الجزء 1

اطلعوا مني مادايره زول هنا 😭😭ياخ بكرهكم كلكم امشوا يلا امشوا 😭طيب حنطلع بس روقي اعصابك اهدي ي بنتي والله نطلع 😔وبعد كلهم طلعوا بقيت بتذكر في كلام صحبتي لي (رضاب ماتثقي فيه انا حاسه أنه يوسف ده بلعب بيك ياخي ده بستغل ضعفك وانخضاعك لأوامره ليس إلا 😔✋️انعام اسكتي انتو ما عارفين حاجه يوسف هو الوحيد المامحسسني بالضعف أو العجز هو الوحيد البقوي فيني كلكم بتنظروا لي نظره شفقه😓 الا هو يوسف راجل وحيثبت ليكم كده)

رضاب الاسم غريب على اغلبكم😅بنت ابوي واصغر البيت عندي اخ واحد ومستقر في أمريكا وانا بعده وصغيره البيت امي اتوفت في ولادتي عشان كده ابوي مدلعني شديد ومابرضى فيني الهبشه وانا كمان رافعه رأسه بقرا جامعه الخرطوم طب اسنان بس ي خساره وانا في ثالثه جامعه اتعرضت لحادث فقدت بصري واتشليت شلل جزئي وبكده حسيت بأنه حياتي ادمرت😓 بس ماكنت عارفه أنه ده اختبار من ربنا وأنه حياتك بتدمر لمن تفقدي اعز حاجه بتمتلكيها كانثى 😔.

سرحت مسافه بعدها سمعت صوت الباب بضرب قلت اتفضل من غير نفس ودخل علي الاخصائي ومعاه الدكتور المسؤول من حالتي بس انا الاثنين بكرهم اتكلموا معاي بعدها طلعوا .

والله ي حاج مامون بنتك بتمر بازمه نفسيه وطول ماهي ماقادره تساعدنا نحن ماحنقدر نعمل العمليات دي 😞،تعابير وجه ابوي كانت تغني عن الاجابه😓😔😢😨😰

مر اليوم وانا كنت وصلت اخر مرحله لي في الاستياء وعدم تقبل المصير ليه بس امي تموت قبل اشوفها 😢ليه أفقد طعم الحياه الحلو ليه أفقد بصري والمشي وانوثتي وحتى حب حياتي ليه انا من دون الناس ليه 😩وكأنه كنت بحاسب في ربنا وناسيه أو متناسيه أنه الله عز وجل اذا احب عبدا ابتلاه كنت بشرب في شاي وقعت الكبايه وكسرتها وشلت زجاجه من الأرض وجرحت بيها نفسي قلت احسن اموت بدل اكون مدفونه بالحياة في الغرفه دي 😔وحسيت بنفسي دايخه اخر كلمه قلتها ابوي وتاني ماحسيت بأي شيء وبكده كنت حفارق الحياه افارقها وانا كافره وخالده مخلده في النار 😓ربنا ينجينا منها أن شاء الله .

صحيت على اصوات ناس بتتكلم بس كانت بالنسبه لي بعيده واول كلمه قلتها بعد صحيت ابوي 😭بس جاني صوت رجولي بقول لي لو بتعرفي ابوك حيكون خايف عليك قدر شنو ماكان عملتي كده انتي ي عبيطه أو متخلفه 😠لوكل المشاكل والابتلالات بحلوها بطريقتك دي ماكان في زول حيعيش اصلا في الحياة لانو كل الناس حتنتحر ✋️انتي هسي قايله روحك مؤمنه أو حتى مسلمه لوكنتي بتعرفي ربنا ماكان عملتي عملتك دي 😒😏

ياخي اسكت سيبني في حالي انا ماناقصاك 😭😭ثم ثانيا انت منو اصلا عشان تتكلم معاي اطلع بره ياخ😭جيبوا ابوي يطلع الحيوان ده بره😭😒😏

خلاص ي دكتور محمود هي براها نفسياتها تعبانه خليها ترتاح ي ولدي 😴😔

معليش ي عم بس بالجد بنتك لازم تعرف حجم غلطتها وتاني ماتكررها ويلا سلام واسف على الازعاج تصبحوا على خير وطلع

كده ي حبي تشفقيني عليك انتي بنتي الوحيده يعني مادايره تعيشي معاي هنت عليك خلاص مش انتي زمان بتقولي لي حعيش معاك كل عمري ي بابا ⁦☺️⁩طيب هسي انتي اخترتي تمشي وتسيبيني ليه 😔

خلاص ي ابوي والله تاني ما اعمل كده وحبقى كويسه واشوف وامشي واعمل اي شيء انت بتحبه 😭وبكيت في حضنه زي طفله صغيره وهو المكان الوحيد البحس فيه بالاطمئنان والحنان حضنه الدافئ⁦❤️⁩