الجزء 12

والحمدلله بديت سنة تانية باجتهاد اكبر لاني كنت التالتة ع الدفعة وهدفي المركز الاول وبس طبعا ف نظر الدفعة انا مفترية ليس الا لاني م بحتك بيهم كتير بخلص محاضرات وارجع البيت طوالي المهم م علينا مازن سافر الامارات تاني يوم للتخريج وكالعادة بيتصل بي كل يوم ف نظرو انا امانة ايمن ليه وبيحاول يحافظ عليها ودايما واقف جنبي ف كل المواقف

مازن:الو وتين كيفك

_بخيرالحمدلله وانت

مازن :انابخير نحمدالله .....حبيت اتطمن عليكي واقول ليكي اني جاي بعد اسبوع حاطلع شهادتي واعمل الخدمة

_ايواااا ....توصل بالسلامة ان شاء الله

مازن:الجامعة كيف معاكي

_بخيرالحمدلله ...كدي لم تجي عندنا نقة كتيييييرة مع بعض😊😊😊

مازن :خلاص تمام .....وقفل ف اثناء م انا واقفةللمواصلات لانو الترحيل بتاعي سافر لوفاة جات وقفت جنبي عربية

احمد:اركبي

_لاشكرا .....اسي المواصلات بتجي

احمد:انا بس حابي اوصلك وم تنسي اني زميلك ف الجامعة

_تسلم ي احمد بس بالجد م حابة اتعبك معاي وغير كدة طريقنا م واحد شكرا

احمد:انتي فاكرة نفسك شنو عشان تفتري زي دة ....... ولاعشان الجامعة كلها م ليها سيرة غيرك افتكرتي نفسك حاجة كبيرة وعايزة تشوفي نفسك علي كمان

_اسمع هنا انا م بيهمني لا انت ولا الجامعة كلها بتقول عني شنو ولاشايفني شنو فاهم...وبعدين بياتو حق اصلا انت تتكلم معاي بالاسلوب دة رديت عليك بكل ادب فياريت تاخد بعضك وتمشي من هنا واذا فاكرني من نوعية البنات الجاريات وراك ديل تبقى غلطان اساسا لا انت لاغيرك م بتملو عيني واعتقد انت م من حقك اصلا تحكم علي لا بخير ولابشر

احمد:ماشي ي وتين ......اصلا اكتر حاجة عاجباني فيكي عنادك دة وانا اعند منك صدقيني وسبحان المصبرني علي حركاتك دي بس زي م قلتي انتي م زيهم عشان كدة حقك

_لوسمحت ممكن تخليني ف حالي دي الجامعة ملانة بنات ابعد من سكتي لانك بتتعب نفسك ف الفاضي

احمد:م حتكوني لغيري ي وتين .....ومصيرك تجيني

هنا ركبت اول عربية جاتني وخليتو واقف

نسيت م عرفتكم ع احمد ......دة واحد معاي ف الدفعة ولد ماشاء الله وسيم شديد واهلو ناس معروفين ووضعهم كوبس خالص ومدلعنو شديد وف نظرو اي حاجة هو عايزها لازم ياخدها م كنت برتاح ليه لانو زول بتاع بنات ولعبنجي شديد غير انو مغرور .....المهم رجعت البيت وانا جسمي مهبط من الحصل لانو دي اول مرة زول يتكلم معاي بالطريقة دي بالجد اول مرة اخاف زي دة حسيتو وهو بيتكلم معاي عيونو فيها شرار...بديت اهدي نفسي ومشيت صليت وكالعادة قريت سورة الملك والواقعة لايمن ودعيت ليه طبعا بقت حاجة ثابتة عندي من يوم وفاتو وعدو تلاتة ايام كل م اشوف احمد اتهرب منو واتجنبو انا م وعدتو بحاجة ولاكنت بتكلم.معاه اساسا والمغرب كدة اتصل بي رقم غريب لكن كنت بصلي ولم خلصت رجعت للرقم واول م قلت الو جاني صوت ولد

احمد:اهلين وتين معاكي احمد

وانا اول م سمعت الاسم قفلت ف وشو تاني اتصل بي رفضت المكالمة رسل لي رسالة مكتوب فيها ردي والا حتلقيني قدام بيتكم وطوالي اتصل تاني

_عايز شنو ي احمد انا م قلت ليك ابعد مني وبعدين جبت رقمي من وين اصلا

احمد:اولا مساء الخير ثانيا ودة الاهم حبيت اعتذر منك ع طريقة كلامي معاكي اسف لو خوفتك ولو اسلوبي كان حاد معاكي وعايزك تنسي كل حاجة اناقلتها ليكي لانها كانت ف لحظة غضب م اكتر وبعدين حكاية رقمك دي م صعبة نهائي ممكن لو مشيت للمسجل يديني ليه

_ع كل حصل خير وياريت م تتكرر تاني

احمد:جدا ي ستي وبكرر اعتذاري مرة تانية

وقفلنا ع كدة تاني يوم ف الجامعةطلب مني اشرح ليه المحاضرة شرحت ليه عادي واثناء م انا طالعة ف واحد من اولاد الدفعة بقى بيتكلم معاي ويضايقني شديد

يعني احنا نبقى احمد ولاشنو ولا احنا م قدر المقام وم بنعجب اتجاوزتو ومشيت حاول يمسكني من يدي بس احمدشافو ومسكو وضربو وبقينا ف مشكلة وودونا لمكتب العميد وانا اعصابي اصلا كانت تعبانة من الحصل فاكتفيت بس بالبكى احمد حكى للعميد الحصل كلو وقررو يفصلو الطالب دة لمدة شهر وادوهو انذار والكلام وصل لناس بيتنا