الفصل الثاني

يلا ي ماما اخيرا الواحد حيشوف السودان اللي ياما سمع عنو قصص وحكايات، ، ،

ماما قالت لي حاسه بيك م مبسوطه بالرجعه دي لكن ي بتي كل حاجهه خلاها ابوك وراهو هنااك، وبعدين حبوبتك وجدك مصصصرييين نرجع ونعيش وسطهم الغربه صعبه علينا فهمتي؟

اوكييييشن ي ماما الله يخليك م تبدي في محاضراتك من اول وجديد اهو انا بعمل الانتي عايزاه وم معترضه عليه ابدا مبسوطهه كدة؟، ، قالت لي انتي ي يمهه بت الهنا والسرور جيبي بوسهه

اول م طيارتنا وصلت كانت الساعه تقريبا 2 ظهر بتوقيت السودان والشمس دي سخنهه بطريقه فظيعه، بقيت اتلفت يمين وشمال وفجأة قولته ليها ماما انتي جادة دة مطاار الخرطوم الدولي البتتكلمو عنو؟ماما قعدت تضحك قالت لي اي مالو؟قولته ليها بس دة م مطار دة عبارهه عن محل بتاع نفاايات وبعدين...سكتتني قالت لي خلاص هسس، قولته ليها طيب دقيقه اصدميني انو رامي م حيجي يسوقنا بس؟قالت لي لا حيجي اتصلت عليه، قولته ليها م عندي بطاقه سودانيهه لو عندي كان اتصلته عليهو، قالت لي انا عندي بتصل عليهو اسي، اتصلت عليهو قال ليها وصلتو؟طيب انا في الطريق قربته عليكم، وحمدلله على السلامهه ين؟بعد نص ساعه كده رجع اتصل عليها وصفت ليهو جا حضني قال لي مشتاقين مشتاقين، قولته ليهو رااامي وقعدته اصرخ، ماما قالت لي الناس بتعاين ليكم ي مجنونه، قولته ليها واذا مش اخووي وين المشكلهه يعني؟بعد م ركبنا العربيه، قال لي شهد ا البلد دي كيف وكيف معاك

قولته ليهو اووووووووووووففففف م حأرد م حأرد، ماما قالت ليهو من نزلنا من الطيارة داقه جرس قولته ليهو راامي انت م شوفته المطاااار؟شوفتو عامل كيف؟قعد يضحك قال لي حال البلد كدة عااد مطارنا على قدر حالنا فاكره حيكون زي مطار دبي الدولي ولا زي مطار الكفار ديلك قولته ليهو على الأقل الكفار الانتو بتضحكو عليهم ديل عندهم عقل بفكرو بيهو م زي ديل، قال لي ههه مع الأيام حتتعودي على كل حاجه غريبه في البلد دي معزورهه معزورهه قعدته اتكلم ليهو بالإنجليزي قام قال لي اهاااا بدينا من اسي لاحظي انو م كل الشعب السوداني بعرف انجليزي فحاولي م تشطحي

قولته ليهو ودي الحاجهه الكويسهه هنااا يلاااا!!وصلنا البيت هم نزلو وانا قاعدة في العربيه بعاااين والبيت الوقفنا فيهو طلعو منو نااس كتااار قعدو يسلمو على ماما وانا لسه قاعده بعاين ليهم من فوق لتحت، رامي فتح لي الباب قال لي م نفسك تنزلي؟قولته ليهو م نفسك نرجع؟

قال لي شهههههههد!!!قولته ليهو طيب اوكييشن اهو نازله، اول م نزلته وقعو فيني احضان، انا طبعا بعرف الناس دي بالصور بس م حصل شوفته واحد فيهم شخصيا كدة، حبوبه مسكتني وقعدت تبكي بطريقه كدة مبالغهه وجدو نفس الشي فجأة الناس قلبتها ساحهه بكى في قلبي قولته ليهم "دراما رخيصهه"م كنت هاضماهم نهااائي وحاااسه بالقشعريرة منهم، دخلنا البيت طبعا ماما بقت تعرفني على الناس دي حبوبتك ودي عمتك فلانه وعمتك علانه وانا بلعب بعيوني يمين وشمال، قعدنا شويه كدة جابو لينا مويه، طبعا انا من شفته المويه غيرته ملامح وشي، البت مدت الكبايه لماما شربت، لما جا دوري قعدته اعاين للبت واعاين للكبايه واعاين لماما ورامي، والناس بقت تعاين لي، رامي فهمني قال ليها ههههههههه شهد م متعودة على مويهه البلد دي عشان كدة ثواني اجيب ليها مويهه صحهه، عيني وقعت على واحدة من عماتي عوجت خشمها يمين وشمال، حبوبه قالت لي حيييييي ي بتي سمح دقيقه اسي يجيبو ليك المويه نحن نسينا زاتو، ، ، تعالي ي مرام اجري جري جيبي شكارة صافيه من البقاله وتعالي، جدو قال ليها ودوهم غرفهم خلوهم يرتاحو شويه ناس جايه من سفره بعيدة خلاص ساعهه قاعدين، حبوبه قالت ليهو صاح والله السفر متعب شديد تعالو ي سوسن ارح اوصلكم غرفكم، طبعا بعاين للبيت يمين وشمال، طلعنا وراها قولته لماما م بشااارك زول في غرفه وغرفه م عجبتني م بقعد فيها، ماما قرصتني وقالت لي هش، قولته ليها علشان اكون واضحه معاك من اسي

