الجزء 2

سوزان : لا حول ولا قوه الا بالله .. معقوله كل ده يطلع منك يا سميه معقوله حقدك وصل بيك انك تدمري حياه احمد حتي قبل ما تبدأ ، حسبي الله ونعم الوكيل فيك حسبي الله ونعم الوكيل

أحمد : انا ما فاهم حاجه يا خالتو انتي بتقولي في شنو

سوزان : ولا حاجه يا حبيبي بس عايزه اطلب منك حاجه

الحصل الليله ده ما تحاول تعملو مره تانيه نهائي توعدني ؟

احمد : بوعدك

انا والله اول مره اعمل كده عمار كل مره بقول لي تعال نعمل كده وانا ما برضي بس انا ..

سوزان : يلا ما مهم

المهم الحصل ده تاني ما يتكرر ابدا

وكمان عايزاك تفهم حاجه ابوك مستحيييل يصدق انك تعمل كده هو واثق فيك وفي تربيتك بس الشيطان غلبو وغضبو عماهو عشان كده مد ايدو عليك

أحمد : بس ..

سوازن : لالا ما بس انت بتثق في كلامي ؟

أحمد : اكيد بثق في كلامك

سوزان : طيب انا عايزاك تنسي الموضوع ده هسي وتخلي ابوك يروق شويه وتمشي تسألو هو زعلان منك لشنو وتنسي نهائي القالتو ليك سميه ده وحتي ما تزكرو قدامو

اتفقنا؟

احمد : اتفقنا

سوزان : ايوا كده تعجبني

وممكن تقول لي خالتو بعد ده 😂

أحمد : انتي طيبه شديد زكرتيني امي ساره

سوزان : الله يرحمها ويجعل مثواها الجنه ادعي ليها كتيييير .. ومن هنا ولقدام قبل ما تفكر تعمل حاجه غلط فكر لو برضيها ولا لا خليها دايما معاك وما تخلي تربيتها ليك تضيع ساي

ربنا يحفظك ويخليك لابوك يا ولدي هههههه

أحمد : ههههههه

سوزان : يلا كفايه كده ضحكنا كتيير ارح اوصلك البيت ..

حكمه سوزان قدرت تقضي علي الاحاسيس السلبيه الخلفتها خباثه سميه وتضليلها لعقل أحمد ؛ بس لسه المشكله ما زالت قائمه وسميه ما ح تيأس من محاولاتها وخصوصا انها لقت ثغره في سعيد فلازم حل جزري ..

سوزان : انا لازم احاول احل المشكله دي من غير ما اضر سميه او اخرب بيتها

حلها من عندك يااا رب

.. الأمين : السلاام عليكم

سعيد : حبابك يا اخوي اتفضل

الأمين : يزيد فضلك ؛ كنت ماري بالمحل بتاعك قلت ادخل أسلم وكمان قاصدك في خدمه

سعيد : انت تأمر يا اخوي خير ان شاءالله

الامين : خير .. والله الشغل الايام دي كعب شديد وناقصاني سيوله قلت اجي اشوفك لو بتقدر تديني قروش

سعيد

سعيد 😨 بسم الله سرحت كده في شنو

سعيد : معليش يا الاامين بالي مشغول حبه

حاضر شوف بكفيك كم وافتح الخزنه شيلهم

الأمين : خلينا من الخزنه هسي انت مالك

سعيد : زهجان شديد والله امس رفعت يدي علي أحمد وضربتو شديد وانا هسي ندمان شديد انت عارف الاولاد ديل ايتام واي دمعه تنزل منهم في رقبتي

الأمين : وانت ضربتو ليه هو عمل شي غلط ؟؟

سعيد : موضوع طويل بحكيهو ليك بعدين .. انا لازم امشي هسي اشوف ولدي وين واطيب خاطرو

الأمين : ربنا يخليهم ليك ويحفظهم من كل شر ان شاءالله

سعيد : اللهم آمين 😍 انا ماشي بعد ما تشيل القروش اقفل لي معاك المحل وخلي لي المفتاح في البيت انا حامشي لأحمد في المدرسه ..

.. سوزان : السلام عليكم كيف اصبحتو يا سميه ؟ والليله مالك مخليه الباب فاتح كده

سميه : اهلين يا سوزي ؛ والله كنت ماشه السوق بس نسيت القروش

جيت راجعه اشيلهم واطلع لكن م دام جيتي تعالي نفطر وامشي معاي و ..

