الجزء 19

الاخيره...

وصلنا الصاله دخلو مصطفي وفؤاد ووقفو في نص الصاله بعدها دخلنا انا وكان مهند ماسكك يدي ونقاء كان ماسكها ماهر مشينا لحد م وصلنا النص مهند قال لي مصطفي اختي دي تشيلها في عيونك واياك تزعلها💜

مصطفي: اختك هي عيوني وقلبي وكل حياتي م تخاف عليها❤

مهند:يبقي يحظك فيها 💜

ماهر :وانت ي فؤاد اختي دي امانه في رقبتك لي يوم الدين ولو زعلتها يوم اتاكد انه ح اقتلك في مكانك💜

ماهر:معقوله ي ود خالتي😂اطمن ح يكون همي الوحيد انه اسعدها❤

(ونرجع ونقول الاخوان سند يجماعه😴❤)

بعدها مشو واشتغلت غنيه Its beautiful night💗💗وبدينا نرقص اسلوو وانا عيوني في الارض😂

مصطفي:ي بت ي هبه🌚

انا م رديت😂

مصطفي:ي بت انا بتكلم معاك😐

انا:هسس الناس بتعاين لينا ياخ🙈

مصطفي: ياخ انا مالي ومال الناس ارفعي عيونك دي عايني لي🌚

انا:ابيت ياخ اسي بمشي بيتنا🐸

مصطفي:تمشي بيتكم وين تاني بيتكم دا تحلمي بيهوو حلم😂

انا:وااي خلاص غيرت راي ما عاوزه اعرسكك😂

مصطفي: خلاص راحت عليك يحلوه😂

انا:م تقول لي حلوه😐

مصطفي: بقوول يحلوتي😂

انا:خلاص هس ياخ الناس لاحظت🙈

مصطفي: لازم تلاحظ ما انا برقص مع احلي بت في الدنيا😌❤

المهم بعد خلصنا والحفله بدت وكالعاده ي ساده رقصت لمن مصطفي اتخلع فيني😂وم يفوتكم انا وهنوودي رقصنا م خلينا شي😂💃ومعانا مرتو الحلوووه غيمه😌❤المهم انتهت الحفله وجاء وقت الجرتق

ومشينا غيرنا الفساتين ولبسنا تياب الجرتق مصطفي وفؤاد مشو غيرو بجلابيه وكانو تحفه😴❤المهم قلت لي مصطفي اياك ترش فيني اللبن😑وحاتكم قبل م اخلص انا اتمليت بيهو🙂اما نقاء كانت عاوزه تجري😂لكن ااا ووين ياا برضو اتملت😂المهم قالت ليهو اصبر بس بادبكك انا😒بعد خلصنا من العولاق دا كلو كانت في حفله للجرتق بي انصاف مدني المهم برضو رقصت😂وخلصنا من دا كلو وقالو ح نمشي البيت وبكره ح نسافر