حبوبه قالت لي شهودة ي بتي دي غرفتك اتفضلي غايتو جهزناها ليك لكن م عارفنها حتعجبك او لا، عاينته ليها وملامح وشي بتدل على اني م مرتاحه ابدا، فتحته الغرفه عاينته ليها يمين وشمال، ماما قالت ليها عمتي فتحيه م قصرتو والله غرفه م فيهااا ااااي كلام، بعد م طلعو لفيت في الغرفه كداا ودخلته الحمام لقيتو مجهزين لي فيهو كل حاجهه جيت طالعه قولته م بالسؤ الكنت متخيلاهو، شويه كدة جا رامي دق لي الباب قال لي هودة افتحي عايز ادخل ليك الشنط حقتك دي، فتحته ليهو الباب، قال لي المفروض اخليك تشيليهم براك صح؟قولته ليهو رامي وين مجاهد؟ ليه م شايفاهو؟قال لي مجاهد دة قاعد في بيتو في الطايف بس بجي، قولته ليهو حيجي متين اتصل لي عليهو اسي

قال لي طيب، طلع تلفونو واتصل عليهو واداني التلفون، مسكته التلفون اول م فتح الخط قال ليهو ي رامي كيفك، قولته ليهو انا م رامي انا حرامي سااارق تلفون رامي، قال لي نعم؟قعدته اضحك قولته ليهو احلف كدة قول م عرفته صووتي، قال لي اممممممم هو صراحه صراحه م عرفتك ميين؟قولته ليهو مجااهد طيب تمام مع السلام، قال لي انتظري ي سجم م عرفتك كيف معقوله في زول م بعرف نبض قلبو هاااااااا حمدلله على السلامه وصلتو متين؟قولته ليهو غياظ

قال لي بهظر طمنيني وصلتو بخير؟ قولته ليهو الحمدلله بس انت ليييه م هنا تعال ياخي، قال لي والله ي شهد مشغوول شويه بس، قولته ليهو يعني شغلك اهم مننا؟؟قال لي ابدا حبيبي فداكم الشغل وكل حاجه، قولته ليهو طيب تعال انا مشتاقاك والله

قال لي حااااضر حأجيكم ماشي؟قولته ليهو اوكيييه بسرعهه طيب، المساء ندهو علي علشان انزل الغداء م كنت عايزة انزل بس ماما ورامي قالو لي الا تنزلي وتقعدي وسط الناس فإتجبرته انزل بس م قدرته اكل شي بقيت اعاين ليهم اكلته سلطه خضراء ورجعته غرفتي بعدها ماما عملت لي شيبس بطاطس ومعاهو كاتشب، اليوم التاني صحيت زهجانه واخلاقي في مناخري، مشيت لماما في غرفتها قولته ليها ماما خلينا نرجع انا والله هنا م بقدر فهمتي؟ قالت لي كدة قولي بسم الله، قولته ليها بسم الله ي ماما بس هنا ماف شي انا بقدر اتأقلم عليهو خلينا نرجع ونكمل حياتنا عاادي زي م كنا عايشين ونسوق معانا رامي ومجاهد وبالنسبه للدن وعثمان كل سنه ننزل ليهم دبي نقضي معاهم فترة ونرجع، قالت لي ي بتي انتي فاكرة الموضوع بالبساطه دي؟اخوانك ديل هنا عندهم مسؤليات، اشغال ابوك الخلاها وراهو دي كلها ماسكنها هم، وهناك عثمان ماسك شغل الإمارات وانا ان شاءالله حأنزل اشتغل هنا في مستشفى اسمها جرش، عاينته ليها مسااااافه وقولته ليها طيب وانااا؟انتو كولكم عندكم الحجات البتشغلكم والحتمسكو بيها زمن وانا وين من دة كلووو؟قالت لي انتي شوفي عايزة تعملي شنو ونحن معاك واذا عايزة تكملي دراستك هنا في السودان ممكن تكملي، قولته ليها دراسهه؟لأ طبعا م عايزة ارجع ادرس ولا اي شي

