الجزء 10

ايمن :ي مازن لو حصل لي اي شي عليك الله خليك مع وتين ف كل خطوة احميها دايما وختها ف عيونك لانها احلى حاجة ف حياتي ومتصبر بس عشانها وبديت علاج بس عشانها وتين بت طيبة وقلبها ابيض ووفاة امها مؤثرة فيها لسة م تخلي زول يضايقها بالكلام وخصوصا خالتك وتين وصيتي وامانتي ليك م تزعلها ولاتضايقها ف يوم حتى لم تهظر معاها م تخليها تقلب جد حبيبتي مزاجها متقلب بعرفها انا بس برضو بريئة وعفوية م تسمح لزول يمسها بالشر لامن قريب ولابعيد

مازن:حاااااااضر ي ايمن حاختها ف عيوني .....وبعدين مالك قلبت over كدة بكرة تبقى كويس وتمشي الجامعة تشوف الجكس النضيف داك العجب بنات الخرطوم احيييي منهم ياخ عسل والله 😂😂😍😍😍😍

ايمن:بعد بديت تتكلم كويس وصدقتك😂😂😂اصلك م بتنفع بتعريفة وبعدين حبيبتي احلا بت ف الدنيا ياخ ماف احلى منها الا الحور العين ان شاء الله نتخارج سريع بس قبل م اتورط واعرسها تقوم تطفش لي الحور من راسي طبعا الكلام دة بعدما شافني واقفة وببكي من كلامو الاول وتوصيتو لمازن علي وكانو حيموت💔💔

_ع فكرة انت واحد غياظ ....وان شاء الله تمشي جهنم ويعرسو ليك جنية😒😒😒

ايمن:صلاة وبصلي .....قران وبقرا .....صدقة بتصدق .....بر والدين ماشاءالله م مقصر......صبر ع البلا صابر عليكي ودة براه كفاية😂😂😂 وصيام بصوم من سنة تالتة اساس تاني ف شنو وكان ع رحمة ربنا واسعة وطمعان فيها حور عين ضمان ياخ

_انت كدي اتكل اول 😑😑😑

مازن:شنو ي شفع حتتناقرو قدامي كمان 😎😕😕والله دة الفضل😒😒😒

_يعني م سامعو بيقول ف شنو 😑😒😒

وف يوم من الايام كنت بنضف كالعادة ف البيت فجأة اسمع خالتو انتصار بتكورك الحقو ايمن ولدي بيموت😢😢😭

جريت بهدومي بتاعت البيت ومشيت عليهم.لقيت ايمن واقع ف الواطة ختيت اضاني ع صدرو عشان اسمع دقات قلبو لقيتو لسة بينبض حمدت ربي وجريت ع مازن ونقلناه المستشفى تاني.ودي كانت اخر مرة ننقلو المستشفى لانو اتوفى بعدها باربعة ايام بالضبط كان مرقد ف المستشفى وسبحان الله قبل م يموت اصر المرة دي يصلي من غير كرسي وف سجدتو التانية ف الركعة التالتة من صلاة العصر هو اتوفي 💔💔💔كنت قاعدة معاه ف المستشفى لاخر لحظة بس م حضرت لحظة وفاتو كنت مشيت اصلي ولم جيت راجعة لقيت امو بتبكي بحرقة ضمتني ليها وقالت لي ايمن خلاص فارق الدنيا وفارقني معاها ي وتين طبعا لحظتها م قدرت اعبر بس كنت ف حالة سكوت وبعدها م وعيت ع اي شي فجأة لقيت نفسي ف غرفة ومعاي خالتو انتصار ومازن وامي ...ابوي كان مسافر تبع الشغل وكدة فجأة بقيت بقول ليهم وين ايمن بقي كيف صحى ولا لسة ومازن والباقين م قدرو يردو فقررت امشي ع الغرفة المرقد فيها ايمن لقيت السرير فاضي شغالة ليهم ايمن وين وديتو حبيبي وين مشي يصلي صح!انا عارفة ولا بيكون بيقرا قرآن مازن جا وقال لي ايمن مع الارحم مني ومنك ربنا ريحو من التعب والعذاب والمرض ي وتين كلمتو دي نزلت علي زي السهم فوقعت من طولي وم فقت الا ف البيت المرة دي واول م صحيت بقيت ببكي وبصرخ عايزة اشوف ايمن جيبو لي ايمن عايزة اشوفو عايزة اسمع صوتو عايزة اتكلم معاه حرام عليكم م تلعبو بي أيمن م مات ايمن بس داخل ف غيبوبة جريت ع خالتو انتصار لقيتهم كفنوهووهي واقفة جنبو م بعرف كيف رجليني قدرو يسوقوني لهناك قلت ليهم بس عايزة اشوفو اخر مرة م بعرف من وين جاتني قوة عشان اتحمل دة كلو فتحولي وشو بقيت ببكي بس واتكلم معاه من غير م احس ومن غير اوعى انا بقول ف شنو ولم جو الرجال عشان يشيلو الجثمان ويدفنوهو هنا اتاكدت انو خلاص موتو حقيقة بقيت ف حالة من الصمت الغريب الناس بتتكلم معاي سامعة وم فاهمة بيقولو شنو معاهم بس م معاهم واعية وشايفة بس م مدركة لاي شي كانت اصعب ايام حياتي ايمن كان بالنسبة لي الروح ودلالات الحياة من بعدو بقيت جسد .....جثة متحركة بين البشر ......يتبع

