الجزء 4

اللهم صلي وسلم وبارك على سيدنا محمد وعلى آله وصحبه وسلم💙

عدينا الاسبوع كلو مع ناس البيت طلعو ناس ديسيسين و الله😂😂😂🐸

يلا كان اليوم التاني مسافرين و بليل ستفنا هدومنا و انا قعد اقفل الشنط نور جابت لي كرتونة كدا قالت لي عك الله ي ننو ختي الكرتونه دي معاك قلت ليها انا بشييل كراتينك دي و بجدعهم بالله تقول ماشه بيت راجلك ناقله عفشك كلو معاك😂😂😂😂😂قالت لي عايني لي هنا ختي الكرتونه من غير كلام(شوف التافهة😂😂😂) سحر جات من هناك تجر ف كرتونه كبيييييره كدا قالت لي ننو دخلي دي كمان قلت ليهم مش الستيف دا خلينا و الجامعه دي زاتها خليناها كدا ارتحتو و طوالي مشيت نمت😂😂😂😂😂

الصباح بدري صحينا و صلينا و لبسنا و بدينا نودعهم

انا لمن جيت اودع حبوبه و جدو بكيت كاني ام و مات طفلها بالجد كنت زعلانه اني حخليهم و دعناهم و مشينا المحطه انا و البنات و عامر لانو جدو قال ليهو وصلهم الخرطوم و تعال المهم ركبنا و قعدنا انا نور جنب بعض و عامر و سحر مع بعض و طبعا عامر م بيتكلم معاي بقى💔

نمنا و صحينا و لقينا نفسنا وصلنا طلعنا من البص وانحنا بنعاين و مدهوشين بالزحمه و الجوطه القدامنا قمنا ركبنا امجاد لقايت وصلنا حي كدا فظييع شديد مبالغة و وقفنا جنب بيت و عامر قال لينا انزلو نزلنا بعداك في مرا فتحت لينا الباب كدا و حضنتني شديد الهي كانت امي قالت لي نورتي نورتي الخرطوم قلت ليها شكرا حضنت سحر و نور و عامر و سلمت عليهم قام عامر قال لينا يلا ي جماعه انا راجع وصلت البنات بخير و سلامة امي قالت ليهو كيف الكلام دا لازم تدخل و نتغدا سوا و اصرت عليهو قمنا دخلنا كلنا و اول حاجه ببرا كدا في نجيله كبيره شديد دخلنا جوا البيت و البيت عباره عن حاجه كدا خووورافيه شديد الكراسي بالدهبي كدا مع الكبدي و السلم ف نص الهول و المطبخ اظنوو جنب السلم قعدنا ف الكراسي امي جابت لينا عصير كدا اول مره اشوفو زيو ملون كدا😂😂😂😂 بعداك قالت لينا اقعدو نتغدا قعدنا ف صفره كدا كبيره سحر قالت لي انحنا من خلقونا بنقعد ف الواطه جا اليوم الحنرتاح فيهو من تعب الوطه😂😂😂💔 اكلنا و الشغاله جابت لينا الشاي مع الكنافه شربنا وانا طبعا م قعد اتونس معاهم بس قاعده قام عامر استأزن و قال ماشي قلت ليهم انا بوصلو و طلعنا برا وانحنا ساكتين قال لي اتكلمي يا نغم قلت ليهو يا عامر من اليوم داك وانت م قعد تتكلم معاي بتمني انو الكلام داك م ياثر ف علاقتنا قال لي يا نغم انا صحي كنت بحبك بس مستحيل اكون عائق على احلام اختي ولا رايك شنو يا ننو قلت ليهو اول مره تقول لي ننو 😂😂قال لي مش كدا قلت ليهو يعني م زعلان قال لي لا لا و بعدين انا الف واحده بتتماناني😂😂😂 قلت ليهو يااخي يا توم كروز 😂😂😂 قال لي شوفتي انتي بزات عائق ع النجاح قلت ليهو يلا امشي من هنا عان دا😂😂 و ودعتو و هنا يادواب ارتحت و دخلت جوا

امي قالت لينا ارح اوريكم غرفكم طلعنا فوق فتحنا غرفه كدا فوووووظييييعه الحيط بالبنفسجي و سريرين بالاسواد مع البنفسجي و دولاب اسود و تسريحه امي قالت لينا هنا حتطرو اتنين منكم يقعدو هنا و الغرفه التانيه بتشيل سرير واحد يعني واحده منكم تعقد فيها سحر قالت ليها بررري ي عمتو انا خليني ف الغرفه براي لانو فلانه و فلانه بيقعدو ينظمو الليل كلو😂😂😂قلت ليها بالله م احسن من شخيرك قالت لي هيي ي بيبي مالك زعلتي بسرعه كدا 😂م تفضحينا مع عمتو😂😂😂😂

امي قالت لينا يلا انتو اخدو راحتكم نور قالت ليها يا عمتو الغرفه دي معقوله لينا امي قالت ليها اي وليه لا انا عندي كم بنات اخوان و كمان م تنسو بكرا حنمشي نقدم للجامعه و طلعت و ساقت معاها سحر و انا و نور غيرنا و رقدنا نمنا ليك ف السرير داك مع المكيف الضارب ف وشنا و م حسينا بالوقت😂😂😂😂

فجاءه صحيت كدا لقيت العشاء اذن قمت صحيت نور عشان نصلي طلعنا من الغرفه لقينا حمام كدا اتوضينا و صلينا و نزلنا تحت لقينا سحر و امي ومعاهم راجل كدا عرفتو راجل امي و بتونسو نزلنا قعدنا ف الكرسي امي قالت ليهو عان يا بكري دي بتي قالت ليها ما شاء الله تشبهك والله قال لي يابتي كيفك ياخ تعالي سلمي مشيت سلمت عليهو و قعدنا اتونسنا

و هو طبعا بحاول يفتح مواضيع معاي و انا برد ع حسب السوال بعداك قال لي اسف يا بتي م جينا زرناكم ف البلد لاني والله كنت مشغول شديد ف الشركه و كنت بقول لامك تزورك بس كان بتطلع لينا مشكله قلت ليهو العايزك بالجد م بخلي المشاكل تبقى ليهو عزر و بعدين كويس الماجيتو و طوالي طلعت فوق و جات معاي نور قالت لي ننو م شايفه نفسك غلطتي معاهو قلت ليها م فاضيه ليك انتي كمان يا نور قالت لي ياخ اعتبريهو زي ابوك قلت ليها اوعك اوعك تكملي ماف ولا زول حياخد مكان المرحوم ابوي😢😢😢 ولا اي زول ولا حتى القاعده تحت دي قالت لي خلاص اهدي اهدي و حضنتني و طوالي نمت فيها😴😴😴...