دي انتهت من البكى الولد دة عزبتوهو عزاب بعد كدة م تبكو عليهو ياخ صلو وادعو ليهو خلو ايمانكم بربكم كبيير رنيم جات داخله قالت لي شهد كيفك الفترة دي؟قلته ليها الحمدلله قالت لي الحمدلله ي ستي

طبعا رتاج ورنووم م قصرو معاي في الفترة دي كانو بقوني رتاج كانت م عارفه تصبر رااامي على فراق صحبو ولا تصبرني انا في يووم اتصلت على خالتو مريم قالت لي ليك يومين م جيتي علينا مالك انتي كويسه؟قلته ليها انا كويسه الحمدلله انتي كيفك؟قالت لي والله ي بتي الحمدلله قالت لي ي بتي عليك الله م تنقطعي مننا حتى ولو ماذن بقى فر رحمه الله انتي نحنا بنعتبرك بتنا ومننا وفينا قلته ليها والله ي امي انشاءالله قلته لسها امي دي خالتو مريم قالت لي هي كيفها؟قلته ليها الحمدلله كويسه

الموهم بقيت امشي ليها يووومي واسلم عليها وبتطمن عليها واحيانا بطبخ ليهم وكدة واحمد بساعدني في الشغل يعني بغيير ليها جوو وبحاول اطلعها من حاله الاكتئاب الهي فيها دي ومحمد دة بقى ولا بجي البيت زاتو تقريبا شهر كامل م جى خالتو مريم قالت لي عليك الله ي بتي اتكلمي معاهو يجي راجع البيت انا م يبقو علي خسارتين بدل واحدة احمد قال ليها ي امي خليهو براحتو يمكن لو جا البيت هنا م يرتاح وبعدين هو كوويس وبمشي الشغل وبجرجع البيت عادي قلته ليهو هو ساكن وين اسي؟قال لي في بيتنا حق المعموورة قلته ليهو ايواا

عمو جمال قال لي عشان كانو هو وماذن ربنا يرحمه قريبين لبعض شديد قلته ليهو الفقد حار والله لكن الحياة بتستمر وكلنا ليها والله قال لي اي والله ي بتي كلنا ليها طبعا انا مكسوورة لكن بصبر فيهم بس الموهم بعد م رجعته بيتنا اتصلته عليهو قلته ليهو معاك شهد قال لي اهلين قلته ليهو م كنته حابه اتصل عليك بس حبيت اقول ليك صح انت فقدته اخووك بس كونك تنعزل من الناس دة م برجعو ليك وبعدين اذا انت فقدته اخوووك خالتو مريم فقدت ولدها المن رحمها يعني وجعتك عليهو م بتحصل وجعتها عشان كدة فوووق الهم العليك م تشيلها همك انت كمان

في الوقت دة بدل م تفكر في نفسك فكر في امك وابوووك اكيد محتاجنين ليك وانت الكبييير يعني انت سندهم بس احمد الصغير دة اسي م مقصر معاهم قال لي ومطلوب مني اعمل شنوو؟قلته ليهو ارجع البيت واتصرف بشكل طبيعي عشان امك وابووك قال لي انشاءاللن وشكرا انتي كمان م قصرتي معاهم قلته ليهو العفوو دة الواجب وقفلته على كدة الموهم انا نزلته الجامعه السنه التانيه لي وعدت سته شهوور من وفاة ماذن انا مع الجامعه بقيت م بقدر امشي ليهم كل يوم بمشي اجيانا واحيانا بتصل بتطمن على خالتو مريم وامي زاتها احيانا من الشغل هناك بتمشي تغشاها

