الفصل الثامن

غمضتهه عيوني وغطيتهم بي يدي اسيل قالت لي في شنوو مالك؟وبقت تقول لي شهد اتكلمي طبعا بقت في لحظهه صمت كدة غريبهه خلاص واسيل شغاله تقول لي شهد اتكلمي دكتور خالد قال لي نزلي يدك من وشك وكدة حاولي تفتحي عيونك تاني دكتور فارس قال لي يلا فتحيهم براحه نزلته يدي وفتحتهم تاني ورجعته غطيتهم بي يدي بسرعه اسيل قالت لي في شنو مالك؟طبعا الباقي كلهم متوترين وماف زول قادر يتكلم طبعا انا كل مافتح عيوني بحس بي نور قوي داخل عيني عشان كدة بغمضهم قولته ليها ياخ في اضاءة قويهه بس داخلهه عيوني اقفلي الشباك دة م قادرة افتح انا

طبعا فجأة دكتور خالد قعد يضحك قال الحمدلله ي رب خوفتينا ياخ ابوي قال ليهو يعني نجحت؟قال ليهو ايوة امي قعدت تزغرت ياخ فجأة كلهم بقو يقولو لي حمدلله على السلامه وانا لسه م فتحتهه عيوني كويس ولا شوفته زول زاتي دكتور فارس قال لي افتحي عيونك لازم نتأكد انو نظرك تمام قولته ليهو لالا م بقدر م بقدر وانا خاتهه يدي في عيوني قال لي م تخافي من الاضاءة حاولي افتحيهم براحهه بس شويه شويهه الاضاءة قويه عشان انتي عندك فترة م شايفهه فهمتي نزلته يدي وفتحته بالرغم من قووة الضؤ الداخل عيوني كنت بحاول

دكتور خالد قال لي يلا ي خوافهه بطلي خوف بعد تعب فتحتهه عيوني بس برضوو خاته يدي في وشي اول زول شوفتو اسيل وواقف جنبها راجل مدخل يدينو في جيوبو اسيل حركت لي يدها قالت لي شايفاني؟ دكتور خالد جا نزل لي يدي قال لي ها شايفهه الواقفهه قدامك دي منو؟قولته ليها اسيل بتبشري مالك كلهم قعدو يضحكو اسيل قعدت تصرخ قالت لي اخيرا ي غياظهه امي قالت الحمدلله الحمد للهه يارب الدكاتره قالو لي الف سلامهه عليك ياخ طبعا انا زاتي م مصدقهه انو انا خلاص رجعتهه اشووف وقعدتهه ابكي دكتوور خالد قال لي لأ لأ الا الدموع م في مصلحتك خالص

تبيان جات قالت لي شهودتي ياخ اخيرا وربي مبسوطه حد الانبساط قولته ليها تبوو اتغيرتي ولا انا طولته م شوفتك؟ضحكت قالت لي لا بس انتي الطولتي م شوفتيني خالتي جات مسكتني حضنتني دكتور خالد قال لي الحمدلله ي شهد والله انبسطنا ليك شديد وزعلانين في نفس الوقت لأنو حنفقدك وحنفقد القلبهه بتاعتك وجوطتك في دكتور قال ليهو قول ياخ حنرتاح منها وقعدو يضحكو قولته ليهم بالمناسبهه وين الدكتور القصير اسي مش كنت سامعه صوتو دكتور خالد قال لي الدكتور القصير دة منوو دة كمان؟قولته ليهم دكتور فارس وينو

دكتور خالد ضحك واتلفت قال ليهو دكتور فارس انت من متين بقيت قصير؟الدكاتره قعدو يضحكو عاينته ليهو طبعا شكلو غير الشكل الكنت راسماهو ليهو نائي وشكلو مألوف عندي م غريب علي نهائي قال لي مريضتي الخيالها واسع شديد عوافي ياخ و 1000 حمدلله على سلامتك ابوي قال ليهو عزبتك عزاب شديد صح قال ليهو عزاب وبس قولته ليهو انت دكتوور فارس بجد؟قال لي أيوة قولته ليهو بس انا لما وصفتك قولته لي وصفك صاح قال لي اذا انتي خيالك واسع انا اعمل ليك شنو

