الجزء 1
🔻20
لنا ووائل علاقتهم زي السكر وكل يوم ماشة احلي ووائل بقي يتجرأ ويظهر ليها حبو قدام امووو
...
لنا وميار وام وائل قاعدين في الصالة بيتونسو لانو ميار ولنا ملوو من القراية وائل جا قعد قصاد لنا وجمب اموو وقال لي امو : المكان دا منور كدا ليه
ام وائل ما فهمت قصدووو : انت جنيت يا ولد ؟ ما ياها صالتنا حقت امس زاتا
وائل : وحلوة كمان الصالة ورايقة وانا بحبها وبقول في كلامو دا وعينو ما نزلت من لنا
لنا اتمنت الارض تنشق وتبلعا
ميار حبت تهظر مع لنا قالت ليو : تقصد الصالة ولا القاعدة في الصالة ؟
لنا قرصت ميار شديد
ميار بدون شعور : اااي
ام ووائل يدوب استوعبت ضحكت وقالت ليو : بيني وبينك يا ولدي الصالة تستاهل تتحب
لنا خلاص ما قدرت تقعد قالت ليهم عن اذنكم ماشة اتصل علي ابوي وقامت جررررري طلعت غرفتهم هي وميار
ضحكو كلهم لانو عارفنها خجوولة
وائل : يمة اخطبيها لي كفاية اكون عذابي
ميار بهظار : تكون عذابي ولا ما قادر تستحمل بعد لنا عنك
ما لقت الا الجداعة ف وشها
وائل : اخجلي يا سجم الرماد
ام وائل ما قدرت تصبر فكت زغرودة لنا سمعتها عرفت انو وائل حيكون كلما بعلاقتهم بس مش بموضوع خطوبة
لنا بينا وبين نفسها : الله يجازيك يا وائل تاني حلاقيها بي ياتو وش
...
لنا قررت انها حتسافر مصر مع ناس ابوها لانو وائل مستحيل يرضي انها تقعد في الشقة براها ومستحيل تقدر تقعد معاهم الاجازة كلها
امتحاناتهم ماشة زي السكر وهي وميار مبسوطين وجا اخر يووم للامتحانات بعد خلصو وائل جا ساقهم وداهم شارع النيل وكان عازمهم غدا ومبرمجين لليوم كلووو
وصلو شارع النيل وقعد شووية ميار لقت بنات دفعتا في الثاتوي مشت تتونس معاهم مع انها ما كانت بتطيقهم بس عشان تخلي وائل ولنا ياخدو راحتهم في الكلام
اول من ميار قامت وائل مشي محلها وقعد جنب لنا وعاين ليها في عيونا قوووووي وقال ليها : شوفي يا بت عبدالعزيز انا ما بحب اللف والدوران لنا استغربت من كلامو
وائل كمل : ما بقدر اكون بعيد منك اكتر من كدا وغمز ليها ما بستحمل
لنا والخجل عايز يقتلااا
وائل : فعشان كدا انتي تقومي تتكرمي وتديني رقم ابوك وانا المسا بخلي ابوي يتصل عليهوووو ومسك يدها وقال ليها : لنا يشهد الله انتي اول واخر انثي في حياتي
لنا وهي لسه مدنقرة قالت ليهو : وبتك؟؟
وائل قال ليها بنهرة : لنا
اتخلعت ورفعت راسا قال ليها : قولي بتنا ان شاء الله
لنا بخجل : ان شاء الله
وائل : والله بريدك يا بت الناس
لنا : م قدرت ترد فضلت ساكتة ...
