الجزء 14
مريم:افهمني ي عبدالحليم بتك لو خايف عليها عرس ليها ياخ اسي دي المشكلة الكم م عايز تريحها
عبدالحليم: مريم اقفلي الموضوع دة وم عايز فيه نقاش تاني ........
هنا امي فقدت الامل ف انو ابوي يقتنع وبدت تحاول معاي انا وكل كم يوم تفتح السيرة مع ابوي ومرات تجيبها ليه بفوق ........واحمد مضايقاتو لي بدت تزيد بيتصل كتير بس ف مرة وصلت بيه الجرأة انو يتبعني لغاية بيتنا ويقيف لي قدامو العصر مرات فحكيت لمازن بقى يوديني ويجيبني وابوي زاتو لاحظ ليه كم مرة وجا سألني عن الحكاية دي ولاني واثقة اني م عاملة حاجة غلط عشان اخجل عليها حكيت ليه وهنا امي استغلت الحكاية وبدت تقنع ابوي بس بطريقة تانية واللي هي انو انا امانة ربنا بيسالو منها يوم القيامة وبقت تتكلم بالهداوة والاقناع بالمنطق وابوي طبعا ولا فكر يستشيرني وقرر انو يزوجني لود عمتي واللي انا اصلا م بعرفو ويمكن م شفتو غير ف المناسبات وقدر م حاولت اقنعو رفض💔وم عندي زول واقف معاي غير مازن
_مازن انا م عايزة اتزوج وحتى لو وافقت ع فكرة الزواج م حيكون من اولاد عماتي نهائي .... مازن انت م عارف هم كانو بيكرهو امي قدر كيف وكل مرة بيحاولو يقنعو ابوي يتزوج عليها لانو جابتني انا وبس وكمان بت💔م عارفين انو هي اتوفت وكانت حامل ف الشهر التاني كانت بتقول لي انا حاجيب ليكي اخ او اخت وبتسالني تسميهم منو بديت احس اني لعنة ع كل البحبهم ماما ماتت وخلتني حتى ايمن الحبيتو بقيت ليه لعنة ولحقها لي بس دة كلو يحصل معاي انا بالذات
مازن:وتين انا عايز اعترف ليكي بحاجة قبل م اقول ليكي اي شي تاني... انا بحبك من اول يوم شفتك فيه من اول شكلة ونقاش بيناتنا بس لم شفت تصرفاتك مع ايمن اتاكدت انو قلبك م بيحب غيرو بس كمان انا م كرهتو بالعكس صحبتي ليه كانت نضيفة وع طول كنت بعتبرو اخوي الصغير ووجعني موتو كانو المات دة اخوي ود امي وابوي صدقني م حصل دعيت عليه انو علاقتكم تنتهي او انو يتأذي بالعكس كنت حانبسط ليكم حتى لو اتزوجتوا وكنت بتمنى ليكم كدة لانو عارف سعادتك معاه هو وبس وانا لم كنت بحافظ عليكي مش بس لانك امانة ايمن لي لا والله بس لاني كنت بعتبرك من مسؤولياتي انا كنت بحافظ عليكي حتى من نفسي لاني بحبك .... واسي انا بعرض عليكي الزواج صح انا بأدي ف الخدمة لسة بس كمان وضعي بيسمح لي اني اتزوج واتحمل مسؤوليتك واحتياجاتك ...م عايز منك رد اسي بس استخيري ربنا وفكري كويس لو كنتي قسمتي حاكون اسعد انسان ولو م قسمتي فاكيد كلو لخير وانا بتمنى ليكي السعادة
طبعا م اتخيلت ف لحظة انو مازن يكون عندو مشاعر اتجاهي ولحظتها لساني اتربط وم قدرت اقول اي حاجة بس بعاين ليه وهو ماشي ومديني ضهرو م بعرف الخلاني استخير شنو يومها وبعد صليت العشا صليت ركعتين ودعيت دعاء الاستخارة ونمت حلمت انو انا ف الجامعة واحمد جا سلم علي وبقى يتكلم معاي وفجأة شكلو بدا يتغير وشو بقى مخيف لدرجة بعيدة وماسك سكين وانا بديت اجري منو واصرخ وفجاة لقيت مازن واحمد اختفى صحيت وانا مخلوعة وبصرخ الكلام دة مع اذان الصبح قمت اتوضيت وصليت وبديت اقرا قرآن كعادتي لايمن وسمعت صوت جاي من الحوش مشيت اشوف حاصل شنو لقيتو انو دة مازن بيقرا قرآن وبعد خلص بقى يدعي لايمن طبعا كنت واقفة وراهو مشيت من غير م اخليه يحس علي وبقيت اكرر الاستخارة لمدة اسبوع وكل مرة بحلم اني ف مشكلة ومازن بيقيف معاي فيها وبعدها قررت اوكل امري كلو لله واوافق وفعلا مازن اتكلم مع ابوي واقنعو بالفكرة وكان العرس ف الاجازة بين السمسترين ونزلت السمستر التاني وانا زوجة مازن بس طبعا لسة م قادرة احبو لكن بديت اتعود ع وجودو معاي لم يتاخر بفقدو طبعا كنا قاعدين مع ناس ابوي ف البيت ع اساس نرحل بيت برانا ف اجازتي بتاعت السنة صح متزوجين بس مازن كان واقف معاي كصديق واخ قبل زوج بس برضو م عندي اتجاهو مشاعر او دة اللي كنت فاكراه انا