الجزء 26
ريل ذعلت علي شديد و فرحت برسالته لكن حلفت الا تادبو وتطلع عينو
ردت لي
_انا بقي بحب
وقفلت شبكتها ونامت وهي عارفه انو ماحيتصل لانو مناهل نايمه معاها
الصباح صحت بهزه فيها
رييييل قومي ياخ كفاك نوم
_ريڤال خليني 😴😴
_لالا انتي مش كنتي بتصحيني اسي احمد صحاني للصلاه قلت اصحيك 🤭
_احمد قلتي لي 😉
_ريييل اقعدي ساي وضربته بالجداعه 🤗
_اسي انا قلت شي ياعالم زحي لي خلاص الصلاه فضل ليها كم
_سبعه دقايق وكلنا جاهزين الا انتي
_اخد شور بس وختي لي اسدال الصلاه👘 في الصاله
وقامت علي كدا
صلو الصبح مع بعض وامامتهم كانت ريل بعد خلصو ناهد جهزت الشاي وريل قفلت جواله رسمي وشعبي عشان محمد مايتصل عليها
مواعيدكم كم انتو
_تمانيه ياتنزيل تخيلي
_انا اقعد مع منو يامناهل
_حتمشي معانا ياستي
_عايزه انوم ياخ
_جنك نوم قومي البسي ريل قالت حنطلع بدري
_ليه بدري مش بوديكم محمد
_والله ياناهد ماعارفه انا قايمه اجهز ريل حتطلع لانو يدها خفيفه
_ياناااااهد نادي لي ريڤال
_حاااضر
ريڤااااااال اختك بتناديكي عايزاك جوه هي بتلبس امرقي عليها
_طلعت من الغرفه ريل خليني اركز ياخ
_ريل مدت ليها راسها بالباب تعالي عايزاك والطالع معانا يقوم يجهز
_اها جيتك وقعدت ليها في السرير لقت ريل لابسه ليها أسكيرت أسود وقميص أسود وخاته بدله في الشرير بيضاء وشنطه يد لونها عنابي راصه حاجاته الحتختها فيها جمبها وطرحه مطبقه أبيض بعنابي وأسود
طقمك حلو ياريل دي من حاجات امبارح
_اي ياستي خليني في المهم احمد معاك كيف
_كويس قال لي حيجيب حاجات الليله لي امي وبكره بجيب مع امي مال متكفي للملابس وباقي الحاجات 😊
_ربتا يتم ليكم يارب حدد ليك يوم 😊😍
_لا لسه لكن انا عملت حاجه 🙈
ريل اللحظه ديك كانت بتلبس في البدله ووقفت عاينت ليها عملتي شنو 😠
_والله ماشي بس قلت لاحمد بكره يجي مع امي يوصله ويجي انا عايزاه
_وانتي عايزاهو لي شنو
_انتي مالك ها😁شي بيني وبين احمد
_اهااا قومي خلاص امشي
_عامله جزمتك الشينه دي
الصراحه عجيييبه ياخ 😚باللون العنابي
_😂😂😂والله انتي مهترشه ياريفال الله يعين أحمد عليك
هووي نحن خلصنا ياريل
ريل اتلفتت لقت مناهل وتنزيل جهزو
طلعو علي كدا جمب باب الشقه ريل نادتها ريفال
حتعملي شنو في موضوع الببت
_حتصل علي ناديه اشوفها حتلاقيني وين وتخت المفتاخ وين لازم الليله انتهي الموضوع دا امي بكره تجي تلقانه هناك
_ريل حتمشو مع محمد
_لالا ياناهد حنمشي بالمواصلات خلي محمد يوديك انتي الجامعه كان طلعتي معاه نحن حنتاخر
المفتاح ختو في دواست ااباب البجي اول يلقاهو
ونزلو علي كدا
_مناهل حتركبو شنو
_والله ياتنزيل حافله بس زي عامه الشعب السوداني 😂مواصلات يعني
_ارح نركب امجاد
امجاد في عينك ياتنزيل انتي عارفه الامجاد عندي ليها قواعد
_😂😂اي وقت الكتمات والزنقات لكن خلاص مافي تقارير ماليه بتترفع بقيتي انتي المتصرفه الاولي في القروش
_😂😂😂لالا يابتي انتي فظيعه عارفه تفكير ريل انتي اي شي عندها بنظام
_ارح ريل وقفت الحافله وسفهتني عامله لبستك السمحه دي يامناهل ليك الحق تبقي مدافع ريل ومحامي
واتحركو علي كدا ريل بتصل محمد لقي جواله مغلق مشي الشقه ناهد قالت لي طلعو ادخلط اشرب ليك شاي انا وريڤال بس .