كملو يومو وكان حلووو وكلهم استمتعووو رجعو البيت وطوالي ع النوم
اصبح الصباح ميار عندها حمي
لنا ماشة عشان تجيب باقي هدوما وحاجاتا من الشقة عشان مفروض تسافر بعد دا وكان مفروض تمشي معاها عشان يجيبو باقي الهدوم بس لنا حلفت ع ميار انها ما تتحرك وهي محمومة
لنا طلعت حتي ما كلمت وائل لانو كان نايم
اتصلت ع السواق وكلمت ام ميار وابوها وطلعت
لنا طول السكة وقلبها مقبوض بس ما عارفة السبب هي في الشارع اتصل عليها احمد بعد السلام والسؤال عن الاخبار
احمد : شنو يا مزة اختفيتي كدا
لنا : كنت في بيت صحبتي عشان الامتحانات
احمد : ووينك هسي خلصتي صح
لنا بعفوية : اي الامتحانات خلصت وماشة الم باقي هدومي ماا الشقة عشان مسافرة صحبتي كان مفروض تجي معاي بس عيانة يا
حليلا بعدين لنا استوعبت هي قالت شنو وندمت انها ورت احمد
ما كانت عايزاهو يعرف
احمد : ايوااااا تمام وبالشفا لي صحبتك
لنا : امين تسلم ومشكور احمد ع كل شي ما قصرت معاي
احمد بخباثة : لالا ما تشكريني ياخ انتي لنا ولعيونك انا بسوي كل شي
لنا : تسلم يا اخوي وشدت ع كلمة اخوي
احمد : العفو يا قلبي .. يلا لستئذن انا بعد دا جاني شغل مستعجل
لنا : تمام باي
احمد : باي وقفل
لنا بعد تلفون احمد دا ضيقتا زادت زيادة
وصلت الشثة وبدت تلم في هدوما وحاجاتا الجرس ضرب
مشت تشوف منووو لقتو احمد
فتحت الباب : مرحب احمد
احمد مدا يدو سلم عليها وضغطا في يدها
لنا ما استوعبت بس جسمها اقشعر من حركتوو
احمد وكان شايل في يدو هدية مداها ليها دي اتزكريني بيها
ميار شالت الهدية وقلبها بدق من نظرات احمد : شكرا
احمد : ما في اتفضل؟
لنا : معليش بس انا براي م بقدر ادخلك
احمد بقي يقرب من لنا : ليه مش انا اخوك؟
لنا بدت ترجع لورا وقالت بخوف : اي اخوي بس برضو ما بقدر ادخلك
احمد : مامشكلة بدخل براي وهو كل شوية يقرب عليها
لنا : احمد عايز شنوو
احمد : عايزك وجراها عليهوو لنا بدت تصرخ
وسبحان الله التلفون كان في يدها وكان هزاز جاها اتصال وكان وائل وعلي بالو انو اول صوت يسمعو في الصباح صوت حبيبتو وهو ما عارف المصيبة الراجياهووو
فتحت الخط وهي بتصرخ الحقوني
وائل بدا يصرخ : لنا في شنووو وين انتي
الخط فصل لانو التلفون وقع من يدها وطفا
وائل سمع لنا بتصرخ قام زي الملدوغ وجري دخل غرفت ميار لقي ميار في السرير سألها بصراخ : وين لنا
ميار اتخلعت من شكل اخوها : مشت شقتا تلم باقي هدوما
وائل ما فهم اختو شي طوالي جرا ع عربيتو ركب العربية ونا وعي علي تفسو انو ما لابس قميص بعدين اتزكر انو ما عارف شقة لنا ضرب لي ميار وصفت ليو
ميار : وائل في شنوولنا مالا فهمني شي
ما اشتغل بيها
وطيران وائل مشي
....
احمد ضاغط علي لنا في الحيطة فكي ليها شعرا وشرط العباية ولنا كانت لابسة بيجامة بيت تحت العباية
لنا : ليه يا احمد انت مش صاحب حسام انت مش اخوي
احمد : لا ي قلبي ما اخوك انا حاولت اصل ليك بالطيب وقدر ما لمحت ليك ما حسيتي امس شايفك في شارع النيل معاك واحد وقلت مدام هو قدر يصل ليك ف انا برضو بصل ليك
وبدا يبوس فيها بالغصب
لنا ورجعت تصرخ الحقوووني
احمد بغضب : صرخي قدر ما تقدري ماف زول حيسمعك
...