انا:نسافر وين😃

مصطفي:بوريكك بعدين

المهم جينا انا ونقاء حضنا مهند لانه كنا ح نمشي😭مهند ضمانا عليهو وهو كمان كان ببكي💔وبعدها كمان ودعنا ماهر 💔وبابا اما مزنه في البدايه ابت تودعنا لانه قالت ح نخليها براها فؤاد قال ليها م تخافي كل يوم ح جيبها ليكم وانتي كمان تجينا وودعت نسوان اخواني الحلوين تبو وغيمه 😔💔ولد اخوي زنزوون😫اسمو يزن يجماهه🌚المهم ودعناها وانا قلت م ماشه مع مصطفي😭مصطفي قال ليهم خلاص خلوها تقعد معاكم انا بجيها الصباح بس بابا وماهر رفضوو والمهم بعد بكاء وتعب حتي مشينا💔تتذكرو البيت ولا الڤله حقت مصطفي🌚بس مشينا هناك ونقاء وماهر مشو بيتهم برضو عندهم بيت حلوو كتير وقريب مننا وصح نسيت اوريكم في الڤله دي ساكنين معانا اهل مصطفي امه تهاني وابوهو عمر واخوهو الاصغر منو طوالي علي واختو الصغيره الاء دي كلهم ساكنين في الارضي ونحن في الطابق الفوق وتاني فوق لينا في طابقين المهم مشينا انا اول م وصلت دخلت غرفه الدباديب شلت دبووب كبير باللون الازرق💙وطلعت دخلت الغرفه قام قال لي انا ماشي وجاي قلت ليهو اوكك فتحت الشنطه بتاعتي م عرفت البس شنو خاتين لي قطع بس🐸طوالي مشيت فتحت الدولاب ولقيتو م دولاب غرفه كامله للملابس وفي محلات للجزم المهم كانت مرتبه وحلوه شديد اللهم دخلت لقيت لبسه باكستانيه البتكون قميص طويل وبنطلون ديكك ياخ عرفتوها🐸المهم شلت القميص لقيتو طويل بصل نص ساقي كدا طوالي شلتوو ودخلت الحمام استحميت ولبستو وجيت طالعه مع انه كان كبير فيني شويه بس احسن من العولاق الخاتنو لي دا🌚المهم شلت الدبدوب وطلعت في البلكونه قعدت في المرجحانيه العملها لي ديكك تتذكروها😂المهم وانا اصلا نعسانه قام جاء وكان شايل اكل لقاني قاعده بقميصو😂

مصطفي: ي بت دا شنو😂

انا:شكلهم نسو يختو هدومي في الشنطه عشان كدا😐

مصطفي: هبه تعالي اكل😂

انا:لالا عاوزه انوم بس

مصطفي: طيب طوالي ارح ننوم وفتح لي يدينو🐣😏

انا:انت عارف انا زاتي جعانه احسن ناكل😐

مصطفي: طيب تعالي😂

المهم قعدنا ناكل واتونسنا كدا قام قال لي خلاص النوم

انا:لالا م عاوزه انوم😐

مصطفي: ي بت ما ح اعمل ليك حاجه😂

انا:وعدد😐

مصطفي: اي وعد يحلو يلا😂

وانا الهبله صدقتووو طبعا🐸اللهم نتجاوز الكلام دا يجماعه😂

في الصباح....

صحيت لقيتو نايم جنبي وبدون قميص🙈 بقيت بعاين ليهو قام قال لي بدون م يفتح عيونو انا حلو للدرجه دي😂قمت ضحكت قام فتح عيونو وابتسم لي وقال احلي صباح دا ولا ايهه❤

انا:ولا اييهه😂

مصطفي:عولاق😂

انا:مصطفي انت گاتب اسمي في صدرك ليه؟!

مصطفي: تتذكري لم قلت ليك عملت وشم

انا:اي لم كنت م واعي

مصطفي: بس عملتو باسمك لانه كنت بحبكك حتي وانا بعيد منك كنت بفكر فيك كان كل يوم حبي ليك بزيد❤

انا:الوشم دا حار؟!(يعني بعدالكلام دا كلو همها في الوشم🐸💔)

مصطفي: اي حار شديد😂

انا:واي متستاهل وقمت هبشت مكان الوشم قام صرخ قال لي ايي حرقني😂قمت ضربو قلت ليهو حيوان معولق قوم وديني بيتنا😂

مصطفي:بعد الفطور🌚

انا:طيب قوم اكل

مصطفي: حاضر تعالي اكلك😏

انا طوالي نزلت من السرير مصطف

ي اختاني🐸

مصطفي: بس انا جعان😕

انا:مشكلتك😂ومشيت خليتو

مشيت لبست فستان بسيط وعملت ميكب خفيف ونزلت تحت سلمت ع اهلو وفطرنا معاهم واتونسنا وطلعنا طوالي مشينا المطار لقينا العائله كلها في المطار نقاء وفؤاد كانو ماشين جزيره كو ساموى في تايلاند وتاني ح يمشو كم دوله كدا

انا:يعني م حيمشو معانا؟!😢

مصطفي:لا نحن برانا وهم براهم

المهم طيارتهم وصلت ومشوو وبرضو بكينا😭

انا:مصطفي نحن حنمشي وين؟!

مصطفي :تتذكري انه فضل ليك 5 هدايا قلت ليك بعد نتزوج

انا:اي اتذكرت

مصطفي: يلا ح اوديك اجمل خمسه اماكن الناس بتقضي فيها شهر العسل

انا: اللي هي؟!

