الجزء 7
لحدي م مرا م قالت...ي خالتو وجات مسكت يدها كلنا طبعا بنعاين وساكتين ،اسمعيني كوييييس وفاء بنت ما شاء الله بنت جميله ومتعلمه وما فيها كلمه ولا عيبه تنقال الله يحفظها،لكن كدي ي أمي برواقه كدا،اسي احنا كلنا عارفين وفاء بقت كويسه واي شي ،صاح قالت اي صاح ،لكن الناس م بتفهم حاجه زي دي يعني لو زول مريض نفسي وممكن عادي يتعالج مع انو العلاج صعب لكن بيتعالج مجرد م يعتب برجلو دي المستشفى بقولو شنو بقولو مجنون ،يعني باعتبار وفاء اسي مجنونه ...فاهماني انتي صاح
الزمن دا الرجال بقو بساااط والراجل البغلط ويجي يعتزر ويبرر غلطو دا زاتو شبه انعدم ،وبقت النوعيه دي نادرة يفتشو ليها فتيش،محمد راجل وشاري وفاء وبحبها ولو م كدا م بقرب عليها حتى ولا بجي كايس رضاها ورضاكم ي أمي ،علييك الله م تضيعي بنتك وتروحي منها سعادتها بسبب زعل وغضب تندمو عليه باقي العمر،وبقت تبكي فجأه كدا ..طبعا كلنا اتفاجئنا ي ربي مالا انس طوالي جاء اعتزر وساقها ..ماف زول استجرأ يمشي بس قاعدين نفكر في كلامها دا وانا قعدت اقنع فيهم لحدي م اقتنعو لكلامي،اتفقنا خلاص انو بعد تطلع من المستشفى نتم العرس ...
بعد ايام من الكلام دا وطبعا ما سألت مرام عن السبب الخلاها تبكي قلت احتمال اتأثرت ساي ،المهم وفاء خرجووها من المستشفى ...واتحبست طوالي ومعاها انا ي يمه اريتو حالي وبقينا نجهز في حاجات العرس لي وفاء وكمان لعرس خالد💓💓...كنت مرة مرة بمشي اتونس مع مرام في المستشفى وكنت كل مرة بحسها عاوزة تحكي لي حاجه لكن م قادرة او المهم قلت الايام بتوري،كنت متواصله برضو مع ماجد...وعزمتو العرس اللي هو في العيد...
....
قربت الايام
وجاء العرس وكان يووم خوراااافي عملت لي فستان بالاسود سااادة واكسسوار بالفضي جميل جدا...اتمكيجت مع وفاء طبعا نظام الاشبينه وكدا ...وفاء طلعت جميله جدددا هي ومحمد بالجد لايقين على بعض وفرحتهم لا تقدر بثمن ،طبعا ماجد جاء العرس معاها اخوه واختو وعمو عثماان،م شفتهم لكن شفتو هو لمن وقف جمبي وانا طبعا داك يالرقيص اشم ليك الريحه الما بتغباني وقبلت كدا مع هزت الكتوف كان لابس بدله بالرمادي يخلوووها ليه وأهم شي الشووز والساااعه💓😍😍😍صراحه م قدرت ما انهيار😂😂...المهم سلمت عليهو وكدا ورقصنا شويه ...وقفت الحفله ومشو يغيرو للجرتك💓...مشيت قعدت سلمت على عمو عثمان ومرتو ما شاء الله عليها خالتوناديه حلاتها مرة ظريفه خلاص وشبابيه واختو زاتها شايله ملامح امها وعلي اخو الكبير ...قعدت اتونست كدا واستأذنت منهم ،ومشيت لي وفاء عشان اجهزها ..انا عملت لي فستان بالاحمر مع الجسم واكسسوار ذهبي ... 💓😍😍طلعنا للجرتق الله كان بانصاف مدني وانا دي صحبه السواد بدل اقيف جمب وفاء قلت ليها هووي الغنيه دي لازم ارقص م بقدر اخليها وجري كانت بتغني ابو لي بي ،هههه بالجد حلوة ياخ...رقصت قدرتي وكل م اقبل القى ماجد بعاين بنهار زيادة😂...
ما علينا المهم العرس خلص وجات لحظه الوداع وانا من قبيل م عامله نظام الموضوع عادي لكن وقت شفت وفاء خلاص ماشه لانهاحتسافر طوالي،جيت جاريه حضنتها وقعدنا نبكي والناس يضحكو فينا ساي😭،قلت ليها ياخ م تسيبيني براي ،وفقعناها بكيه ...لحدي م هديما حبه كدا واتواعدنا نكون على تواصل باركت ليها ولي محمد ومشيت قعدت بعيد...مشو خلاص بقيت متظرة عشان احنا زاتنا نرجع البيت...بابا مشى يجيب العربيه وامي بتتونس مع خالتو حنان..مدنقرة بعاين والدنيا ي بقت لي مسيييخه ،سمعت زول قال لي الجميل ما بحزن،رفعت راسي لقيتو ماجد ابتسمت ليهو ،قال لي ممكن اتفضل ،قلت ليه طبعا ،قعد يتكلم معاي و يواسي فيني ...كلامو ريحني جدا،وما تخافي ي ستي انا ببقى صحبك برضو وللا م مسموح لي،ههه قلت ليه لا ممسموح😋..قال لي طيب ي هبله ما عاوز ،ههه قلت ليه خلاص خلاص صحبي ي سيدي،تشرفنا ،انا الاسعد والله ..المهم اتونسنا شويه ويادوب طبعا لقيت مرام وانس م كنت شفتهم في الحفله،قالو لي شايفنك بترقصي هههه،...
....
وقفو حبو واستأذنو مشو وودعنا ناس خالتو ومشينا ..وعقبالك والحركات دي هههه...
...
اليوم كان حلو الصراحه...
دخل لي ماجد بالليل في الواتس قاللي بالمناسبه كنتي جميله اليوم والفستان اكل منك حته💓...
عقبالك ي ستي..قلت ليه تسلم وانت كمان ..
وانا كمان شنو...اممم بدلتك كانت حلوة ،قال لي بس😂...قلت اي بس ي زول..قال لي خلاص خلاص ...اتونسنا شويه كدا ..عاوزة اقفل التلفون خلاث وانوم لقيت مرام ضربت لي...رديت الو ،قالت لي كيفك ي نون معليش والله ضربت ليك متأخر ،قلت ليها لا لا م مشكله ي ستي عادي،قالت لي عاوزاك تجيني بكرة في المستشفى ،قلت ليها خير في شنو،قالت لي لا لا مافي حاجه ،موضوع عادي ...لي بكرة تمام...قلت ليها خلاص تمام يلا تصبحي على خير وانتي من اهلو....
...رقدت نمت وانا شغاله افكر ي ربي الحاصل شنو...وعاوزاني في شنو...
....طبعا كل الفات دا قصه والجاي قصه تانيه خالص وهي محور الروايه دي كلها....
....قدر م اتخيلت وفكرت ما قدرت اعرف مرام عاوزة شنو...المهم قلت كدي لي بكرة نشوف البحصل ....