وائل ناس المرور بقو ملاحقنو لانو قطع ٤ اشارات حمرا
وصل وائل العمارة وجري طلع الطابق الخامس سمع صوت لنا بتصرخ دخل الشقة ووراهو ناس المرور
دخل الغرفة شاف احمد بحاول يعتدي علي لنا
لنا اول من شافتو زاد صراخها : وااااااائل الحقني يا وائل
وائل والغضب عماهو مشي جرا احمد من فوق لنا وبدا يضرب فيهو ضرب ما طبيعي وشلتو في وشو احمد وشو اتملي دم
جو ناس المرور بحاولو يجرو وائل من احمد عشان ما يقتلوو
جو ٣ منهم حتي قدرو يفكوهو من احمد
وائل وبدا يصرخ : والله بقتلك والله ما برحمك
ناس المرور كفتو احمد ودقوهو سمممممح وساقوهو قسم الشرطة
لنا اول من طلعو احمد من الغرفة جرت ضمت وائل عليها وهي بتبكي وما واعية بنفسها
لنا : ما تخليني وائل ما تخليهو يلمسني
وائل بكي غصب عنو وقال ليها : اقسم بالله اليلمسك اشرب دمو انتي حقتي انا يا لنا
لنا وماسكة فيهو قوووي وبكت قدرتا فضت قهرا ووجعا كلو في حضن وائل وبدت تتكلم : انا .... جيت عشان ... اشيل .. حاجاتتتي وهووو
ورجعت تشهق بالبكي
ووائل وكل همو في الكتكوتة المتعلقة فيو دي بدا يمسح علي شعرا ويهدي فيها : ما تحكي خلاص يا لنا
وائل شالا وطلعا برا الشقة وقفل الباب وراهوو وساقا رجعا البيت وكلم امو وميار بالحصل ولنا بس بتبكي وخلاها معاهم وشال قميص وطلع للقسم ....
ميار بكت واتخجت قدرتا للحصل لي صحبتا وهي ما قادرة تستوعب انو لنا ممكن يحصل ليها كدا
وبقو حاضنين بعض هم الاتنين وبيبكووو
ام ميار بكت لحالة لنا وهدتها وبقت تقرا ليها قران لحدي ما نامت لحدي وهي نايمة بتشهق
ميار : الله ينتقم منو يارب
ام ميار : امين يارب
وائل وصل القسم والدنيا سودا قدام وشو كيف ما تلقي سودا واحمد حاول يغتصب حبيبتو وروح قلبو ...
وصل القسم لقي احمد ماسكنو من غير ما يتفاهم من زول تاني مشي يضرب فيهوو وناس المرور لسه واقغين بقو يقابضو في وائل وجروهو مرقوهو برا بالغصب
الضابط بقي يهدي في وائل لحدي ما اقنعو انو يرجع البيت وانو احمد حيفضل عندهم لحدي يوم المحكمة
وائل رجع البيت وطوالي لي غرفة ميار
دخل لقي لنا نايمة وانو وميار قاعدين جمبها
سألهم كيفا امو ردت ليهو احسن الحمدلله
وائل قاعد جمبها في السرير شايفا كيف بتشهق وهي نايمة العبرة خنقتو من حالتا
امو قالت ليو نهديك انت ولا نهديها هي
وائل بغضب : حاول يعتدي عليها الحقير
امو : حسبي الله عليهوو الله ينتقم منووو
ميار : يا قلبي علبك يا لنا
وائل : والغبية دي كيف تمشي الشقة براها ليه ما كلمتني
ميار : عرفت انك نايم لانك ما اتصلت صبحت عليها وانا عيانة عشان كدا مشت براها
وائل : والله بشرب من دمو النذل دا بس خليهو يصبر لي
لنا قامت مخلوعة وبتبكي لقت وائل قداما ضمتو وبقت تبكي : وائل قول ليهو يبعد عني وبدت تهلوس في الكلام
وائل غلبو اليسوهو بس بقي حاضنا عليهو لحدي ما رجعت نامت تاني وهو بهدي فيها : اااششششش خلاص لنو مافي شي اهو انا جمبك
وعدا اسوع علي لنا بالحالة دي ووائل ما كان بزح من جمبها ولا دقيقة حتي النوم كان بنوم في الكنبة اللي في غرفة ميار بعد اسبوع وشوية لنا حالتا اتحسنت
وطول الفترة الفاتت دي كل ما يتصلو اهل لنا كانت بترد عليهم ميار او امها ويفتشو حجج مرة لنا طلعت ومرة نايمة عشان ما عايزين اهلها يعرفو بشي ويقلقووو
لنا بقت احسن كتير من اول بس بقت تخاف تقعد براها
لنا لام وائل وابوهو : عموو انا مفروض اسافر بعد دا
