الفصل الرابع

قعدته في الغرفه عملتها حقتي عديل ماخدة فيها راحتي على الكامل اصبح الصباح صحيت بدري نضفته البيت كلو والبيت كان كبيير ودخلته المطبخ جهزته الشاي ولسه ناس البيت نايمين بقيت محتاارة اعمل شنوو معقوله بس بيت كبيبيير زي دة وغاعدين فيهو تلاته اشخاص بس مفترين والله صحت خالتوو ولاء طبعا اسمها ولاء نسيت اقول ليكم اسمها قالت لي شهد صحيتي متين انتي ماشاءالله قلته ليها صحيت قبيل بس انتو كنتوونايمين قالت لي اساسا نحنا م بنصحى بدري الا ميدو علشان بمشي المدرسه

قلته ليها ايواا فجأة نزب ميدو وهو متفاجئ قال ليها امي الليله جاين ضبوف ولا شنوو قالت لالا قال ليها غريبه اول مره تصحي بدري وكمان مجهزين شااي، غريبه قالت ليهو دي وتين صحت بدرب بطل نقه خلاص فضحتنا قال لي ي وتين والله نحنا م بنعمل شاي الصبااح الا لما يكون معانا ضيوف اساسا الصباح انا امي وشها دة م بشوفو قلته ليهو طيب حااليا اشرب الشاي واطلع المدرسه وتاني اتعوود كل يوم تلقى الشاي جاهز كويث كدة نزار نزل بي سماع ونستنا قال ليهم بسم الله الليله في شنووز؟؟ميدو قال ليهو في مصيبه حاصله

نزار قال ليهو مصيبه شنوو امي مالك عيانه؟؟ خالتو الاء قالت ليهو بري نصيحه م عيانه قال ليها طيب صاحيه بدري ومجهزة الشاي والبيت اخر نضافه الحاج دة جاي الليله ولا شنوو؟؟انا بتزكر من الشغااله ولدها بقى عياان تاني م نضفنا قالت ليهم بري منكم ولادة السجم اترزعو اشربو الشاي يلا قال ليها روقي ي حجه دي تشغيله ساي المووهم والله ي شهد م قصرتي نحنا بنشوف وشوش بعض الصباح وبنشرب الشاي مع بعض الا لما الحاج يكون قاعد قالت ليهو نزار ميدو قال ليهو النثيحه نضمته ي نيذو

قالت يلا ي ميدو الترحييبييل جا يلا حصل اساسا ماشي المدرسه ساي بس وجاي راجع عمار م جايبو فيها ميدو قال ليها ي امي اصلا يووم م تصحي بدري لازم اسمع النغمه دي مع السلامه نذار قعد يضحك قال ليهوو كلامها صح خالتو الاء قاالت ليهو اسكت انت كمان كل يوم راجع الساعه تلاته صباح البيت ولو جييت بدري بتقضي لي كلام بالتلفونات انت زاتك م فاضى عمار في الجامعه م جايبو انت اكعب من ميدو قال ليها ياحاجه روقي محاضرات الحاج دي خليهاياخ انا زاتي طالع الجاامعه يلا ماشي اجهز طبعا انا ساكته ساي وبعاين ليهم وبتبسم

جا نزار راجع قال لي تتبسمي ساي عاجبك نشر الغسيل حق الحاجه دة خليك محضر خير على الاقل قلته ليهو انتو لو م رفعتو ليها ضغتها م بتنشر غسيلكم يلا قالت لي وريهم عليك الله قال ليه خلاص وقفتي معاها والله طيب يلا سلام اها مرت الايام وانا اتأقلمته معاهم لانهم كانو طيبانين شديد م بدوني احساس انو انا شغاله معاهم وكذاا بالعكس في يوم قاعدين انا وخالتو الاء بنتونس. قلته ليها انتي اولاادك اتنين بس؟؟قالت لي لالا عندي تلاته اولاد بس ربنا م اداني البت قالت لي السجم الاتنين ديل وعندي ولدي الكبيبير شادي

كابتن طيران في الامارات بجينا كل فترة وفترة لانو شغلوو صعب ومقيد شديد قلته ليها ايوا تمام في قلبي قلته وانا اقول الغرفه دي مالها سمحه ومرتبه كدة اتاريها غرغه الكابتن قالت لي ابوهو زاتو معااهووهناك بس شادي في دبي وابوهو في الشارقه قلته ليها والله طيب طيب ليه انتو عايشين هنا براكم؟؟كان تقعدووهناك قالت لي كنا عايشين هناك بس نزلنا السودان نظام الدراسه وكدة مجبوورة قلته ليها طيب م عندك اخوات عندهم بنات يدفعو ليك واحدة تونسك قالت لي اخواتي عندهن البنات لكن م برضو بيهم لكن بجوني من فترة لي فترة كدة قلته ليها ايوا تمام طيب

