الجزء 9

= يويو انت بت عمك دي مالا سخيفه كده يااه لا وهي تهيني قدامك وانت تسكت تخليها

* اها اعمل ليها شنو مثلا م هي برضو بت عمي

= وانا بطيخه!! مش انا خطيبتك وام ولد الجاي بعد ٩ شهور

* " رفع راسو عاين ليها مسافه "

= وبالمناسبه يعني انت ح تتزوجني امتي!!؟ لانو انا بعد فتره ح تظهر فيني اثار الحمل وانا اسع ساكته وانت عارف اني كنت مستعده انزل الطفل ده الوقت داك لكن انت رفضت

* رزااان ولهسه رافض انتي متخلفه كيف يعني اقتل طفلي!!؟ انا الكان مفروض اقول كده وانتي ترفضي الحاجه دي وانا اتفاهمته معاك وقلت ح اتزوجك

= اوووف حاضر "تلفونها رن"

* انا داخل لمن تخلصي تعالي

طبعا انا طوالي اتسحبته وغطيت وشي عشان م يشوفني وبعد مشي رجعت مكاني لاني حسيت انو في حاجه غلط في الموضوع وهي كانت متوتره لمن تلفونها رن

= اها خير

^.....

= ههههههههه انا اعمل ليك شنو مثلا يعني

^.......

= لكن انت عارفني حبيبي والله اسفه بس مجبوره انو اعمل كده لانو لو م اديتو حاجه يتجبر بيها الوقت داك اكيد كان فسخ الخطوبه وانا وانت م كنا قدرنا ننفذ الموضوع وكان ح يخرب بس منتظره اعرسو عشان الموضوع داك يتنفذ هههههههههه

^.....

اكيد حبيبي انا م حامل كل الموضوع اني بس كبيت ليه منوم في كأسه العصير اليوم داك

(موضوع مغلق🍃لوقت اخر)

=اوك حبيبي يلا بااي

- '..... ك...ك... كيف قدرت تعمل كده ياالله'

رجعت جري مشيت قعدت كده جات رزان بعديني عاينت لي مسافه ودخلت ل تنزيل بعدها انا دخلت ل ياسمين ناديتها

- ياسمين تعالي لحظه بس

* ااممم

- انا راجعه البيت مرهقه شديد والله وبكره ح امشي الجامعه عشان التسجيل وكده ودايره شريحه عشان اتكلم مع ماما وبابا والمهم الموضوع طويل

* براك!!؟ البيت فاضي ي بت لالا بابا م بخليك

- اااي عشان كده كلمتك انتي براك و ان شاء الله م بحصل لي حاجه

* طيب لمن تصلي اتصلي علي

-تمام يلا بااي

طلبت ترحال ومشيت علي اقرب مركز أخدت لي شريحه ورجعت البيت وصلت دخلته جوه وفجأة كده جسمي برد حسيت انو في زول معاي في البيت

- ' احممم ي هزار اهدي م ف حاجه قولي بسم الله ' مشيت ركبت الشريحه واتصلت علي ماما اتونست معاها ومع بابا واخواني كلهم بعدها قفلت اتصلت علي رندا اتوستا مسافه وبكينا واتعابطنا وبعدها اتصلت علي منذر والله اشتقت ليه شوق♥ اتونست معاه مسافه سمعت صوت مشي في الصاله

- ي منذر برجع ليك بعد شويه

* لالا في شنو اتونسي معاي لسع

- بس لحظه اسع برجع ليك وقفلت عشان م اخليه يخاف علي 🖤✨" وياريت م طلعت🔕"

يتبع....🖤🔐

( ودمتم سالمين 💙)