في يووم عمو جمال وخالتو مريم قاعدين يتونسو مع بعض خالتو مريم قالت ليهو والله شهد دي بس سبحان الله اسم على مسمى بت محترمه وفي غايه الأدب غايتو بالجد سوسن امهم عرفت تربي عمو جمال قال ليها اي والله ياخ وبت صاحبه واجب وعااقله خلاص احمد جا وقف قال ليهم وجميله كمان اخطبوها لي خالتو مريم قالت ليهو مجنون انت ولد متين لمن يخطبوها ليك احمد قال ليها مالي زول كبير ومسؤؤل انتو بس بت زي دي م تضيعوها من يدكم عمو جمال قال ليهو والله ي ريت لو م نضيعها احمد قال ليهو عشان كدة قلته ليكم اخطبوها لي خالتو مريم قالت ليهو احمد

عمو جمال قال لسهو انت دة مستحيل لكن لو محمد معليش احمد قال ليهو والله فكرة ي ابووي اخطبوها لي احمد اخوووي وكدة م حتكونو طيرتوها من يدكم خالتو مريم قالت ليهم هيي كيف يعني انتو ناسين انها خطيبه المرحوووم ولسسه زاتو م تم سنهه في قبرو عمو جمال قال ليها عااارفين لكن الحي ابقى من الميت ي مره احمد قال ليها اسي هي كدة بتجيكم وبتتواصل معاكم لو عرست واحد تاني والله تاني ولا بتشتغل بيكم لأنها حتكون مشغوله مع راجلها واهلو خالتو مريم قالت ليهم هيي زاااااتها م بتقبل كدة خليكم من دة

احمد قال ليها والله ي امي افضل من شهد م بتلقي عروس لي محمد بنات الزمن ديل والله كلهم م مضمونات انا غايتو كلمتك قالت ليهو والله لو هي بتوافق انا زاتي م عندي مشكله كدة استخير قبل م نستعجلو سااي بعد يومين انا كنته في الجامعه خالتو مريم اتصلت على امي قالت ليها تعاليني في البيت لو بتقدري امي مشت ليها قالت ليها انشاءالله خير قالت ليها كلوو خير ي سوسن اختي انتي عارفه طبعا شهد دي كانت خطيبه ماذن ولدي ربنا يرحمه امي قالت ليها ربنا يرحمه والله قالت ليها والله بي صراحه شهد دي نحنا م عايزين نضيعها من يدينا وهي بتنا ومننا وفينا

امي قالت ليها والله هي بتكم زي م قولتي وكل يووووم بتمشي وتجيكم وهي زاتها قلبها عليكم ه قالت ليها والله صح وامس كنا بنتكلم انا والحاج في الموضوع دة والحاج اقترح انو شهد دي م دايرين نطلعها من اولاد البيت ديل عشان كدة قال طالما ماذن بقى في رحمه الله نعقلها لي محمد الكبير امي طبعا اتفااجأت قالت ليها اها انتي رايك شنوو انا بس حبيت اسألك امي قالت ليها والله انتو فاجأتوني بي كلامكم دة لكن انا رأي كدة م حتكونو ضغطتو على البت؟حتكون صعبهه بالنسبه ليها تعرس اخو خطيبها

خالتو مريم قالت ليها والله عارفنها صعبه عليها لكن قلنا نحاااول بس لكن اصلا م بنضغط عليها اذا م موافقه والله انا شهد دي بعتبرها زي بتي امي قالت ليها عارفه والله الموهم امي رجعت البيت على كدة هيام قالت ليها امي شايفاك من جيتي داخله من الشغل مقلقه مالك؟امي قالت ليها ماف شي بعد جيت من الجامعه لقيت خالد بقرا سااي قلته ليهو المجتهد السنه دي ممتحن ي حليلك قال لي اصبري بس بجيب نسبه اكبر من نسبتك قلته ليهو اها ي حفيد انشتاين انز والله لو جبته نسبه اكبر من نسبتي اديك العايزو قال لي احلفي قلته ليهو اوغسم

