الفصل السادس

طبعا بقيت ببكي بس رتاج قالت لي شهد انتي هبله تبكي على واحد عرفتيهو من العالم الاسفيري؟؟ي بت اصلا الفيس دة عامل زي السووق حتلقي فيهو كل الاشكال علشان كدة م تثقي في احد فهمتي رنووم قالت لي بالظبط كدة ي شهد وبعدين انتي شكلك بتحبيهو ي شهد م تكذبي قلته ليهم لأ م بحبو ياخ انا قلته ليكم هو صحبي بس صحبي شديد افهمو انا اتعوودته عليهو دة اكتر زول بفهمني وبستحملني رتاج قالت لي طيب ي شهد لنفترض انو هو زوول مهم بالنسبه ليك في حياتك هل انتي مهمه في حياتو؟؟رنيم قالت لي لو مهمه م كان اتخلى عنك بالبسااطه افهمي ي شهد

رتاج قالت لي بي طووله لساانك دي م اتوقعتك تكوني ساذجهه كدة ي شهد بالجد قلته ليهم انتو افهموني هو م كذااب دي الحاجه الوحيدة الانا متأكدة منها شلته التلفون وقعدته ارسل ليهو مسجات قلته ليهو انا اسفه وقسما بالله كنته بهظر في الرساله الاخيرة دي انا م بحبك ولا شي رسلته ليهو كميه من المسجات وبتصل عليهو م بررد رجعته بيتنا عيوني لمن موورمه امي قالت لي جيتي ي شهد قلته ليهو ايوة ودخلته غرفتي ورقدته في السرير وقعدته ابكي طبعا من شدة م اكتئبته بقيت افتح الشيتات بقرا وببكي وفي مواد ولا بقراها بدخل الامتحان سااي بس

وبمشي الجامعه زمن الامتحان بس وم بتكلم مع زوول بطلع من الامتحان برجع البيت حتى الناس كلها محتارة انا مالي بقيت كدة خلصته الامتحانات وانا م حاسهه نفسي خلصتعا كيف زاتي امي قالت لي شهد انتي مالك انتي اليومين دي؟قلته ليها ارهاق الامتحانات بس ماف شي خالد اخوي قال لي ي ريت لو الامتحانات عندكم طوول السنهه عشان تكوني هاادئه كدة دايما امي قالت لي الحمدلله اليوم اخر امتحان زاتو دخلته غرفتنا ياخ بس حاسه نفسي مخنوقه وكارهه نفسي واي شي قلته بس اتصل عليهو لازم افهمو اتصلته عليهو م برد واحيانا بفصل مني المكالمه

فتحته الواتساب فضلته ارسل ليهو كميه من الرسايل منها نصيه ومنها رساايل صوتيهه واشيل واعتذر وهو بفتح الرسايل وم بررد علي في النهايه حظرني رقدته وقعدته ابكي بقى م عندي حل غير البكى واقول لي نفسي ي ريت لو م رسلته ليهو الرساالهه دي جو داخلين لي رتاج ورنيم رتاج قالت لي شهد ي بت انتي اسي امك لو سألتك حالتك دي سببها شنوو حتقولي ليها شنوو رنيم قالت لي شهد انتي هبله رتاج شالت المشط قعدت تسرح لي في شعري قالت لي لأ انتي جنيتي عديل رنيم شالت تلفوني قعدت تفتش فيهو بعد م رتاج سرحت لي شعري رنيم قالت لي شهد

رتاج قالت ليها خلعتيني مالك ي بت قالت ليها اتخيلي عامله ليهو 57 مكالمه ومرسله ليهو 300 رساله واتساب و 35 رساله صوتيه رتاج قالت لي متخلفه بس هو بشر ولا ملاك لما تعملي فيهو كدة اصلا لما الزوول تديهو اكتر من حقو ليهو حق ينفخ ريششو رنيم شالت رقمو من جوالي ودخلت عليهو في الواتساب ورسلت ليهو قالت ليهو كسسرتها وخليتها تفقد ثقتها حتى في الحوليها اذا هي كانت ناقصه عقل انت مالك؟ مش عامل فيها صاحبها وقلبك عليها مش كان ممكن تفهمها بي صوورة كويسه وم توصلها للحاله دي؟قال ليها مين انت؟قالت ليهو م مهم تعرف انا ميين

