الفصل السادس عشر

سكتته مسااااااااافه وقولته ليهو نعم؟قال لي شههد؟قولته ليهو منو معاي؟سكتت م ردة، انا من خلال الصوت عرفته انو دة هو بس كزبته نفسي، قال لي معاك يوسف، لما قال كدة انا قلبي عمل شح، قولته ليهو عايز شنو؟مش الإختبار العملتو لي انا فشلته فيهو؟يلا امشي فتش ليك واحدة جديدة اعمل فيها نفس الحركه دي مره تانيه، قال لي بغض النظر عن كل الحصل بينا نحن لازم نقعد ونتكلم، قولته ليهو نتكلم؟؟؟هو فضل شي نحن المفروض نتكلم فيه؟وكمان فاتح نفسك وبتقول لي نقعد ونتكلم؟؟؟انت م خليت لي سبب واحد يخليني اقعد معاك علشان اتكلم معاك فيهو انت، قال لي لا في ومليون سبب كمان، انا اشتقته ليك، قولته ليهو اشتقته لي؟ضحكته ضحكه خفيفه وقولته ليهو علشان م قدرته تحصل الانت عايزو عايز تحاول مرة تانيه صح؟قال لي شهد اسمعيني مرة واحدة بس وبعدها اقفلي الخط ولو حسيتيني بكذب عليك انا الحأنسحب وم حأحاول ارجع واحاول معاك مرة تانيه بس بعد م اخلص كلامي وانا سلفا جاي وم متوقع منك اي شي بس عايزك تسمعي العايز اقولو،

"انا م بكذب عليك بالفعل اول م ابتدت علاقتي بيك م كنت جااادي معاك ابدا، بس انتي كنتي بتحبيني ودي فرصه وجاتني في محلي بت بتحبني وبتحاول بكل الطرق انها توصل لي مشاعرها اي ولد كان في مكاني كان حيستغل الحاجه دي الا من رحم ربي، انا عمري م دخلته في علاقه جادة، وعمري م اقتنعته بحاجه اسمها حب، بدخل في علاقات وبطلع على كيف كيفي، م بتهمني مشاعر بت اذا حبتني بجد او لا المهم وقت م عايز اطلع من علاقه بطلع منها، ووقت م عايز اختفي بختفي، ووقت م يكون نفسي اللعب بي بت بلعب بيها وبفكهاا، يمكن انتي حاليا تكوني شايفاني تافه وصعلوق وناقص رجوله وكل صفه كعبه فيني، بس ي شهد انا عمري م طلبته من بت حاجه م تمام، او جبرتها على حاجه، او فرضته عليها حاجه، هم اللي بسلمو نفسهم بنفسهم، هم البدوك الأريحيه في التعامل معاهم، م بقدر اقول ليك انو هم م بنات ناس او م كويسات بس دي الحقيقه ونحن عايشين وشايفين الحاصل في البلدي شنو، انا شخصيا واحد من الناس ثقتي بقت معدومه في اي بت بشوفها لا م كدة وبس حتى فكرة انو انا اتعرف على واحدة واحبها وعلاقتي بيها تطور و...م عندي رغبه في حاجه زي دي، وانتي لما دخلتي حياتي انا من يوم شفتك فيهو في الحفله ومعاك صحبتك وسن وانتي لابسه الفستان القصير داك صراحه نظرتي تجاهك في اللحظه ديك كانت م تمام، ولما عملته حادث وجيتوني زيارة في المستشفى لحظتها انا فهمتك من تصرفاتك وكنت واثق انو انتي حتجي لي برجولك، وبالفعل دة الحصل، كنت حأستغلك بجد واللعب بيك زي غيرك وامشي اخليك، يوم م كنا في الشقه لأخر لحظه كنت حأعمل فيك العايزو واطلع وامشي بت طلبته منها تمشي معاي وبكل بساطه وافقت عايز شنو اكتر من كدة تاني؟، بس كلامك القولتيهو لي استفزاني شدييد، والبكى البكيتيهو م عارف الحصل علي شنو بالظبط بعد م شوفتك بتبكي بالطريقه دي، اتراجعته وانا حاسي اني صغير قدام نفسي,م كنت عايز اسمع منك ولا كلمع، كنت سايق وم شايف قدامي، م بتصدقيفترة انفصالنا دي كانت صعبه علي قدر شنو، بس كانت اااهم فترة انا بالزات كنت محتاج للفترة دي، وللعلاقه دي، وللطاقه السلبيه دي عشان اراجع بيها نفسي، احيانا بنسى انو نحن منفصلين وبشيل تلفوني وبفتش رقمك عشان اتصل عليك بس لحظه بتزكر الحصل، شهد بإختصااار شديد انا بحبك، وربنا عالم بحبي ليك ومشتاق ليك بجد، يمكن تكوني انتي الوحيدة القدرتي تندميني على العملتو معاك، مع اني خايف اني ارجع اخسرك مرة تانيه، بس طالما نيتي تجاهك سليمه م حأخلي اي مجال او سبب يخليني اخسرك، م عارف اذا حتصدقيني او لا بس انا عمري م طلعته عيوبي لبت وكونو اجي اقول ليك كل الحجات دي عني حتى انا م عارف بقولها كيف بس حبيت افهمك انا شنو بالظبط... طبعا وانا ساكته وببكي، حاولته الخط في وشو بس م قدرته بقيت ابكي ليهو في الخط، قال لي شهد لو في سبب بخليني أبعد واتنازل هو بكاك دة ابدا م عايزك تبكي، حأعتبر ردك وصلني يلا سلام وخلي بالك من نفسك، قبل م يقفل قولته ليهو انتظر قبل م تقفل حابه اسألك سؤال، سكت م ردة، قولته ليهو م نفسك تتغير علشاني؟؟هو سكت وانا فضلته ساكته منتظرة جوابو، بعد مساافه قال لي شهد انتي جادة؟قولته ليهو ي حيوان حأكذب مثلا

