الفصل السادس عشر

بعد م فارس طلع مشيت رقدتهه وقعدتهه ابكي وكل م اتزكر كلامو وهو بحكي لي في القصهه ببكي زيادة قلبي وجعني كأنها حصلت امس وقدام ا

عيوني كمان يعني بجد اتعزب واتظلم وعاااانى وكان بإمكانو ينحرف ويطلع طااايش زي الشباب البطلعو يخلو بيوتهم ديل

❖

في بيت ناس خالتي تسنيم كانت بتتشاكل مع هاااشم قالت ليهو ي هاااشم انا بقيت م فاااهماك م عااارفاااك مالك تصرفاتك الفتره دي غريبه وفي اقل شي بتزعل وبتدق جرس قال ليها م انا البزعل من اقل شي ي بت الناس بس انتي م ملاحظهه لي نفسك بتحبي النكد كيف؟مستحيل يعدي اسبوووع م تخلقي ليك فيهو مشكلهه

كل شويه متصله علي واسألتك كتيره وم بتخلص هاشم انت وين وقاعد مع منو وصوت البنات دة شنوو؟قالت ليهو يعني عايز تقول لي انو انا مضايقاك ومنكدة عليك افهم كدة يعني؟قال ليها افهميها زي م تفهميها ي تسنيم لأني مليت وفترته من التبريرات انتي م عندك ثقهه فيني والعلاقهه المافيها ثقهه معناها ماف داعي لوجودها من الأساس قالت ليهو في لحظهه زعل طيب خلينا نبعد عن بعض ونأجل العرس شويه لمن نتفاهم قال ليها طيب تمام كدة افضل زاتو (طبعا هي قالت الكلام دة ومتوقعاهو يحنسها ويقول ليها لا ي تسنيم منأجل العرس وكذا

..)قالت ليهو يعني عايزنا نأجل العرس بجد ي هاااشم؟قال ليها دة كلامك انا م جايبو من عندي بس دة اسلم حل لأنو مشااااكلنا الفتره دي زااادت واذا استمرينا بالطريقهه دي حنخسر بعض قالت ليهو معناها انت من الاساس م كنت عايزني وم كنت عايز تخطبني قال ليها لو م كنت عايزك م كنت خليت بت خالتك وجيت خطبتك قالت ليهو شايف؟ في اي شي مدخل شهد شهد مشكلتك كلها شهد ي هاشم

قال ليهاشااايفهه انتي فهمك كلوو غلط عشان كدة م حأتناقش معاك وافضل شي نأجل العرس كم شهر قدام م معروف لمتين بس الموهم نأجلو لمن تعرفي تفكري صح تمام وعلى فكره على الأقل شهد م كانت بتنكد على وكانت بتفهمني يلا سلام وقفل الخط في وشها بعد م قفل قعدت تبكي وتصرخ وجدعت تلفونها ضربت بيهو الحيطهه هاشم بعد قفل قال ي ربي انا دة شنوو العملتو دة؟ودي شنو الوقعهه الوقعتها مع البت دي؟؟...

تبيان قاعدة في غرفتها مكتئبهه وحالتها حااالهه فجأة تلفونها اتصل اول م ردت المتصل قال ليها: فاضيه؟سكتت مسافهه قالت ليهو Soory??قال ليها سالتك انا فاضيه انتي؟قالت ليهو منو معي؟قال ليها اوووف ااااه ي قاااسيه ي خاينه العشره معقوله م عرفتيني؟قالت ليهو لأ قفلت الخط تاني اتصل عليها قال ليها طيب م عرفتي صوتي؟قالت ليهو بطل ثقاله قولته ليك م بعرفك انت م بتفهم؟قال ليها طيب اطلعي بالبلكونه خمسه دقايق قالت ليهو لا معليش م طالعهه قال ليها ياخي بطلي هبل اطلعي قالت ليهو هبل يعني انا هبلهه قصدك

