الجزء 6

بقلم: أمنية محمد

الجزء 06

استجمعت ما بقي لي من قوه وبديت امشي علي الغرفه وانا رجليني ما شايلني من الخوف دخلتا الغرفه 😭 لقيت امي قاعده في نص السرير وعامله كده 😳 وابوي عيونو بتطلع شرار عديل من الزعل وبعاين لي كده 😒 فجاه سالني قال لي دا منو? 😡 كان نفسي اقول لي دا حبيبي دا زولي دا الانا بموت في دا الحا عيش باقي حياتي معاهو دا الما بقدر اتخيل اعيش ولا لحظه من غير ما اسمع صوتو وانا بقول ف الكلام دا في راسي فجاه نهرني وقال لي قلتا ليك دا منو 😡 قلتا لي دا فلان بي اسمو قال لي بالله😤 انتي حتستهبلي ما انا عارف انو فلان وقريت الاسم بتعرفي من وين بعرفو من زمان من قبل اتولد الزول دا بعرفو وحسيت اني ما بعرف غيرو ي ابوي فجاه خبت التربيزه وقال لي بسال فيك انا قلتا لي جا مره في الشغل وسلم علي وشال رقمي ومشي 😭 ما بقدر اقول لي عرفتو من الفيس عاد بقتلني باقي الليل داك ويعلق راسي في المروحه قال لي وتدي رقمك لي زاتو 🙄 ( اديتو رقمي لانو بالجد عرف يحس بي اديتو رقمي لانو حسيت انو مخلوق عشاني اديتو رقمي لاني حبيتو اديتو رقمي لاني ادمنت وجودو في حياتي واديتو رقمي لي اسباب كتيره يا ابوي ما حتقدر تعرفا طبعا دا كلو في سري 😂😅)

ما عارفه والله بس قال لي اديني الرقم واديتو لي ومن هنا بدا الكرسي الساخن يعني انتي اي زول يقول ليك اديني رقمك بتدي 😡 لا لا والله ي ابوي بس فلان دا شغال وين شغال ف الجيش 😍 رتبتو شنو ملازم اول يا ابوي تابع لي وين ما عارفه والله كيف ما عارفه والله ما عارفه بس بلبس زي لبسكم يا ابوي ( والله لو شفت اللبسه فيهو ي ابوي ترد لبستك 😂😅 في سري طبعا)

طبعا انا قاعده وعامله وضعيه 🙉 عشان لو جا كف الوش ما يورم وانا بكره شغاله فجاه ابوي قال لي اديني رقمو امي طبعا خشمها ما فتحتو لانها لو فتحتو في اللحظه ديك بتطبز وبدقا بدقا حمدتا الله انها سكتت شلت منو التلفون وانا بفتح ف النمط اتزكرتا الدردشه ف الواتس طوالي فتحت الواتس وعملتا تحديد وهاك ي مسح وانا طبعا حافظه رقمو في راسي كيف ما احفظو في زول بنسي نفسو بملي في ابوي ف الرقم من راسي وعامله بملي فيهو من التلفون في اللحظه ديك خشيت علي الاستوديو وعملتا اخفاء عناصر ومديت لي ابوي التلفون فجاه ابوي اتصل علي وهو ما رد الليله وااااي بتفشا فيني انا رد عليك الله ي فلان رد وزولي حلف مايرد ابوي قال لي ما رد قلتا لي بكون نام 😁 قال لي بالسرعه دي قلتا لي ما عارفه والله فجاه ابوي الله هداهو من حيث لايحتسب وقال لي هاك الموبايل وامشي نومي 😳 اجي يابوي وفيلم الرعب المنتظراهو والكف الثلاثي الابعاد والعصره الاتعصرتها دي تروح ساي علي الاقل اقرصني ساي عشان اصدق انت ابوي البعرفو وحاتكم في اللحظه دي لو الزول بطير انا كان طرتا 😅😅

يتبع.....