قال لي حااضر عشانك كل شي يهون، قولته ليهو م حيكون في بنات حتقدر تتخفى عن عادتك النسونجيه دي؟قال لي مش انتي في؟معناها انتي كلهم

بقيت ابكي، قال لي خلاص وقفي بكى لأنو بكاك دة بديني احساس انو انا كذاب، قولته ليهو وانا م واثقهه فيك ابدا، قال لي مش حتديني فرصه؟يبقى كل حاجه تهون عشانك حتى الثقه حترجع، قولته ليهو طيب انا مصدعه علشان كدة حأنوم، قال لي اخدي ليك حبوب مسكن معاك في البيت؟قولته ليهو ايوة، قال لي متأكدة؟عشان لو م عندك حأجي اجيبهم ليك وارجع، قولته ليهو لا معاي يلا سلام، قال لي خلي بالك من نفسك، قولته ليهو حاضر، عايزة افصل قال لي استني، قولته ليهو بصوت زهجان كدة اهااا؟قال لي بحبك

طبعا سكته وم قدرته ارد عليهو وقفلته الخط، م عارفه اذا العملتو دة صح او لا واذا الفرصه دي هو بستاهلها او لا بس لو م اديتو فرصه كنت انا الحأتعب اكتر وحأفضل اللوم نفسي على الحصل، حتى انا كنت محتاجه للفرصه دي معاه، عايزاه يخيب ظني فيه ويغلط مرة تانيه علشان اطلع من العلاقه دي بقناعه، وانا واثقه انو هو حيعمل كدة علشان كدة اديتو الفرصه دي علشان عايزاه يطلع من نفسي بالمره، لأنو طول م انا بحبو كدة حأقدر ابعد منو من غير سبب مقنع كفايه بعد الكلام القالو دة كلو، نمته بي صداعي داك، اليوم التاني حوالي الساعه 1 كدة رامي من ضمن الأيام جا راجع البيت بدري، لقاني قاعدة مع ماما وياسيمين بنشاهد، قال لي ماما لدن بتك وين؟قالت ليهو طلعت، قال ليها انا عارفها طلعت لاني متأكد م حتقعد في البيت لكن طلعت وين؟قالت ليهو م عارفه والله، قال ليها ي امي البت دي م تخليها تطلع من البيت وانا قبل كدة كلمتك م تخليها تطلع من البيت، قالت ليهو المشي دة م بقدر امنعها منو خليها تمشي محل م ماشه، قال ليها ي امي انتي كلامي دة في مصلحة بتك، قالت ليهو احبسها يعني مثلا؟سكت وطلع غرفتو زعلان زعل، قولته ليها ماما بالمناسبه رامي اسي كلامو دة ابدا م غلط، وانتي عارفه بتك وعارفه طبيعه مشاكلها لما هم يتكلمو معاك كدة علشان اختهم هم شنو، رامي جا نازل سمعني بتكلم معاها، قال لي شهد اقفلي الموضوع، قولته ليهو م بقفلو م شايف امك بتساير في الغلط، قالت لي ي زوله غلط شنو البتعمل فيهو هي؟مش طلعاتها دي خليها تطلع زيها زي الناس قاعدة تمشي بيوت مشبوهه هي؟؟لمن تسمعو انها طلعوها من بيت دعاره بعداك واحد فيكم يجي يتكلم وكان طلعوها من بيت دعارة زاتو انا بتحمل مسؤليتها، رامي قال ليها ي امي كدة استغفري؟سكتن، قولته ليها انتي وبتك حرين بس بكرة م تندمي على كلامك دة، رامي مشى وانا تبعتو، شلته التلفون اتصلته على مجاهد واتونسته معاه كدا، قولته ليهو م نفسك تجي تسلم علينا؟