الجزء 4
و حان موعد الذهاب 💔
جا اليوم ال ح يسافؤو فيهو طبعا سارا كان قاعدة معاها كل الايام الفاتت ف صحو و ستفو شنط تيام و امها
سارا : تيام ح نشوف بعض تاني صح 😢 و حتى لو م شفنا بعض ح نفضل اقرب صحبات و م ح نتفرق و لمن تصاحبي هناك م في وحده تفوتني كويس
تيام : انتي ي هبلة م صحبتي انتي توامي😢
طبعا حتى ام سارا جات تودع ام تيام لانهم كمان صحبات شديد و جو كل صحبات تيام و ودعوها لحد المطار و لحد م ركبت الطيارة
ركبت الطيارة اول شي وصلت الامارات حتى وصلت كندا
تيام : واي ماما شوفي البلد دي حلوة كيف😍
امها : اي والله ما شاء الله 😍
استقبلهم اخوها (عمر)
تيام : ماماهداك عمر
امها : ايوا اهو جاي علينا
عمر : ماما ♥😍 تيموما سلم عليهم و ركبو العريية و وصلو بيتو و سلمو على مرت عمر (ليلى) والبيبي بتاعم (محمد) المهم سلمو و اكلو و نامو عشان بكرا ح يمشو منطقة تاني محل بيتهم اسمها تورونتو المهم الصباح جا و عمر وصل و تيام وامه بيتهم ف طبعا بدو يرتبو و ينضقو بعد م خلصو
تيام : انا ماشى اجدع الزبالة دي و اشم هوا شوية
امها : حاضر م تتاخري( هم كانو الطابق ال ٤ و في الطابق ال٤ شقتين وحده حقتهم والتانية حقت ااجيران)
تيام ماشا و بتعاين في تلفونها و في اليد التانية الزبالة و فجاءة صدمت ليك ولد كده و هو كام ماسك العصير و كلو اتكشح فيه هي رفعت راسها تعاين ليهو ☹الولد طبعا كان اية في الجمااال واي واي😂(اصبرو ح اوصفو ليكم بعدين )
طبعا الكلام ب الانجليزي بس ح اكتبو ليكم ب العربي
الولد : ده شنو!!
تيام : سوري
الولد : انتي عمياء
تيام : قلت اسفة (طبعا تيام انجليزيها قوي )
الولد : غبية
تيام : 😒 غبي انت
هو مشا و هي واصلت مشيها و رمت الزبالة و رجعت
بعد م رتبت غرفتها ضربت لسارا و للشلة و اتونسو و بتاع
بعد ثواني جرسهم رنا
ام تيام فتحت الباب لقت مرا و ماسكة في يدها صحن كيك😀❤ طبعا تيام الشمار حرقها طلعت شافت المرا
يلا المرا كان ظاهر عليها انها سودانية بس الصدمة طلعت انو دي كانت صحبت سناء (ام تيام ) من ايام الثانوي بس اتفرقو في الجامعة
سناء : منال😨
منال : سناء😨
مسكو بعض ب الاحضان و بتاع و تيام حضنت صحن الكيك😂 و سلمت على منال و بتاع و خشت غرفتها
يلا نشوف ونست النساوين☻💋
منال : م مصدقة سناء😍 جيتي متين انا عرفت انو جات جارا جديدة قلت اجي اسلم و سبحان الله طلعتي انتي انتي م عارفة انا مبسوطة كيف
سناء : جيت امبارح والله انا و بتي والله م بتحصليني 😍😍
منال : ما شاء الله دي بتك ما شاء الله اية من الجمال الله يحفظها
سناء : امين اها اخبارك و حياتك
منال : ياهو عايشين اتزوجتا و جبت ولد بكون اكبر من بتك ب سنتين او ٣ و البت قدرها بتكون صح عمرها كم هي ؟
سناء : قربت تتم ال ١٧
منال : ايوا بتي دنيا تمتها و احمد ١٩ (اتزكرو احمد ده كويس شديد😉😂)
سناء : ما شاء الله و زوجك ؟
منال : انفصلنا والله و هو اسة عايش في امريكا
وانتي احكي لي والله مشتاقة ليك شديد
سناء : والله انا اكتر انا كمان عندي ولد عمرعايش هنا و متزوج وعندو عيل و تيام اهي و ابوهم اتوفى 💔
منال : واي الله يرحمو
سناء : امين
منال : قلتي لي بقيتي تيتا😂♥
سناء : اي عجزنا والله 😂
منال : 😂😂😂😂
و قعدو يتونسوا و كده لحد م منال مشت شقتها
سناء : تيوم دي منال صحبتي (و حكت ليها )
تيام : ايوا 😂♥لقيتي البست فريند بتاعتك قلتي لي
سناء : اي والله😍 ب المناسبة م تنسي ترتبي حاجاتك ل بكرا
تيام : رتبتها 😑و بعدين ي ماما ده شنو ده بكرا طوالي ابدا مدرسة م ممكن اتاخر يوم
سناء : لا لازم تبدي من اول يوم و بعدين يلا نومي الساعة بقت ١ بكرا ح تصحي من ٦
تيام : واي ي ماما حاضر 😑
الصباح جا و تيام قامت و صلت و اتجهزت كانت متوترة شديد و طلعت مع امها