الجزء 3

الحاجة الماعارفاها نعمات انو دكتور مهند من مااتحركوا

راجعين على الخرطوم كان بفكر فيها وعجبتو شدددديد بس

كان خايف ومتردد لانو فرق المستوى المعيشي والاكاديمي

اصلوا اهلهم ناس وضعهم فوق الممتاز بدا يتكلم مع روحو

ويقول

ياخي البت دي رهيبة وعجبتني شديد زولة كده تفتح

الروح 13 ضلفة ياربي اهلي حيوافقوا ?? ياخي هسي امي

تقول لي انا عاوزة ليك . ميمي بت خالتك الدكتورة ياخي

انا ماعايز دكتورة لاغيرو ميمي رافعة نخرتا ومفلهمة

ومابتنفع معاي ...

نعمات بسسس زولة حلوة ولونا لون طبيعي لاكريمات

لاغيرو ياربي ياربي تبقى من نصيبي البقنع لي امي شنو

ابوي هين انا بقدر اقنعوا ...

ياربي هسي بتكون مرتبطة ? احتمال مخطوووبة ياخي انا

شكلي بديت اسرح بي خيالي

فجاة ابو كورك ليو مهند مهند ياخي قربتا تخش في بتاع

البص ده بسم الله ياابوي معليش كنتا سرحان شووووية

كده ..

مالك ياولدي من مااتحركنا انتا ماطبيعي ماتشيل هم

العربية انا هسي بظبطا وبرسل يجيبو ليها قطع الغيار من .

هولندا وان شالله عربيتك ترجع زي ماكانت واحسن

لالا ياابوي انا ماشايل هم العربية بس شووووية كده سرحتا

.

ياولدي سرحتا وين كدي انتبه للشارع ولو تعبان اقيف

وانزل لي اسوق انا لانو سواقتك الليلة ماعاجباني ..

لالا ياابوي ماتخاف مركز انا .. ابوي ..

نعم ياولدي ..

رايك شنو في عم عثمان ...

عم عثمان منووو ??

متين ياابوي لحقتا تنسى الكنا معاهم هسي

اها اها عمك عثمان والله راجل فاضل ود قبايل وبحترم

الضيف ياسلام عليووو ياخ مالوو ??

لا مافي شي انا زاتي والله اتكيفتا وخجلتا من كرموا ..

مهند بتكلم في سرو // انا اخير اسكت وافكر زاتو كيف

اتكلم مع ابوي وافاتحو في الموضوع ده

وفجاة مهند فتح اغنية ‏( انا شفتا الملاك بي ايدي

سالمتو ‏)

يتبع ...