الجزء 33
دخلت جوة اصلا م كان عندي شي اخدو معااي غير روحي دي بس م عندي ششي
مشيت الدولاب شلت التوب اللي جيت بيهو ليهم اول مرة ومعاهو الجلباب .
..💔 غيرت ملابسي ولبستهم ختيت ليهم التلفون والشنطة وكل شي ادوني ليهو ..
..💔 وكتبت ليهم ورقة شكرتهم فيها علي كل شي عملوا معاي بعرف انهم ح يزعلو
مني بس انا م بقدر اتكلم معاهم بالتلفون ولا بقدر اواجههم 💔💔💔 طلعت
واول م وصلت الباب ايمن شافني واستغرب شديد من الملابس وفجاءة اتضايق
💔😔شكلو اتذكر يوم طلعت بيهم من عندو في الفندق 💔💔💔....
مشاا قدامي علي العربية وطلع وانا مشيت وراهو وركبت ورااا . 💔. بقينا ماشين
ماف زول اتكلم مع التاني وماف زول عاين للتاني 💔💔💔....
وصلنا الفندق فجاءة كل الحاجات الحصلت اتذكرتها لما كنت طالعة جارية عايزة امشي
لي احمد ... 💔 منظر ايمن وهو جاري وراي وبيمنعني ....💔 منظر الناس اللي
كانت متلمية بتتفرج عليينا 💔.... صوت الكف اللي اداني ليهو ايمن ...💔.. منظر
ايمن وهو مصدوم وما مصدق الحاجة اللي انا بعمل فيهااا ...💔 كل الحاجات دي
اتذكرتها اول ما وصلنا هناااك 😭😭😭💔💔💔💔......
وقف العربية نزل منهاا وانا زاتي نزلت .💔.. بقينا طالعين وانا وراهواا..... ومنظر
البنات اللي في الاستقبال لما شافوني معاهو كل واحدة بقت تتكلم وتتوسوس مع
التانية .💔... اصلا كيف م يتكلموا بعد الفضيحة اللي انا عملتها هناا دي....
بقينا طالعيين لغاية م وصلنا الغرفة .... فتحهااا ودخل .💔.. انا م قدرت بقيت
واقفة برااا 💔💔💔💔
م ح تدخلي؟ 😊
........سكت م رديت بس واقفة مكاني بعد شوية قمت دخلت جوة 💔😢 كل
شي في مكانو 💔...كل حاجة زي ما هيي كأنو كل شي حصل امسس .💔.
الشنط في مكانها م اتحركت حتي المخدة اللي كانت واقعة في الارض ياهاا في مكانها
م اترفعت .... 💔 والقميص اللي كنت لابساهوو وختيتو في الكرسي ياهو قاعد في
مكانو ....💔💔💔
م دخلتها انا من اليوم داك عشان كدة كل شي زي م خليتيهوو ...💔😊
ايوواااا 💔💔😊
ايمن كان بلم في ملابسوا وبيدخلها في شنطة صغيرة جابها من العربية .... كنت
مستغربة ليية بعمل كدة 💔💔....
طيب انتي خليك هنا في الغرفة دي لو احتجتي حاجة اتصلي بخدمة الغرف وهم ح
يعملوا ليك كل شي اكل ... غسييل ملابس اييي شي 😊😊💔💔
انت ماشي ويييين 😢😢
م رد ولا اتكلم معااي كأني م بتكلم معاهو 😭😭😭😭
ماشي وين يا ايمن 💔😭😭....
داك تلفونك حاولي اشحنيهو وطمني ناس بيتكم وما تجيبي ليهم سيرة بشي لغاية م
نقعد ونعرف ح نتصرف كيف وح نقول شنو 😊😊....
شال شنطتوا وطلع وانا بقيت بس واقفة م عارفة اعمل شنو.... حاسة بالذل والاهانة
وقدر شنو انا صغيرة قدامو وسقطت من نظرو وما عندي كرامة ..😭.
دخلت الحماام استحميت جيت شلت تلفوني شحنتو ...💔. حاولت اتصل علي ناس
البيت بس م قدرت حاسة اني لو سمعت صوت واحد فيهم ح ابكي وما ح اقدر اقيف
تاني ...💔ختيت التلفون جمبي ورقدت واتغطيت كنت حاسة انو الغرفة دي متلجة
شدييد واي شي بارد شديد بس رقدت وما حسيت بشي تاني الا صوت التلفوون بتاع
الغرفة كان برن ... 💔 صحيت رديت عليهم كانو جايبين لي اكل قلت ليهم م عايزة
💔💔💔....عاينت للتلفون لقيت انو الوقت بليل زي الساعة 7 كدا 💔
معقول انا نمت الوقت دة كلواا 💔.. ؟.. فجاءة الباب بتاع الغرفة بقي يدق قمت
عشان افتح .....
قلت ليكم ما عايزة اكل م بتفهموا انتو 😑😑😑
افتحي الباب يا سلمى 😊
طلع دة اييمن ..... طوالي فتحت الباب
دخل طوالي حتي م عاين لي ومشااا ع الدولاب طلع ليهو ورق ختاهو لي في السرير
💔.....
وقعي لي علي الورق دة لااني المفروض اسلموا الليلة 💔💔..
ورق شنو دة 😢😢😢
افتحيهو شوفيهو 😊
شلت الوق بقيت افتش فيهوو بس اشوف ليك كلمة طلاق كبيرة بفوق م بعرف لية
انصدمت ...😟. المفروض اكون عارفة انو ح يحصل كدة ....😭 م قدرت اتكلم
ولا ارفع راسي وعاين ليهو لانو معاو حقق في كل شي ح يعملوا 😭.