قال لي انتو ليه م بتعرفو شارع بيتي؟قولته ليهو مجاهد الله يخليك م تزعل من ماما، قال لي شهد انا ابدا م زعلان منها ي بت في زول بزعل من امو؟قولته ليهو بس من يوم حصل الحصل وانت م جيتنا راجع تاني مع اني بحنسك تحنيس، قال لي شهد والله مشغول والشغل فوق راسي دة السبب، قولته ليهو بقيت م بتحبني زي زمان

قال لي طيب برجع ليك المساء تمام؟قولته ليهو شايف؟قال لي يلااا سلام

العصر انا راقدة في الكنبه وماسكه تلفوني، فجأة احس بي زول شال مني تلفوني، رفعته راسي لقيتها لدن وبتفتش فيهو كمان، قولته ليها بسم الله في شنو؟رمت لي تلفوني بكل قوتها في الأرض وكسرتو وضربتو بي رجلها، قمته على حيلي قولته ليها انتي مجنونه؟ قالت لي سواطه ي قواله ي حاقدة ي حيوانه، م انتي طول اليوم برة البيت ولافه في لفك في زول قاعد يسألك ولا بقول ليك جايه من وين؟قولته ليها اسي انتي مالك فايرة؟قالت لي عارفه روحك عملتي شنو م تتغابي لي فاهمه ولا لا، قبل كدة كلمتك وقولته ليك م تدخلي في حياتي، اطلع ولا ألف ولا اعمل السبعه وزمتها م تدخلي انتي م مسؤله مني بتحشري انفك ليه؟ بتتصلي على مجاهد وبتحكي ليهو بي طلعاتي ليه؟بدل م تركزي معاي ركزي مع نفسك ي معاقه، م جسمك بس الكان معاق حتى عقلك معاق، بس انا مع كلمه معاقه دي م قدرته اتمالك نفسي وكشطتها كف، قولته ليها دة علشان عدم اسلوبك، جرتني من شعري ورمتني في الكنبه وبقينا نتضارب، حبوبه جات جاريه وبقت تفك فينا، لدن لزت حبوبه لمن رمتها، ماما جات رفعت حبوبه وبعد صراح فكت لدن، لدن بقت تنبذ، اول م فتحته خشمي قولته ليها انل زيك انا لو زيك بولع في نفسي بجاز ماما ادتني كف وقالت لي اسكتي!قولته ليها ماما انتي بتضربيني انا وبتك الغلطانه؟قالت لي حتى لو غلطانه دي اختك الكبيرة كيف تمدي يدك عليها، قولته ليها اناااا م سألتها ابدا، جات لقتني قاعدة كسرت لي تلفوني وياهو واقع قدامك، وشوفه عينك رمت حبوبتها كيف!بتك م مربيه ي ماما محتاجه تربيها من اول وجديد، فجأة مجاهد جا داخل، لقانا بالخاله النحن عليها طبعا، قال لينا في شنو ي جماعه؟ماما قالت ليهو ماف حاجه نقاش بسيط بس، وانا ببكي طبعا، قولته ليهو لا م نقاش بسيط ولا اي شي مجاهد انا لما اتصلته عليك قولته ليك شنو؟جبته ليك سيرة لدن دي؟حصل انا اتصلته عليك وقولته ليك لدن دي حيه ولا ميته؟قال لي ابدا في شنو؟قعدته احكي ليهو، قالت ليهو كزابه ومنافقه ولو على المشى م هي طول اليوم لافه بس فلاحتكم دي م بتجي الا علي انا، قال ليها اسكتي هسسس م اسمع منك ولا كلمه، شهد اطلعي فوق سرعه، طلعته وخليتهم

