الجزء 25
ياخ انا كانت دموعي دي بتجري وكل شوية بمسحهاا م مصدقة انهم الاتنين م عارفين
نفسهم بعد شوية ح يكتشفوا انهم اخواان 😭😭😭😭😭....
شوية كدا الولد قال لي ايمن يلا بس اللفة دي اول بيت اقيف جمبو دة بيتنا 😊..
😊
.. لفينا باللفة ووقفنا جمب البيت كلهم نزلوا .... انا م نزلت ...💔😔 ايمن قال لي
مالك 😐 ييلا انزلي وصلنا ...😐. فتح لي الباب ونزلت وبقينا داخلين .......
الولد فتح باب بيتهم وبقي يقول لينا اتفضلوا اتفضلوا ...😊. ايمن دخل وانا وراهو
بقدم رجل وبأخر رجل وبقيت خايفة وحاسة انو يمكن م كان اعمل كدة يمكن دة ما
التصرف الصااح .💔😢..
اتفضلوا علي الصالون ..... 😊 ادخلواا ابوي موجود جوة انا ح امششي اجيب ليكم
حاجة تشربوهااا 💚😊...
ايمن قال لي مالك انتي يا سلمي مش من قبيل عايزة تجي هسي مالك مترددة 😐
💔💔😐😐
لا م مترددة انا 😢😢
طيب مالك 😐
ايمن انا صراحة كدا كذبت عليك 😟
كيف يعني كذبتي علييي وفي شنوو 😐
نحن هسسي مش في بيت زول انا بعرفوا وعايزة اشيل منو حاجة 😟...
اها نحن ويين 😐😐
مممم ... 😢😢
شنو ال امممممم يا سلمي اتكلمي 😐
ايمن دة بيتكم 😭😭
م فهمت كيف بيتنا 😐😐
دة بيتكم يا ايمن واللي قاعد جوة في الصالون دة ابوك ...😭. والولد اللي ركب
معانا دة يبقي اخوك الصغيير يا ايمن 😭😭😭
ههه بتهزري صااح ييلا قولي لي انك م جادة يا سسلمي 😊😊
دموعي جرت وبقيت م قادرة اتكلم .😭... طوالي عرف اني بتكلم جد 💔....
انتي ...انتي كيف تعملي فيني كدا من غيير م تقولي لي 💔 ميين مين اداك الحق
تعملي كدا يا سسلمي 💔💔...
ايمن 😭 مهو انت قلت لي اساعدك وان...
صوتوا بقي عااالي وقال لي 💔💔
ياخ تساعديني ايي لكن نقعد نتفق مش تجيبيني علي وششي كدا انا م مستعد
للحاجة دي لسسسة 💔💔💔...
فجاءة الولد جااا شايل الموية .... سمع صوتنا وكان مستغرب قال لينا خييير في
ششي ...😐. ايمن قبل عليهو وبقي يعاين ليهو وعيونوا دمعت 😭
.... قال لي م كان تعملي فيني كدا يا سلمي ومششا عايز يطلع براا البيت ..
.😭 جريت عليهو مسكت ليهو يدو وبقيت ابكي . . 😭😭😭...
ايمن لا بترجاك م تطلع انا اسفة انا غلطت بس انت هسسي لو طلعت ح تغلط غلط
اكتر من غلطي كتييير يا ايمن 😭😭😭...
سلمي لو سمحتي فكي لي يدي هسي 😑😑
ايمن ديل اهلك معقول تطلع من غييير م تتكلم معاهم من غير م تشوفهم 😭...
طوالي الولد وقع الجك من ايدو وبقي يقول يا ابووي .😟.. ابووي ...😟 وجري
مششاا الصالون ينادي ابوهواا 💔..
فجاءة طلعت مرااا ومعاها بت تقريبا عمر 19 سنة وواحدة تانية تقريبا عمر 8 سنة
وبقوا واقفيين ومستغربين نحن منو وبنعمل شنو في بيتم ...😐😐..
ايمن بس بقا متجمد بيعاين ليهم وم عارف يقول شي وانا زاتي ...😟😟..
شوية جااا عمو بكري طالع قال في شنو ؟ 😐 طوالي شافني انا وايمن وبقي
يقول ....
ايمن 😭 ولدي ومششا عليهو حضنوا وبقي يقول الحمد لله عشت لغاية اليوم دة ....
الحمد لله عشت وشفتك دخلت بيتك وسط اخوانك واهلك .😭 دموعوا بقت تنزل
وبقي يقول ليهو سامحني يا ولدي انا غلطت فيك كتيييير والعملتو ما بيتنسسي ولا
بيتصلح عشان اخوانك المحتاجنك ديل سامحني 😭😭...
ايمن كان واقف بس م بعمل ايي شي لا بتكلم لا بتحرك .💔💔....
فجاءة عموا انتبه لي قال لي معليش يا بتي م انتبهت ليك كيفك .. اتفضلوا اتفضلوا .....
😊😊😊
عموا مسك يد ايمن وبقينا ماشين علي البنات وامهم بقي يقول ليهو دي خالتك منال
يا ايمن 😊😊....
مسكت يدو سلمت عليهووو..... كيفك يا ولدي ان شاء الله كويس 😊
م رد عليها كان بس ساكت ولا مصدوم ما بعرف 💔💔😢😢....
قال ليهو ودي اختك الكبيرة ريان ..😊... مدت يدها سلمت عليهو وما اتكلمت..
😢😢😊😊
ودي اخر العنقود ... اية .. .😍.. طوالي اية جات علي ايمن وحضنتوا وبقت تقول
ليهو انا بس من زمان عايزة انك تكون اخوي حاضر؟ 💔😢😢😢
ايمن بقي يبكي ويضحك 😢😢قال ليها حاضر 💔💔😢😢😢
💔
قامت ابتسمت ومسكت يدو قالت ليهو طيب ارح جواا اوريك صوري بتاعت الرحلة ..
😍😍
.... .. كلهم بقوا يضحكوا .😂.. اختها قالت ليها يا بت رحلة شنو قولي بسم الله
خليهو يقعد يشرب موية اول 😒😒....
لا يشوف الصور اول بس 💔😑
ابوها قال ليها طيب ح يشوفهم بس دقيقة خليهو يسلم علي اخوك عمر ..😊.
