الجزء 18

يوم عيد ميلاد قيس صحييت وكلي حمااس وكان يووم سبت 😍😍صحيت قيس عشان يصلي و قمت سويت فطور كاااااااارب كدا و وبدينا ناكل وانحنا بناكل قيس قال لي الليله شنو قلت ليهو كيف يعني قال لي اليوم دا م بذكرك بشي؟؟ قلت ليهو برررري ليه في شنو قال لي انسي انسي و طبعا انا من جوا ميته ضحك قلت ليهو طيب😂😂😂❤️ فجاءه كدا تلفونو ضررب كانت دي أمو سلم عليها وكدا و قالت ليهو لازم لازم الليله نمشي ليهم وكدا قلت دي حسي خرررربتت علي كل الخطه لكن لازم نمشي عشان م ازعلها بعداك انا نظفته البيت و غسلت عدتي و قلت خلاص اجهز و نمشي ليهم حسي و بعد نرجع اشوف حسوي شنو المهم لبسنا انا وهو و طلعنا ليهم مشينا قعدنا اتونسنا معاهم وكدا و كانت معاهم لارا🙂🙂 م علينا منها قام قيس قال مصدع شويه حينوم شويه في غرفتو و طلع فوق وبقينا انا و خالتو و لارا برانا في الصاله قلت ليهم الليله عيد ميلاد قيسس خالتو قالت لي اي عارفين لكن ليه ما سويتي ليهو شي قلت في سري هو انتي خليتي لينا شي فرصه نلحق نسوي شي😂😂❤️ قلت ليها كنت عايزه ارجع البيت واسوي شي لكن الوقت حيتاخر وانا اصلا كنت متفقه مع نور و راجلها نسوي ليهو مفاجاة قامت لارا قالت لي عندي ليك فكره انتي امشي مع نور و ظبطي الوضع اصلا قيس يكون نايم في غرفتو حسي قلت ليها بالجد😍😍قالت لي جاده معاك بس سرعي قلت ليها شكرا ياخ قمت ضربت لي نور قلت ليها يلا تعالو اخدوني من بيت ناس خالتو نجلاء عشان نشتري الحاجات و كدا قالت لي والله يا نغم انا متوجحعه شديد و ما قادره أتحرك من السرير لكن امجد يمشي معاك قلت ليها لا لا خلاص خليهو مدام انتي تعبانه أكيد حتحتاجي ليهو إذا بطنك وجعتك ولا حاجه قالت لي لا لا يا بت خليهو يجي يساعدك اصلا بشرب لي شي و ببقى كويسه لازم تخلي قيس مبسوط في يومو دا❤️❤️ قلت ليها خلاص طيب خليهو يجيني سرعه بالله وقفلت التلفون خالتو نجلاء قالت لي نور مالها قلت ليها شكلو متووجعه شويه عشان كدا امجد جاابني و حنمشي مع بعض قامت لارا ضحكت ليها ضحكه خبييثه كدا م ارتحت ليها اصلا انا م فاهماهم مالم الليله معاي🙂 لكن م اشتغلت بيهم كتير

امجد جااني و طلعت ليهو برا سلمت عليهو و وداني مكان لحاجات العيد ميلاد اشتريت الحاجات و التورتا حقتي واي شي و و مشينا البيت عشان نجهز البيتت وانا كنت متحمسه وفرحانه شديد عشان قيس حيعرف انو حيبقى اب💜

عند قيس: تلفووونو بضرب شديد لمن صحى من النوم مخلوع بعداك الخط قفل و جاتو رساله من نفس الرقم مكتوب فيها: خليك فرحان بمرتك كدا و مبسوط بيها وهي تجي تخوونك مرتك مع واحد حاليا و هم في بيتكم و م تستغرب الراجل المعاها دا بتعررفو شديد من فاعل خير💔 طبعا الوقت دا قيس عيونو بقت شرار و صحى و طوالي نزل سال مني خالتو نجلاء قال ليها نغم وين قالت ليهو يا ولدي نغم قالت زهجانه و دايره ترجع البيت و حتى في عربيه جات ساقتها قال ليها كيف يعني زهجانه و بعدين ليه ما كلمتوني وبقا يضرب لي كتير وانا تلفوني كان مغفول قام عصب شديد و شال حاجاتو و جرا على عربيتو و هو بين شاكك فيني وبين ما قادر يصدق بس في النهايه قال ل أكيد ديل ناس بلعبو ساي مستحيل تعمل فيني شي زي كدا

نرجع لي : انا و امجد زينا البيت و ختينا شمووعنا و التورتا و عملت الواطه بالورد ❤️ قام امجد قال لي يلا يا ستي انا طالع وانتي اضربي لي قيس يجي قلت ليهو شكرا ليك ياخ ما قصرت

