الجزء 8
لغاية م ايمن تعب شديد فقررنا نوقف مذاكرة عشان يرجع البيت ف اللحظة اللي وقف فيها وقع مغمى عليه م حسيت على نفسي الاوانا جارية ع غرفة مازن وبصرخ انو يلحق ايمن بس الكويس اني كنت لابسة عباية وجرينا بيه ع اقرب مستشفي وبقى ايمن ع الحالة دي ساعة كاملة كانت اصعب ساعة انتظار تمر علي بعد وفاة امي💔كنت خايفة لدرجة م قدرت استوعب اي شي ولا ارد ع الدكتور وهو بيسالني عن الحصل ليه كنت خايفةالحياة تمتحني بايمن وفعلا احساسي طلع ف محلو ف كل دقيقة عدت علي ف الساعة دي خوفي كان بيزيد واخيرا ايمن فتح عيونو 😢العيون اللي من يوم م قمت م غفلت عني العيون اللي بشوف فيها القوة والسند وبشوف فيها فرحتي
ايمن:وتين!!مالك بتبكي كدة وبعدين حصل شنو ولي انا ف المستشفى
_مافي شي بس خوفتني عليك😢
مازن:شنو ي حبيبنا دة كلو خوف من الامتحان
ايمن:لا والله بس بيكون شوية ارهاق
وف اللحظةدي دخلت امو كانت مع الدكتور وكتب ليهاشوية تحاليل وعايز نتايجهم كانت بتبكي وكانو ولدها مات وم كنا عارفين الايام مخبية لينا شنو لسة وبعد اتطمنا انو كويس وم.حاسي باي وجع رجعنا ع اساس يجي يعمل التحاليل تاني يوم ودة اللي حصل فعلا بس انا م كنت متطمنة نهائي وبقيت كل شوية اتصل عشان اتطمن عليه
ايمن:وتين انا م عترف لي حاسي بقلق وخوف ......لو حصل لي شي عليك الله م تبكي دموعك دي الحاجة الوحيدة اللي م عايزها تنزل الا فرح
كلماتو دي نزلت علي وكانها سهم بس اخدت نفس طويل وبديت اهظر معاه عشان م يخت افكار زي دي ف مخو وعشان كنت محتاجة فعلا اني م اصدق الافكار دي
_انت بس اتكل ع الله وبعدين نشوف موضوع البكا دة😅ياخ والله بنظبط زلابية بشاي لبن فظيييييعة لكن م تموت اسي ياخ لبسني الدبلة اول عشان م يقولو علي خفيفة وقليلة حيا
ايمن:فايدة م فيكي حتفضلي متخلفة وبعدين انا اصلا م داير اخطبك عشان م تاني اجي اعرسك ف الجنة كفاية الدنيا حتقاشريني ف الاخرة كمان دايرين نتفرغ للحور العين😂😂😂😂😂
_متخلف زاتو ان شاء الله تمشي جهنم😑😑😑
ايمن:ان الله غفور رحيم
_م تنسى شديد العقاب😒😒😒
المهم اتونسنا كدة لغاية م فجأة بقيت بتكلم براي😂😂😂😂اتطمئنيت شديد ف اللحظة دي لانو ف نظري الولد او الرجال عموما م بينوموا ف أثناءالمكالمة الا اذا كانو مطمئنين وحاسين براحة نفسية مع الزول البيتكلمو معاه دة بالذات احساس حلو
وكانت نتيجة الفحوصات بعد اسبوعين وهنا بدت الوجعة الكبيرة وحياتنا انا وايمن اتغيرت للابد