اتلفت يتكلم معاهو لقاهو ما موجود شكلو طلع ..... 💔💔
معليش يا ولدي بس اخوك شكلوا طلع 😊😊💔
قمت قلت ليهو لا لا اصلا نحن اتعرفنا في العربية هوا الوصلنا هنا اصلا 😊
ايواااا طيب اتفضلوا ادخلوا جوااا 😊
دخلنا طبعا ايمن واية مشوا قعدوا في مكان كدا بعيد 😂 وهيي بس بقت بتوريهو
في صور كتيييير وهو يتكلم معاها ويبتسم ومرات يضحك ...😂😂
طبعا انا حاسة نفسسي غريبة غريبة بينهم قعدت مع البت وامها ..... 💔😊
كيفك يا بتي ان شاء الله كويسة 😊
الحمد لله انتو كييف 😊
والله هسسي بس ممكن نقول انو خلاص كل المشاكل انتهت ... شكرا ليك والله عمك
بكري قال لي انك ح تساعديهو يلاقي ايمن م قصرتي والله
لا انا م عملت شي دة المفروض يحصل اصلا 😊😊....
قامت البت قالت لي صحي انتي خطيبتوا 😍😍😍..
اييي 😊
مخطوبين من متييين 😍
مممم يعني داخليين علي اربعة شهورر 😊😊
اها والعرس متيين 😍😍😍
امها قالت ليها يا بت ها 😒 دي شنو الاسئلة دي خلاص تحقيق هو ..😒😒.
يا امي خليني اعرف ..😑. يعني لو م عرفت منها ح اعرف من منو 😢😢
اسألي اخوك 😒
بري بري بخجل 💔😢😢
قمنا ضحكنا 😂... قلت ليها عادي عادي اسألي ايي حاجة عايزاها 😌😌..
اها زواجكم متييين 😍😍
ممم يعني اقل من شهررر 😊😊
واااييي انتي جادة يا سسلمي 😍😍
اييي مالك 😢😊
واخييرا ح اكون اخت العريسس 😍 وب وب م مصدقة وبعدين انا لازم اتجهز
واتلبسس عاد لكن بالغتوا مالكم مستعجليين كدا ع الاقل خلوهوا بعد شهر 😐...
😐😐
م مشكلة لو علي التجهيز واللبس تتجهزي معاي 😌 الفي شنو والمافي شنو يا
رياان 💚😌😌😌...
واااي والله انا حبيتك خلاص بينا تلفونات ولما تكوني طالعة السوق والكوفيير بس
سوقيني عليك النبي 😢
حاضر من عيوني 😍
تسلم عيونك انتي يا عسسل 😍😍😍
ههههه والله انتي العسل 😂😂😂
اهاا احكي لي حبيتو بعض كييف 😍
امها قالت ليها يا بت يا ريان م تخجلي 😒 دي شنو الاسئلة يا بتي 😒😒
يا امي عليك الله خليني اعوض الايام الفاتت 😑 انا م صدقت بقي عندي اخ كبييير
اتفشخر بيهو قدام الناسسس .... 😔😔💔💔😔
بقيت اضحك قلت ليها لا لا موضوع حبينا كيف دة تسأليهو لي اخوك يا شاطرة انا م
ح اقول ليك شي 😂
يخسسي عليك يا سسلمي ليية 💔😢
عشان انا بخجل اسأليهو انتي 😂
في زول بخجل من خطيبوا 😢
وفي زول بخجل من اخوهوااا 😂
يعني من اول مرة توشك كدة اقول ليهو احكي لي قصة حبك 😐😐
اييي عادي وبعدين ايمن طيوب وحباب وح يحكي ليك 😊😊💚💚
قالت لي بخباثة كدا .. ممم قلتي لي طيبوب وحباب 😉😉😉
ضحكت عليها قلت ليها والله يا ريان انتي ما هيينة 😂😂
هيييي لا هيينة لا مقطوعة لينة 😌
بقيت اضحك اقسسم البت دي مجنونة
بعدها دخلنا المطبخ مع امها بقينا بنجهز الاكل ... وكل شوية نسمع صوت ايمن وايية ..
شكلوا خلاص حباها .. اصلا هو بيحب الشفع وهما بيحبوبوا
خلصنا اكل وختيناهو في الصفرة وجينا كلنا قعدنا طبعا ايمن واية جمب بعض 😂
😂😂
ايمن كل م عيني تجي في عينو يحمر لي 😒😒😒 ياخ والله انا بكتم الضحكة
بالعافية .. 😂😂😂
ايمن سأال ابوهوا ... وين عمر 😊
شكلو طلع مكان .....هسي بيجي 😊
ممم....ان شاء الله 💔😊😊
اكلنا وخلصنا قام ايمن وابوهوا مشوا الصالون وبقوا يتكلموا 💚💚...
وانا وريان مشينا غسلنا العدة ورتبنا المطبخ وكنا بنتونس كأننا بنعرف بعض من سنيين
ياخ سبحان الله دخلت قلبي بسرعة البت دي ....😍😍😍
خلصنا والوقت فات قلت لي اية امشي لي ايمن قولي ليهو سلمي قالت ليك يلا نمشي
الوقت اتأخر 😢😢
بعد شوية جاتني قالت لي ايمن قال ليك م تتكلمي معاهو ..😑.. واصلا هو نايم
معانا 💔💔😑😑😑
قمت اتصلت عليهو م رد علييي رسلت ليهو ايمن ييلا نمشي اتأخرنا .😢..
لو سمحتي انا زعلان والزعلانين م بتكلموا مع بعض بالرسايل يلا م ترسلي لي 😑
💔💔😑😑
ضحكت 😂 قلت ليهو طيب بيتكلموا كيف الزعلانين ؟ 😂😂😂!
بيتكلموا وجها لوجة 😑😑
ممم طيب تعال عشان نتكلم وجها لوجة 😌😌
طيب جااايي 💔😢😢
بعد شوية جاا داخل .... وقال ليهم
طيب عن اذنكم لازم نمشي عشان الوقت اتأخر بس ح نجي في يوم تاني 😊😊
💔💔
طيب يا ولدي البيت بيتك 😊
اختو قالت ليهو كان تبيت معانا ع الاقل 💔💔😢😢
م تخافي ح اجي كتييير وح نقعد ونتكلم كتييير تماام 💚💚😊
انت جاادي 😍
انا حصل يوم كذبت عليك 😂
لا لا 😢😢😍😍
ايمن ضحك 😂 قال ليها ريان انتي مجنونة اقسسم بالله هو انا حكيت ليك حاجة
اصلا قبل كدة عشان تكون كذب ولا حقيقة 😂😂😂
بقت تضحك قالت ليهو انا زاتي اتلخبطت 😂😂😂...