قالت لي اجهزي الليله علشان نمشي السوق عايزة اشتري حجات جهزته وطلعنا السوق طبعا هي م كاانت عاايزة تشتري حجاات لي نفسها كانت عايزة تشتريهم لي انا قالت لي اختاري بجاماات وطرح وكذاا قلته ليها بس انا م عايزة قالت لا لازم تشيلي ولو متحسسه من الموضوع حأخصمهم منك اخر الشهر حلوو كدة؟؟يلا اختاري المووهم اقتنعته بي كلامها اكتر حاجه كانت عاجبااني فيها انا طيبانه وبتديني احساس بالثقه كدة لما اكون قاعدة معااها بحس بي راحه نفسيه لانها بتدخل القلب على طول رجعنا البيت متأخرين جهزنا الغداء طبعا عملنا اصناف كتيرة مزاجنا كان رايق

ولبسته ليك بجامه جديدة وقعدنا في الصفرة نزار وميدو شغلوها لي قال لي الجديد شديد امو قالت ليهو قببييل اتصلته عليك علشان تجي توصلنا السوق م رديت ميدو قال ليها واي ي امي طنشك ليه كدة ي نزار تطنش امك مش عيب قالت ليهو ميدو انطمه نزار قال ليها يا امي انا في للكليه وشغال لكشر ارد ليك كيف يغني وبعدين ي امي انتي عربيتي دي عاملاني فيها زي السواق اي مشوار اوصلك انا قبلي كدة كلمتك قلته ليك عربيه شادي ياها مبركنه في البيت وعربيه ابوي في الورشه عايزة اي واحدة فيهم سوقيها بتعرفي تسوقي

قالت ليهو انا رجلي بتوجعني م بقدر اسوق لو م كدة م بحتاج ليك اساسا بس كويس بجيب لي سواق لي عربيه شادي ميدو قال ليها اومي انتي عارفه شادى وصى قبل م يسافر قال اي شي بتعلق بيهو م تلمسوو نزار قال ليهو اسكت انت كمان تقول الناطق الرسمي بي لسانو علشان بديك رشوات عشان كدة بس، قالت ليهم خلاث اسكتو م تتنااقرو لينا في الاكل

وقعدو يضحكوو يلا في يوم قاعدين كدة اتصلو عليها ناس المدرسه وشكو ليها من ميدوو انو مهمل وم بقرا وكذاا قالت لي والله ميدو دة حيرني استخدمته معاهو كل الاساليب عشان يقرا م نفع جبته ليهو اساتذة يراجعو ليهو في البيت وبرضو م نفع غلبني زاتو قلته ليها روقي بقرا في سنه كم هو؟؟قالت لي قلته ليها طيب انا براجع ليهو انا امتحنته شهادة سودانيه السنه دي

قالت لي والله لا بفهم لا شي مخو مقفل عديل اثناء م بنتكلم جا ميدو داخل شاكلتو وقالت ليهو مهمل وبتاع لعب بكلم ليك ابوك وكذاا ميدو قال ليها ياخ ي اامي وطلع غرفتو قلته ليها يمكن م بقدر يستوعب سريع زي باقي ناس خليهو انا بتكلم معاهو وطلعته لحقتو دخلته غرفتو لقيتو ماسك التاب حقو قال لي اها مالك داايرة شنو قلته ليهو روق اول جبته ليك عصير قال لي دايرة تشغليها لي زي الحجه كمان قلته ليهو الحجه بتتكلم لي مصلحتك وبعدين انت لسه صغيرووني م تتصرف زي الناس الكبار كدة احكي لي مالك م بتقرا

قاال لي ياخ انا بكره الاساتذة بتاعننا ديل لا بشرحو كويس لا شي ولو سألتهم سؤال بحرجوم وبنهروك لمن زيتك يطلع زفاتي كلهم قلته ليهو طيب لو م فهمته في المدرسه تعال انا بشرح ليك قعد يضحك ضحكه حغارة شافع لكن قليل ادب قلته ليهو جادة على فكره انا امتحنته شهادة سودانيه السنه دي فهمته_ قال م عايز افهم زااتو قلته ليهو انت حر لكن على فكرة لو كنته وافقته كان م حأخلي امك تكلم ليك ابوك وكمان قبلي كم يوم سمعتك قلته عايز لاب توب كان ممكن اقنع امك تجيبو ليك لكن انت حر نطه من مكانو قال لي غولي اوغسم قلته ليهو والله جادة م بهظر

قال لي طيب وحتقنعيها كيف قلته ليهو انت مالك مش قلته م عايز تفهم بس خلااص قال لي لالا خلاص موافق قلته ليهو طيب معناها بطل اهمالك دة وركز في المدرسه ولما ترجع البيت نعمل جدول نراجع فيهو فاهم قعد يطنطن تحت قال اذا كان عندك عند الكلب حاجه قولو ي سيدي سمعتو بس عملته رايحع قلته ليهو قلته شنو قال اي قلته ليك حاضر ولد كلب بجد