طوالي نزلت من السرير قالت الليله الا اشوف الحيوان دة منو وجاب رقمي من وين لمن بستظرف معي كدة طلعت البلكونه عااينت يمين قال ليها عايني شمالك انا واقف تحت مباشره قالت ليهو بتتظارف يعني؟ماف زول واقف غير العربات دي طوالي المتصل نزل من العربيه ووقف ورفع ليها يدو وبضحك قالت ليهو مجتبى ي حيوان ياخي سليت روحي الله يخرب بيتك قعد يضحك قال ليها اعصابك اعصاابك م تقعي من فوق من الزعل قالت ليهو انتظر بس جاياااك الليله م بخليك لبسته توبها وشبشب البيت ونزلت ليهو اول م وصلت ضربتو قالت ليهو ي غيااظ ي حيوان وحات الله قطعته قلبي

قعد يضحك قال ليها الزول م بجيبك الا كدة ي سمينهه قالت ليهو سمينه في عينك ي متخلف قال ليها ارح اركبي طيب قالت ليهو ارح وين انا راجعهه بيتنا انت اتفضل اشرب ليك حاجهه قال ليهو شنو ارح وين والله صحيت من الصباح نفسي في بيتزا بس م لقيت لي زول اسوقو يمشي ياكل معي قولته اجي اسوق السجم الجنها اكل دي قالت ليهو ي سلااام العرض مغري والله لكن م بقدر امشي امي ماف قال ليها ياخ مش خالتي اسي انا بتصل عليها م حنك فتح ليها الباب قالت ليهو امشي كدة؟بي تووب وشبشب حمام؟انت م جادي خليني ارجع اغير ملابسي طيب قال ليها ياخ انتي الشايفك منو؟

ارح ساااي م تحاولي تقنعيني انو الناس بتشاغلك وكدة اطلعي لي من الجو دة بالله قالت ليهو حيوان خلاص وركبت قالت ليهو اسي الناس يقولو علي شنوو جايه محل البيتزا بي توب وشبشب حمام؟مجتبى قال ليها م مشكله يقولو خالط الحبشيه كدة قالت ليهو حبشيه في عينك ي كلب وقعدت تنكش ليهو في شعرو (طبعا مجتبى نقطه ضعفو زول يهبش ليهو شعرو 24 ساعهه بكون واقف في المرايه عشان يرتب شعرو انا زاتي احيانا بقول ليهو شعرك ي تبو مرتب من حياتي)مجتى بقى يقول ليها تبيان ياخي اقعدي ساي لمي يدك من شعري

وهي بتقول ليهو ابيت تاني تغيظني؟هو ساايق بقول ليها تبيان الله يهديك؟قالت ليهو خلاص بس قول لي اسف بخليك قال ليها انا سايق حنعمل حادث؟قالت ليهو قووول ااسف قال ليها غلطان انا الجيت سوقتك الموهم انا اسف ي سمينهه قالت ليهو حيوان اها شوف السمينه دي حتعمل شنوو نكشت ليهو شعرو بالمره ...

في المستشفى فارس قال لي فااادي وين معتصم اسي؟فادي قال ليهو مسكتو الشرطه في السجن اسي فارس قال ليهو تمام احكي لي الحصل شنوو بالظبط؟فادي قال ليهو والله ي فارس انا زاتي م عارف الحصل شنوو مزن جات قالت ليهو تعال انا بحكي ليك الحصل

)معتصم ليهو فتره بقول لي هند الا تقولي لي ابووووك دايره قروش لأنو انا وضعي المادي م كويس ومطااالب ديون وم عندي قروش وشال منهادهبها كلوو طبعا هند قالت ليهو م بشيل من ابوي قروش مش انت راجل مالك م بتعرف تطلع قروش من عرق جبينك؟طول عمرك حتفضل عايش تحت خير ابوي كدة لمتين؟وبكره انا راجياني ولادة ومحتاجهه تجهيزات البيبي من اسي بديت أجهز وادينته من امي قروش م بقدر اشيل ليك قروش من ابوي ولا شي اتصرف برااك قال ليها نتي دايراني اتسجن يعني؟قالت ليهو اتسجن السجن زاااتو حق الرجال

