الجزء 3

ازاهر محمد(اناييس)...

-٣-

لما وصلت عربية ولد خالتوا... ولدها عاين لي بعين كدة م فهمتها خاالص... وقال لي تسلمي كتيير بس معليش ح اعذبك ممكن؟!..قلت ليه اتفضل طوالي... قالي امي م بتقدر تطلع العربية لفوق براها وتضغط ع رجولهاا... بس ممكن تقيفي من جهة الباب وانا ح ارفعها من الباب البي هنا... وانتي تمسكي جلبابها وتكوني مغطياها من الجهة دي😊...قلت ليهو جداا... المهم بعد خالتوا اتوهطت زييبن.. انا قلت ليهم بعد دا بستأذن بابا منتظرني وراكم😊..الولد قال لي اتفضلي.. وتسسلمي كتيير م قصرتي... قلت ليه العفو ولو دا الواجب🌸...خالتوا قالت لي ي بتي اصلوا م بتمشي كدة تعالى أضمك لي ي بتي ربنا م رزقني غ ولد واحد وبنية م عندي.. ومنها اديك رضا وشوية دعوات من والدة 😍😍😍...قلت ليها من عيووني ي خالتوا وانا لااقية😍😁...طوالي طلعت ليها ف العربية... لانها كانت ع الشباك التاني... ضميتهاا زييين😘...بس بعد شوية احس ليك بزول جنبي وصوت باب العربية قفل.. عايزة اتلفت احس ليك بيد مسكت راسي من فوق وختت قطعة ف خشمي بالتانية.. كاانت مخدر... المهم حاولت اتفك وانا بحاول بقوتي كلها م قدرت.. حتى م قدرت اصررخ لانوا خشمي مقفوول😭😭😭💔...قوااي بدت تخور وم حسيت بشي تااني💔.....

فتحت عيوني.. حسيت انو المحل كلوا بلف بعد شوية الحيطة الشايفاها قداامي بعييدة تاني بتقرب.. م قاادرة افتح عيووني كويس خاالص.. حااسة بخدر عجيب كدة ف جسمي لاني م قادرة احرك ولا اصبع حتى... حالتي اقرب للزول السكران... حاولت اركز عاينت حولي مسافة... شفت كم بت كدة شبااب وجمال م شآء الله... نايمات ومربوطات ع كرااسي وخشمهم مقفول بلصقة... طبعا ي داب انتبهت انو انا ف نفس الحاالة😭😭😭😭💔....انا وين ؟؟....الجابني هنا شنوو.. فجأة اتذكرت المرة الشفتها آخر مررة ووو.... اللحظة دي انا فتحت جد جد.. وعييت فل 😭😭😭ماما بابا. اهلي التخريج. وااااي... انا اناا والعبرة خنقتني وبديت ابكي😭😭😭قلت خلاص معناها اغتصبت 💔...ركزت ف البنات الحوالي كانو سودانياات اييوة متأكدة انو كلهم سوداانياات...عايزة اشوف اذا ف واحدة صاحية وانا تنهيداتي بدت تعلى 😭..احس ليك فجأة بمندييل ف خشمي وانفي.. حاولت قدر الامكان م استنشق خاالص خالص💔بس كان نفسي مقفول واخدت شهييق طويل ف النهااية... وتااني خاارت قوااي😭💔........

فجأة اسمع ليك اصوات بتتكلم.. بس م قادرة افتح عيووني خاالص💔💔....واحد من الاصوات بقول للتاني... خلاص انا استلمت اماناتي.. خلي على يجي يوصل باقي الامانات المطلوبة.... الصوت التاني قاال.. حااضر...صووت تالت بقوول.. تميتوا الشحن ولا لسة؟!...مجموعة اصوات رجالية وبنبرة واحدة.. تمينااه سيادتك✊..المهم انا بسمع ولسسة م وااعية انا زااتي منوو...