وعلى فكره ياما في صحاب في طرف فيهم بحب التاني من طرف واحد ومع انو الطرف التاني بكون عارف بس عمرهم م اتصرفو واتعولقو وكسروو بخاطر صحاابهم زي م انت عملته لكن بالجد صحبه لي صحبه بتفرق وانت اساسا م زوول صحبه وحظرتو رنيم قالت لي بالجد واحد تافه جات هيام داخله رتاج ورنيم سكتو قالت ليهم اسي كنت سامعاكم بتتكلمو مالكم سكتوو كنتو بتقطعو في منوو رنيم قالت ليها ولا شي هيام قالت لي شهد لسسه مونفسنهه بسبب صاحبك رتاج قالت ليها يعني انتي عارفه قالت ليها اي عارفه رنيم قالت ليها شهد مدياهو اكتر من حقوو بس

هيام قالت ليهم انا كلمتها قلته ليها اسفهيهو رتاج قالت ليها ونحنا لينا كم يوم بننبح وبنغول ليها نفس الشي رنيم قالت لي سامعه الكلام دة ي شهد؟قلته ليهم طيب انشاءالله رتاج قالت اايوة خليك كدة ماف حد يفرق معاك بالزات ناس الفيسبووك المتخلفين ديل م تتعلقي بي حد خلي تعاملك معاهم في حدود قلته ليهم طيب رنيم قالت لي كلها يومين والموضووع يبقى ليك عادي كأنو م كان في شي الموهم عدت الاياام على كدة كرهته اي شي الفيس والواتساب دة بقيت م بدخلو عشان م اشووف دردشتي معاهو الاستديو بتاعي م كنت بفتحو علشان م اشووف صورو

هجرته جوالي عديل علشان م اتزكرو رنيم ورتاج م قصرو مني كل يوم بعزموني مكان وامي بترفض احيانا بحنسوها كانو بحاولو يخلوني انسى الحصل معااي ويغيرو لي مزاجي بعد فترة نتيجتي ظهرت اصلا المعدل كلوو كان من 4 وانا جبته 3,5 رتاج قالت لي بالرغم من الظروف الغاسيهه المريتي بيها فترة الامتحانات لكن انجزتي رنيم قالت لي انا لوو جبته معدلك دة من الفرحهه عارفه ممكن احضن اي زول ممكن اللقاهو في الشارع البعرفو والما بعرفو رتاج قالت ليها اها ربنا علشان عارفك مسخوطه علشان كدة مخك نسبهه ذكائك زيرو قعدته اضحك

وفاق خالتي قالت لي شاطرة ي شهودتي ياخ بعد م ناس رتاج مشو خالد قال لي اصلا نتيجتك دي مقشووشه قلته ليها امي لمي ولدك الحقود دة امي قالت ليهو ي ولد انت اسي كدة شوف حاله للرياضيات الساقط فيهو دة قلته ليها سااقط رياضيات قالت لي جايب فيهو 15 من 50 قلته ليهو شزيت ي فلان الموهم بعد شهرر بالظبط نزلته الجامعه السمستر التاني كنته من بره بضحك وبتونس عادي بس من جوة كدة مكسوورة وحتى م فاهمه نفسي اول مرة اتعلق بي زوول كدة في المحاضرة طبعا م بتزكر اخر مره فتحته فيها الفيس متين

جا واحد بقرا معانا اسمو يوسف قال لي شهد عندك حساب فيس صح انا ضايف الدفعه كلها م عدا انتي قلته ليهو طيب اسي بضيفك م عايزة افتح الفيس بس اتجبرته افتحو لقيت رسايل كتيرة نازله من ضمنها كانت رساله من يزن كاتب لي فيها اهو جبتي اخرك ي شهد اصلا انا كنت حاسي انك بتحبيني وحذرتك من كدة وانا بالجد كرهته وندمته على اليوم والاسباب والمواقف الخلتني اتعررف عليك وتكوني هبله اذا فكرتي في يوم انو انا ممكن احبك عشان كدة ي ريت تشيليني من مخيلتك الرساله تقريبا ليها اكتر من شهر وحاجه

طبعا بعد شفته الرسايل دي راسي عايز ينفجر بس تعبته شديد وراسي داخ قلته لي نفسي اصلا م تبكي طالما انتي هونتي عليهو رجعته البيت اتصلت علي رتاج قالت لي عايزاك في موضووع ضروري قلته ليها في شنوو؟قالت لي تعاليني سوورعه منتظراك على طوول طلعته مشيت ليها لقيت رنيم قاعدة قالت لي م عايزة اصدمك بس الولد الاتعرفتي عليهو في الفيس طلع اكبر كذاب وتافه قلته ليها كيف يعني؟قالت لي انا شلته صوورتو من جوالك ومن مصادري الخاصه سألته منوو وعرفتو قالت لي اولا م اسمو يزن رنيم قالت لي اسمو محمد جمال رتاج قالت لي وم درس في التقانهه