بعد كلامها دة قعد يشااكل ويضرب فيها الكلام دة حصل قبل اسبووووع وهند حكت لي لأنهام بتخبي علي شي حكت لي كل الحصل دة حتى انا مشيت ليها عشان اسوقها اجيبها بيتنا ابت تجي معي قولته عايزة اكلم ابوي وامي واتشاكل مع معتصم حلفتني م اكلم زول ولا اتكلم معاهو قعدته معاها خمسهه يوم بعدها رجعتهه بيتنا

وفي نفس اليوم الرجعته فيهو بيتنا حوالي الساعهه 12 كدة قاعدة بتكلم مع ابوي كنت عايزة احكي ليهو عن الحاصل مع هند بس م قادره عليهو كنت خايفهه ضغطو يرتفع سااي قولته ليهو بابا هند دي حامل والحمل براها صعب عليها خصوصا انو دة اول بيبي ليها رايك شنوو نجيبها تكمل باقي حملها هنا وبالمره نخلي بالنا منها عشان هي تعبانهه بجد قال لي فكره والله لكن تخلي راجلها لمنوو؟خليها تقعد لمن تدخل في السابع جيبوها تقعد هنا طبعا ابوي م عارف الحاصل عليها والعذاب والشقاوة الهي عايشاهم بس فجأة تلفونو اتصل قولته ليهو دة منو البتصل عليك الساعهه 12 دة

ابوي بتخلط نص الليل امي م شايفهه شغلها الا احرشها ليك رفع لي التلفون قال لي اسي كان طرينا خزنه م كان لقيناها دي اختك هند مالها ي ربي ضاربه النص الليل كدة؟قولته ليهو دقيقه دقيقه فتحته الخط وفتحته السماعهه الخارجيه قولته ليهو دايره اسمع الشمار شنوو فتحت الخط ساااامعين صووووت صراااااخ هند وهي بتقول ليهو اللحقني ي ابوووي داير يكتلني ي ابووي طبعا ابووي فجأة بقى يرجف وبقول ليها في شنوو ي بت مالك؟وهند بتصرخ وبتقول ليهو والله م افتح ليك الباب اي انت السرقته قروش ابوي وفارس اخوي اتسجن ظلم ي سكااري انا متحملاك كل الوقت دة

وابوي كان بسمع في صوت ضرب الباب طاخ وفجأة سمع هند بتصرخ وبتقول وااااي ولدي كتل لي ولدي ي ابووووي اللحقني وسااامع معتصم بقول ليها والله اكتلك واكسسر راسك دة ي حيوانه عامله فيها م بتسمعي الكلام وهند بتصرخ بأعلى صوتها وبتقول ليهو اللحقني ي ابوووي اللحقني ولدي مات فجأة ابوووي التلفون وقع من يدو مسكتو قولته ليهو ابوووي وقعدتهه اصرخ فادي قال ليهو انا جيت لقيت ابوووي حالتو صعبه شديد شلتو جبتو المستشغى ومحمد وامي مشو لحقو هند

مزن قالت ليهو طبعا حالتها اللقيناها فيها كانت م بتهوون حتى على الكاافر ضاربها بي عصااايه العسااكر م مخلي جزؤ في جسمها سليم حتى في بطنها ضاربها لقيناها قرقااانهه في الدم، ولسسه كان عندو نفس يضربها لو م نحن جينا وضربنا لي ناس 999 جو ساقوهو بس محمد م قصر منو ضربو ضرب لمن خلاهو يطلع دم بي مناخرو فارس بعد الكلام دة بقى ماشي وجاي قال ليهم لسه م طلعوهو من السجن صح؟قالو ليهو لأ بعد شويه قالو ليهم اختكم دي فتحت فارس جرى على غرفتها اول م شافتو قعدت تبكي وتبكي وهو ببكي كلهم بقو قاعدين يبكو بقت تقول ليهو كتل لي ولدي ي فارس

اربعهه سنه انا م كنت بطلب من ربنا غير انو يرزقني ولد واسي مات بسبب الحيوان دة الله ينتقم منوو انا دايره ولدي مززن مسكتها قالت ليها هند اصبري واستغفري وقعدت تبكي فيها قالت ليها مزن مش نحن كنا بنجهز ليهو؟قبل كم يوم مشينا جبنا ليهو تجهيزاتو فارس طلع من الغرفه بقى م قادر يشوووف منظر اختو وهي بالحالهه دي ..

