الجزء 6

اها رجعو البيت وطبعا مهند داخل ومارق غالباو القعدة زي

المرة الحارقاها القوالة تاني جا لي ابوهو ..

ياابوي اها امي اكلما انا ولا تكلما انتا ??

كلما انتا ونشوف كلاما واذا رفضت بعد داك انا بدخل

اتوكل امش كلماا ... حاضر ياابوي

مشى مهند ولقى امو في المطبخ بتعمل في شاي المغرب ..

امي حبيبتي كيفك ...

اهلييييين هنو كيفك انتا وقيلتا كيف ...

والله تماااام ياامي جيتو متين وابوك معاك ??

اي جينا قبل شوووية كده قولتا ليك ياحجة انا دايرك في

موضوع كده

موضوع شنو ان شالله خير .. لا خير ياامي كدي خليني

اشيل ليك صينية الشاي دي ونمش الصالة نقعد بي مزااااج

انا وانتي .. خلاص ارح ياولدي ..

مشو الصالة وكبو الشاي ومهند ماعارف يبدا من وين ولا

يقول شنوووو بقى يتمتم ..

امي تتزكري لمن جينا مسافرين انا وابوي الاسبوع الفات

والعربية عطلت ?? اي اي بتزكر ياولدي لمن خليتو السفر

ورجعتو .. اااي بس

اها في شنو ??

طبعا نحنا لمن اتعطلت العربية وقفت بينا جنب حلة كده

اها لاقانا راجل وطبعا الواطة حارة ونحنا صايمين حلف

طلاق الا نقعد للفطور ودخلنا بيتووو والله ياامي زول كريم

وزول اصلي اسئلي منو ابوي و و و ... هنا امو سكتتو

ونهرتو اختصر يامهند في شنو

امي مالك مابحكي ليك انا ..

مهند خش في الموضوع داير تقول شنوووو ...

هنا مهند بقى يتكلم مع نفسو قال الله شكلو الموضوع من

بدايتو بايظ الله يستر ..

ياولد ماتتكلم اها في شنو ..

ياامي من الاخر انا شفتا بتهم وعجبتني ودايرا على سنة

الله ورسولو

اموووو اتنفضت وقامت وقفت من . الكرسي وغزت كوعا

شنوووو شنووووو شننوووو تعرس لي بت قرية انتا الظاهر

عليك انتا وابوك جنيتو

امي ابوي الدخلو شنو هسي

اااي لانو مطاوعك في الموضوع ده لانو انتا اي موضوع

بتكلم ابوك اول وانا الكعبة دي بتجوني بعد تتفقوا ...

ياامي كدي اهدي مااتفقنا على شي ويعني شنو لو عرستا

بت من قرية مش بت ناس وبت اصول ..

شنوووو ده منو الدخل ليك التفكير المتخلف ده . انا ولدي

دكتور مهند يعرس من قرية وانتا عارف انا دايرة ليك بت

اختي ميمي دكتورة قدر الدنيا اي ولد بتمناها حسب ونسب

ومستواهم المعيشي نفس مستوانا داير تجيب لي بت قرية

اسمع . هنا يامهند تاني لو فتحتا الموضوع ده معاي

لاولدي لابعرفك ولو داير رضاااااي تعرس ميمي بس

ياامي انا ميمي دي مادايرة والعرس زاتو خليتو .. وقام

ومرق زعلان .

قالت ليو امش ان شالله عنك ماعرستاااااا

مشى مهند وطلع وضرب لي محجوب صاحبو 👇🏻

👇🏻👇🏻

الووو محجوب اسمعني يامان ارح شارع النيل انا والله

قافلة معاي شديد ..

مالك . يامان خلاص زيت نتلاقى عن ست الشاي سمية ..

اي خلاص انا جاي عليك تمام سلام ...

يتبع ...