الفصل السابع

، الصباح صحيت على صوت تلفوني بضرب رديت لقيتها وسن قالت لي شهد انا عايزهه اضيف رامي اخوك في الفيس على الأقل كدة ممكن اراقبو من بعيد لبعيد ؟؟ قولته ليها وسن انتي مجنونه؟قالت لي اها اعمل شنو م هو انتي م ممكن تخليه يوصلني لغايه جامعتي وانا اتعلق بيه وبعدين تخليني كدة

قولته ليها عايني الخطهه (B)بوريك ليها بعدين اسع خليني انوم فاهمهه؟قالت لي سمح، قولته ليها وكمان تاني م تتصلي علي من الصباح كدة، قالت لي حاضر، قولته ليها يلا اقفلي، ، ، المساء رامي جا مشيت قولته ليهو رامي كدة تلفونك خمسه دقايق بس، قال لي عايزهه بيه شنو؟قولته ليهو م تخاف م عايزهه افتشه بس عايزة اعمل منو مكالمه، قال لي في الغرفه فووق في كروت شحن امشي شيليها، قولته ليهو م هو انا لو قادرة اطلع فوق م كان طلبته منك جوالك، قال لي اوف هاك ي شهد، شلته من التلفون ومشيت المطبخ، اول م اتصلته الخط فتح، قولته ليها وسن دي الخطه (B)فااهمه بعد ربع ساعه بالظبط اتصلي على رامي وقولي ليهو لقيت مكالمه من الرقم دة اوكيه؟قالت لي انتي منو؟قولته ليها احيبن وسن ركزي انا شهد ودة رقم رامي، قامت تصرخ دة رقم رامي واي احوبك احوبك، قولته ليها روقي وبطلي خفهه واعملي زي م قولته ليكك، قالت لي حااضر بتصل اقول ليهو انت رامي؟قولته ليها لا ي غبيه بس قولي ليه انو جاتك مكالمه من الرقم دة فاهمه؟يلا افصلي علشان حأحذف المكالمه دي واتصل عليك تاني، حذفتها واتصلته عليها تاني فتحت الخط، قولته ليها ي غبيهه، قالت لي اهاا، قولته ليها م تفتحي الخط

ضحكت قالت لي وربي نسيت يلا خلاث، بعد مسافهه طلعته من المطبخ رجعته لرامي تلفونو، قال لي خلصتي؟قولته ليهو يب، قال لي اوكيهه طيب، طبعا دخلته المطبخ منتظرهه، ومراقبه، شويه كدة رامي جاتو مكالمه بعدها نده علي قال لي شهد، قولته ليهو ايوة، قال لي هااك، شلته التلفون وعملته روحي بتكلم معاها على اساس انها م ردت وكدة، قالت لي اها وبعداك اعمل شنو؟قولته ليها برجع ليك بي تلفوني، بعد يومين بالظبط العصر كدة سامعين صووت اسعاف في الحياة طلعته وقفته في شباك البلكونهه لقيتو واقف قدام بيت ناس وسن والغريبه انا الصباح كنت معاها نزلته مستعجله طلعته لقيت وسن بتصرخ وبتقول امي، امي انتي كويسه صح م حاصله عليك حاجه اكييد وامها شايلنها بالنقاله، مسكتها قولته ليها وسن في شنو خالتو نون مالها؟قالت لي م عارفه ي شهد فجأة بس وقعت م عارفه الحاصل عليها شنو بالظبط

طبعا انا اتخلعته وحيلي مات، حبوبه ركبت مع ناس الاسعاف اما وسن علشان بتبكي وبتصرخ م خلوها تركب، قولته ليها انتظري اطلع العربيه من البيت ونلحقهم، قبل م اكمل كلامي رامي جا وقف، جريت عليهو قولته ليهو رامي كويس انك جيت ممكن توصلنا المستشفى علشان خالتو نون دي تعبت وساقوها بالإسعاف اسي، قال لي اركبو طوالي، ركبنا ووسن دي بتبكي بطريقه هستيريه وبتقول لي شهد انا م عايزهه اخسر ماما م عندي غيرها في الدنيا وربي انا لو حصلت حاجه لماما همون ي شهد م بقدر اتحمل وربي م بقدر ي شهد