انا في البيت جاتني غفوة نص ساعهه كدة صحيت مخلوعهه طبعا كنت بهلوس وخاته في بالي انو فارس حصلت ليهو حاجهه صحيت فتحته تلفوني اتوقعته انو اللقى مكالمات منوو بس م لقيت لقيت مكالمات كتيره من روان واسيل طوالي اتصلته على اسيل قالت لي ي حيوانهه بتصل عليك من الصباح راجعهه لي الساعهه 11 ونص باليل؟قولته ليها معليش م كنت في البيت والله

قالت لي كنتي وين وجادعهه تلفونك وين؟انتي عارفه عرسي فضل ليهو اقل من تلاتهه اسااابيع؟والمفروض من بكره امشي اشتري الشيله وانتي ولا على بالك اها بكره شيلي شنطتك وتعالي لازم نشتري الشيله الاسبوع دة عشان اتحبس قولته ليها بكره م بقدر والله لأنو ابو فارس واختو في المستشفى قالت لي بإستغراب ابو فارس واختو؟هو فارس دة عندو اهل يعني م مقطوع من شجرة؟قولته ليها تخيلي عندو اسره وكبيره ومعروووفهه كمان؟وقعدته حكيت ليها القصهه كولها من الألف للياء طبعا بقت ساااكته وم عارفه تقول لي شنوو قالت لي شهد بجد م عارفه اقول ليك شنوو انا اتصدمتهه

قولته ليها انا مصدووومهه اكتر منك والله فاارس لو شوفتيهو حالتو حااالهه ملهوووف وخايف على اهلو بصووره خياليه قالت لي واااي لكن موبالغهه ي شهد طلعت ليك نسيبه وحموات قولته ليها دة م وقت ظرافتك يلا قالت لي انتظري هم في اي مستشفى؟قولته ليها في مستشفى...قالت لي تمام طيب بعد م قفلته منها اتصلته على فاارس م ردة علي اتصلته عليهو كم مكالمه م ردة اتجبرته انوم برااي صحيت الصباح جهزتهه ومشيت المستشفى

في المستشفى فاااررس قال لي فااادي ارح للزول دة في السجن؟فادي قال ليهو لشنوو؟قال ليهو نتفااااهم معاهو بس ارح مسكو من يدو وقامو طالعين محمد جا لاحقهم قال ليهم ماشين وين؟فارس قال ليهو راجعين انت خليك هنا تمام؟قال ليهم تمام طلعو مشو السجن دخلو لقو ضابط في السجن بعرفوهو سلمو عليهو فادي قال ليهو عمي عباس اخبارك شنو ياخ طولته مننا الضابط قال ليهم والله تقولو شنو ي اولادي الحكومهه م مخلياني محل واحد كل فتره محولني ولايهه جديدة خير انشاءالله ي شباب الجايبكم هنا شنوو؟قالو ليهو والله عندنا حساب مع زول كدة بس جاين نصفيهو

ضحك قال ليهم حساب شنوو؟خير انشاءالله ي رب كدة تعالو دخلو جوة قالو للضابط عايزين نشووف معتصم قال ليهم زي الزمن دة م عندنا زياره والله فادي عاين للضابط الاسمو عباس دة نظام اتكلم معاهو يدخلنا وكدة طوالي الضابط عباس مسكو وساقو بعيد اتكلم معاهو جا قال ليهم اتفضلو طيب فادي قال ليهو شكرا طبعا فارس دة قاااعد على اعصاابو خشمو م فتحو اول م دخلوهم معتصم لما شافهم زاتو اتخلع فارس اول م دخل وقع فيهو ضرب بقى يضرب فيهو ويضرب فيهو فااادي في البدايه مسكو قال ليهو فارس انت مجنون؟فارس لزاهو قال ليهو وقسمابالله ي فادي تمسكني بضربك معااهو