طيب ح نجي تاني ...😊.. يلا سلموا علينا وودعناهم وطلعنا .😊..... ونحن في
الشارع كان عمر واقف بعييد وبعاين لي ايمن قمت لفت ايمن وقلت ليهو عاين عمر ...
😢😢ايمن اتلفت عليهو ورفع ليهو يدو نظام يلا نحنا ماشين 😊 طوالي عمر
قبل ومششا ...😑😑😑...
ايمن زعل شوية 😢 بس تاني عمل نفسو مبتسم 😊 ودعناهم وركبنا العربية 😊
.... 😊😊
كان يوم حلو يا ايمن 😍
لو سمحتي م تتكلمي معي 😑
ممم اتكلم مع منو طيب 😢
مبعرف 😑
اسفة يا ايمن بس انا كنت عايزة افرحك م اكتر من كدا .💔😢😢..
انتي هبلة اكيد انا م زعلان ودة احلي يوم في حياتي كلها بعد يوم خطوبتنا وبس
يعني الحمد لله انك في حياتي ومعاي وجمبي ... 💚😊 وع فكرة عمك بكري قال
لي انو نعمل العقد الجمعة الجاية يعني بعد تلاتة يوم اها انتي رايك شنو 😊😊
اللي انت عايزو انا عايزاهو ......😌😊
عاين لي وبقي يبتسم... وبقينا ماشين .....
وصلنا البيت حكيت ليهم كل شي بالتفصيل الممل امي قالت لي الحمد لله والله م
بيستاهل العذاب دة يا بتي غايتو الحمد لله انو اجتمع مع اهللووو 😍😍😍
😍
ييلا قالو عايزيين يتغدو قلت ليهم انا شبعانة اكلت في بيت ناس ايمن 😊
طلعت دخلت غرفتي بقيت بس بفكر في الحاجات اللي حصلت في اليوم دة وقدر شنو
ربنا دة كريم علشان سهل لينا الموضوع شدييد وخلاص اتحلت مشكلة كبيرة كانت في
حياة ايمن ... كنت فرحانة شديييد ...😍. ونمت مبسوطة 😌😊😊😊
😌😌
صحيت الصباح استحميت وصليت وسرحت شعري قام ابوي ناداني
يا بت عايز اتكلم معاك في كم حاجة كدا نادي امك وتعالي ...😊😊
وااي انا جسمي برد 😟 مشيت ناديت امي 😊😊😊
يا امي ابوي قال ليك تعالي سرعة 😢
في شنو انا مشغولة هسسي 😑
لا يا امي قال عايزك هسسي دي بس 😢
يا بت اخلص الحاجة الفي يدي دي اول 💔😒😒😑😑😑
عليك يا امي الموضوع م بستحمل تأخيير 😢😢💔😔
خلاص خلاص قمت ... 😑غايتو انتو لو عايزين حاجة م بتريحوا 😒😒..
💔
مشينا الصالون لي ابووي
طبعا البت دي امس خطيبها اتصل علي وقال لي انو اهلو عايزين يكلموني في موضوع
العقد وما العقد.. اها هسي انا قفلت من ابو خطيبك وحددنا ميعاد العقد اللي هوا بعد
بكرا .... يعني حاولوا جهزو حاجاتكم كلها في يوم الليلة ويوم بكراا ..... تمام 😊
💚😊
امي قالت ليهو هييي يا راجل يومين شنو البكفونا كمان بري بري م عندي طاقة انا
للاستعجال والحاجات دي ..💔😑😑😑..
ماف ايي استعجال مجرد عقد وبعد كدة تعملوا اجراءات الزواج الشكلية علي راحتكم
وبعدين انا اديت الناس ديل كلمة وقلت ليهم خلاص بعد بكرا يعني بعد بكرا 😊..
..💚 انتي رايك شنو يا بتي خليك من امك دي 💚😊😊
واللع يا ابوي الراي رايك اللي انت شايفوا مناسب اعملوا 🙈🙈🙈...
خلاص ع بركة الله 😊
امي قالت ليهو هسي عليك النبي جايبني لشنو مدام انت وبتك مقررين ومتفقين ...
💔😒😒
كيف يعني هو نحن عندنا بركة غيرك لكن 😌😌😌
ياهو كلامك البتاكل بيهو عقلي من يومك 💔😒😒
ابوي ضحك 😂 وقال ليها دي الحقيقة والله بس انتي بتحبي النكد 😂😂
خلاص قايمة منها انا ماشة اشوف اشغالي ...💔😒.. امي طلعت وانا طوالي
طلعت وراها..... بري م بقدر اقعد بخجل
زي العصر كدا ايمن اتصل علييي
سسلمييي 😍
ايوة يا ايمن 😊
مبروك علينا مقدما 😌😌
م رديت عليهووو 😢
عارفك هسسي بتكوني خجلانة 😌 وبتتبسمي زي الهبلة 😂😂
عرفت كييييف 😂😂
احسسساااس 😌
والله 😑😑
انا في المشاعر والاحاسيس معنديش يمة ارحميني 😂😂😂
كيف كان يومك يا الحسساس 💚😂
ياخ كان حلوو للبهناك يا سسلمي تخيلي كنت مع منو قبل شوية 😊
مع منو 😢😢
عمر اخوووي 😍😍
كيف احكي لي 😍😍😍😍😍
طيب اتصلت علي ريان وسألتها من مدرسة عمر وين وبيطلع منها نهاية اليوم الساعة
كم ...😂 كلمتني وطوالي مشيت لي احمد في المعرض واخترت لي احدث عربية
في المحل ... 😌 لاني حسيت انو عمر اخوي بيحب العربات ... طلعت مشيت علي
المدرسة بتاعتو وانتطرت جمب الباب .. 😂 طبعا اول ما جرس نهاية المدرسة ضرب
والاولاد طلعوا لقو العربية واقفة بقوا هم زاتهم واقفين 😂😂 عايزين يعرفوا انا
منو وعايز منو من مدرستهم ..😂😂. المهم بقيت اسأل فيهم وين عمر بكري
بيدرس في سنة اولي ...😌😌. كلهم طلعوا بيعرفهوا 😂😂 قالو لي
هسسي بيطلع بقوا يجوا يهبشوا العربية ويتصوروا جمبها وموضووووع 😂😂..