عند قيس: وصل قدام البيت و شااف عربيه امجد قدام البيت اتخلع قال ياارب الشي ألفي بالي ما يكون صحيح انعل الشيطان يا قيس نغم بتحبك

وانا بسلم علي امجد قيس جا فاتح الباب اتخلعتا قلت ليهو قيس شنو الجابك حسي قال لي انا شنو الجانبي ولا انتو البتسو هنااا شنو براكم هاا و ما شاء الله ما شاء الله ما مقصرين جايبين تورتاتكم و شموعكم واي شي جاهز كان تعزمونا معاكم قلت ليهو قيس انت بتقول شنو قال لي اخر ما اتوقعتو منك يا نغم انا تخونيني انا سويت ليك شنو امجد قال ليهو انعل الشيطان يا قيس كيف الكلام د...... قام قيس ضربو في وشو بنييه قال ليهو انت تسكت خالص و بقا يضربو في وشو وانا خلاص انفقت بكى قلت ليهو قيس سيبو انت ما فاهم شي قيس زح منو وهو ما سامعني و لسه بضربو فالنهاية الا جيت بيناتهم و قلت ليهو قيس اسمعني انت ما فاهم شي قال لي افهم اكتر من كدا كيف تجيني رساله من رقم و تقول لي مرتك بتخونك واجي والقى مرتي قاعده مع راجل وبراهم و الشموع و الورد انت ليه سويتي لي كدا انا حبيتك يا نغم و عشقتك و كنت دايما معاك😭😭😭💔💔💔💔💔💔💔 قلت ليهو عارفه والله عارفه لكن انت فاهم غلط يا قيس خليني اشرح ليك انت كدا بتدهم الثقه البيناتنا وبعدين انت م بتقدر تتهمني بشي انت ما عندك ليهو دليل قال لي لقايت هنا و كفايه من بكرا ورقتك بتصلك و ما عايز اشوف وشك و طلع قلت ليهو ليهو قيسسسسسسسسس لااا😭😭😭😭😭😭 قام امجد طلع ليهو برا عشان يتفاهم معاهو بس هو مشى قام جاني قال لي قيسس دا فاهم غلط ربنا يهديهو انا طبعا بس

ببكي بكي و ما عارفه دا شنو الحصل لي دا فجاءه ا شي اتخررب 😭❤️❤️💔💔💔

مشينا بيت ناس نور فتحت لينا الباب قالت لي بسم الله الحاصل عليك شنو بتبكي كدا حضنتها و قلت ليها خلاني خلاني يا نور قالت لي في شنو يا بت امجد قال ليها دخليها جوا و دخلتني و ما قدرت اسكت الا ادروني منوم و و هي طلعت لي امجد حكا ليها القصه💔

الصباح انا من صحيت مشيت صليت الصبح و قعدتا ابكي لي الله و اسالو الصبر و قمتا ضربتا لي قيس اكتر من مره وهو ما برد قلت انا ليه لسه قاعده لبست و مشيت لي قيس في البيت فتحت لي الشغالة دخلت البيت و بقيت انادي لي قيس هو جا نازل من فوق و كلهم قال لي عايزه شنو من هنا اطلعي برا و لسه ليك عين قلت ليهو انت ما من حقتك تغلط علي كدا انت كدا بتهدم زواجنا علي شي تافه اسمعني😭😭😭😭💔 انا من شفتك حبيتك وما حصل حاولت مره اني أخونك و لا حفكر امبارح كان عيد ميلادك صح قمت انا طلعت انا و امجد لكن .... قال لي انا ما عارف انتي ليه بتحاولي تنكري اي شي وااضح قدامي خالتو نجلاء قالت ليهو هي لسه واقفه يا بت الناس اطلعي من بيتنا م عايزنك كنه و بكره تتطلقو تنسي قلت ليها ديل انتو صح انتي و لارا الرسلتو لي قيس الرساله صح ماف زول غيركم حيسويها عشا..... و جات يد قيس علي لأول مره قيس يضربني💔💔 كلهم اتخلعو انحنا الكنا احلى كوبل الكنا بنحب بعض و بنعشق بعض و بنبني لي بعض احلى عائله بنهدموالليله💔 قال لي اخر مره تتكلمي على امي كدا فاهمه و طلع غرفتو خالتو قالت لي الشغالة طلعيها برا قلت ليهو بصوت عالي عارفاك سامعني يا قيس بس الكف الضربتني ليهو دا حيجي يوم و تتاسف لي عليهو و حتجي تعتذر لي لانك ما اديتني فرصه اشرح ليك بس وقتها ما حسامحاك لانك كسرتني 💔 وقتها الكلام دا كان طالع من قلبييي💔💔