عدت الأيام وانا كنت يوووم بعد يوووم بحس بنفسي مخنوقه من البلد دي وطبيعه العيشه وروتين الحياة الفيها، ، كنت بقفل نفسي من الصباح للمساء في غرفتي وم بسأل في زول ناس البيت عايشين او ميتين م بهموني، اساسا البيت كلو فيهو انا وماما ورامي وجدو وحبوبه وعندي عمي متزوج كان ساكن في بيت براهو اول م سمع انو نحن نزلنا مع ناس حبوبه جاب مرتو واولادو وقعد في البيت عماتي موجودات بس كلهم متزوجات وعايشات في بيوتهم، في يوم ماما صحتني الصباح قالت لي انا اليوم نازلهه الدوام عايزة حاجه؟قولته ليها دوام وين؟قالت لي قبل كدة مش قولته ليك انو حأنزل اشتغل في مستشفى اسمها جرش؟قولته ليها اوكيييشن تمام، قالت لي لو احتجتي اي حاجه انا مخليه ليك القروش في المحفظهه حقتك ماشي حبيبتي؟قولته ليها طيب خلي بالك من نفسك، قالت لي وانتي كمان واكلي فاهمهه؟قولته ليها طيب حاضر، بعد م طلعت مشت انا نمممممممتهه صحيت تقريبا الساعهه 1 مساء غسلته ونزلته مشيت على المطبخ سامعه واحدة بتقول"عاااد ي يمهه كان شوفتي الهنجكهه والدلع م يدوكي الدرب، ونوم للساعهه 1_2 ينزلو يلقو الأكل والشراب جاهز ياااكلو ويرجعو ينومو عين زول م بسلوها ليهو، اأي انا زاتي قولته لي عبدالباسط كدة خلوهم يسكنو براهم مالنا ومال الدقو وشالو حقو م بنشتغل ليهم حبش نحن والله، وبعدين سوسن مرتااااحهه يختي لمن زي نزلت الشغل كدة، عاد لو م هي مرهه طماعهه في القروش الخلاها ليها عبدالله دي تاني بتشتغل؟والله قروش تفرشها وتنوم فيها لكن عاااد ي بت امي الطمع بعمل اكتر من كدة والغريبه والله م بتصرف ولا بتتطلع ملييين احمر في البيت ورامي ولدها قاااعد يختي كل يوم عربيه جديدة القروش بلعبو بيها لعب عاااد ان شاءالله بكره يعدموها تاني نشوف رفعهه مناخرهم دي ...

فجأة اسمع حبوبه بتقول لي شهودة صباح الخير امي كيف اصبحتي لعلك طيبهه؟مرت عمي سكتت، اتلفته على حبوبه وانا عيوني ملانهه دموع وم رديت عليها جريت طلعته غرفتي وقفلتها علي، حبوبه كانت بره وجات داخلها شكلها، ومرت عمي كانت بتتكلم بالتلفون مع زول، حبوبه جات لاحقاني ودقت لي الباب قالت لي شهد ي بت في شهودة مالك انتي كويسه؟افتحي الباب وريني مالك في شنو ي بتي؟فجأة جدو جا قال ليها في شنو؟قالت ليهو والله م عارفه البت دي بتبكي م عارفه مالها، جدو قعد يتكلم معي علشان افتح، فجأة فتحته ليهم الباب عاينته ليهم وسكته، حبوبه قالت لي ي بتي في شنو المبكيك شنو وريني؟م رديت عليها جريت شنطتي حقت الملابس وطلعته، جدو مسكني قال لي ماشه وين بالشنطه؟وريني الزعلك منو من ناس البيت؟قولته ليهم بطلو المثاليه المبتزله الانتو متصنعنها دي اوكييييه؟نحن م اغبياء، انتو فاكرين انو نحن حيغلبنا نعيش برانا ونعيش نفسنا مثلا؟نحن ي دووووب تمينا شهر من نزلنا السودان وانتو م قادرين تستحملونا فكركم حنعيش معاكم العمر كلووو؟نحن الحمدلله بابا م قصصصر مننا ولا حوجنا لي زول وم محتاجين زول يصرف علينا او يأكلنا ولا بنعيش بي زلهه في بيت زول وبإشارهه مننا بس نحن ممكن نشتري افخم بيت في البلد دي، حبوبه ختت يدها في راسها بي خلعهه، جدو قال لي كدة قولي بسم الله ي بتي انتي القال ليك انو انتو محتاجين منو وريني الوصل ليك كلام زي دة منو انتي بس أشري لي عليهو، قولته ليهو انا م حأقولو ليك لأنو اساسا دة الكلام الانتو بتقولوهو بيناتكم، وبعدين ماف زول وصلو لي انا سمعتو بي اضاني على العموم م حأتكلم معاكم كتييير يلا، قمته نازله جررره مني الشنطه، قولته ليهو مش الشنطه دي خليها عندكم تمام فكيتها ليهو ونزلته مستعجله وهم نازلين وراي، طلعتهه من البيت بسرعههه لغااايه م وصلته الشارع وانا بببكي لمن م شايفه قدامي بقيت اتلفت يمين وشمال اساسا م بعرف للبلد شي، قبل م هم يطلعو لفيت بي شااارع كدة ووقفته جنب عماره كدة وبقيت ابكي، وانا لابسه لي فنيله كمها كااامل وشورت تحت ركبتي ومعاهو شبط بس واقفهه وبعاين يمين وشمال وابكي، فجأة حسيت بي يد بتمسكني من كتفي، اتلفتهه مخلوعهه، لقيتها بت كانت لابسه عبايه قالت لي انتي كويسه؟قولته ليها بي غضب وانتي مالك كمان