الجزء الجاي اخر جزء ف الفصل الاول الفصل التاني هو حياتها بعد ايمن والحب الجديد اللي دخل حياتها من بعدو

احيانا بتمر علينا لحظات بنفتكر انو احنا انتهينا عندها وم حنعيش تاني بعدها وم حنقدر نتخطاها بس الزمن كفيل يشفي كل الجروح صح م قدر ينسيني ايمن وحبي ليه ولاذكرياتي الحلوة معاه بس اتعودت استمر وانو كل نهاية بتجي بعدها بداية جديدة وكل شي ف الدنيا دي لخير الخير ف موت ايمن انو بالجد ارتاح من تعب الكيماوي ومن الالم الكان بيعيشو ف كل لحظة من اليأس والاحباط اللي كان بيعاني منهم من كل شي كعب مر بيه وبالجد يمكن كان ف مرحلة اصعب من كدة ووجع اكبر من كدة بس ربنا لطف بيه انا لسة بحب ايمن ايمن صحبي واخوي وحبيبي ايمن سندي ضد الايام ومشاكلها م نسيتو ف لحظة والله ولغاية اسي مضت ع وفاتو حاليا3سنوات ولسة وجعي عليه كانو اتوفى الليلة بس الحمدلله ع ما اراد لسة كل يوم بتذكر اقرا ليه قران وادعي ليه بالرحمة والمغفرة لسة م انقطعت من امو وبزورها لسة بتصدق باسمو لسة بختم القرآن كلل سنة عشانو و

بستغفر عشانو ف الصباح والمسا ايمن حبي الحقيقي بس ربنا اراد ليه يرتاح من شقاوة الدنيا ليس إلا........حابة اوصف احساسي وانا بتكلم معاه وهو مكفن لاني بالجد محتاجة افضفض عن حاجة ليها سنين واشاركو مع زول.....نفسي افهم اي زول حبيبو عايش وبيتونس معاه وبيتكلم معاه النعمة اللي هو عايشها م تفرط ف زول انت بتحبو ومهما كانت المشاكل حلوها بس م تفرطو ف بعض غيركم م لاقي النعمة الانتو فيها الحب دة بالجد حاجة حلوة شديد بس م كل الناس محظوظة فيه الله لا ضوقكم وجعة الفرقة العشتها انا ........ف اللحظة ديك اتمنيت لو انا مت معاه سوا م قدرت اتحمل فكرة انو انا م حاشوفو تاني وم حاتكلم معاه م حاسمع صوتو وهوبيناديني وتيني م قدرت اتحمل انو كل واحد فينا بقى ف عالم تاني انا بتكلم معاه وهو م سامعني وهو م بيرد علي انو دي اخر مرة اتامل فيها ملامحو عيونو اللي م حاشوف عيون احلا منها ف حياتي اسلوبو كلامو طريقة لبسو حاشتاق لكل شي فيه كل شبر ف بيتنا بيذكرني بيه بي طفولتي العشتها معاه بلعبنا وضحكنا وهظارنا وونستنا الشارع الدكاكين كل حتة حتى ملامحي بقت منو وطريقة كلامي شامة ريحتو ف كل مكان سامعة صوتو بيناديني من بعيد بس م بقدر اصل ليه مهماا حاولت طيفو اللي م حيفارقني ولالحظة بس المصبرني انو الحمدلله انا قدرت اعيش معاه اللحظات دي كلها اتعلمت منو م ازعل ع الاوقات الحلوة لم تنتهي بس افرح لاني قدرت اعيشها اصلا حبيبي ايمن اللي علمني الحب بحروف ولغة مختلفة تماما عن لغات العالم بالجد لوقعدت ادعي طول عمري عشانك م بوفيك لسة متذكرة انو وعدني انو حتى لومات حيجي كل يوم خميس لي بيتنا اول شي عشان ياخدالحسنات اللي عملتها عشانو بتمني تكون الحسنات دي نافعاه وتتنزل عليه رحمات وتونسو ف وحشة قبرو بس انا الحيونس وحشتي ليك منوبالجد اشتقت ليك ي ايمن ونفسي لو اشوفك مرة واحدة اخيرة اتونس معاك فيها واملي عيوني من شوفة ملامحك اللي م بتشبها ملامح😭😭😭😭😢😢😢😢😢