رامي عاين ليها بالمرايه وقال ليها استهدي بالله وقولي بسم الله امك ان شاءالله حتتحسن وتطلع افضل من الأول م تقولي كدة انت وادعي ليها، قولته ليها وسن حبيبي زي م قال ليك رامي ادعي ليها، بقت تتكلم وتتكلم لغايه م وصلنا المستشفى ونزلنا، اول م عتبنا عتبه باب المستشفى كدة وسن وقعت، طبعا انا بقيت اصرخ بس، رامي شالها دخلها المستشفى ودوها غرفه كدة ادوها دريب، وانا طبعا خلاص اعصابي تلفت وبقيت خايفه خوف الموت، رامي فتش على ناس حبوبه ولقاهم، امها طلع عندها ازمهه وهي اصلا بتضايق مع الجو المغبر والمفروض م تطلع لما الجو يكون كعب وكدة، وم كان عندها بخاخ في البيت علشان كدة تعبت، فضلنا معاها اسبوع ماشين وجاين لغايه م بقت كويسه بعدين خرجوهم، بعد يومين مشيت ليهم في البيت وسن قالت لي م وريتك امس اخوك اتصل علي، قولته ليها كذابهه والله، قالت لي كان حابب يتطمن على صحهه ماما وكذا، قولته ليها وتاني؟قالت لي وبس

قولته ليها يلا عايني الخطه" C"حتقومي ترسلي ليهو واتساب تمام، قالت لي اقول ليه شنوو؟قولته ليها اشكريهو على وقفتو معاك ايام مرض امك وطلتو الدايمه عليكم وكذاا وم تختصري الكلام معاهو م شنوو م تختصري الكلام معاهو وم تردي عليهو سرعه خليه ياخد وقت بعداك ردي علشان الدردشه تستمر وم تقيف، واقشري بي صورك المجنونه في الاستوري بتاعتك فاهمه يعني اليوم واليوم التاني اجدعي ليك صوره تكون ظابطه، والمره دي ي صابت ي خابت ي لفتي نظرو ي اما خليتيه يفلسع منك، قالت لي وكان فلسع

قولته ليها بعدها تبقى مشكلتك وغبائك، بعد شهر من الكلام دة في يوم اتصلت علي قالت لي ي شهد، قولته ليها ايوة، قالت لي عايزاك تمشي معاي مشوار بتقدري؟قولته ليها مشوار وين؟قالت لي بس مشوار ي زوله حتمشي معاي؟قولته ليها طيب تمام بس الشمس سخنه، قالت لي م سخنه ولا اي حاجه ياخ، قولته ليها طيب اجهزي وتعالي نمشي، جاتني لابسه عبايه وطرحه وانا لابسه بنطلون وقميص وشبط، قالت لي حتمشي كدة؟قولته ليها لو م عاجبك بغيير رأي اسي، قالت لي انصحك تلبسي حاجه كويسه، قولته ليها ي زولهه؟قالت لي خلاص خلاص ارح شلته نظارتي الشميهه وطلعنا، وقفت بتاع امجاد، قولته ليها المشوار بعيد يعني للدرجه دي؟قالت لي ساعهه ونص بالكتير علشان نصل، قولته ليها نعم؟قالت لبتاع التاكسي ماشين سوق امدرمان لو سمحته، قولته ليها سووق شنو؟ودة وين دة كمان، بتاع العربيه قال لي هو اسمو سوق امدرمان يعني حيكون وين اكيد في امدرمان ي بتي، قالت ليهو اها حتودينا بي كم؟قال ليها المعقول بس ي بتي، قولته ليها انتي م جادة طبعا سوق في الشمس دي عايزة شنو بالظبط، قالت لي اركبي ي شهد، قولته ليها "احين" وربي لو كنت عارفه م كان وافقته امشي معاك، قالت لي علشان عارفاك م حتمشي م حبيت اكلمك ه، قالت لي بالمره اوريك جامعتنا، قولته ليها يعني هو جمب جامعتك وانتي طول الفترة الشغاله فيها جامعه م قدرتي تشتري منو احتياجاتك؟قالت لي فاكراني زيك كل الوقت بكون مقرشه

