الجزء 16

طبعآ وقفت من الخلعه كبايه القهوه اتكبت في رجل سهي

وسهي صرخت بس انا كنت مامنتبه معقوله الشايفو ده اكيد ده حلم

امكن كاميرا خفيه

وكل ماقربت مني كل ما اشمئزيت اكتر

تصدقو رنا لابسه بنطلون وبلوزه بودي فااااكه شعره

قلت اكيد في حاجه غلط انا مافاهمه

تصدقو جات علي ومعاها شافع حالق كيف كيف

ولابسه ليهو بنطلون يقولو عليهو الشارلستون وقميص مجبص فيهو

والله من الشفتو قربت ارجع

المهم سلمت علي وياريت ما سلمت

طبعا هي اخر شي كان تتوقعو انها تشوفني او انا اشوفه بالمنظر ده

قالت لي الشافع المعاها ده بكري بكري ده منجد

طبعآ استازنت منهم ومسكتها من يدها وجريته قالت لي انشالله خير مالك في شنو

طبعا كنت شايف قدامي شيطان مش الملاك الطاهر الاسمو رنا

واقف معاها سالتها انتي رنا

قالت لي رنا ماتت يوم انت هربته واهلي قبضو التمن

انت عارف انحنا مشينا بورسودان وانا راجعه من بورسودان بدت تبكي حسيت بي حاجه بتتحرك في بطني تخيل كان ولد عصمت

قلت ليها ود عصمت كيف

وانتي عصمت دخل بيك يعني

قالت لي ماكان دخله كان اغتصاب

قالي زي ما صغرتيني قدام الناس انا باخد حقي وعلي كتاب الله وسنتو انتي زوجتي

وانا خفت اكلم اهلي بس فكرته انتحر

وكنت في بورسودان عاوزه اصارحك

قالي طيب وين الطفل

قالت لي طبعا ابوي عرف واغمي عليهو وامي بقت مابتطلع من البيت لحدي ما ربنا لطف بي ويوم باليل بطني كانو سكاكين بتقطع في مصاريني نزل الجنين وده كان اول يوم انوم فيهو

وقررت انو اعيش باقي عمري بدون قيود بدون حسابات

وابوي قالي غلطنا في حقك

انتي البرضيك شنو

قلت ليهو اتم تعليمي

وجيت الخرطوم

واهو انت شايف ده منجد للمزاكره وفي هيثم للتوصيل

وفي عمو عباس صاحب اغلب الكافتريات الفي الجامعه ده للمصاريف والفسح

طبعا بدون اشعر ضربتها كف

وجريت طلعته من الجامعه

وسهي وراي

بكري يااابكري وقفت قلت ليها في شنو انتو كلكم كده عاوزه مني شنو

طبعآ من الجامعه طوالي رجعته السكن بتاع الضباط

وده كان اول يوم افكر اغلط فيهو

حاولت اشرب ماقدرته كان في حاجه جواي اقوي مني بتمنعني

وده كان اروع يوم متخيلو طلع اوسخ واقسي يوم في حياتي

يوم عصمت عقد علي رنا ما المني كده

المهم كملت الدوره وكان ادائ فيها زفت

حت احمد المعاي كان بحاول يعرف مالي بس كان طبعي بعيش المي براي بموت بي حجاتي حت لو تادي لي موتي ولا احكي ماساتي لي اي حد

وعدت سنه ونزلنا اجازه وكنت خايف اسافر البلد اسافر البلد عشان اشوف اكتر انسانه حبيته في شكل ...... اي في شكل .......

بس قررت اني اذا رجعته ما اخليها تدمر اكتر من هي مدمره

وفعلا رجعته البلد وكالعاده اول زول اشوفو في البلد حيدر ودي اول مره اكون مشتاق ليهو ااااي مشتاق ليهو

علي الاقل حيدر عندي ارحم من اشوف رنا

اخير حيدر يمرضني بي كلامو البايخ ولا اشوف رنا

بس كان في حتهة جواي مشتاقه لي رنا

بس كل ما اتزكر توزيعه لي الكرور البتستقلهم لي القرايه ولي التوصيل ولي المصاريف اقول والله دا كابوس مستحيل يكون حقيقه

وشفته منظر والله دمعتي جرت

اتخيلو استاز خالد الانسان المهندم الراقي

بي حاله يرسي لها

و......

برجع ليكم