درس في المغتربين وهو شهادة عربيهه وم يغوول ليك انو م بتاع حب لأنو خاارب البلد وبتاع شقق وماف بت م بعرفها وكمان على فكرة م كان خاطب بت عمو ولا شي لأنو اساسا حبيبتو معااهو في الجامعه ومكن تخسر لي زوول واي بت بتقرب منوو وكل مشاكلهم بسبب لعبو بالبنات بس هي الاساس بالنسبه ليهو ومهما لفه ودار برجع ليها قلته ليهم انتو جادين رتاج قالت لي اصلا كان بدرس هندسه شبكات وغير منها لانها صعبه ودرس تغنيه معلومات اما بالنسبه لي موضووع شغلو وكدة ابوهو ماسك القطاع الهندسي لي شركه اتصالات مشهوورة هنا ماف داعي لي ذكر اسمها

وهو مره بشتغل في المصنع ومره بشتغل في الشركه لكن الولد صايع رنيم قالت لي شووفتي نهايهه الثقهه في ناس العالم الاسفيري طبعا انا اتصدمتهه رتاج قالت لي استغباكي التافه قلته ليهم اساسا هو حاليا م فاارق معاي رتاج قالت لي ايوة كدة حلوو رجعته البيت مقهوورة لمن حلقي واجعني اليوم التاني راسي عايز يتكسر وجسمي رااشح مويهه هيام قالت لي ي بت مالك قلته ليها مصدعه وراسي حاساهو عايز يتفجر امي جات قالت لي طوالي اجهزي نمشي المستشفى قلته ليها م ماشه ياخ ادوني بندول بس امي قالت لي لأ قوومي سوورعه امشي مع هياام ووفاق المستشفى

المهم جهزته ومشيت الدكتوور قال لي ارهااق عادي بس واداني شويه ادويه ورجعنا بس بعد يومين تاني دووخته ووقعته ودوني المستشفى الدكتور حولني لي اخصائي الاخصائي قال لي اعملو صوورة للراس امي قالت ليهو خير ي ولدي في شنو؟قال ليها خير انشاءالله عملنا الصوورة ورجعنا البيت امي دي الليل كلوو تشيل وتدعي انو الصورة تطلع نضيفه اليوم التاني رجعنا الدكتور قال لينا الصورة طلعت وزي م كنت متوقع في ورم في الراس امي قالت ليهو كيف يعني ي ولدي ورم الموهم حكى ليها التفاصيل بعد م رجعنا البيت البيت قلبوهو بيت عزاء بس وانا لسسه م متته اتخيلو

المهم الدكتوور قال الورم دة بزيد شويه شويه والا اعمل عمليه رتاج ورنيم ديل خلصوو الدمووع بعدها جات ام رنيم هي دكتورة في مستشفى يستبشروون قالت لي اعملي العمليه هناك واقنعت امي بالكلام وكدة رقدوني اسبوع وبعد التحاليل الدكاترة كانو متوقعين انو الورم حميد بس طلع كانسر طبعا دة كلوو انا م جرت لي ولا دمعه واكتر شي كان بزعلني وبخلي دمووعي تجري نظرات الشفقهه البشوفهت منهم وخالاتي بتصلو علي وببكو وهبه اختي تتصل وتبكي

سببو لي اكتئاب وي دوب بديت اخاف واتجرس من المرض لكن بقيت كل ناس يجو يسلمو علي بتونس معاهم وبضحك لأنو بجد في ناس حالتهم اسوأ بكتير ودايما امي بتغوول لينا طوول م الواحد ايمانو بي ربو كبير م حتحصل ليهو حاجه وانا من صدمتي في يزن بقى ماف شي بصدمني بعد يومين ابوي جا طبعاكلنا اتفاجأنا وفاق قالت لي الدم بحن ي شهد وفي النهايه دة ابوك في كل الحالات اتعاملته معاهو عاادي الدكتوور قال مبدئيا كدة م بنقدر نعمل عمليه على طوول الا نعمل ليها كم جلسه كيماوي طبعا اسوأ شعور اليوم الاول كانت صعبه وكنته ببكي بأعلى صوتي

بعد م رجعوني الغرفه جات رتاج جاتني داخله دموعها في عيونها قلته ليها مالك؟قالت لي دة كلوو ولسه بتسألي في شنوو؟ قلته ليها يااخ بطلي اسي بطردك من غرفتي قالت لي طيب طيب قلته ليها انتي عارفه انا فاقدة يزن قالت لي قصدك محمد قلته ليها انا بعرف يزن قلته ليها ي ريت لو م كان كدة رتاج بعد م رجعت بيتهم رقمو كان عندها رسلت ليهو قالت ليهو م كنته حابه ارسل ليك وم اظنك بتعرفني بس عايزة اقول ليك شهد عيانه عندها كانسر وعمليتها بعد اسبووع دة اذا بهمك امرها طبعا بعد فتررة ردة ليها قال ليها حركات البنات وسذاجتهم دي انا م بتنفع معااي