ام وائل : لا يا بتي اقعدي معانا ما ترجعي احنا برضو اهلك
لنا اهلي وعلي عيني وراسي بس اشتقت لامي وابوي وطولت ما شفتهم
ابو وائل : ان شاء الله يا بتي
هم قاعدين جا وائل داخل لنا اتوترت
وائل قعد بين امو وابوهو و بدوون سابق انذار : انا عايز اعرس
ابوهو : دا يوم الهنا
ام وائل : يوم سعدي دا يا ولدي
لنا واعصابا تلجت طوالي استئذنت وقامت
ابو وائل : منو العروس
ام وائل : الكانت قاعدة هسي
ابو وائل : لنا؟
وائل : ايوا
ابو وائل : والله عرفت تختار يا ولدي
ابو وائل : خير البر عاجله واتصل علي ابو لنا وطلب يد لنا منو
وبحكم انو كان في بينهم تعامل واتواصلو شخصيا بقو يعرفو بعض وابو لنا عرف اسرة وائل
وابو وائل كمان عرف اسرة لنا
وافق ابو لنا وقال ليهم في الاول والاخير الراي راي البت واحنا ما حنلقي لي بنتا احسن من ولدكم
ابو وائل : علي بركة الله احنا بكرا ان شاء الله بنجيكم في البورت
والجمعة العقد
ابو لنا : ابشر ان شاء الله
واتصل علي اعمام لنا كلمهم وكلهم وافقو بعد المرت بيهو لنا من ياسر
ام ميار : ايوووووووووووووووووي
ميار جرررري طلعت لي لنا وحكت ليها وجات ام ميار باركت ليها وابو ميار سألا : يا بتي احنا عايزنك لي ولدنا ووالله م حنلقي احسن منك لي وائل
خلجت م عرفت ترد بشنووو
ميار بشلاقة : والله موافقة يا ابوي
ابو وائل : معناها مبرووك وربنا يتم علي خير وباسا في راسا وانا اتصلت ع ابوك وكلمتوووووو وهو شارو اعكامو وموافقين والعقد يوم الجمعة والمناسبة بعد ٣ اسابيع عشان تجهزي حالك وطلع
لنا والفرحة ما سايعاها اخيرا هي ووائل حيبقو لبعض
ميار خلتا ونزلت لي امها لزوم يخططو للعقد والحركات دي واشتغلت التلفونات من ام ميار
وساقت ميار وجري علي محلات الدهب اختارو لي لنا احلي الاطقم ولفو ما خلو شي حايم في السوق لانهم عندهم يوم الليلة يجهزووو ويسافرو بكرا
وائل اتصل ع لنا
وائل : حبيبي
لنا وكانت واقفة بتفتح في الدولاب وتقفلو وترجع تفتحتو وتقفلوو من الفرحة
وائل : مبروك لينا
لنا بخجل : الله يبارك فيك يارب
وبدا يتكلم معاها كلام رومانسي وهو واقف في الباب وهي ما شايفاهووو وهي من الخجل عايزة تمووت
وائل : لنوو
لنا : هااا
وائل : ليه بتفتحي الدولاب وتقفليهوو وفك الضحكة؟ !!
لنا اتلفتت شافتو اقف بيعاين ليها وتاكي راسو في الباب
اتحرجت ودخلت في ضفورا
مشت جمبو لزتو وعاايزة تقفل الباب قال ليها : بحبك يالحتكوني حلالي
لنا وقلبها دقاتو زادت : وانا كمان بحبك
وائل لاول مرة يسمعا منها حسي بقلبو حيقيف حسي بمغص قوي في بطنوووو : شنو قلتي شنو كدي عيديها
لنا ويدينا جمدت من الخجل : يلاااا امشي ياخ
وائل : والله ما تقوليها ما ماشي من هنا وبقيف ليك للصباح
لنا عارفاهو مجنون وبيعملا دنقرت راسا وقالت ليو ببحة وهمس : بحبك
وائل قرب منها شديد : ارفعي راسك وقوليها
لنا وخلاص اعصابا باظت بس قوت قلبها وقربت منو زيادة ووقفت علي اطراف اصابعا وقربت من اضانو : بحبك
وطوالي بعدت منو ودخلت وقفلت الباب
وائل من ورا الباب : احسن شي عملتيهو والا والله كنت حتهور معاك
وفعلا سافروو واهل وائل اتقدمو لي اهل لنا وواقفوا وعقدوو ليها وبعد شهر عملو المناسبة وتمت في امان الكريم
وبقو وائل ولنا مضرب مثل في الحب بين الاسرتين بعد ما جمعت بينهم مكالمة بالغلط
....... الـنـهـايـة ........