سكتته مسافهه اصلا شكلو دة م غريب علي ياخ الزول دة انا شوفتو وين شوفتو وين؟طبعا لونو قمحي كدة حالق الحلاقهه العاديه ومربي لحيهه ومدخل يدينو جوة جيوب اللابكوت ولابس نظارة بعدها الدكاتره طلعو وطلع وراهم ابووي بعد م طلعو ابوي قال ليهم يلا ي جماعهه انا لسه عند وعدي ليكم اي زوول فيكم يختار الحاجه العايزها وانا انشاءالله حضراان طبعا هم خمسهه دكاتره بالمرضات ودكتور التخدير 8 دكتور خالد قال ليهو ي عبدالله لا والله قبل م يخلص كلامو ابووي قال ليهو لا والله انا حلفته وم برجع في كلامي قال ليهم المهم فكروو كويس

دكتور فارس قال ليهو والله ي عمي سلامتهاوفرحتكم دي براها بالدنيا عشان كدة انا شخصيا كدة اعفيني م عايز اي شي والله ابوي قال ليهو لالا ماف طريقهه والله انا م داير اعذاار نهاائي دكتور خالد بي اسلووب هظار قال ليهو ي عبدالله دكتور فارس دة عرس ليهو شهد بس ابوي قعد يضحك قال ليهو جدا نعرسها ليهو طوالي دكتور فارس قال ليهو عريس م جاهز وم متمكن وم عندو شي على قدر حالو بتقبلو بيهو عادي بس عقد والبيت طوللي؟ ابوي قال ليهو نحن م بنفكر في الوضع المادي نحن دايرينو يكون راجل بس قعدو يضحكو

دكتوور فارس قال ليهو طيب ي عمي اعقد لي عليها طوالي وسلمني ليها دكتور خالد قال ليهم شكلو الموضوع دخل الحوش واتقلب جد ابوي قال ليهو ودة كلام بهظرو فيهو كمان بس ناخد رأي البت لو قالت موافقهه م عندي اي مانع وانا زول م عندي كلمتين وبعدين نحن حنلقى نسيب افضل منك وين خلقه واخلاق والله فجأة جات علا وروان وأروى واثار جارين ويتسابقو على الغرفه كل واحدة فيهم بتقول حتشوفني انا بالأول لما وصلو الباب دخلو كلهم مع بعض وقعدو يصرخو شهد شهد وحضنوني قولته ليهم ي سمينات كتلتوني

علا ماسكاني من وشي وبتقول لي شايفاني ي شهد اها انا منوو جات روان لزتها قالت ليها ابعد روان مسكتني من جضومي قالت لي انا منوو قولته ليهم بلا يبلاكم ي بعيدات غيرتو لي ملامح وشي الجغرافيا بمناسبهه ملامح وشي دي ناولوني مرايه اشووف وشي تقريبا سنهه كامله م شوفتو تبيان قالت لي تدفعي كم واخليك تشوفي خلقتك دي اسيل قالت لي اصلا سمتني وبقيتي كلبوظهه كدة علا قالت لي وجضوومك كبرو كمان قولته ليهم وااي دةكلو حاصل في وشي خالتي قالت ليهم ي كزاباات

روان طلعت لي مرايه من شنطتها ادتني ليها تاني شالتها تاني مدتها لي تاني شالتها قولته ليها بصرخهه ياخي ي سجم قالت لي خلاص خلاص هاك عاينته لي وشي قولته ليهم واي دة وش منو مالو وشي بقى كدة شاحب وملامحو متغيره وعاينو السواد حوالين عينو اسيل قالت لي اها ي كيم كارديشان يعني عايزة وشك يكون كيف؟ على اساس انتي من البدايه سمحه يعني امي قالت ليهم هي ي بنوت مالكم مع بتي بري والله بتي من يومها زي القمرر اسيل قالت ليها ماما لو سمحتي م تكبري للبت دي راسها تقوم تاني سلام ساي م تسلمو علينا