فادي لما شاف فارس منفعل شديد هو زاااتو بقى يضرب معاهو بقى فارس يضرب وفادي يضرب ومعتصم يصرخ ي عسكري اللحقني دايرين يكتلوني وينك ي جنابو فادي قال ليهو جنااابو ي مره؟اسي الضرب بقى ليك حار؟طيب وين كان احساسك دة لما كنت بتضرب في مرتك؟وين كان احساسك لما كتلته ولدك؟وريني؟عزبته لي اختي لكن الليله انا بوريك العزاب الألله خلقو ي حيوان عشان تاني يدك دي م ترفعها تضرب بيها مره واختي تسلمني قسيمتها ي كلب فاااااهم ولا م فاهم؟هم بقو بضربو فيهو وبره الضابط عباس بقول للضابط الحارس اصبر اصبر دي تصفيه حساب عاااديه الزول دة خواف ساااي بعيط زي دة

فضلو يضربو فيهو اكتر من تلت ساااعهه تقريبا لمن بقى يصرخ بأعلى صوتو بعدها العساااكر جو مسكوهم وطلعوهم بره الضابط قال ليهم بسجنهم فارس قال ليهو بعد كدة اعمل الدايرو تمام وطلع مشى

انا وصلته المستشفى لقيت فااارس ماف بس اتفاجأته ليك بي امي وابوي واسيل في المستشفى خلعوني طبعا اسيل الكلمتهم ابوي قال لي ليه من اول امس م كلمتينا ولا اتصلتي علينا؟قولته ليهو تلفوني م كان معي كان في البيت جات مزن سلمت عليهم وقالت ليهم انا اخت فارس الصغيره ابوي قال ليها ماشاءالله ربنا يحفظك بعدها دخلنا على ابو فارس سلمنا عليهو ابوي قال ليهو عوافيكم انشاءالله ي رب م كنا عارفين والله سمعنا امس نص الليل ام فارس قالت ليهو تسلم تسلم الله يديك العافيه مزن قالت ليهو بابا دة والد شهد زوجه فارس وامها واخوانها

ودة ابوي طبعا ي عمو ودي امي قعدو مسافهه اتونسو وكدة بعدها طلعو مشو لي هند حمدلو ليها السلامه وفضلو قاعدين معاها انا طلعته بره وقفته وبقيت اتلفت م شايفهه فارس وانا مقلقه عليهو جا محمد قولته ليهو فارس وين؟قال لي فارس دة والله طلع مع فادي اسي لكن م عارفهم مشو وين واقفه وبتونس معاهو كدة جو داخلين فارس وفااادي مع بعض طبعا من بعيد ماشين م طبيعين خالص اكيد عاملين مصيبهه لما وصلو شكلهم مغسلين وشوهم وروسينهم زي الزول الطالع من الحمام ي دووب

محمد قال ليهم كنتو وين انتوو؟قولته لي فارس مبلولين كدة في مطره بره؟فارس قال لي لأ صباح الخير قولته ليهو صباح النوور قال لي نمتي كيف امس م قدرتهه اجي راجع البيت قولته ليهو بالي كان مشغوول عليك بس طول الليل م قدرته انوم كنت بفكر فيك قعد يعااااين لي مساااااافهه بعدها مسح وشو بي يديهو قال لي تعالي مسكني من يدي قال لي هند صحت؟قولته ليهو صاحيه وقاعدين معاها ناس امي قال لي عمي وعمتي جو؟الكلمهم منوو؟قولته ليهو اسيل كلمتهم دخلنا الغرفه سلم