مصطفي:ر الكوك دي بيين نيوزيلاندا وهاواي وحنمشي اروبا في جزيره اسمها جزيره الهدوء وحنمشي باالي دي في افريقيا وحنمشي ايطاليا واكيد ح نمشي المدينه اللي نفسك تمشي ليها دايما باااااريس🌚

انا:واااي ياخ بحبكك انا😭❤

مصطفي: وانا بعشقك❤

المهم سافرنا وقضيت احلي شهر في حياتي😴❤وعمرو ما عاملني كعب بالعكس كان بعاملني كانه بنته❤اي شي عاوزاهو كان بجيبو لي بدون م يتردد🙇❤كان بحبني اكتر من اي شي❤

بعد مرور ثلاثه سنوات...

فهد:بابا مدايل اسلبو🥺(ما داير اشربوا بلغه الاطفال😂)

مصطفي:حبيبي لازم تشربو عشان تكون بطل

فهد:هئئم لع🙁

مصطفي: فهد انا اتاخرت ياخ اشرب ي بابا🤦‍♂

فهد:مام🥺

مصطفي: بجيب ليك عربيه لو شربتو

فهد:مدايل🙁

انا:فشنو من الصباح😴

مصطفي: ماف اي شي بس حضرتك نايمه وانا بحاول اشرب ولدك دا الحليب واتاخرت ع الشغل😒

انا: خلاص خليهو انا بتصرف معاهو امشي انت😂

مصطفي: اوك باي ي بطل وجاء باس لي راسي وقال لي خلي بالك من نفسك يحلوه❤

طبعا زي م شايفين دا فهد ولدنا🙈ومعذبنا عذاب🌚بس هو ثمره حبنا يااخ❤

انا:فهد ليه م عاوز تشرب الحليب🤦‍♀

فهد:دايل اسلبو مع تالين🙁

انا:لو شربتو ح اوديك لي تالين لكن لو م شربت ماف مشي🌚

فهد:تيب ح اسلبو☺️

يلا تالين دي بت نقاء وفهد لازم كل يوم يمشي ليها او هي تجينا😂وبتعبو تعب لم نكون انا ونقاء واقفين قدامهم😂م بعرفونا😂اللهم مهند جابو ليهو تؤام ميار ومنار ❤ومزنه عرسها بعد شهر من واحد حبتو في الجامعه قالت🌚😂❤وانا عندي عياده خاصه للعلاج النفسي😴❤ونقاء بقي عندها عياده بتاعت اسنان اسمها مكملتي❤المهم في يوم مصطفي شايل فهد وقاعد معاهو قدام التلفزيون وبلعب فيهو انا جيت داخله🚶‍♀

مصطفي: فهد

فهد:نعم بابا

مصطفي: انت م عاوز اخت؟!وعاين لي😏

فهد:اي دايل احت زي ميال ومنال🙁

مصطفي:ااي بس😂

انا: اختوووني😂

مصطفي في احلامك ي...قاطعو فهد

فهد:ي مززززه😃

انا:يولد دا شنو🙆

فهد:بابا توالي بتول ليت تدا يحوه😕

مصطفي: عسسل دا تربيه ابوهو😂❤

انا:تربيه وسخه😂

مصطفي: ارح يزوله م تغيري الموضوع😏

المهم يجماعه وبكدا عشنا بحبنا الابدي وعمرو م نقص مع مرور السنين بالعكس كان بزيد كل يووم❤

(لا أدري كيف أحببتك ولكنني أحببتك بعدما عاهدُ نفسي أن لا اقع في الحب يوماً لكن وجدُ نفسي أقع في حبك ♥️)

تحيه خاسه خاسه للناس التابعت الروايه وحبتها❤ولي غرامي يخواننا لانه لو م هي ما كان تمت😭❤وطبعا دي اول روايه لي بتمني تنال اعجابكم ورضاكم❤اشوفكم في روايات تانيه انشاءالله❤+رايكم يهمني😴❤ والمره دي ما ح اقول نتلاقي😂❤

بحبكم❤