الجزء 13
مشت دينا السوق ومعاها حسن واشترت فستان جميل وكل مستلذمات الحفله وصلت دينا بيت ناس حسن ولاقت امو ورحبت بيها شديد وعدت كم ساعه
- علي الجانب التاني فجأه بعد زوجه اكرم اتوفت الشارع رجع لحركته الطبيعيه والشوارع اتملت عربات وفي ناس جو ماريين بعربيتهم وشافو زوجه اكرم واقعه وودوها المستشفي بس هي كانت اولريدي متوفيه
- عدت كم ساعه ودينا كانت بتتجهز عشان الحفله ولاول مره من زمن طويل دينا تسرح شعرها وتعمل مكياج وتلبس الوان فرايحيه كانت جميله جدا وزي الاميرات بالفستان 😍😍 لدرجه انو حسن لما شافها ماقدر يشيل عينو من عليها اخدها وطلعو ع الحفله اليوم ده دينا رقصت بطريقه هيستريه كانت عايزه تنسي اي شي الليله وتتبسط بس حسن كمان كان بحاول ينسيها اي شي ويتبسط ويترقص معاها بس فحأه في نص الحفله دينا شافت ياسمين واقفه وجنبها القطه بتاعتها السودا المرعبه والمره وراجلها المقعد وولدهم المشوه كانو جايين من بعيد عليها وكل شويه بقربو منها بقت جاريه منهم وهم ماشين وراها طلعت من الحفله وركبت عربيتها ومشت من غير ماتكلم حسن كانت خايفه ومرعوبه لما ركبت العربيه اتلفتت لقتهم وراها في باب الصاله كانو بعاينو ليها بغضب 😡😡😡 دينا من شده ماهي خايفه ماحست الا وهي بتدور وبترجع شقتها بسرعه وصلت وبقت تضرب في باي المره العجوز الفي الارضي فتحت ليها واتاكدت انها قاعده
- اترعبت اكتر وطلعت بالمصعد ولاول مره جا علي بالها تضغط الطابق الثالث او الرابع وفعلا ضغطت ع بقيه الطوابق ماشغاله ماعدا الطابق اللهي ساكنه فيهو وصلت بيتها مرعوبه واثناء ماهي عايزه تقفل الباب فتح الباب حفيد المره العجوز وقال ليها هم عايزين طفلك حايقتلوك لاذم تهربي من هنا اثناء م الولد بتكلم حات حبوبتو المره العجوز وكوركت فيهو 😡😡😡😡😡 ارجع البيت سرعه وفعلا الولد جري وركب المصعد ونزل ونزلت وراهو حبوبتو ودينا قفلت الباب شديد
- اكرم بتصل علي مرتو الاولي ىتلفونها مغلق واثناء ماهو مقلق جاتو مكالمه من المستشفي انو زوجتو اتلقت في شارع وجابها مجهول جري اكرم ع المستشفي وعرف انو زوجتو ماتت بطريقه غير معلومه حتي الدكاتره عجزو انو يعرفو سبب الوفاه لانو الجثه حتي معالمه بقت غريبه اكرم كان في حاله حرن كبيره وبقي مافاهم حاجه وماعارف يتصرف كيف او يعمل شنو
- دينا للحظه حست انها تعبانه وحايغمي عليها من كتر الالم واتزكرت انو الدكتور خلي ليها رقمو قبل مايمشي المره الفاتت لقت الكرت في نفس المكان الخلتو اتصلت ع الدكتور وطلبت منو يجي بسرعه لانها تعبانه وقبل نهايه المكالمه وقعت واغمي عليها
- فاقت دينا ولقت نفسها في السرير ولقت الدكتور وياسمين جنبها والدكتور كان بيقول بياشر بااصابعو حولين عيونا عشان يشوفها فاقت ولالسه وهي شويه شويه بدت تفتح عيونها فاقت ولما شافت ياسمين هربت لنهايه السرير وبقت تقول للدكتور في شنو 😓😓😓
- الدكتور قال ليها كويس انك كويسه والجنين لسه بخير
- ردت عليهو وهي بتتألم يادكتور انا ماعايزه الجنين انا عايزه انزلو لانو ابوهو ماف وانا مابقدر اتحمل المسئوليه دي
- قال ليها بس احنا مابنقدر ننزل البيبي وهو في العمر ده
- بس انا اسمع انو اذا في عمر شهرين ممكن عادي انزلو
- بس انتي يامدان ف الشهر الخامس حاليا !!
- نعممممم ؟!؟😨😨😨😨 عاينت دينا علي بطنها ولقتها منفوخه وكانت فعلا في الخامس اتخلعت وعاينت بالاتجاه التاني لقت في فاظه من حديد بتاعت الورد شالت الفاظه في يدها ووقفت في اخر الغرفه وبقت تقول مستحيل اكون ف الخامس انتو بتهزرو 😡😡😡😡 برررره اطلعو بره من بيتي انت وهي بره
- الدكتور وياسمين طلعو قعدت ف السرير واخدت نفس وبقت تتنفس بهيستريا وهي شايفه بطنها كبرت وبقت تفتش في تلفونها لحد ماسمعت صوت قال ليها
- اهرررررربي يادينا