عليهم شويه كدة فااارس قال ليهم تعالو نمشي الكفتريا ي جماعهه نفطر ونشرب الشاي بالمره امي قالت ليهو نحن جبنا فطووورجاااهز ي ولدي م محتاج نمشي الكفتريا محمد قال ليهم طيب تمام احلى شي نشيل فطورنا ونمشي الكفتريا نفطر قولته ليهم طيب انتو امشو افطرو وخلوني انا مع هند بفطرها انا مزن واسيل قالو لي نحن زاتنا حنقعد معاك طيب طلعو مشو اول م طلعو فارس اتصل علي قال لي حبيبتي م تنسي تفطري فهمتي لأنو من اول امس م اكلتي حاجه قولته ليهو حاااضر وانت كمان قال لي انا حأفطر بس لما اتأكد اووول انو انتي فطرتي

طبعا اسيل دي مجنونه ونسه وضحك قعدت توني ليك في مزن وهند وتضحك فيهم ياخي للحظه حسيت هند نست الحصل معاها لما شوفتها بتضحك عدت اسبوعين وطبعا في الاسبوعين ديل كل يوووم ماشين وجاين في المستشفى بعد الاسبوعين ديل خرجوهم طبعا ابو فارس دةكان المفروض يخرجوهو من الاسبوع الأول بس كانو خايفين من جلطه اليد يووم الخرجوهم مشينا وصلناهم البيت طبعا بيتهم كبيير وفظييييع يعني البشوف المكان والبيت الكان عايش فيهو فارس م بقول ديل اهلو خالص وصلناهم الساعهه 10 صباحا كدة وقمنا طالعين

امو قالت ليهو ي ولدي م تقعد تبيت دة م بيتك مالك ماشي طوالي زي المطرود قال ليها والله ي امي م بقدر عندي شغل في المستشفى لازم امشي البيت ارتاح شويه واطلع الدوام قالت ليهو حيييي ي ولدي طيب خلي مرتك هنا قولته ليها بخلعهه كدة ملابسو م جاهزة لازم امشي اكويها ليهو وكدة فارس طوالي عااين لي وابتسم قالت لينا ايواا طيب جات مزن قالت ليهو فارس حتمشي تاني؟ قال ليها بجيكم انشاءالله قالت ليهو انت كزاب قال ليها وربي م كزاب بزوركم كل يوم انشاءالله

قالت ليهو طيب وشهد حتخليها تجي؟قال ليها شهد انا م ماسكها في زمن عايزة تجيكم تجي اسي لو عايزنها خلوها معاكم طوالي حمرته ليهو فتحت لي اسنانو وعمل لي كدة قال لي طيب دقيقه اكلم الحاج دة واشوف هند بالمره قبل م اطلع طلع فوق وجا نازل قال لي يلا ودعتهم وطلعتهه مزن دي مشت معانا لحدي الباب شغاله تقول لي شهد حلفتك تعالينا وجيبي معاك اختك العسل ديك قولته ليها حاضر جا فااادي قال لي فارس انتظر اداهو مفتاح العربيه قال ليهو امشي بيها وبجي بشيلها منك بكره فارس قال ليهو لا م بشيلها والله

فادي حلفو كداا فارس حلف م يشيلها فادي قال ليهو طيب اركب اوصلكم برضو قول م ماشي ركبنا وصلنا بيتنا ورجع وصلنا حوالي الساعهه 12 كدة فاارس كان متضااايق وانا حسيت بيهو كان مخنوووق لأنو رجع دخل البيت الاتظلم فيهو داك لأنو لما دخل اتزكر الحصل من اوول وجديد بس هو م كان عايز يتكلم وانا م حبيت تاني افتح الموضوع واسألو واتضايقو قولته ليهو انت ارتاح وانا حأعمل لينا حاجه ناكلها، قال لي تمام دخل الغرفه وانا دخلته المطبخ عملته لينا بطاطس وبيض وجبنه وزيتون وخلطتهه العصير وانا جعانهه

جهزتو وختيتهم في طربيزة المطبخ وطلعته مشيت ناديتو كدة م ردة علي فتحته باب الغرفه لقيتو استحمه وغير ملابسوو ونااااااام حنيت على حالتو بجد نااااايم كأنو زوول ميت من شدة الارهاااق في فترة الاسبوعين دي كل الوقت ماشي وجاي ولا بلحق ينوم حتى دخلته استحميت وطلعته والله لما شوفتو ناااايم الجووووعه زاتها طارت من بالي جيت رقدتهه جنبو وقعدتهه بس اعاااين ليهو ختيت راسي في كتفووو ونمتتتتته انا زاتي نايمين من السااعهه 12 م صحينا الا الساااعهه 5 مساء فتحته عيوني لقيتو لسسه نايم وخاتي يدو في راسي نزلتها من راسي وقربتهه منو براااحهه وبوستو بوسه خفيفه وربي