وفعلا دا الحصل وهو زهجان لي زهج
مواعيدك كم ياناهد
_بطلع تسعه امتحاني ونص
عايزه حاجه
_اي بجيك في الجامعه افطر معاك او الضهر عايزك في موضوع اسي حطلع عشان حنزل اتابع شغلي اليوم عايزه شي انتي قبل اطلع
_لالا سلامتك 😍
_هو وطالع خت ليها قروش جمب صينيه الشاي ،،دي جيبي بيها اي شي دايراه خلال اايوم واعتبري ريڤال ضيفتك ومرق علي كدا
ريل اول ما استلمت مكتبها هي ومناهل قعدت تنزيل براجة ورتها انه مؤمن عمل عمليه ودا سبب انها جابتها من كسلا وماحبت توريها في اابيت عشان ناهد قاعده
تنزيل دي بكت بكا في الدنيا دي وريل خلته تهدى وطلعت هي ومناهل ومشت للدكتور الحيشتغلو تحتو يفهمو نظام المستشفي كيف
احلي شي ريل لاقت ساره هي وبتتكلم مع الدكتور الكان بشرح ليهم انه الجانب النفسي قبل العمليه او اي علاج كيماؤي مهم ودا دورهم وكل واحده حيكون مقسم ليها كم حاله هي وباقي دكاتره الاكلينكي في نفس الاصطاف
ريل وقع ليها مؤمن لحظها من الناس التابعهم الليله عشان هو حيزبل الشاش اليوم
واتفرقو ه ومناهل
دخلت عليه لقتو براهو
سلمت عليه ودردشت معاهو وهي بتكتب في تقرير وكلامه كلو عشان تعرف رد فعلو وتنباتو
هي وقاعده معاه جا الخبير الالماني داخل ومعاه دكتورين
_ريل
_نعم يامؤمن
_حقدر اشوفها
_قول يارب وكلو لخير بالمناسبه اديك دافع هي جات وفي المستشفي كمان ومفقوعه بكا لما عرفت انك عامل عمليه ودا سر بينا
_احمم انتو بتعرفو بعض يادكتورة والا كيف
_اي يادكتور محمود مؤيد اخوي ود عمي
ريل كانت قاعده علي اعصابها ومؤمن بشيلو لي في الشاش في اللحظه دي محمد جا داخل ووقف جمبها وهي بتترعش وخايفه
وهم الاتنين واقفين ورا الدكاتره الواقفبن جمب مؤيد
_ريل مالك بتترعشي كدا ومسكا من يدها
_مسكت يدو وعاينت لي
خايفه عاليهو يامحمد
ان شاء الله تنجح والدكتور أكد لي بس خايفه برضو
_ماتخافي ان شاء الله خير مفترش ماتنزل طوالي شغل معاهو لانو في رابط أسري
_الدكاتره ماعارفين
سمعو الدكتور بقول ليك افتح عينك براحه وماتنفعل مهما كانت النتبجه
ريل فكت يد محمد ومشت علي مؤمن
وقالت ليه براحه وهي خاته يدها في كتفو ويدها التانيه في يدو
_مؤمن قول بسم الله واستهدي بالله وان شاء الله ان شاء الله خير انا متفائله
الناس كلها قاعدها علي اعصابها ومؤمن ماعايز يفتح عينو بعد اربعه دقايق فتحها
_ماتنفعل يامؤمن
اول كلمه قاله مؤمن بعد غمض عينو وفتحها كم مره
انا ماشايف شي
الدكتور ترجم للخبير الالماني الخبير انزعج جدا وكان بردد انو دا مستحيل
فجأة مؤمن قال
😂والله ماشايف شي غير قميص محمد الشين
دا
انت لسه في قمصانك العجيبه دي
_محمد خته يدو في راسه وقال يا الله لك الحمد والشكر ودموعه عشره عشره
الدكاتره ديل قربو يدقو عديل من مغصتهم فيه
😂😂
ريل دخلت يدها في اللابكوت وعملت زعلانه
_مؤمن حمدلله علي السلامة
لكن مخاصماك علي مقلبك البايخ دا
في اللحظه دي محمد وقف جمبه وبعاين لاخوه فرحان
_مؤمن اتلفت عليها عايز يرد
فجأه قطع كلامه وقال لبها
اصلو مابصدق 🙄🙄
_محمد قال لي مالك يامؤمن
_ريل قالت لي في شنو
_قال ليها
الجميله المستحيله شخصيا