الجزء 1

بسم الله الرحمن الرحيم

اللهم صلي وسلم على نبينا محمد وعلى آله وصحبه

: ي ننو اصحي يلا قومي الليله سجمك

: دقيقه بس انوم شويه

:تنومي شنو ف العصر دا

:خير ي نور عايزه شنو

:مرت الجيران هايجه و قالت انتي دقيتي ولدها

:سجمي و هي وين حسي

:ف الحوش واقفه مع حبوبه

:اها كويس لو مع حبوبه انا حسي بطلع

:طلعنا برا لقيناهم هايجين😂 و الولد ببكي😂

:تعالي هنا ي كلبه داقه لي ولدي ليه

:مش لمن يكون ولدك محترم نفسو

:احترمي ادبك و بعدين داقاهو ليه

؛ اساليهو هو سوا شنو

:انتي وريني هو عمل شنو عشان تضربي كدا

: ولدك تف لي و بقل ادبو علي و قمت انا قرصتو ف وركو عشان يتادب😌

:صحي انت بتف للناس ي قليل ادب امشي البيت يلا و معليش ي حجه رقيه و شالت ولدها و طلعو😂😂

: اتلفتا بوراي لقيت حبوبه بتعاين لي بعين م كويسه لمن خفتا😂قلت ليها اها ي حبوبه المرا و ساقت ولدها عشان طلع غلطان انتي مالك زعلانه

:انا مش قلت ليك م تدقي اولاد الناس

: والله ي رقروقه الشفع ديل هم البطلعو لي ف وشي

:ياخ م تقولي لي رقروقه

:طيب ي عسل يعني م حتكلمي راجلك صح

:والله ع حسب النظافة الحتنظفيها

:كنت متاكده م حتمرقيها لي ساكت😂😂

(دقيقة اعرفكم علي😂😂انا نغم بت حلوه و جميله و مكسره كل الناس😂😂كلو من كيسي😂😂✋بدلعوني ننو و عمري 17 و بقرا ف تالته ثانوي و بعد بكرا الامتحانات حتبدا وانا ي ساتر م ناقشه حناني😂😂 وحيده م عندي أخوات و عايشين ف قريه بسيطه جدا بعيدين من زحمه الخرطوم م حصل مشيت الخرطوم بس سمعت انو زحمه و جوطه شديد عكسنا تماما يلا انا عايشه مع ناس جدي و حبوبتي ف البيت الكبير مع ناس خيلاني و خالاتي عندي 3 خيلان الكبير اسمو عثمان دا معرس و عندو بتين و الاتنين معرسات و عايشين ف السعوديه و عندو ولد اسمو عامر و هو دايرني بس انا بشوفو زي اخوي و خالي الوسط اسمو علي معرس و عندو تلاته بنات ساره ودي معرسه و سحر عمره17و لين 15 و عبودي حبيب الكل😂😂3 سنوات و خالي الصغير محمد و معرس و مرتو دي اكتر واحده بحسها ف مقام امي و بحبها شديد و عندهم نور17 و بس و خالاتي 2 بس معرسين و عايشين معانا ف نفس القريه و بجونا ف العطلات كلنا عايشين ف بيت واحد و كبير و مقسمينو اي واحد من خيلاني عندو تلاته غرفه و حمامين و صالون و مطبخ حتى خالاتي عندهم غرف ليهم و كل واحد من خيلاني ماسك مزرعه و وقت الاكل دا المفروض كلنا نكون مع بعض و انا غرفتي جنب حبوبه و جدو حتقولو لي ليه م اتكلمت عن امي و ابوي لاني بالمختصر م عندي💔💔 أبوي اتوفا و انا عمري تلاته سنين يعني م شوفتو او م بتذكرو و من بعدها امي طوالي اتزوجت اول عريس جاها و كانت حتسوقني الخرطوم بس جدي رفض امشي اعيش مع راجل غريب و قال ليها هو بتحمل مسوليتي و من وقتها انا عايشه معاهم💔 و جدي بحبني شديد عشان امي كانت اكتر واحده بحبها من بناتو و امي من عرست م شفتها بس مرات بتكلم معاها بالتلفون و المكالمه بتكون بايخه شديد يمكن لانها م بتعرف انا بحب شنو او بكره شنو و انا شبه م بحبها لانها م ادتني الحنان الكافي 💔او م ربتني اصلا💔 وبس دي عائلتي الكريمة😂😂 )

طبعا نظفت البيت و انتهيت و غيرت هدومي و مشيت المطبخ لقيتهم بسوا الاكل و بعد خلصو جبنا و قعدنا كلنا مع بعض و اكلنا و سوينا الشاي و انحنا البنات دخلنا المطبخ غسلنا العده و مشينا غرفتي عشان نذاكر لانو انا و سحر و نور ممتحنين ( انا و سحر و نور من قمنا مع بعض اي شي بشترو ل دي بجيبو لل التانيه و صحبات شديد و بنفهم بعض جدا و م بنخبي حاجه عن بعض صح م عندي اخوات بس ربنا رزقني بيهم❤)

نور قالت لي ي سجم انتي ليه م بتنظفي غرفتك دي قلت لي من نور لو عايزه تبدي بليز اوت من غرفتي😂✋ قالت لي ي كلبه عايزه تطلعيني من غرفتك صح تاني شوفي البجيب ليك بارد من الدكان منو سحر قالت لينا عاينو هنا كفايه هظار ارح نقرأ الامتحان بعد بكرا يلا بدينا و سمعنا ل بعض حبوبه قالت لينا يلا نومن ي بنات قلنا ليها حاضر سحر قالت ليها ي حبوبه يلا سرحي لي شعري ب الزيت حقك قالت ليها طيب تعالي النسرح ليك و انتن نومن قلت ليها ي حبوبه و الله عملتي ضجه بزيتك دا 😂😂✋اي زول بشوفني بقا يقول لي عايزين من زيت حبوبتك😂قالت لي عاد انتن بس م فايقات الا للزيوت و التبيض و النوم اما احنا لمن كنا ف عمركم كنا ننظف و نغسل و نطبخ قلت ليها جبوبه عفكره دي المره المليون تحكي لينا القصه دي😂😂😂نور قالت لي انتي مالك حبوبه تقول العايزاهو ولا شنو ي حبحب 😉😉سحر قالت ليها عاينو انتو كدا بتشغلو حبحب دي هي عندها راجل مستنيها😉😉😉 قالت لينا يعني م بتنظفن ولا بتطبخن و علي العلي قليلات ادب و م بتخجلن قلنا ليها شوووكران شووووكران😂😂😂😎و قمنا رقدنا انا و نور مع بعض....😴😴😴