..😂 شوية كدا عمر اخوي طلع اول حاجة شافها كانت العربية طبعا وشو بقي قلوب
قلوب 😂😂😍😍😍 بس تاني عاين لي كدا 😒😒 نظام عايز
تغريني بعربيتك صاح ...💔😒😒.. م خليتو يفكر كتييير 😂😁 طوالي
مشيت عليهو ييلا يا اصلي ارح البيت ...😌😌.
الاولاد بقوا يسألو فيهو دة منو يا بكري بيبقي ليك شنو ... 😐😐 انا كنت منتظرو
يجاوب ليهم بقي يعاين لي 😒 فجاءة قال ليهم دة اخووي الكبييير اسموا ايمن
😍😍😍😍
ياخ انا انبسطت وفرحت كيف لما قال ليهم كدااا 😍😍😍😍
بقوا يقولوا ليهو والله حظك ياااا م نفسسك تطلعنا يوم بعربية اخوك العينة دي ..
.😍😍😍 بقي يضحك قال ليهم ااة ويين ياااا .... انتو قايلين ايي زول
بيركب فيهاا 😂😂😂
قال لي يييلا ارح نمششي طلعنا ومشينا في الطريق بقي يضحك ...
مالك 😐
ياخ اقسسم الناس الواقفة دي كلها اول مرة تتكلم معااي 😂😂😂...
هههه انت جاادي 😂😂
اقسسوم بالله ...😂 لكن والله عربيتك عنيفة عدبييل 😂😂😂
هو انت لسة شفت حاجة ...😌 اخوك م هيين 💚😌😌😌
م اتكلم سكت وكان ببتسم سااي ... المهم رجعنا البيت والوضع شكلو ح يبقي ظابط ....
😌😌😍😍😍
والله فرحتني يا ايمن كتيييير 😍😊
ياخ انا عايز اطيير من الفرحة كنت شايل هم لموضوع عمر اخوي دة شديييد 😢
ع فكرة انت قلت كلمة عمر اخوي دي كتييير ... ملاحظ للحاجة دي 😂😂
هههه لا والله م لاحظت بكون عشان فرحان بيها بس .😂😂..
ربنا يخليكم لبعض 😊
ويخليك لي يا سسلمي 💚😊😊
اميييين .... انا ح اقفل يلا سسلام 😊
سسلام 💚😊😊.....
قفلت منو وانا فرحانة شديييد من جوة قلبي 😍😍....
جااا المغرب صلييت واتمسحت وجيت رقدت مسكت تلفوني دخلت الفيس قريت
الاستشارات وقعدت اضحك ساااي والله غايتو حاجات كدة غريبة عجيبة .... 😂
😂😂
بقيت اتفرج علي الصور ... فجاءة لاحظت لي ملف بتاع صور م شفتو قبل كدة في
الاستديو بتاعي او يمكن م انتبهت ليهو 😐 مكتوب عليهو حياتي بالانجليبزي
وجمبها قلوب 😐😐
طبعا افتكرت انو ح تكون صور لينا انا وايمن .💔😢... قمت فتحتها بس الساعة
الاشوف ليك احمد معاي في كل الصور 😟😟😟😟😐😐😐
😟 انا دي لمن اتخلعت 😟😟 وقمت من السرير 😟😟 بقيت اقلب في
الصور زي المجنونة 😨😨😱 وبقول دة شنو دة .😨😱... احمد ؟ 😲
معقوول 😟😟😟😩😩😨😱😲
كيف نحن قريبين من بعض كدا ..😟.كيف ماسك يدي بالشكل دة ؟ 😱 كيف
بعاين لي بالطريقة دي ...😱😱..
راسسسي ضرب بقيت اشوف اابقية بس وانا بتفرج اشوف ليك صورة وهو بيبوس في
يدي فيها 😱😱 انا جدعت التلفون وبقيت اقول لا لا لا 😭😭😭😭
معقول انا واحمد 😭😭 استحالة كيف يعني ....😭😭 وبقيت انادي سمر يا
سمر يا سمر 😭😭😭😭........
امي قالت لي سمر دي بتستحمااا مالك دايرة منها شنو
سكت م رديت بقيت بس استغفر واهدي نفسسي ماسكة التلفون وحايمة في الغرفة ...
قمت قعدت في السرير بقيت اهدي نفسسسي وافكر.... فجاءة اتذكرت كلام اسراء اللي
دايما بتقولوا لي .... دايما بتقول لي ابعد عن احمد دايما شاكة انو بينا في شي بقيت
اقول معناها فعلا في شي بينا معقول انا وهو نكون بنحب بعض من ورا ايمن
....😭 لا لا لا انا استحالة اعمل كدة في ايمن 😭
بقيت اتذكر الصور وخلاص بديت اصدق انو فعلا انا عاملة علاقة مع صاحب خطيبي
وااييي قرفت من نفسسي شديييد بس عايزة استغرغ 😭😭😭😭.
...😭 ليها حق اسراء تكون بتتعامل معاي كدا وبتكرهني للدرجة دي ياخ اذا انا
هسسي كارهة نفسسي بقيت ابكي 😭 واستغفر واقول يا رب سامحني يا رب انا م
قادرة استحمل احساس اني خاينة دة يا رب ساعدني 😭😭.
.... سمعت سمر بتتكلم براا وشكلها داخلة الغرفة طوالي مسحت دموعي .... وقررت
اني م اجيب لسمر سيرة بالموضوع دة لانو م بعرف ممكن يحصل ليها شنو لو عرفت م
بستحمل انو صورتي تتهز قدام ناسس بيتنا 😊💔💔💔...
شوية جات داخلة
مالك بتصرخي لي دايرة شنو 😐
ياخ الباندة بتاعتي وينها .😑..اكيد سرقتيها موش 😒😒
انا فاضية لباندتك والله افتحي دولابي الباندات بالصف م يدنك الدرب وكمان من اي
لون .😌😌...