قولته ليها اسكتي مني هس، قالت لي هسيا، السواق قال لينا اسي انتو صحبات يعني؟قولته ليهو ابدا ي عمو، وسن قالت ليهو بري ولا بعرفها، ياخي المسافهه بعيدهه لدرجه كدة خياليه كل مره اقول ليها لسسهه؟تقول لي لسه ي بت، قولته ليها كان تكلميني اهو نحن حنسافر علشان اشيل معاي غياراتي واكلي وشرابي اسي انتي بتجي المسافه دي كل يوم؟السواق قال لي شكلك اول مره تمشيها

قولته ليهو واخر مرهه ان شاءالله، قال لي ان شاءالله م اخر مرهه والله تزوريها مرهه واتنين وتلاته، عاينته ليهو بي طرف عيني وسكتته للحظهه كنت هقول ليهو سوق سواقتكك وانت ساكت، وصلنا السوق من البدايه قال لينا بعد كدة الزحمه م بقدر ادخل، وسن قالت ليهو م مشكله ي عمو يلا هاك حسابك، ادتو القروش ونزلنا، قبل م يتحرك قال لي ان شاءالله تلقيلك عريس من هنا يسكنك في البلد الكارهاها دي، وسن قعدت تضحكك، قولته ليها البلد دي ناسها عندهم هرمون اسمو الهبل الزايد ولا حاجهه؟قالت لي دعوتو سمحه ياخ ومنها يومي ازورك من الجامعهه، قولته ليها حيوانهه دي وبعدين حنمشي لغاايه وين؟قالت مسافه بعيده شويه، قولته ليها وسن انا بكرهكك يلا، فضلنا ماشين مساافه، كل م نجي مارين بي محل ملابس بقول ليها تعالي ندخل هنا وشوفي العايزاه، بتقول لي لا، ، جينا مارين بي واحد خته يدو في نصو وقاال لي احينا منك انتي والماشه معاها، وسن قالت لي جبتي لينا الشبه شايفه الناس كلها بتعاين لينا، قولته ليها وانا مالي اذا هم متخلفين، قالت لي ي بت انتي في امدرمان عارفه يعني شنو امدرمان؟يعني ماف حاجه اسمها اوبند مايند زي م عندكم في نيويورك اسي لو كنا طالعين مشوار في الخرطوم جوة الموضوع عادي لكن هنا في امدرمان الموضوع غيير فهمتي؟علشان كدة قولته ليك اللبسي كويس، قولته ليها مع نفسهم وانا مالي وبعدين نحن حنمشي اكتر من كدة لأني تعبتهه والله عايني الساعه 4 بجد، قالت لي خلاص قربنا، قولته ليها وبعدين يع ياخي السوق دة مالو وسخان ومقرف كدة يااخي انتي الله م كتر الا المولات في البلد دي بتشتري من السوق ليه، قالت لي معليش انا مسكينه وابوي مافي وم عندنا شركات ولا اخوان اكبر مني علشان يصرفو لي قروش اكملها في ملابس المولات الاسعارها خرافيهه دي

قعدته اضحك قولته ليها قصدك شنوو؟قالت لي ولا شي يلا خلاص قربنا، ، ، جينا بي شارع كدة زحمه الناس كلها بقت تعاين فينا مسكتني من يدي ودخلتني محل كدة، عاينته يمين وشمال قولته ليها دة شنوو؟قالت لي وصلنا وفجأة اسمعها بتقول السلام عليكم، اتلفته على صوت بتاع المحل وهو بقول: وعليكم السلام...

...