احمد 😳 انت ما مشيت المدرسه ؟؟

احمد عاين لسوزان لانو ما عرف يقول شنو وما متعود يكذب

سوزان : مشي لكن خلص بدري الليله

امشي غرقتك وغير ملابسك وارتاح شويه

سميه : هههههههه

ما شاءالله بقيتي ام لأحمد كمان

سوزان : خليكي من الضحك عندي كلام كتير عايزه اقولو ليك يا سميه

سميه : خيير ان شاءالله جاك عريس ولا شنو

سوزان

سميه : خير ان شاء الله جاك عريس ولا شنو

سوزان : ده ما وقت سخافاتك دي يا سميه انا عايزاك في حاجه مهمه

سميه : طيب أجليها شويه خلينا نفطر اول ونتكلم براحتنا وبعدين يا مشيتي معاي السوق يا خليتك هنا مع ساره

سوزان : خير ان شاءالله

.. سعيد بعد ما طلع من المحل بتاعو اتجه لمدرسه احمد مباشرآ ما قدر يصبر لحدي ما يتنهي اليوم الدراسي عشان يصالحو وفي الطريق صادفو أستاذ يوسف ‏( مدرس اللغه العربيه لصف أحمد ‏) وليهو علاقه وطيده مع سعيد ..

كانو اصحاب في يوم من الايام بس مشاغل الحياه وظروف العمل بدلت الحال ؛ وقل التواصل بيناتهم لكن ظل الود موجود ..

يوسف : اووو سيد سعيد

سعيد : يوسف سلامات يا راجل ليك وحشه والله

يوسف : والله بالأكتر يا سعيد وعاش من شافك

كييف اخبارك والاولاد

سعيد : والله الحمدلله كلو تمام انت امورك شنو

يوسف : والله الحمدلله اهو مع الجري والتعب

وخير ان شاءالله ماشي علي وين بي جاي ؟

سعيد : ماشي المدرسه قلت الزمن ده وقت الفسحه عايز احمد ولدي شويه

يوسف : لكن أحمد ما جا المدرسه الليله وانا كنت هسي عايز اسألك منو ليه ما جا !

سعيد : كيف الكلام ده ؟؟ هو طلع الصباح قدامي ولابس لبس المدرسه

يوسف : والله ما عارف لكن الانا متأكد منو انو ما جا المدرسه الليله لاني هسي طالع من صفو كنت شغال معاهم

سعيد : طيب يا يوسف كتر خيرك واتبسطت شديد بشوفتك والله بس عن اذنك هسي لازم امشي

يوسف : اتفضل ..

.. مشي سعيد من يوسف وراسو بودي ويجيب ؛ تفكيرو اتشل ما عرف يعمل شنو او يمشي علي وين وقال في نفسو ‏( معقوله أحمد ولدي وصل بيهو الحال للدرجه دي ؛ معقوله بقي حتي ما بمشي المدرسه !! معقوله ولدي ضاع مني خلاص 💔 لالالا مستحييل ،، لالا ما تستعجل تاني يا سعيد هسي يمكن تعب فجأه ورجع البيت انا احسن حاجه اعملها هسي ارجع البيت واقطع الشك باليقين ‏)

.. في منزل سعيد جهزت سميه الفطور ونادت احمد عشان يفطر معاهم

سميه : اكل كويس يا احمد انا عايزاك تقوي كده وتكبر سريع

‏( معقوله يا سميه انتي ممثله شاطره للدرجه دي هسي انا لو ما عارفه الحقيقه كان صدقت انك بتحبي احمد وخايفه عليهو ‏) قالتها سوزان في سرها والغضب مالي جوفها 💔

أحمد : حاضر يا خالتو

انتي يا خالتو ساره اختي دي مالها بقت طول اليوم نايمه ؟؟

سميه : اكيد عشان صحتها تماام وبتاكل كويس الجسم لما يكون شبعان النوم بجي بسهوله يا ولدي

وفي سرها ‏( اكيد عشان بخلط ليها حبوب منومه مع الأكل واللبن انا ناقصه كمان بت ساره تكورك في راسي اليوم كلو ‏)

سوزان : شبع شنو البخلي الزول نايم تلاته ارباع يومو الا تكون عيانه او عندها نقص في حاجه .. بعد ابوك يجي يا احمد وري يوديها الدكتور

سميه : دكتور 😱

دكتور شنو يا سوزان ما تكبري الموضوع البت طبيعيه وما فيها شي

سوزان : وانتي مالك اتنفضتي وخوفتي كده لما قلت دكتور !!