طيب خلاص ح افتش تاني 😢
اييي فتشي يختي فتششي 😒
وطلعت خلتني وانا التفكير ح يموتني بس حسيت جااني صدااع قوي لدرجة م قدرت
اتكلم بلعت اسبرين ورقدت نمت تاني م صحيت الا اليوم اللي بعدو وكانت الساعة 11
كدة 💔💔😊😊...
جاتني امي قالت لي يا بت هاا مالك حاسة بشنو من امس نايمة كنت داخلة هسي
اصحيك انتي ناسية انو عقدك بكرا ولا ششنو ... ووراك كوفيير وتجهييز وبعدين
صحباتك ممكن يجو في ايي وقت يلا قومي .... خالاتك ديل كلهم براا امشي سلمي
عليهم واقعدي معاهم شوية وحبوبتك من قبيل بتسأل منك ييلا اتحركي امشي
استحمي عشان تكوني نشيطة 😊😊....
امي طلعت مني .... قومت راسي من السرير م حسيت بصداع بس كنت تعبانة مسكت
التلفون لقيت ايمن متصل علييي كتييييير .... م رجعت ليهو ولا برسالة الا كيف يكون
عندي عين اتكلم معاهو بعد الحصل دة يا رب اديني القوة 😭😭😭😭
😭😭
طلعت شلت ملابس من الدولاب دخلت الحمام وفتحت الدش فيني وبقيت ابكي
قدرتي واغسل جسمي دة بقوة وادعك يديني ديل بس تقول عايزة اجرحهم ... عايزة
اغسل نفسي حاسة اني وسخة شديد وقذرة ...😭. انتهيت لبست طلعت مشيت
سلمت علي خالاتي وعماتي ومشيت لحبوبة بس رقدت في رجلينا وبقيت اتكلم معاها
وهيي كل شوية تمسح علي شعري بيدهااا
مالك يا بنيتي فيك شنو 😊
انا زولة كعبة شديد يا حبوبة 😭
اجي كيفن الكلام دة .... لو انتي كعبة عاد الكويس منو 😊
انا جادة يا حبوبة في كلامي دة 😭
عايني يا بتي الكعب والسمح كلهم قلوبهم بيد العالمين هو البيقدر يغير الحال عشان
كدة لو عايزة تشكي نفسك اشكيها للخالقها هو بيعرفها اكتر منك ومن ايي زوول
💔😊😊
حسيت كلام حبوبة نزل زي الموية ااباردة في قلبي المولع نار وطفاها حسيت اني
عايزة اصلي واشكي وابكي قمت من عندها قلت ليها انا عايزة اصلي الضحي يا حبوبة
💚😊😊
اييي امشي لربك يا بتي وهو بيرح قلبك
مشيت صليت وبكييت قدرتي لغاية م حسيت اني ارتحت ... يلا الوقت داك الضهر جاا
... صليتو وقمت من المصلاية بس فجاءة ثحباتي جوني وخلاص اللمة والونسة
حسيت اني خلاص تفكيري في الموضوع انتهي .... 😢 يلا قالوا لي ماف داعي
تمشي للكوفيير ح نجيب ليك خبيرة تجميل في اابيت والفستان اصلا جبناهو ليك
... ياخ فرحوني كييف 😍😍😍😍
ييلا بس بقينا نحكي ونتونس ونضحك
سمر جات داخلة قالت لي انتي يا سلمي مالك م بتردي علي ايمن قلقان عليك قال من
امس م بتردي عليهو في شنو 💔💔😐😐😐😐
انا ارتبكت وما عرفت اقول شنو ...😟😟😟 طوالة نهلة قالت ليها اجي اجي
يا سمر كمان م بتعرفي انو العريس م بيتكلم مع العروس ولا بيشوفها قبل يومين من
العقد واول اتصال بيكون لما العقد ينتهي ويقول ليها كلام حب وكدا 😌😌
💚💚😌😌😌😌
فجاءة ارتحت لما نهلة قالت كدا لاني م كان عندي جواب علي سؤال سمر ...
سمر قالت ليها عاد انا العرفني شنو يا نهلة شايفاني اتزوجت قبل كدة 😂😂
بقوا كلهم يضحكوا ....😂😂😂😂 قلت لسمر خلاص ييلا انتي وريهوا
وفهميهو الحاجة دي تمام 😊..
كوييس تمام 😊
طلعت تتكلم مع ايمن ونحن هنا كملنا مواضيعنا وانا خلاص بقيت م مركزة معاهم بقي
بالي في ايمن بس .😢..
جاا وقت النوم وكل الناس ناموا الا انا بس صاحية م جايني نوم .... وبقول يا رب يوم
بكرا يعدي ع خيييير ..💔😊...
صحيت الصباح والمفروض نتجهز سرعة علشان العقد بعد الصلاة طوالي والمفروض
بعد العقد انا وايمن نطلع سوااا ...💚.. يلا الخبيرة بقت تجهز فيني ولبست الفستان
وخلاص اتجهزت وبقيت منتظرة .... 💚😊 حاسة بطني دي تقول فيها حاجات
بتتحرك ومتوترة وجسمي بارد ....😟. كل م الوقت بتاع العقد يقرب بحس انو انا
كدة بخون ايمن وانو لا م لازم يحصل كدة ...😭😭..خلاص بقيت مقلقة وما
قادرة ...😭.. طبعا ايمن واهلو واحمد واصحابهم كلهم قاعدين في بيتنا بس شوية
وح يمشوا الصصلاة .... طبعا اصواتهم كانت عالية وكل م اسمع صوت احمد بينهم بس
قلبي بعمل شح .....😭😭😭وبقول انو هو كيف مبسوط وبضحك وبيتونس
كدا ....😭.م قدرت قلت لي نهلة انا عايزة امششي الحمام تعالي معااي .... جات
معاي طلعنا بقينا ماششين طوالي مسكتها من يدها ومشينا علي الزقاق .... استغربت
مني
مالك يا سلمي مش قلتي ماشة الحمام 😐😐😐
لا انا م ماشة الحمام يا نهلة 💔😢
مالك في شنو 😐
عايزاك تنادي لي احمد يجيني هنا 😢
ليية 😐
م بقدر اقول ليك بس ناديهو لي 😭😢
سلمي انتي واعية للحاجة دي 😐
بقيت ابكي واقول ليها نهلة لو سمحتي نادي لي احمد سرعة انا معندي وقت 😭
😭😭😭
طيب طيب م تبكي ح اناديهو ليك .😐...