فجأة جو داخلين مجتبى وعمر اخوي طبعا فاجأوني قعدتهه اصرخ قولته ليهو وااي عمورتي جيت متين ياخي مشتاقهه ليك شووق حضني قال لي ياخي م بتلحقيني مشتاق ليك ي ام جضووم ضربتو قولته ليهو جضووم في عينك م شايف شكلك انت مجتبى قال لي ايوا يعني الشوق كلو لي عمر بس صح؟يعني عيونك دي م شافت غير عمر بس؟قولته ليهو معقوله ياخ على فكره انا كنت بكسر تلج لي عمر انا حضنته عمر على اساس انو دة انت وبعدها لما لقيتو عمر م حبيت احرجو عمر قال لي اه ي بياعهه يلا شكلي الحجات الجبتهم ليك كلهم حأرجع بيهم وبالزات الأيفون 7 حأرجعو

قولته ليهو لا والله بهظر وربي بهظر مجتبى قال لي حنكك حتهه لكن انا قلبي دة جدعتو جا حضني قال لي اشتقته للنقاش معاك زاتي قولته ليهو جاياك اصبر بس قعدو يضحكو اليوم كان ظريف واحلى يوم بالجد كل الناس البحبهم حوالي ومبسوطهه حد الانبساط وفي نفس الوقت كنت بفكر انا بعد م خلاص ربنا رجع لي بصري حأواجه الحقيقه كيف وكيف حأقدر اتعامل مع تسنيم عادي؟وكيف اقدر اتجاوز عمله هاشم معي ولو لقيتو قدامي حأتصرف معاهو كيف م هو انا لازم احرق قلبو اليوم التاني حوالي الساعهه 6 مساء كدة كانو قاعدين معي البنات روان وعلا بنتونس وبنضحك وكدة

فجأة جا ابوي داخل ومعاهو دكتور فارس وابوي بتونس وبضحك معاهو سااي اول م جو داخلين الدكتور قال لينا مساء الخير روان قالت ليهو ي مساءالانوار ابوي قال لي ها مزاجك رايق؟قولته ليهو لو طلعتوني من المستشفى حيكون رايق ضحك قال لي حتطلعي انشاءالله دكتور فارس قال لي في اجراءات وفحوصات بسيطه كدة حنعملها ليك وبعد يومين بالكتير حنخرجك قولته ليهو تاني فحوصات وتاني يومين كمان روان وعلا قعدو يتكلمو مع بعض بسوط واطي وانا سامعاهم بتوسو ابوي جاتو مكالمهه طلع بره خلى الدكتور واقف علا قالت لي شهد الدكتور دة شكلو م غريب علي نهائي

روان قالت لي وانا بعد قولته ليهم وانا كمان عندي احساس اني شوفتو بس وين الله اعلم علا بقت تقول شوفتو وين شوفتو وين ي ربي فجأة صرخت وقالت لي الكمساري؟قولته ليها الكمساري؟؟؟قالت لي تتزكري الكمساري الاتشاكلتي معاهو قبل كم فتره في المواصلات وربي دة هو ولا بشبهو م عارفه بس الفرق دة عندو لحيه وداك م عندو روان قالت لي مش هو طلع بقرا طب تتزكرو؟قولته ليهم ايوا واله اتزكرتو ياهو زاتو وربي ياهو روان قالت لي لكن م بقى فظيع معقولهه دة هو؟علا مجنونه طبعا قالت لينا دقيقه نقطع الشك باليقين عايزةتتكلم معاهو كدة بس قفلته ليها خشمها