سميه : ولا خفت ولا حاجه بس الدكاتره ديل بكبرو المواضيع عشان يشيلو منك قروش ذياده وانا متأكده ساره بتي كويسه وما عندها شي ..

سوزان ما اقتنعت بكلام سميه وحست بيها عملت مصيبه تانيه غير العملتها مع احمد بس ما حبت تتكلم معاها قدام احمد وفضلت تستني لما يخصلو أكل وتشوف طريقه تبعد بيها احمد من البيت ..

.. خلصو الفطور وسميه مشت تعمل الشاي وفي المسافه دي سوزان لقت حاجه ممكن تبعد احمد من البيت ..

سوزان : أحمد

أحمد : نعم يا اختي

سوزان : انا نسيت تلفوني في البيت واتزكرت اني لازم اعمل مكالمه مهمه شدييييد ممكن تمشي تجيبو لي وتجي

احمد : تدفعي كم لو مجان ما ماشي 😂

سوزان : اممم بفكر مسافه تمشي وتجي

حتلقي مصطفي في البيت دق الباب شديد عشان يسمعك يمكن يكون نايم او مشغل التلفزيون

أحمد : حااضر بس اذا م دفعتي ماا حاديك ليهو

سميه : بسم الله أحمد مشي وين

سوزان : خليك من أحمد ؛ انا عندي كلام كتيير عايزه اقولو ليك و حاتكلم طوالي بدون مقدمات لانو الموضوع زاد عن حدو وما بستحمل أكتر من كده

انتي عايزه تصلي لشنو ؟ حتستفيدي شنو لو ضعيتي مستقبل أحمد او فسدتي اخلاقو ؟ !!

سميه : قصدك شنو انا ما فهمت ،؟ انا عملت شنو

سوزان : سميه كفايه ؛ بطلي استهبال وتمثيل انا عارفه كل حاجه .. عارفه انتي كيف أثرتي علي افكار احمد وخليتهو يسمع كلامك في كل شي وعارفه كيف خططتي عشان توقعي بينو وبين ابوهو ونجحتي في كده فعلا 😡 عارفه كيف استغليتي حب سعيد لولدو ومليتي راسو بافكارك الخبيثه .. وانتي هسي اعرفي اني ما حاسمح ليك تستمري في افعالك دي وتأذي أحمد او سعيد

سميه : الزمي حدودك يا سوزان سعيد ده راجلي انا واحمد ده انا في مقام امو وانتي ما عندك اي حق تتدخلي في شؤون بيتنا . .

سوزان : تلزمي حدودك انتي يا سميه الغلط والصاح ده ما عايز ليهو ما تتدخلي وسعيد ده ود خالتي قبل ما يكون راجلك وانتي فعلا لو بهمك واحمد في مقام ولدك ما كان اتلاعبتي بالاحداث وعملتي فيهم كده

سميه زعلت شديد من كلام سوزان وبدت تعلي في صوتها

سميه : سعيد انا ما اتلاعبت بيهو بس هو ما واثق في ولدو وتربيتو انا ذنبي شنو اذا هو عندو قابليه يصدق فيهو اي شي !!

وجايه تلوميني انا ! علي شنو بتلوميني سعيد قدم لي شنو غير الهم والمرض سعيد لقيت منو شنو غير الذل والاهانه خلاني انا عشان ساره وبعد عرسني عشان اهتم باولادها !! حتي حقوقي كزوجه ما اداني ليها حتي ما بعاملني كويس ومستنيه مني اربي اولادو بالحسنى ! انا بكرهم وبكره اي حاجه فيها ريحه ساره انا لو بايدي اقطعهم باسناني حتت وما تفتكري انا ازيت احمد بس حتي ساره م رحمتها وبخت ليها حبوب منومه كل يوم في الاكل وانا ما حارتاح الا ادمرهم و ..

وفجأه شافت سعيد قدامها واقف بعاين ليها بذهول

سعيد : و شنو واصلي ....