قالت ليهو انت متخلف وانا مصلحتي شنوو اكذب يعني؟ قال ليها عوافيها انا اعمل ليها شنوو يعني اصلا هي م تهمني وحظرها رتاج اتصلت على رنيم قالت ليها انتي عارفه بالجد الولد دة تافه وحكت ليها القصه رنيم قالت لي اصلا وااطي شديد على فكره انا ضفتو عندي في الفيس وبقيت اتكلم واحنك معاهو الولد رقااد وبتاع حنك والعملو مع شهد شكلو بعملو مع كل البنات لانو بحاول يجرجرني وكدة عرفته حنكو شنوو رتاج قالت ليها وااي تافه بعد اسبوع دخلوني العمليه وبعد ثلاثه شهوور من العمليه اتحسنته وبقيت كوويسه

امي قالت لي القرايا فاتتك كتيير افضل تجمدي السمستر دة ي بتي وفاق قالت م تجمدي امتحني واذا في مواد م قدرتي تمتحنيها شيليها بدائل بس قلته ليها اساسا مستحيل اجمد وبعدين انا معدلي في السمستر الاول كان كويس ونحنا شغالين بي نظام السنه بجتهد بس امي قالت لي كويس ابووي طبعا بقى كل فترة بتصل علي وبسأل مني مشى بعد العمليه بي تلاته اسابيع بعد م اتطمن علي وكدة في يوم قااعدة في بيتنا جاتني رتاج قالت لي شهد قلته ليها خيير قالت لي باركب لي صحبتك خطبوها قلته ليها اها دي اخر مرااحل البورة خلتك تتوهمي كدة

ي بت انا عيانه م ترفعي لي الضغط ساي قالت لي والله جادة معاك قلته ليها اها دة منوو تعيس الحظ دة قالت لي دة ولد صااحب ابوي اصلا الولد قرض وااي منوو وانا خاته عيني عليهو بس م اتوقعته اتخطب ليهو قلته ليها ي زوله مبرووك وقسما بالله فرحته ليك قالت لي قالو الجمعه الجايه جاين الخطوبه قلته ليها سريع كدة قالت لي خير البر عاجلو خلينا نتخارج بالله انا عايزة الشتاء يجي يلقاني في بيتي ي شهد قلته ليها والشتاء علاقتو شنو اجي قالت لي م عارفه هيام ضربتها طااخ قالت ليها طول عمرك واتيهه وتافهه رتاج ضحكت قالت ليها تفهميني انتي م زي ناس

قالت لي الموهم ي شهد جهزي نفسك انتي وزيرتي ومعاك السجم رنيم بعد اسبووع في يووم الجمعه مشينا الكوفير مع رتاج جينا مع زحمه الخطوبهه وشنوو رتاج شليقه وكل شويه تضحك جات خالتو امنه امها قالت لي شهد سكتي لي البت البتتراجف زي الضارباها كهربه دي فضحتنا قدام الناس رنيم قالت لي وب علي انا من العريس واصحابو جكس طبي طبي قلته ليها هش فضحتينا قالت لي وبعدين انتي روجك دة مالو بسيط كدة ومكياجك زاتو خفيف هبله دي قلته ليها كدة عاجبني قالت لي اصلا حلوة وايوشي بس زيدي الرووج شوويه

قلته ليها طيب تعالي معاي طلعنا غرغه رتاج رنووم عملت لي رووج الروج كان لونو كبدي قالت لي ثواني اصلح ليك البدر ظبتني وطلعنا يلا انا كنته لابسه فستان لونو (شااي لبن)شفاف كدة وشعري بارمه القدام وفاكه الورا طلعنا حضرنا الخطووبه رنييم قالت لي بالجد عندو شله زي طقم الحلل مع اختلاف المغاسات قلته ليها قل هو الله احد خلاص كملتيهم شكيتك لي الله قالت لي اعمل شنوو منبرشه شغاله اعلق ليها على النسوان واقول والعجب ام العريس ياخ فظيعه ماشاءالله وبناتها قمروات قالت لي شهد خليك من الانبراش في النسوان ركزي على الرجاال وب

قلته ليها يااخ رجلك مكسورة فجأة ابو العريس قال اذا في طريقه نعمل عقد طوالي عشان الخطوبه دي جهجه ساي فجأة الحكايه قلبت عقد والناس كلها اتفاجأت بكدة رتاج قلته ليها رتاج قالو عقد رنيم قالت ليها واي ي حليلك اتدبستي رتاج قالت لي جد وبتتبسم ولا اتفااجأت زاتها رنيم قالت ليها تافهه جاريه للعرس دة قالت لينا بخجل ياخ مزونه استكيني

...