بس انا واثقه انك م حتجيبها قال لي كويس مشيت غيرته ونمتته صحيت المغرب اميوقالت لي ي شهد تعالي قلته ليها ايوة في شنوو طبعا امي م بتناديني جوة غرفتها الا لما تكون في مصيبه حاصلهه قال لي اليوم مشيت لي خالتك مريم والجماعه ديل قالو م دايرين يفوتوك من واحد من اولادهم طالما ولدهم مات عشان كدة قالو دايرين يعقلوك لي ولدهم الكبير قلته ليها كيف يعني يعقلوني؟قالت لي يعني يعرسوهو ليك طبعا انا اتفاجأته لمن جاتنى رعشهه وقلعته ليها عيوني قالت بي م تتخلعي فيني م بغصبك انا وانتي حرره ماف زول بجبرك على شي

قلته ليها امي طبعا مستحيل اوافق على موضوع زي دة ولا حتى مجرد تفكيير ساااي م بفكر فيهو قالت لي طيب اذا خالتك مريم اتصلت عليك اديها جوابك دة قلته ليها لا مستحيل م بقدر اكلمها كلميها انتي وطلعته دخلته غرفتي وبقول الناس ديل جنووو شكلهم هيام قالت لي جنيتي انتي البتتكلمي برااك دي مالك!؟؟قلته ليها اتخيلي قالو عايزين يعقللوني ولا يعقلوني م عارفه الموهم لي محمد قالت لي ووووب قصدك يزن قلته ليها تخيلي بس قالت لي واااي اها انتي وافقتي؟قلته ليها لا طبعا مستحييل اوافق بيهو

هيام قالت لي شهد انتي هبله محمد دة اسي برفضوهو؟قلته ايها هيام انتي متخلفه لو متخلفه وريني قالت لي م متخلفه لكن ي شهد الواقع بقول انو ماذن مات قلته ليها م حأتناقش معاك دخلته الواتساب طبعا مسحتو عشان م اشوفف دردشتي مع ماذن دخلته على رقمو لقيت حالتو كاتب فيها اللهم انت الصاحب في السفر وقعدته ابكي في بيت ناس ماذن احمد قال لي ابوهو اسي ي ابووي محمد حيوافق؟انتو سااي استعجلتو وكلمتو ام شهد عمو جمال قال ليهو امس جاني في الشركهه وانا اتكلمته معاهو وفاتحتو في الموضووع رفض

لكن جا البيت هنا م عارف امك اتكلمت معاك قالت ليهو شنو المهم وافق احمد قال ليهو الحجه بكون نزلت ليهو دمعه دمعتين خالنو مريم قالت ليهو والله اتكلمته معاهو بس قال لي الدايراهو ي امي يبقى بس وبعدين فيها شنوو لو بكيت احمدقال ليهم وشهد وافقت خالتو مريم قالت ليهو كلمته امها لكن لسسه م ادتني ردها احمد قال ليهم اكيد م حتوافق عمو جمال قال ليها انتي ي مريم يمكن ترفض من غير م تخجل منك لكن انا م بترفض لي طلب خلي انا بتصل عليها وبتكلم معاها فجأة جا محمد داخل سلم عليهم

عمو جمال قال ليهو الدايراهو امك بس ببقى صح والدايرو ابوك م ليك شغله بيهو قال ليهو ي حاج معقوله ياخ اعفي لي بس رضاكم اهم شي بعد اسبووع في يوووم الأحد المغرب كدة اتصل على عمو جمال استغربته قلته ي ربي في شنوو؟ طبعا لمن نسيت الموضوع الكلمتني فيهو امي داك رديت سلم علي وكدة قال لي طبعا ي بتي امك كلمتك وحكت ليك الحاصل صح؟؟قلته ليهو ايوة بس ي عمو جمال انت عارف الموضووع دة صعب علي م بقدر والله قال لي والله ي بتي نحنا م عايزين نضغط عليك وفي نفس الوغت م عايزين نضييعك من يدنا الموووهم قعد يتكلم معي مسااافه تقريبا كدة سااااعهه كامله