وقعت الاوراق وختيتها في السريير 😭😭..
. مششا رفع سماعة التلفون اتكلم مع ناس خدمة الغرف قال ليهم جيبو الاكل 😊...
😊
بس انا م عايزة اكل ماف داعي يجيبو 💔💔💔
انا بعمل العلي وبجيب ليك الاكل بعد كدة انتي حرة 💔😊...
م عرفت اقول شنو ولا ارد بشنو كان بعاملني معاملة كعبة شدييد معاملة زول قرفان
وما طايق الجمبو ..😭..
شوية جابو الاكل طوالي شاال الاوراق وطلع 💔.....
رجعت رقدت في السرير وبس عايزة انوم وما اصحااا عايزة انسسي وما اتذكرر ... يا
رب م اصحااا تاني يا رب
عداا اربعة يومم في الحال دة .... بنوم وبصحااا ... لو قدرت باكل وساعات كتيير م
بقدر .💔...م بشوف زول ولا زول بشوفني ولا بتكلم مع زول بس نايمة م شفت
ايمن تاني ولا مرة من لما جاب لي ورق الطلاق .....💔💔..
في اليوم الخامس كنت راقدة وسامعة جرس التلفون ....💔 م اتحركت ولا رفعتواا
كنت متأكدة انو ديل ناس خدمة الغرف م عايزة اكل م عايزة اشوف شكل الاكل ولا
اشم ريحتواا ....💔.. بعد شوية الباب بدا يخبط ..💔.. برضو م اشغلت بيهو شلت
المخدة ختيتها في اضاانيي بس برضو لسة بيضربوا في الباب .... قمت علي حيلي
بقيت اصرخ فيهم واقول ليهم م عايزة اكل انا سيبوني في حالي م عايزة افتح الباب
انتو م بتفهموا. .. 😭😭 وبقيت ابكي ..... طوالي الباب اتفتح طلع دة ايمن
😢😢
شافني قاعدة في السرير وببكي فضل واقف جمب الباب وبعاين فيني بعد شوية بدأ
يلم في الحاجات والملابس ويقفل الشنط 💔💔.....
ح نمشي بيتكم الليلة قومي اتجهزي 😊
م عايزة امشي مكان اطلع برا خليني براي 💔😭😭😭
م علي كيفك هو تمام؟ ح نمشي الليلة يعني ح نمشي الليلة بالذوق بالعافية المهم انا
ح اوصلك بيت اهلك واخلص من الهم والكابوس دة 😊😊💔
لما سمعتو بيقول كدا صوتي زاد في البكا 😭😭😭😭
المفروض لما تبكي اني اعمل شنو ؟ 😐 اقول ليك خلاص اعملي العايزاهو؟ ولا هو
البكا اصلا ح يحل شي ...💔. سلمي لو سمحتي حاولي تساعدي نفسك وتساعديني
.💔.. انا بعمل كل الحاجات دي عشانك انتي عشان اهلك م يتصدموا تماام؟ عشان
كدة وقفي بكااا واسمعي انا عايز اقول شنو .😪😪..
قعد جنبي في السرييير وقال لي ... .
عايني يا سلمي نحن خلاص البينا انتهي من زمان بس الليلة ح ينتهي جد جد لما
اوصلك بيتكم ولما ........ سكت مسافة ولما ارمي عليك يمين الطلاق تمااام؟ طبعا
الناس ح تستغرب انو احنا اتطلقنا وما تمينا شهر ويمكن يقولوا انو المشكلة فيك انتي
اصلا انتي عارفة كيف مجتمعنا بيفكر عشان كدة انتي ح تقولي لي اهلك انو انا
السبب وانو انتي لقيتيني مع واحدة تانية و ....
قاطعتوا وقلت ليهو لا يا ايمن انت بتتكلم عن شنو 😟 لا طبعا ما ح اعمل كدا
😭😭😭😟😟
لو سمحتي خليني اكمل .. لمرة واحدة في حياتك اعملي لي حاجة انا عايزهاا ح
تقولي لي اهلك اني اتغيرت واني زول كعب وما كويس وانك لقيتيني مع واحدة
تانية في وضع م تمام وانك كرهتيني وكرهتي العيشة معاي وطلبتي الطلاق ..
..💔وانا ح أاكد علي كلامك دة واعتذر لناس بيتكم واحاول اني اترجاك قدامهم
انك تسامحيني بس انتي خليك ثابتة في موقفك وانك عايزة الطلاق ووقتها انا ح
ارمي عليك اليميين وخلاص كدة نكون انتهيينا .💔💔💔💔...
قام من السرير قال لي ح اطلع وارجع القاك جهزتي 💔💔😊.....
انا بقيت بس م فاهمة اييي شي 😭😭.... معقول ح اعمل فيهو كدا.
..😭 معقول اشوهه صورتو قدامهم كداا .😭.. طيب م عندي حل تاني اعمل شنو
يا ربي 😭 كنت عايزة زول اتكلم معاهو زول ابكي ليهو بس خلاص انا براي
هسسي انا السبب في كل دة وانا اللي لازم استحمل المسؤلية كان اكتر شي بموتني
ايمن والحاجات اللي ح تحصل ليهو بسببي 😭😭 بس خلاص هو ح يخلص مني
قريب ..😭. خلاص الهم والكابوس تبعو ح يختفي ..... 😭 قمت وبقيت
مستنية ....شوية جاااا داخل وشال الشنط وقال لي ييلا نطلع 💔💔
طلعنا من الفندق ركبنا العربية وبقينا ماشين ع البييييت ....
💔💔