علا قالت لي واي لكن اتغير شديد قولته ليهم الحيوان التافه بعد م هم طلعو فضلته ماسكهه ايفوني الجابو لي عمر بس دكتور فارس جا قال لي استخدام التلفون الكتير م في صالحك سكتته ساي خليتو قال لي جادي معاك انا قولته ليهو عارفه قال لي اها تمام طيب قولته ليهو ممكن سؤال تجاوبني عليهو بصراحهه؟قال لي جدا اتفضلي قولته ليهو انت كنت كمساري صح قال لي ايوة من غير ترردد طبعا بعدها سكتته نفسي قفلت منوو طبعا الحيوان متزكره حركاتو معي بعد يومين جا اليوم المفروض يخرجوني فيهو دكتور خالد قال لي تاني م عايزين نشوفك هنا الا زيارهه

قولته اصلا تاني م جاياكم قال لي خلاص نشووفك في العرس طيب قولته ليهو عرس منوو؟قال لي عرسك طبعا ابووي قال لي طبعا ي شهد دكتور فارس دة خطبك مني وانا قولته ليهو م عندي مشكلهه اذا هي موافقهه وضربو في كتفو قولته ليهو احلف بس ي بابا قعدو اضحكو بعدها خرجوني ومشيت بيتنا طبعا زيادة على دااك بقيت مدلعهه زيادة بعد اسبوعين من جوطهه الناس وزياراتهم والضبايح الضبحها ابوي اخييرا ارتحتهه

قاعدين نتونس كلنا مع بعض كدة امي اتصلت عليها خالتي سامعاها بتقول ليها خير ي زوله ربنا يتم ليها على خير انشاءالله ي رب وانشاءالله سعد البنات كلهن زيها بعد قفلت اسيل قالت ليها خير انشاءالله؟قالت ليها تسنيم بت خالتك دي قال حددو عرسها بعد شهرين ووبعد تلاته اسابيع قالو الشيله اسيل قالت ليها ماشاءالله والله طبعا انا اتمغصته واتوجعتهه وجعه واتغظتهه لمن دايره ابكي بس قولته اصلا م ببكي عمر قال ليها ربنا يتمم ليها على خير غريبه م كلمتني ابوي قال لي امي شهد بتك زاتها اتقدم ليها الدكتور بتاعها

امي قالت ليهو اي دكتور؟قال ليهو دكتور فارس الكان متابع حالتها امي قالت ليهو وشهد قالت شنوو؟ عمر قال ليهم عرس شنوو لي شهد كمان عرسو لي اسيل البايره دي اوول اسيل قالت ليهو بايره بي بفهم ابوي قال لي امي شهد م اخدنا رايها لكن الولد محترم وم فيهو كلام والله لكن لسه م كون نفسوو بدري عليهو وعلى قدر حالو امي قالت ليهو بري دة نعمل بيهو شنو الما كون نفسو دة لا دايرنو لا شي مالنا بنجدع بتنا ساي كدة شهد دي دايرين ليها زول قادر زي خطيب بت خالتها تسنيم راايق وماشاءالله عليهو طبعا كلام امي دة غاظني لدرجهه

قولته ليها بس ي امي انا موافقهه وم عندي مشكلهه في وضعو ابوي اتخلع طبعا م متوقعني اوافق قال لي بتتكلمي جد ي بت؟قولته ليهو ايوة ي ابوي موافقهه والله جادة أنا امي قالت ليهو جادة شنوو ي عبدالله دي مجنونه ساي ابوي قال لي الولد دة كان وااضح معي هو ي داب بكون في نفسو وانا وعدتو قولته ليهو علي الطلاق لو البت دي وافقت انا بعقد ليك عليها وبسلمها ليك واسي انتي لو موافقه انا عند كلمتي والله قولته ليهو والله ي ابوي موافقهه عديل كدة وم عندي مشكله انا مجتبى قال ليهم شهد وانا بعرفها بكره تغير رايها