وبعدها قال لي اها ي بتي انتي رأيك شنووو؟طبعا صوتي م كاسه بيهو لأني كنته ببكي قلته ليهو طيب قال لي يعني م عندك مانع؟قلته ليهو انت زي ابوووي والبتشوفو انت مناااسب انا م عندي مانع قفلته على كدة طبعا جدعته التلفون م حاسه بي روحي م قدرته اخجل الراجل بعد م اتكلم معي كتييير كدة م قدرته اكلم امي كلمته هيام قلته ليها عمو جمال اتصل علي وفاتحني في الموضووع وانا م قدرته اقول ليهو لأ قالت لي يعني وافقتي قلته ليها والله انا زاتي م حاسه بي نفسي لما وافقتهه هيام جرت كلمت امي امي جات قالت لي صحي الكلام دة

قلته ليها والله ي امي الراجل ضغط علي ساعه كامله بقنع فيني م عرفته اقول ليهو شنوو قالت لي امرك غريب لكن على العموم الفيها الخير ربنا يقدمها هيام طوالي شالت التلفون اتصلت على رنيم قالت ليها اجري تعالي بيتنا في شمار عجيب في اقل من خمسه دقايق لقيت رهف في راسي قالت ليها في شنوو قالت ليها شهد خطبوها قالت ليها الخطبها منوو قالت ليها خطبوها لي يزن امي قالت ليهم يزن دة منوو هيام قالت ليها اغصد محمد ي رنيم رنيم قالت ليها لاااا م بصدق محمد اخو ماذن كيف الكلام دة المهم حكت ليها القصه

رنيم قالت لي حالتي اسي قلته احنكو وافك منو الحظر في الواتسااب هيام قالت ليها شهد دي عندها حظ تغول بزورها نبي الله الخدر طبها غاظوني قلته ليهم قومو طيرو انتو الاتنين بره يلا اتصلته على رتاج ببكي قلته ليها عايزين يعرسو لي محمد ي رتاج قالت لي محمد منوو قلته ليها محمد اخو ماذن قالت لي ووووب ي شهد وووب لا م بصدق مستحيل اصدق قلته ليها والله قالت لي امممم وانتي متضاايقه ولا مبسووطه؟قلته ليها اتبسط على شنوو انتي مجنونه قالت لي طيب ليه م رفضتي؟قلته ليها م قدرته اقول لي عمو جمال لأ فهمتي قالت لي ختوووك في موقف صعب غااايتو ي حليلك

اليوم التاني جاتنا خالتو مريم في البيت قالت لي امي المره دي م عايزين خطوبه ولا شي نحبسها طوالي وبعد شهر نتم العرس تمام؟امي طبعا هي زاتها حاسه روحها مضغووطه قالت ليها طيب م عندي مشكله بعد مشت قالت لي الناس ديل شفاغنين عليك شديد قلته ليها م دي المشكله هنا وفاق خالتي اتصلت علي قالت لي والله صحي رب ضااارة نافعهه ه قلته ليها دة الله قدرك عليهو قعدت تضحك علي المهم امي كلمت خالاتي لكن طبعا م عندهم طريقه ينزلو السودان مرتين في نفس السنهه لانهم نزلو عرس خالتو وفاق

امي قالت ليهم هي زاتها م عاملين ليها عرس كبير وكدة لأنو اخو الولد متوفي وكدة المهم بعد اسبووع جابو الشيله وحجات العرس وكدة طبعا انا مكتئبه ولااا شغلتي حتى الشيله اختارتها هيام وامي لما جابوها فتحوها لي قلته ليهم سمحه رنيم قالت لي واحدة عايز يعرسها واحد زي محمد دة وبتزعل طبعا حبسوني قبل العرس بي اسبووع جات خالتي الفي البلد ديك وجابت معاها بنات وحبوبه حجه حبوبه قالت لي انتي ي بت صحي دايرين يعرسو ليك اخو خطيبك المات؟قلته ليها تخيلي ي حبوبه قالت لي هيييي ي حليلك ي بتي انتي دي شالوك وختووك في النار

