الجزء 11

خلصت امتحانتي كلها و اشتغلت كويس شديد فيها و اكتر زول كان بدعمني قيس💜 و كان دايما بوصلني وكدا و كان يوم الجمعه رجعت البيت وانا فرحانه شديد من الإمتحان و أخيرا بدت الإجازة

بعد غيرت ملابسي نزلت تحت قعدت مع امي و كدا و بعد اتغدينا قعدنا نشرب الشاي

وانحنا بنشرب عمو بكري قال لينا عندي ليكم مفاجأة قلنا ليهو شنو قال لينا ما تتحمسو ما ليكم انتو لي حنان ولي 😂😂😂😂 قلنا ليهو و انحنا متين قال لينا لمن تعرسو 😂😂😂😂😂قلت ليهو حنكتنا لكن😂😂😂😂 قال لينا انا حجزت تذاكر للسعودية نمشي عمره انا و حنان امي قالت ليهو احلف قال ليهو والله قالت ليهو متين قال ليها بكره قالت ليهو ليه م كلمتني من بدري قال ليها والله فجأة قررت قالت ليهو وحسي اشيل شنو واخلي شنو قال ليها اهدي اصلا م تشيلي هدوم كتيره حنشتري من هناك قلت ليها انحنا بنستف ليك قالت لي خلاص تمام

انا و نور مشينا جهزنا ل امي شنطتها و جينا نازلين تحت قعدنا نتونس شويه و طلعنا فوق نمنا

الصباح بعد شربنا الشاي ناس امي طلعو طبعا بعد توصيات من الحجه😂😂😂😂 بعد طلعو و قيس طلع شغلو قلت ليهم اطبخ ليكم شنو لينا قالت لي هيييي بري م دايرين نموت الليله😂😂😂 قلت ليها شوووف المفتريه يا كلبه ما لمن اسوي لي عصير قعد تتسممي😂 قالت لي يلا ما هو في فرق بين العصير والاكل قلت ليها حبيبتي تأكلي زق☺ قالت لي احترمي نفسك😂😂😂

دخلت المطبخ و سويت ليهم مكرونه بالبشميل و عملت بسبوسة و خلطتا العصير بعد قيس رجع ختينا الاكل مع باقي امس و اتغدينا

لمينا الصفره و اي زول دخل غرفتو بعد المغرب كدا لينا خبطت غرفتنا فتحتا ليها قالت لي اجهزو مارقين قلت ليهو وين قالت لي قيس قال عازمنا ايسكريم و من هناك حنمشي حنتلاقى مع ناس تغريد و اخوها في شارع النيل قلت ليها تغريد منو قالت لي بت خالتي ياخ قلت ليها خالتك ام لارا قالت لي برييي لا دي خالتي التانيه ياخ اللعبت معانا صراحه وجرأة قلت ليها اهااا صح صح اي والله اعزميها قالت لي اي عزمتها قلت ليها خلاص تمام كلمت نور و غيرنا ملابسنا و حبيت البس فستان كدا

بعد لبسنا نزلت تحت أكلم الشغاله اذا حتمشي معانا لكن قالت ما ماشى و بعداك نزلو البنات و وراهم قيس ( لابس تيشيرت ابيض و جينز كحلي مع جزمه بيضه و ديك يالساعه و داك يالعطر😂😂😂❤) سحر قالت لي براحه كدا اموت انا في الكشيره اموت اموت😂😂😂😂😂😂 وانحنا طالعين كدا الباب خبط قلنا دا منو ياربي مشيت افتح الباب و عينك م تشوف الا النور و لقيت ليك دي السجمانه الرمدانه ام اربعه واربعين لارا عاينت لي وقالت لي زحي كدا ودخلت جري على صاحبنا و بتصرخ باعلى صوتها قيووووسي يا قيووسي يا قيوووسسسسي قال ليها براحه مالك بتجعري طبعا الساعه ديك انحنا ضحكنا ليك باعلى صوت 😂😂😂😂😂 عجبني ليها الوسخه حمرت لينا سكتنا😂😂😂 قالت ليهو بمياعه كدا قيوسي ياخ انا جيب امشي معاكم قال ليها كيف عرفتي انحنا طالعين قالت ليهو اجي ودا شي بتخبى علي وانحنا قاعدين في بيت ناس تغريد سمعتها وهي بتقول انكم طالعين يعني يرضيك اسمع من الناس ( الليله امسكووووووها هنايه دي) قال ليها خلاص يلا ارح طلعنا طبعا هي جرت ركبت قدام معاهو وانحنا ورا

مشينا دخلنا محل حق ايسكريم كدا اشترينا الايسكريم و طلعنا شارع النيل لقينا ناس تغريد طبعا تغريد لمن شافت الهبله دي قالت ليها اجي انتي مش قلتي ماشه بيتكم قالت ليها وانتي مش قلتي ماشه تنومي تغريد عملت نفسها غمرانه😂😂😂😂🐸 قعدنا اتونسنا مع بعض و بعداك قلنا الوقت اتاخر سلمنا على بعض و ركبنا العربيه قامت لارا قالت لي قيس قيوسي انا بايته معاكم الليله قال ليها لا قالت ليهو ليه قال ليها اكيد خالتو م حترضي ابتسمت وقالت ليهو امي عارفه نور قالت لي واااااي كيف حنقدر نستحمل التفاهة دي😂😂😂😂

رجعنا البيت اي زول دخل غرفتو وهنايه طبعا استخارت و دخلت غرفه الضيوف و نامت كويس الما مشت نامت مع قيس😂😂😂😂👌

الصباح صحينا كلنا و عملنا الشاي و قعدنا نشرب قام قيس نزل قعد يشرب الشاي قامت السجمانه الرمدانه لارا نزلت و المصيبه انها كانت لابسه قميص قصير للركبة و فاكة شعرها و مرووقه اخر رواقه👌 قالت صباح الخير قيووووسي و لينا يعني أنا و نور و سحر ما مهمين😒😂😂😂 قلت لي نور و سحر بصوت عالي إذا ما ادوكم صباح الخير ولا تزعلو صباح النور و الياسمين و الفل و كلو😏😏 قالت لينا هييي انتو هنا قلت ليها اوووف كورس ما شوفتينا😒 قالت لي سوري نور قالت لي براحه براحه م كدا😂😂😂😂😂 قيسسس طلع و هنايه مرقت معاهو الله ياخدها😂