ياخي شكلو يخليك تعمل اي شي اها مع البوسه دي كانت الوقعهه السودة هنا هو طوالي فتح عيونو طبعا انا مخلوعهه وبعاين ليهو (طبعا الزول العامل عمله دة شكلو معروف)عاين لي قال لي الساعهه كم اسي؟قولته ليهو 5 قال لي مالك مخلوعهه كدة؟_وبعاين لي قولته ليهو ماف شي وحكيت راسي قال لي عيني في عينك كدة؟وبقى يقرب مني؟ قولته ليهو فارس ياخ وربي ماف شي قال لي وشك وش زول عامل عمله وخايف قولته ليهو اعنل شنوو يعني افجر فيك البيت دة مثلا رفع لي حاجبو قال لي يمكن قولته ليهو انا زاتي نازله يلا ماشهه أكل،

مسكني قال لي يعني م اكلتي مش قولتي جعانهه قبيل؟قولته ليهو بس انت كنت نااايم أكل كيف قال لي دقيقه دقيقه انتي م اكلتي عشان انا كنت نايم؟قولته ليهو ايوة قال لي يعني م بتاكلي من غيري؟ قولته ليهو م كدة ياخ بس قال لي بس شنوو قولي وبرجع لي في شعري لي ورا قولته ليهو م انت كنت نايم ياخ حيكون بس شنوو قعد يضحك قال لي بس دة كل السبب طيب تعالي مسكني من يدي وطلعنا مشينا على المطبخ طبعا الأكل مرصوص جاهز

قعدنا ناكل في نص الأكل قال لي على فكره انا عارفك عملتي شنوو؟طبعا اتخنقته عااد اودي وشي وين الأكل بقى واقف في حلقي لا قادره ابلعو لا قادره اطلعو اداني كبايه المويه وهو بضحك قال لي مالك؟قولته ليهو العصير في التلاجهه عايزة اطلعو مشيت فتحته التلاجه شلته جك العصير قام على حيلو وجا قف جنبي وقفل باب التلاجه قال لي انتي مالك بتتهربي مني؟قولته ليهو انا خالص والله وضربات قلبي ماشه تزيد قال لي طيب نحن متزوجين ولا م متزوجين؟قولته ليهو متزوجين

قال لي طيب انتي شايفه نحن بنعمل في شي غلط؟قولته ليهو انا متين قولته كدة؟قال لي طيب قولي لي عملتي شنو وانا نايم؟ طبعا خلااااص اتلخبطتهه بقيت م عارفه اقول ليهو شنوو قال لي بوستيني ولا لأ وهوببتسم؟من الخلعهه قولته ليهو كانت خفيفه وربي قعد يضضضحك قال لي يعني عملتيها؟ بقيت ساكته ساي قرب مني قال لي قولتي لي خفيفهه قولته ليهو فارس وربي انت حيوان بششكل يعني كنت صااحي؟ قال لي لأ بس صحيت بيها احساس بس تخيلي بقيت سااااكته ساااي وماسكهه جك العصير ومنزله راسي تحت

حضني وهو بضحك قال لي وكمان بتخجلي الخجل يخلوهو ليك على فكره دوور الشريره م جاي عليك عاينته ليهو وقولته ليهو انا متين كنت شريره؟ تاني رجع ضماني قال لي ماف داعي ازكرك ياخ خلينا كدة حلوين فضل ضاميني مسااافه بعدها قال لي دة شنوو الشي البارد الفي بطني دة؟قولته ليهو دة جك العصير ضربني في راسي قال لي مجنونهه بجد ...

استغفر الله ي ربي تغفر لي

...