قلته ليها شووفتي كيف ي حبوبه قالت لي لكن بررضو السترة. سمحه ي بتي في غلبي قلته ليها هو اريتو لو تامي راجل عشان يعرف السترة طبعا م حصل ولا بالغلط اتكلمته معاهو في التلفون وهو زاتو م حصل اتصل علي لكن بتصل علي احمد وبتونس معاااهو كدااا بعدها بقفل احمد قال لي لسسه م ربطتي لي مع بت الحلب جارتكم ديك قلته ليهو رنيم طيب اديك تتكلم معاها قلته ليها رنيم هاك قالت لي منوو قلته ليها اتكلمي بس مسكت التلفون اتفاصحت معاهو كأنها بتعرفو ليها سنين قلته ليها خفه هيام قالت لي رنيم ضمنت فضلته انا

قبل كم يوم من العرس اتصل علي رامي صاحب ماذن اتكلم معااي كداا هو يتكلم وانا ابكي في نفس اليوم دة ابوووي جا طبعا كان م مبسووط لأنو عارفني متضاايقه ناداني سألني قال اذا م موافقه م مجبوورة توافقي انتي ي بتي قلته ليهو بعد الفاس وقع في الراس تاني م بقدر اقول لأ وقعدته ابكي قلته ليهو بعد كدة خلاص الحصل حصل يوم بكره العرس رتاج ورنيم قاعدين يكوو لي في ملابسي ورنيم بترتب لي في حجاتي رتاج قالت لي اشرح ليك الريحه دي تستعمليها كيف ولا بتعرفي؟؟ حمرته ليها سككتت رنيم قالت ليها طيب اشرحي ليها الملابس خلي الريحه

قلته ليهم انتو عايزين يطردوكم صح الموهم بعدها العرس تم اصلا مافيهو لا حفله لا شي مناسبهه عاديه لأنو ماذن لسسسه م تم السنهه المساء كدة بعد المغرب جا محمد ومعاهو صحبو وخالتو مريم واحمد علشان يسوقوني محمد كان لابس جلابيه وانا تووب بعد قمنا طالعين اول زوول مسكته فيهو ابوووي بكييييت كداا وطلعنا بعد م ركبنا محمد اداني المنديل ابيت اشيلو منو رجعو طبعا كنا انا وهو بس في العربيه هيام ورنيم وخالتو مريم واحمد وصاحب محمد في عربيه احمد وصلنا البيت طبعا بما انو كان ماف حفله عملو قعدة ظريفه كدة نظام الناس تشوفني وكدة

بعدها حوالي الساعه 10 هيام ورنيم ودعوني ومشو ووصلهم احمد بعدها خالتو مريم قالت لي بت اسمها تماضر طلعي شهد غرفتها قالت لي يلا وصلتني الغرفه بعدها طلعت وجات جابت لي جك عصير وطلعت طبعا سريع سريع غيرته ملابسي ورقدته نمتتته سامعاهو جا داخل وغير ملابسو وولع ليهو سيجارة ريحتها كتلتني كتل واتخمد ناام الصباح حلفته كان اقووم الا هو يطلع وهوحالف كان يقوم يطيير في النهايه قام استحمل ولبس وطلع حوالي الساعه 10 صباحا كدة نزلته تحت البيت فيهو ناس لكن م كتار شديد خالاتو وكدة لاحظته ليهم كلهم متفاجئين بي نزلتي بعاينو لي لمن خجلوني.