مجاهد قال ليها انا لما اتصلته عليك وقولته ليك م اجي اللقاك بره البيت وقتها اتصل علي رامي وكلمني بي حركاتك ابدا م شهد وكنت واثق انو انتي برة البيت، تاني شي شهد دي واحدة من الناس لو جات راجعه البيت الساعه 1 صباحا ماف زول بسألها لأننا عارفين هي شنو وعارفين اخلاقها كيف وعارفنها بتعمل في شنو انتي م تقارني نفسك مع شهد ابدا، ودي اخرة مرة اتكلم فيها معاك بالتي هي احسن فاهمه ولا لأ؟م اللقاك برة البيت م اسمع بيك طلعتي فاهمه؟بتكلم معاك بقوم اشوتك اسي!!قالت ليهو فاهمه، قال ليها انتي زوله كبيرة يااخ م تجبرينا نتعامل معاك معامله الشفع، بعد م خلص جا لاحقني فوووق لقاني ماسكه تلفوني وبعاين ليهو وببكي، قال لي شهد، م رديت ليهو، قعد جنبي قال لي انا عارف لدن وحركاتها لكن انتي برضو غلطتي م كان ترفعي يدك على اختك الكبيرة، قولته ليهو انت م عارفها عملت شنو ولا قالت شنو، لما كسرت تلفوني انا سكته، بعدها قعدت تطالو وقالت لي معاقه كأنو الاعاقه دي حاجه بنبذو بيها زول وكدة، رفع لي راسي ومسح لي دموعي، قال لي انتي معاقه؟سكته، قال لي بتكلم معاك جاوبي، قولته ليهو بس كنت..

قال لي كنتي يعني م اسي، وبعدين هي المعاقه م انتي لأنو تفكيرها عقيم وعمرها الاعاقه م كانت اعاقه جسم ابدا، بس انا عايز منك حاجه واحدة حاولي اتجاوزيها حتى لو غلطت عليك في انتي كبري عقلك لاني مقتنع بي فكره انها جاهله تمام ي شهد؟وبعدين هي اختك الكبيرة يعني مهما حصل وحصل بينكم يعني والله عيب منك تمدي يدك عليها صح ولا م صح؟سكته، قال لي ها، قولته ليهو صح، قال لي خلاص طيب امسحي دموعك وقومي غسلي وشك عشان نطلع، قولته ليهو وين؟قال لي قومي بس يلا انا منتظرك تحت، غسلته وشي ونزلته ليهو، ، اول شي مشينا اتعشى ويشيل ويونس ويخلق مواضيع علشان ينسيني الحصل، بعدها مشينا اكلنا ايسكريم، ونحن راجعين جاتو مكالمه، قال الوو؟جاهز؟طيب تمام جاي عليك، قولته ليهو م راجعين البيت؟قال لي عندي مشوار خفيف كدة نمشيهو ونرجع، قولته ليهو طيب، مشى مساافه بعدها نزل قال لي خليك في العربيه، انتظرتو مساااااااافهه بعدها رجع كان شايل كيس في يدو، سكتته سااي قولته يمكن حاجه خصوصيه، لما وصلنا البيت وعايزة انزل قال لي انتظري، قولته ليهو اها؟قال لي اتفضلي، قولته ليهو شنوو؟قال لي الكيس دة ليك، قولته ليهو بالجد؟فيهو شنو؟قال لي اكيد م ناويه تشتغلي بي تلفونك المكسر داك صح؟قولته ليهو انت جايب لي تلفون يعني