طلعت بسرعة .....بعد 3 دقايق كدة اشوف ليك احمد جاااي علييي وكان خايف وقلقان
ومستغرب ....
قال لي .... .
سلمي مالك في شنو ؟ ! في مشكلة احكي لي شكلك زعلانة ....في عروسة يوم عقدها
بتكون زعلانة؟ 😊
عايني كل شي ح يكون تمام صدقيني ... 💔😊😊
وايمن مبسوط وح يسعدك انا متأكد دة اخوي قبل صاحبي 😊 م تشيلي هم ششي
وانا كمان كويسس وان .... . .... م كمل كلاموا سكت مسافة بعاين لي وانا بس
مستغربة فيهو ليية بقول لي الكلام دة وانا اصلا لسة م اتكلمت معاهو ولا فتحت
خشمي .... 💔💔💔
قام قال لي ...
اها يا سلمي ناديتيني ليية في شنو المفروض تكوني مع صحباتك بتجهزي نفسك مش
واقفة معااي 💔💔💔💔
نحن في بينا شي يا احمد؟ 💔😊
استغرب مني شديد وقال لي سلمي انتي كويسة حاسة نفسك كويسة 😟
بسأل فيك يا احمد نحن كنا في علاقة في يوم من الايام 💔💔😊😊
لا طبعا دة كلام شنو انتي واعية ومستوعبة للحاجة البتقولي فيها انتي خلاص كم
دقيقة وتبقي في عصمة راجل تاني وهسي بتسأليني اذا في بينا علاقة او لا 💔..
.. 💔 اكيد الاجابة ح تكون لا عشان نحن اصحاب وبس تمام يمكن صحوبيتنا كانت
شديد بس اكيد ماف حاجة من الفي بالك دي 💔💔
بقيت بس بعاين ليهو وهو متوتر 💔😊
سلمي م تعايني لي كدا 😊 عشان فعلا ماف شي ولو م مصدقاني اسألي ناس نهلة
ويقين 💔😊😊....
بس بقيت ما برد بس بعاين ليهو وهو كان بحاول يعاين في كل الاتجاهات الا في
عيوني .... 💔😊😊
فجاءة صوتوا اتغيير وعاين لي في عيوني وكان بس متأثر شديد قال لي يعني يا
سسلمي معقول انتي خلاص بقيتي عروس ؟ 💔😢 ياخ انا م مصدق ... 💔
💔💔
يعني خلاص انتي وايمن بقيتو لبعض للابد .💔... يعني خلاص ب .💔..... قبل
يكمل كلاموا فات وخلاني وانا خلاص بس بقيت م عارفة اصدقوا ولا اكذب احساسي
بقيت واقفة بس مصدومة 💔
جااتني نهلة ...
مالك يا بت واقفة كدا ييلا نمششي 😐
...........
سلمي بتكلم معاك انا 😐😐😐
شنو؟ م سمعتك 💔😢
قلت ليك يلا الناس جوا بسألوا منك 😐
طيب يييلا 😊😊
بقيت ماشة وما حاسة بالارض من تحتي بالي وقلبي في مكان تاني وبس كنت بفكر
انو لو احساسي طلع صااح وفعلا كان في علاقة بينا . ... تاني بلعن ابليس وبقول لا لا
احمد م بيكذب عليي اكيد نحن بس اصحاب مش اكتر من كدا وطول الوقت بحاول
اردد الحاجة دي واقنع نفسسي لاني م بقدر استحمل انو اكون عاملة حاجة في حق
ايمن 💔...
سمر جات داخلة قالت لينا خلاص الرجال مشو الجامع شوية كدا وح نسمع العقد .
...😍 الناس بقت تزعرد وفرحانة وانا بس تفكيييير تفكيييييير .😭💔...
بعد شوية بقينا سامعين الامام بيقول انو الناس م تمشي بعد الصلاة عشان في عقد ...
..😭 قلبي بقي يدق شدييييد وبس كنت خايفة بس سرحت تاني م انتبهت الا
لصوت الطلقة والناس كلهم بتزعرد وبتجي تحضني وتبوسس فيني وانا مستغربة فيهم
....😨😨 انو خلاص انتهي العقد يعني انا بقيت رسميا مرت ايمن 😢...
..💔بقيت بعاين فيهم سساي جات سمر حضنتني وبقت تبكي وجات امي وخالاتي
.... 😭 لما شفتهم بيبكوا انا كمان بكيت م بعرف ليية بس شكلي اصلا كنت عايزة
ابكي وما صدقت لقيت فرصة 😭😭...
جات حبوبة قالت ليهم هييي دة فرح البكي في شنو كمان 😐 يلا امسحن دموعكن
ديل م تمسخن للبت يوم عقدها ..😑😐😐.امي قالت ليها معاك حقق ....
مسحوا دموعن والناس بقت تجي تبارك والزحمة والنسوان .💔💔..
جاتني نهلة قالت لي في اضاني تعالي في زول عايزك قلت ليها منو 😐...
جرتني من يدي طلعنا علي الزقاق القبيل قالت لي استني ح يجيك هسسي وقفت كنت
بقول يا ربي احمد ح يكون عايز مني شنو تاني .💔😢...بقيت مستنية زي
دقيقة كدا بس الساعة الاشوف ليك ايمن جااي علييي وكان مبتسم وفرحان وشكلوا
مختلف شدييييد 😍😍...
قلت ليهو مستغربة في شنو يا ايمن قلت لنهلة تجيبني هنااا 😐💔😢😢
جااا علييي وبس حضني عليهوو انا بقيت منططة عيوني كداا 😟😟😟 وما
اتحركت بس بقيت متجمدة 😟
قال لي .... حبيبي مبروك لينا م مصدق انا انك خلاص
شوية جاني ابوي ساقني علي جنب وقال لي والله يا بتي الناس ديل
قالوا عايزين الموضوع دة يتم سرعة سرعة عشان كل شي جاهز والعرس
كلو عايزنو يبدا بكرة ..... قالو بكرا يكون زفاف ... وطوالي انتي وايمن
تسافرو شهر العسل ونحن هنا نكمل بقية الشكليات ... يعني عزومة
العريس والعروس وكداا . .. وانا صراحة وافقت عشان م شايف انو في
مانع اهاا انتي رايك شنو .....