اجي ي جماعه في شنوو شككوني في نفسي قلته الا لو فيني شي غلط قلته ليهم صباح الخير خالتو مريم قالت لي صباح النوور ي بتي قعدته وشربته الشاي وفطرته بي مزااج واحدة من خالات ماذن قالت ليها طيارتكم بتقوم متين انتو؟قالت ليها بكره الصباح انشاءالله واحدة تانيه قالت ليها والاه انشاءالله عمره مقبووله ي رب قلته ليها خالتو مريم مسافرة؟؟قالت لي بكره مسافرين انا وابو محمد السعوديه والله ماشين نعم عمره وجاين راجعين طبعا اتفاجأته قلته ليها ايوا بعدها طلعته غرفتي اتصلته على رتاج وحكيت ليها عن نظراتهم لي لما نزلته وكدة

قالت لي شهد انتي هبله في عرووس بتطلع من غرفتها من اوول يووم بطلي شلاقه هم بجيبو ليك اي شي عايزاهو قلته ليها احلفي قالت لي اوووغسم ي طيرة قعدت تضحك قالت لي ي شماتت ابله ظاظا عليكي ي شهد بتكلم معاها كدة جا محمد داخل قلته ليها طيب مع السلامه دخل استحمى جا قعد في الكرسي وبقى يتصل على ناس الشغل قال ليهم الشحنه م وصلت وكلام زي دة جابو لينا الغداء قال لي الغداء قلته ليهو م عايزة شلته لي كبايه عصير شربتها قال لي حتعيشي على العصير يعني م ركزته معاهو سكته هو بعااااين لي ساااي طبعا انا فاكه شعري ولابسه لي بجامه عاديه

اليوم التاني صحى الساعه 5 صباحا علشان يوصل ناس امو المطااار نزل نزلته وراهو ودعتهم قلته ليها خالتو مريم حتجو متين؟قالت لي حنعمر وحنقعد مع اختي امنه هناك شهرين كدة قلته ليها شهرين قالت لي اي قلته ليها طيب تصلو بالسلامه ودعتهم ودخلته رجعته نمتتتته صحيت الساعه 11 استحميت ونزلته جعانه لقيت ماف عيش ناديت على احمد كدااا م ردة علي قلته معناها ماف قلته كدة ا تصل عليهو لو بره بره يجيب معاهو عيش اتصلته عليهو قال لي مره اخووي وصحبتي شديد قلته ليهو احمد عاين انت لو بره جيب معاك عيش صحبتك جعاانه قال لكن انا بعيد يااخ

قلته ليهو وين حترجع متاخر يعني؟؟_قال لي انا في بيت المعمورة اليومين دي نازل امتحانات عشان كدة رحلته قلته ليهو ايوا بعد كدة ي دووب الفكرة بدت تقع لي الناس ديل قاصدين يخلوني برااي مع محمد طلعته الغرفه لقيتو طاالع من الحمام لافي البشكير في نصو عاينته ليهو كدة واتلفته وهو ولا اشتغل بي لبس ونزل على طووول لبسته لي توووب ولميت شعري وشلته شنطتي ونزلته جاي داخل البيت شكلو شرب سيجارة برة قال لي ماشه وين بي شنطتك قلته ليهو بيتنا قال لي انتي مجنونه قلته ليهو ايوة يلا ابعد لي من السلم مسكني قال لي شهد جنيتي بجد قلته ليهو فكني

فكاني نزل مشى قفل باب المدخل بتاع البيت وشال المفتاح قال لي بعد كدة اطلعي وشال الشنطه وطلع مشيت قعدته في الهوول اليوم كلوو قاعدة فيهو والدنيا كانت شتاء والجووو بارد العصر كدة لقيتو جاب عيش مشيت جهزته الاكل وقعدته اكل جا قعد بعاين لي وبتبسم بعد م اتغديت رجعته الهوول اتزكرته انو انا ناسيه جوالي في الشاحن في الغرفه قلته كدة امشي اجيبو طلعته لقيتو قاعد شلته جوالي وعايزة اطلع كدة بس مسكني وقفل الباب بالمفتاح

...