قولته ليهو وربي م اغير رأي واسي دة ي ابووي اضرب ليهو ووريهو اني موافقه ولو بكره عايزين تعقدو اعقدو عمر قال لي بووره مبكره يلا حاج م تتراجع عن كلمتك اعقد طوالي امي هااجت وبقت تشاكل وبتقول لي عرس شنو ليك دايره تتبشتني ووتتجهجهي مجنونه انتي تلاته يوم امي بتشاكل ابوي قال ليها يا سوسن انتي لما عرستيني انا كنت كدة؟لا طبعا عرسنا كان بسيط والله فتحها علينا قالت ليهو لكن شهد م زي وحتى تربيتها م زي وانت عارفها مدلعه وطبعها مخروب ابوي قال ليها مش هي بتك؟معناها حتبقى زيك وبعدين الولد راجل ومدين واخلاقو عاليه جدا ياخ

عمر قال ليهو بس دة المطلوب ي ابوي وبعدين ي حاجهه لاحظي انو الحاج دة حلف طلاق يعني لو اتهورتي وم وافقتي الطلقه دي بتقع الموهم امي اتناقشت مع ابوي وشاكلت وانا حالفهه م أغير رااي بس دايراهو ابوي في النهايه قال ليها ي سوسن عجبك او لا انا الجمعهه الجايه بعقد ليها عليهو ترضي او تأبي وبالفعل ابوي كان جادي وكلم اهلي كلهم قال ليهم بعقد ليها وموديها بيتها طوالي يوم الجمعه جوني اروى روان وعلا واثار طبعا اسبوع كامل يشاكلو فيني قالوو لي اخر الزمن توافقي بالكمساري طبعا انا م رديت ولا على زول فيهم

ناس ابوي مشو الصلاة قبل العقد روان قعدت تتكلم معي قالت لي شهد انا عارفه انو انتي عايزة تعملي كدة لشنوو؟علشان عايزة تحرقي قلب هاشم وعلشان عايزة تثبتي ليهو انو هو م فارق معاك بس ي شهد دي لحظات زعل بس اسيل قالت لي وبعدين انتي م اول واحدة تتشلبي ولا اخر واحدة تتشوكش الموضوع عادي علا قالت لي هاشم شنو البتعرسي عشانو ها دوسي على ابو اهلو زاتهم بالجزمهه بس كونك تدمري حياتك علشانو دة م حل وبعدين تعرسي الكمساري ي شهد واي م استخرتي

اثار قالت لي شهد تتزكري لمن كنت بتقولي لينا انا عرسي حيطلع عالمي وكيف حيكون تصميم فستانك وكيف حتدخلي الصاله واغنيه الاسلو بتاعتك حتكون بمنوو؟روان قالت لي وكمان الجرتك بعد والأوت دور نسيتي كل تخطيطاتك دي؟علا قالت لي وبعدين ي شهد الزول دة اهلو وين وافقتي عليهو من غير م تعرفي اصلو ولا فصلو طبعا خالو عبدالله ببالغ روان قالت لي بالجد وين اهلو؟ اسيل قالت ليهم خلوها دي مجنونهه سااي

قولته ليهم بالظبط كدة وبعدين دي حياتي وانا حره فيها عايزاهو بقناعهه كدة تمام عشان كدة انبسطو معي م تنكدو علي كفايه امي وبعدين هاشم دة انا م عايزة اسمع سيرتو نهائي ودموعي جات جاريهه بقت في حاله صمت كدة غريبه وكلنا بنبكي انا ببكي م عارفه البعمل فيهو دة صح ولا غلط كل البعرفو انو عايزة احرق قلب هاشم م عايزاهو يشوفني قدامو مهزوزة ومكسوورة وم عايزة تستنيم تنبسط وتفتكر انها اخدتو مني وكسرتني عايزة اثبت ليهو انو هو م بفرق معي وبالنسبه لي صفر على الشمال لأنو م أنا البتكسر قاعدين كدة جى مجتبى داخل قال لي ي عروس

ابوي جى داخل وراهو قال لي عقدنا...

...