م عارفة يا ابوي انت شايف شنو ؟
والله الناس ديل م فيهم كلام انا شايف انو الموضوع يتم بس
خلاص طيب الانت شايفو اعملوا
طيب يا بتي ربنا يسعدكم ... انا ح امشي اقول ليهم انو خلاص م عندنا
مانع وح نبدا ترتيب للعرسسس
ابوي طلع مشااا من عندي وانا بس م عارفة عندي احاسيس كتيييرة
حاسة بيها يعني فرحانة لاني خلاص بقيت مرت ايمن وفرحانة انو
بيحبني شديييد وما حصل يوم زعلني ومتأكدة انو م ح يزعلني اصلا بس
في نفس الوقت بقيت افكر في احمد وكلامو وتصرفاتو ونظراتو والصور
اللي لقيتها في تلفوني وانا وهو كنا مع بعض فيهااا .
.... بقيت احاول اطلع الافكار دي من راسسي لما شفت الناس كلها
فرحانة لي واهلي مجتمعيين ومبسوطيين وبيباركو لي ..
.
عدا اليوم ع خييير وكان حلوو وكلو فرحة ... .. المسا كدا خلاص
غيرت ملابسسي و استحميت وعايزة ارتاح من التعب بتاع الصباح
والجوطة واللمة جاتني امي قالت لي صحباتك ديل قاعدات براا اطلعي
شوفيهم مالم
طبعا استغربت الجابهم شنو قبل ساعتين طلعوا مني وقالوا
ماشيين البيت يا ربي في شنو . طلعت لقيت نهلة ويقين ومعاهم ريان
اخت ايمن كانو قاعديين ومعاهم كيسس هداياا كبيير كدا شايلنواا ...
مالكم خيير مش قلتو تعبانين ماشين البيت
اجي اجي عاين عشان اتزوجت عايزة تفتري علينا كييف
هههههه لازم ... بس جد مالكم ودة شنو اللي شايلنوا معاكم دة
احم احم
يا بنات في شنو
عايني ايمن قال لينا نجيب ليك الفستان دة
مممم لشنو
كدي انتي افتحي الكيس شوفيهو اول
فتحتوا وكنت قايلاهو فستان عادي يعني عجبوا واشتراهوا لي
... بس الساعة الفتحتو لقيتو فستان زفاف بقيت
بقول ليهم دة شنو م فاهمة شي
نفهمك يا ستي ايمن اتصل علينا وقال لينا نجي نختار ليك فستان لما
عرف انك وافقتي انو العرس يتم سرعة وانكم تسافروا بكراا ومراسم
العرس البقية تتم
المهم هسي رايك فيهو شنو
انا طبعا بقيت عاملة كدا م اتخيلت نهائي انو
يعني ح نعمل زفاف وكدا كنت قايلة اننا ح نسافر شهر العسل وناس بيتنا
ح يكملوا بقية العرس من غيرنا ..
بقيت اعاين للفستان سااي وااي كان حلو بشكل نهائي م اتوقعت اني
البس فستان زي دة في حياتي ..... المهم دخلنا
جربناهوا وااااااي فزيييييع موووووتت
شوية جات امي معاها مراا دخلت جوة .... سلمت علينا قالت لينا وين
العروس
انا .. العروس انتي منو م عرفتك
ح تعرفي هسسي ييلا ييلا طلعي الفستان ح نبدا هسسي .... شكلو راجلك
بعزك شديييد يا بت ربنا يسعدكم
طبعا كلنا م فاهميين ششي ... بقينا نعاين ليها كداا
فجاءة ضحكت قالت لينا يجماعة انا الحنانة م تستغربوا فيني كدا
وييلا سورعة بكرا عندي طيارة بدري جيت من دبي مخصوص
عشانك
دبي
ايييي دبي ..... اصلا انا مقيمة هناك وعندي محل كل السودانيات
الهناك بعرفوهوا .... راجلك عمل لي حجز لمدة يوم كامل شامل
عشان اجيك
البنات بقوا يقولوا وااي وااي وب علينا نحن يا رب عريس زي ايمن دة
المهم جيت ليها حننتني حنة خرافيييية
الناس كلها بتتكلم بيها .....
خلصت وطلعت ...... كنت تعبانة شديد البنات عملوا لي ماسكات وحمام
زيت وحاجات كتييييير ... . بعدها الساعة 11 بليل امي قالت لي الا
تقعدي في الدخان ان شاء نص ساعة .... حلفت قلت م بقعد دخان
شنو كمان الساعة 11 بليل ...... امي بقت تهرج اجي كيف يعني م
بتتدخني اقعدي شوية واصلا لونك حلو ح يمسك بسرعة ويديك نورة
ولون .... المهم قعدت زي ساعتين كدا بعدها كنت تعبانة شدييييد
طوالي مشيت نمت ....
اصبح الصباح يوم حفلة الزفاف ... عاد انا م قادرة اقوم من السرير ياخ
نعسانة وتعبانة .. صحيت مسكت الفون لقيت ايمن متصل لي كتييير
وفي النهاية عرف اني نمت من سمر ...... سمر جات صحتني
دخلتني استحميت واتمسحت الساعة جات 10 فطرت وطوالي طلعنا انا
وسمر وريان اخت ايمن وبنات خالتي وصحباتي مشينا الكوفييييير
...... من قعدة بعد الفطور لغاية الساعة 4 انا بحهزو فيني ياخ الكوفيرة م
خلت ماسك في الدنيا م عملتو لي لكن والله في النهاية ظبتتني المكياج
كان ابدااااااع والله يدها تتلف في حريير .... وطبعا مكيجت البنات
كلهم لبسنا واتجهزنا وبقينا منتظرين عريس الغفلة
تلفوني كان مع ريان ايمن اتصل وقال انو في الطريق خمسة دقايق
ويجي الكوفييير واصلا متفقين ح نمشي الصالة نقعد ساعة بس يعني لما
الساعة 6 تجي ح نطلع من الصالة ونمشي الفندق عشان عندنا طيارة
الساعة 4 صباحا ح نمششي هاااوااي
البنات بقوا يقولوا لي وااي يا سلمي يعني بكرا ح تكوني في امريكا انتي
وايمن وكمان في هااواي ووب نحن لينا الله البنقضي شهر العسل في
كسلا وبورتسودان .... ضحكنا قلت ليهم م تخافو بعزكم
بالصور ....