قالت لي معليش بس شوفتك واقفه وبتبكي حبيت اساعدك يعني اذا حابه يساعدوك او كدة انتي بتفتشي على زول او رايحه ليك حاجهه؟قولته ليها عايني انا م بفتش على زول ولا حتى رايحه لي حاجهه اوكيييه؟خليني في حالي واكسبي زمنكك، قالت لي ي شيخهه مع نفسكك يلا، اتحركت مشت دخلت بيت مقاااصد العماره الأنا واقفهه تحتها وانا فضلته واقفه في محلي والعربات كانت بتجي ماشه في الشارع بعاينو لي وبمشو، اثناء م انا واقفه جات عربيه فيها شباب كدة وقفو وبدو يعملو حركات

واحد منهم قال لي اتفضلي نوصلك، اتلفتهه منهم، التاني قال ليهو ي زول دي شكلها حارسه ليها زول وموسرها ي زوله م بجي م تنتظري ساااي ه، السايق العربيه قال ليهم ويمكن شغالهه وم لقت ليها زباااين وقعدت تتبكي ارح قولي دايرة كم ونحن م بنقصر منك تب عاملهه بنطلونك السمح دة

اصحابو قعدو يضحكو بأصوات كدة عاااليهه ومقرفهه، وانا خوفتهه خوووف ودموعي جرت عشرهه عشرهه، فجأة اسمع ليك صوت بقول" بالنسبه لي انو انا منتظراك من قبيييل وانتي واقفه هنا يلا تعالي ارح نمشي واحس ليك بي يد بتمسكني من يدي وساقتني، عاينته ليها لقيتها البت الدخلت بيتهم ديك، الأولاد السايقين العربيه لحقونا وقعدو يتكلمو معاها قالو ليها خليها لينا نحن ماشهه بيها وين؟واحد منهم قال ليهم حييييينا شوفو ام عبايه دي زاتها بابور قاااطع كيف، البت وقفت واتلفتت عليهم و قالت ليهم يااااها خيابتكم ي تافهين الكلام البتقول فيهو دة علمو لي اصحابك البتتصرمح معاهم ديل عشان يقولو لي اخواتكك تماام؟ودخلتني وقفلت الباب، قبل م افتح خشمي قالت لي شوفي انا م بعرفك ولا بعرف انت بت منو وجايه من وين والحاصل معاك شنووو بالظبط لكن وقفتك في الشارع دة م صح انا كنت في البلكونه ولاحظتهه لبتاعين العربات ماشين وجاين فيك وانتي شايفه بعينك قلهه ادب التافعين ديل علشان كدة انا لما شفته المنظر دة حبيت اساعدك بس م اكتر لكن لو عايزة تطلعي بعد كدة انتي حرة لكن م تقيفي في الشارع لأنو وقفتك في الشارع دي غلط حتجيبي لنفسك كلام م ليهو اول ولا اخر وبالعقل كدة ماف زول حيشوف ليهو واحظة واقفه في الشارع بالمنظر ده وم يعاكسها فاهماني؟ قولته ليها انا، انا، انا، قالت لي انتي مالك؟قولته ليها انا عايزة ابكي بس

وحضنتها...

...