قال لي يعني ي غبيه في واحدة غيرك اسمها شهد هنا؟قولته ليهو ياااخي شكرا بجد م عارفه اقول ليك شنو، قال لي شكرا؟ي بت انا اخوك شكرا في عينك، قولته ليهو طيب جيب بوسه، قال لي لالا بخجل عيب عيب وقعد يضحك

بعدها دخلته البيت وهو مشى لانو قال م بقدر يدخل معي الزمن اتأخر، دخلته البيت شلته شريحتي من تلفوني الكبير ودخلتها في تلفوني الجديد، اول م دخلته الشريحه وختيت التلفون في الدرج دخلته الحمام استحميت، طلعته لقيت مكالمات كتيرة، وكلها من يوسف، شلته التلفون عايزة ارجع ليهو بس اتصل، اول م فتحته الخط، قال لي شههد؟انتي كويسه؟بتصل عليك تلفونك مقفول ليه؟قولته ليهو رووق ماف شي والله، قال لي كيف ماف شي يعني قفلتيهو مزاج؟ قولته ليهو لا بس تلفوني اتكسر دة السبب، قال لي لا حول الله انا والله قلقته وم عرفته اعمل شنو قولته بس حاصله ليك حاجه، قولته ليهو انا تمام الحمدلله انت امسيت كيف؟قال لي تمام بس كنت مقلق عليك، قولته ليهو اسفه طيب، قال لي صوتك متغير انتي كويسه؟قولته ليهو بس مرهقه شويه، قال لي امس صداع واليوم ارهاق مش المفروض تراجعي الدكتور؟قولته ليهو م بحتاج، قال لي لا ماف حاجه اسمها م بحتاج، قولته م بحب الدكاترة انا

قال لي لييه بس؟ قولته ليهو اصلا انا قضيت عمري كلو في المستشفيات علشان كدة، قال لي كيف؟قعدته احكي ليهو عن الحاصل معي زمان وعن ابوي ربنا يرحمو وببكي، قال لي خلاص بطلي بكى وهو زاتو صوتو بقى مبحوح وانا بحكي ليهو، قعد يتكلم معي ويواسي فيني وانا ببكي لغايه م نمته ليهو في الخط، اصلا عندي العادة دي

بعد اسبووع من الكلام دة في يوم اتصل علي قال لي عايز اشوفك، قولته ليهو اليوم؟قال لي ايوة في موضوع ضروري عايز اقولو ليك، قولته ليهو طيب تمام، قال لي لما تجهزي اديني مكالمه ماشي حبيبي؟قولته ليهو اوكيشن، جهزته واتصلته عليهو قولته ليهو انا منتظراك نتلاقى وين؟قال لي حأجي قريب من البيت انتي خليك جاهزة م تطلعي الا لما اتصل عليك، قولته ليهو ماشي، انتظرتو كداا بعدها اتصل طلعته ليهو اول م ركبته قال لي عايني دة شنو اللبس دة ليه لابسه كدة؟قولته ليهو دة لبسي الطبيعي وين الجديد؟قال لي لا ماف حاجه اسمها دة لبسي الطبيعي تاني ماف حاجه اسمها دة لبسي كدة، قولته ليهو م انت طول عمرك بتمشي معي كدة اسي الاتغير شنو، بقى يعااااين لي مسااااااااافهه وقال لي حاليا كل شي إتغير تمام وم تناقشيني في الموضوع دة، بقى لافي بالعربيه، قولته ليهو حنلف كدة؟قال لي ااي عشان م حننزل وانتي بالمنظر دة واتزكري المرة الجايه تلبسي كويس تمام؟قولته ليهو يوسف خلاص لو متضايق كدة نزلني في اقرب شارع وخلاص، قال لي انا لو عايز كدة كان نزلته معاك، قولته ليهو انت خجلان من لبسي؟قال لي لا بس م بتعجبني فكرة انو كل الناس دي تكون عيونها عليك وتاخد الأريحيه وتعلق عليك ويقولو عليك كلام م تمام ودة كلو عشان لبسك وم تخلينا نتشاكل باقي اليوم دة فاهمهه ولا لأ؟قعدته اعاين ليهو ودخلته ليهو اصبعي في خشمي وقولته ليهو بصوت طفولي يعني انت بتغييير؟؟؟بقى يعاين لي مسااافه وقال لي في زول م بغير على حاجه بتخصو ؟...

...