بعد شوية جات نهلة قالت لي ووب ووب من ايمن دماااااار والله كم
ما انتي صحبتي وهو زي اخوي كان شلبتو ووب سماحة تلخم عدييييييل
..... بقيت متوترة شديييد ..... فجاءة البنات طلعوا لما
شافوهوا جايي .... واااي انا جسمي بقي بارد وخلاص م قادرة اقيف ....
جااا داخل كان لابس بدلة سوداء وجزمة سوداء وحالق شعروا
وشكلوا متغيير شديد م ايمن البعرفوا كان شكلو حللو شديييد
والعجب الابتسامة بتاعتوا .... جاا جمبي مسك لي يديني الاتنين
باسهم لي وباسني في راسسي وقال لي انا خلاص يا سلمي انا تاني بس
الحاجة الوحيدة اللي اعملها اني اخليك مبسوطة وسعيدة دي ح تكون
مهمتي في الدنيا دي ... يااااا واخيييرا انا وانتي ح نكون في بيت واحد
يعني ح تكوني معاي وجمبي كل الوقت انا م قادر استوعب الحاجة دي
لغاية هسسي يا سسلمي .... بس ربنا يقدرني واخليك رافعة راسك بي
ومبسوطة ..... بحبك
وااي طبعا عايزة اتكلم كدا البنات بقوا يقولوا ليهو يا ايمن احمد دة بعد
كدا ح يمشي ويخليكم ترجعوا بالمواصلات وبقن يضحكن
ايمن قال لي يااخ انا نسيت احمد عديييل يلا نطلع حبيبي قبل م عن جد
يمشي ويخلينا ...
ليية يعني م كان عايز يجي ولا شنو
اييي ياخ م تعرفي انا اترجيتو قدر شنو اتخيلي بس انو كان مسافر الليلة
كيف يعني مسافر
زي م بقول ليك كدا .... بعد تحانيس حتي خلاص اجل السفر بكرا وهسي
جاا يسوقني بالعربية
ممممم حاجة غريبة
م علينا ييلا نطلع يا بيب وع فكرة انتي طالعة احللي من احللي حاجة
في الدنيا دي ...فاهماني
ههههه كيف يعني احللي من احللي؟
هههه م عارف بس كدا
ضحكت مسك لي يدي وطلعنا والبناات مسكوا لي الزفاف وبقينا طالعين
ع العربية
احمد كان قاعد جوة العربية وصلنا انا وايمن بدل يقوم يفتح لينا الباب لا
قاعد ولا حتي عاين لينا .. ايمن فتح لي الباب ودخلنا وقفل
الباب والبنات طلعوا في العربية التانية ...
اول م دخلنا طوالي احمد اتحرك وكان ماشي بسرعة ..... ايمن قال ليهو
براحة يا احمد نحن م مستعجلبين
ولا اشتغل بيهو شغلة ..
يا احمد . في شنو
قام هدا السسسسرعة بقيت اعاين لي ايمن وانا م فاهمة ششي قام
مسك لي يدي وقال لي .... م تخافي اصلا هو عشان متعود يسوق سرعة
عشان كدا .....
م رديت عليهو بقيت ساكتة
بعد شوية احمد قال لينا مبرووووكك
الله يبارك فيك يا ابو حميد وعقبالك وطبعا انا الللي ح اسوق ليك العربية
وقتها ..
هه لا ماف داعي عشان اليوم دة اصلا م ح يجيي ريح نفسسك
كيف يعني م ح يجي .... واسراء الخاطبها دي البعرسها منو
م رد عليهو بقي يبتسم ساااي
انا استغربت ... مالو دة يا ربي م طبيعي
اسراء شنو وزفت شنو انت م جادي
احمد اتكلم كويسدي بت خالتك في النهاية
ياخ انسانا م تشبكني خالتي وبتها وبتاع .... انا عارف نفسي بقول
في شنو وبعمل شنو تمام؟ !
ايمن سكت بقي يعاين لي وانا بعاين ليهو ......
فجاءة احمد بقي يضحك وماشي بسرعة
انا خلاص بقيت خايفة حرفيا ومسكت يد ايمن وقلت ليهو مالو في شنو
لية بعمل كدا ....
ايمن بقي يقول ليهو احمد خفف السرعة
بس هو ماشي زايييد وكان بقول لينا ياخ انا الخلاني اوصلكم شنو
انا المفروض م كان اكون موجود في البلد دي اصلا في يوم زي داا ...
... المفروض يوم زي دا يلقاني برا البلد دي يا ايمن انت
فاهمني
فاهمك يا احمد طيب وقف العربية
لا لا م بوقفها لازم اوصلكم الصالة
احمد انت طبيعي مالك في شنو وقف العربية زفت العربية دي
.
احمد بقي يتكلم كيف كيف وقال ليهو ماف شي بس شكلي شربت زيادة
حبتين
شربت شنو يا احمد ...... . وقف الزفت دي هسسي
لا ح اوصلكم م تخافوا انا صاحي انا واعي ح تصلوا ما ح اخرب ليكم
اليوم واصلا لو شربت شنو شنو برضوا م ح ينفع ياهو نفس الوجع .....
ايمن مسسك لي يدي بقي يهدي فيني
سلمي م تخافي 5 دقايق ونصل الصالة تمام ؟ احمد
ما ح يوقف انا عارفوا ... وحسابي معاهو بعدين م هسي لكن بس انتي م
تتوتري تمام انا معاك وجمبك
طيب يا ايمن مسكت يدو بقوة ..
. بقي يعاين لي احمد بالمرايا وهو غضبان شدييد .... اول مرة اشوف
ايمن
غضبان للدرجة دي ....
نحن في الطريق كل شوية العربات تضرب في البوري وتقول لي احمد
انت مجنون يا زول ماششي كدا لشنو ..
والناس البتقول ليهو ح تعمل حادث خفف السرعة
وبس ايمن بقول لي م تخافي م تخافي تمام انا معاك
وصلنا الصالة ..... احمد جا داخل بسرعة قرب يدخل في الشجرة
وفجاءة وقف العربية ونزل جااا فتح لي ايمن الباب
ايمن طلع واول حاجة عملها انو اداهوا كف ..
انابقيت قاعدة وعاملة كدا
واحمد م كان متوقع انو ايمن في يوم ممكن يمد يدو عليهو ....
قلت خلاص ح يتشاكلوا مع بعض والفرح ح يبقي فضيحة