بعد شوية بديت افتح عيوني.. مجرد م فتحتهم اتذكرت الحاصل علي.... دمووعي ديل جروو سييل بس بدوون صووت💔...لقيت روحي ف محل غريب م نفس المحل الأول... وي جماعة عيوني دي زي الزول المساهر سنة م نام.. وراسي داا طببلة بس من شدة م تقيل 😭..قصاادي طوالي في حيطة لونها سمني سااادة... اتلفت يسااري... حسيت انو هي طوييلة شديد.. وف عفش كتيير كدة ف ركنهاا... تاني عيوني ركزت ع البنات الموجودات.. طبعا نفس الحالة.. مربوطين كلنا بنفس الشكل الاول.. بسسس بسسس😳😳...ديل م نفس البنات... بالجد م نفسسهم خااالص😳💔...حلبياات كلهم والشعر دا يقول ي ليل.. وجميلات جماال يلللخم😭😭قلبي وجعني عليهم يااخ😭😭...فجأة حسيت برااسي ح يطق... انا وين ي ناس انا وين؟!..انا وين ي عاالم.. ؟😭😭😭ولييه انا داايما فرحتي بتتخطف سررعة كدة😭😭بس الحمد لله ع كل حاال... ربي كريم... الله معااي ماف مخلوق بغلبني... اتوكلت ع ربنا وشلت نفس طوييل كدة... وي جمااعة انا انتبهت ي دااب.. دي م نفس الملابس الكنت لابسااهاا😭😭وااااي💔....لقيت روحي لابسة عباية سودا مع طرحة سوداا.. وسبورت نايك اسود😭😭..وي جماعة الصدمة دي كلها م بتعادل صدمتي التانية لما التفت ع الجهة اليمين💔😪...كان ف قزاز مقوى فاصل الغرفة او الحاجة الطويلة اللي نحن فيها دي نصين.. قرييب مني شديد يعني اقل من متر كدة.. وي نااس المنظر داا من المنااظر العمري م ح انسااهاا💔💔💔💔💔....لقيت اكيااس بلاستيك كميية مرمية ع الارض... اغلبها عليه بقع دم.. فيها سريرين كدة.. كأنها غرفة عملية.. ومجموعة من المخدرات وادوات العمليات.. بس مليانة دمم.... السرير التاني كان بس دم ف دم.... وشعر ع الارض.. ااي شعر بنات محلووق عدييل😭💔..بالرغم من اني دخلت عمليات لا تحصى... بمختلف انواعها وشفت دم لدرجة... بس المنظر دا هز كيااني رسسمي... م حسيت بنفسي الا وانا بصرخ بهستيرية كدة😭💔..بعد شوية احس ليك بكف حاار.. وزول شد لصاق الخشم تبعي.. حسيت بوخذة ف عضلة يدي اليمين... تاني م وعيت بشي💔........................

(رقت عينااي شوقا ولطيبة زرفت عشقااا....).. صوت نغمة جوالي.... الكسر وضع السهو اللي انا كنت فيهو... انتبهت

لروحي وانا لسة بعاين ف السقف وسيل من الدموع جاري من عيوني... اتعوذت.. مسحت دموعي بعدين رديت...الو السلام عليكم محمد... هلا دكتورة وعليكم السلام.. معليش بعتذر ع الازعاج بس زي م عارفة ازعاج الضرورة... قلت ليه عادي ولا يهمك.. الجديد شنوو؟!!....سكت مساافة بعديها قال لي... بكرة بنتلاقى وبحكي ليك ...قلت ليه طيب.... مها... ايوة....... انتي بتوثقي فيني صح!! قلت ليه اكييد... قال لي طيب.. بعد احكي ليك ح ننفذ طواالي... سكت مساافة قلبي ضرباتوا زادت لدرجة نفسي ضاق وجسمي هبط ويدي بدوا يرجفوا... قلت ليه.... جداا بكل ثقة رغم الخوف الجوااي😭😭...المهم.. قال لي اتصلت عليك عشان احكي ليك الكلام داا.. ولبكرة طيب.. قلت ليه ان شآء الله 😢.......قفلت منووو.. وتااني رجعت اعاين للسقف ودموعي جاارية عشراات عشرات😭😭...تاني رجعت اتذكر اللي حصل💔....